გამოცდაზე

სომხეთში აბიტურიენტებმა სამის ნაცვლად შეიძლება ერთი გამოცდა ჩააბარონ

44
(განახლებულია 17:49 24.06.2020)
ამ გადაწყვეტილების მიზანი დაავადების რისკის მინიმუმამდე დაყვანაა. ასეთივე წესის დამტკიცება უნდათ მომავალში ყველა შესაძლო საგანგებო მდგომარეობისთვის

თბილისი, 24 ივნისი — Sputnik. უმაღლეს სასწავლებლებში შემსვლელთათვის წესები მარტივდება - წელს აბიტურიენტები სამის ნაცვლად ერთი გამოცდის ჩაბარებას შეძლებენ, იუწყება „Sputnik-სომხეთი".

შესაბამის კანონში სათანადო ცვლილებების პროექტი პარლამენტის სხდომაზე განათლების, მეცნიერების, კულტურისა და სპორტის მინისტრმა არაიკ არუთუნიანმა წარადგინა.

მინისტრის განცხადებით, უწყებამ მისაღებ გამოცდებზე პროცედურების შემცირება გადაწყვიტა, რათა მაქსიმალურად იქნას თავიდან აცილებული კორონავირუსით ინფიცირების რისკები. ამიტომ ტრადიციული ორი ან სამი გამოცდიდან პროფილურ დისციპლინებში დარჩება ერთი. რომელი იქნება ეს დისციპლინა, ამას უმაღლესი სასწავლებელი თითოეული კონკრეტული სპეციალობისთვის განსაზღვრავს.

ასევე, სამინისტროს სურს, რომ ასეთი წესი დაამკვიდროს არა მხოლოდ ამჟამინდელი კორონავირუსის პანდემიის დროს, არამედ მომავალში ნებისმიერი საგანგებო მდგომარეობის რეჟიმში.

განახლდება თუ არა უმაღლეს სასწავლებლებში სწავლა ჩვეულებრივ რეჟიმში, ამასთან დაკავშირებით გადაწყვეტილება ჯერჯერობით არ მიუღიათ, აღნიშნა მინისტრმა. ეს საკითხი, სხვა საკითხების მსგავსად, დამოუკიდებული იქნება მოქალაქეების პასუხისმგებლიან საქციელზე, აღნიშნა არუთუნიანმა.

ქვეყანაში უმაღლეს სასწავლებლებსა და სკოლებში სწავლა მარტის შუა რიცხვებიდან დისტანციურ რეჟიმზე გადავიდა. გაუქმდა გამოსაშვები გამოცდები და ბოლო ზარი.

44
თემები:
მსოფლიო დღეს (1845)
ექიმები კორონავირუსით ინფიცირებულ პაციენტთან

აშშ-ში გაქცეულმა ჩინელმა ვირუსოლოგმა ამერიკულ ტელეარხს სკანდალური ინტერვიუ მისცა

238
(განახლებულია 20:39 14.07.2020)
ჩინეთიდან აშშ-ში გაქცეული ვირუსოლოგი შიშობს საკუთარი სიცოცხლის გამო და მზადაა ამერიკის მთავრობას საინტერესო მტკიცებულებები მიაწოდოს.

თბილისი, 14 ივლისი — Sputnik. ჰონკონგელი ვირუსოლოგი, დოქტორი ლი-მენ იანი, რომელიც მიმდინარე წლის დასაწყისში გაიქცა აშშ-ში, აცხადებს, რომ შიშობს საკუთარი სიცოცხლის გამო, იუწყება Fox News.

​ვირუსოლოგის თქმით, პეკინს სურს, რომ ხალხი დუმდეს ჩინეთში მიმდინარე მოვლენებზე და აცხადებს, რომ ჩინეთს კორონავირუსის საშიშროების თაობაზე სიმართლის დამალვა სურს.

„მე ვიცი როგორ ეკიდება [ჩინეთის ხელისუფლება] ინფორმატორებს. მათ სურთ, რომ ხალხი დუმდეს არა მარტო COVID-19-ის შესახებ, არამედ ჩინეთში მიმდინარე სხვა მოვლენებზეც“, — განუცხადა ლი-მენ იანმა ტელეწამყვან ბილ ჰემერს.

ვირუსოლოგმა მაგალითად 2003 წლის პანდემია მოიყვანა. მაშინ, მისი თქმით, ხელისუფლებამ დახურა ერთ-ერთი ლაბორატორია, რომლის თანამშრომლებმაც დაფარვის ფაქტები აღმოაჩინეს და გამოაქვეყნეს კიდეც.

იანის თქმით, ის ელოდება მომენტს, როდესაც შეძლებს ისაუბროს ყველაფერზე, რაც იცის და წარუდგინოს კიდეც მტკიცებულებები აშშ-ის მთავრობას.

  • „მინდა, რომ ამერიკელებმა გაიგონ, რამდენად საშინელია ეს. ეს ის არაა, რაც თქვენ დაინახეთ... ეს სულ სხვა რამაა“, — ამბობს დოქტორი.

ლი-მენ იანი ირწმუნება, რომ პეკინისთვის უკვე დეკემბერში იყო ცნობილი კორონავირუსით ინფიცირების ორმოცამდე შემთხვევა, და რომ ვირუსი მაშინ უკვე გადაეცემოდა ადამიანიდან ადამიანს. თუმცა, მიუხედავად ამისა, ჯანდაცვის მსოფლიო ორგანიზაცია 14 დეკემბერს აცხადებდა, რომ ახალი ტიპის კორონავირუსით ინფიცირებული ადამიანიდან  სხვისთვის დაავადების გადადების მკაფო დასტური არ არსებობდა.

 

238
თემები:
მსოფლიო დღეს (1845)
საარტილერიო ცეცხლი

დაღუპულია აზერბაიჯანელი გენერალი ვრცელდება ღამით შეტევის ვიდეო

382
(განახლებულია 19:58 14.07.2020)
აზერბაიჯანის თავდაცვის სამინისტრო ავრცელებს ვიდეოს, რომელშიც, მათი განმარტებით, სომხურ პოზიციებზე შეტევაა ასახული.

თბილისი, 14 ივლისი — Sputnik. სომხეთის სამხედრო ძალების მიერ განხორციელებული სროლების შემდეგ თოვუზის რაიონში გენერალ-მაიორი ფოლად გაშიმოვი და პოლკოვნიკი ილგარ მირზიაევი დაიღუპნენ, იუწყება „Sputnik–აზერბაიჯანი“ ქვეყნის თავდაცვის სამინისტროზე დაყრდობით.

„გენერალ–მაიორი ფოლად გაშიმოვი და პოლკოვნიკი ილგარ მირზაევი გმირულად დაეცნენ დილის ბრძოლებში“, — განუცხადა ჟურნალისტებს თავდაცვის მინისტრის მოადგილემ კარიმ ვალიევმა.

მისი თქმით, 13–14 ივლისის ღამით თოვუზის რაიონში გამძვინვარებული ბრძოლები გრძელდებოდა, შედეგად – „განადგურებულია მტრის დაახლოებით 100 მებრძოლი, დიდი რაოდენობით სამხედრო ტექნიკა და მნიშვნელოვანი ობიექტები“.

აზერბაიჯანის თავდაცვის სამინისტრომ YouTube-ზე გამოაქვეყნა ვიდეო, რომელშიც, მათი განმარტებით, სომხურ პოზიციებზე შეტევაა ასახული.

12 ივლისის დილით შეტაკება მოხდა აზერბაიჯანსა (თოვუზის რაიონი) და სომხეთს (ტავუშის ოლქი) შორის საზღვარზე. აღსანიშნავია, რომ ეს ტერიტორია, რომელიც საკმაოდ ახლოსაა საქართველოს საზღვართან, ასობით კილომეტრითაა დაშორებული არაღიარებული მთიანი ყარაბაღიდან, სადაც ამ დროისათვის სიმშვიდეა.

აზერბაიჯანის თავდაცვის სამინისტროს განცხადებით, სომეხმა სამხედროებმა მათი პოზიციები დაცხრილეს, ხოლო სომხეთის თავდაცვის სამინისტრომ, თავის მხრივ, აღნიშნა, რომ აზერბაიჯანელი სამხედროები არტილერიის დახმარებით ცდილობდნენ სომხური საყრდენი პუნქტის მიტაცებას.

ბაქოს ინფორმაციით, ბრძოლებში დაიღუპა ოთხი აზერბაიჯანელი სამხედრო, ხოლო ერევანი უარყოფს მათი მხრიდან დაღუპულების არსებობას და აცხადებს, რომ შეტაკებისას ორი პოლიციელი და სამი სამხედრო დაიჭრა.

აღსანიშნავია, რომ სროლები გაგრძელდა ორშაბათსაც. კერძოდ, ერევანი აცხადებდა, რომ ბაქო 15–20 წუთიანი ინტერვალით ცხრილავდა ტერიტორიას, ხოლო ბაქო სომხურ მხარეს აბრალებს სროლების წარმოებას.

382
კიკვიძის პარკი

თბილისში კიკვიძის განახლებული პარკი გაიხსნა

0
პარში მოეწყო სპორტული და სამაგიდო თამაშების მოედნები, დასასვენებელი პავილიონები, სარწყავი, განათებისა და ვიდეომეთვალყურეობის სისტემები

თბილისი, 14 ივლისი — Sputnik. თბილისში ვეტერანთა კულტურისა და დასვენების განახლებული პარკი (კიკვიძის) გაიხსნა, იუწყება მერიის ვებგვერდი.

გახსნის ღონისძიებას დედაქალაქის მერი კახა კალაძე და საქართველოს პრემიერ-მინისტრი გიორგი გახარია დაესწრნენ.

თბილისის მერმა მოსახლეობას განახლებული პარკის გახსნა მიულოცა. მისი განცხადებით, პარკში შესაბამისი სივრცე ყველა თაობის ადამიანისთვის მოეწყო.

„თბილისს კიდევ ერთი მნიშვნელოვანი რეკრეაციული სივრცე შეემატა. რაც შეეხება პარკს, იგი მთლიანად იქნა რეაბილიტირებული. გაჩნდა ახალი ზონები, ბავშვებისთვის შესაბამისი ადგილები, სადაც განთავსებულია ატრაქციონები. ყველა თაობის ადამიანისთვის არის შესაბამისი ზონა, სადაც გაქვთ შესაძლებლობა, თქვენი შვილებითა და შვილიშვილებით დაისვენოთ. ნამდვილად მიხარია, რომ ჩვენთან უკვე ჩნდება ის საპარკო კულტურა, რაც ყველა განვითარებულ ქვეყანაშია. ჩვენ გვაქვს პარკების ნაკლებობა, მაგრამ პირობა მაქვს მიცემული თბილისელებისთვის, რომ ჩვენი ქალაქი ევროპაში ყველაზე მწვანე, ყველაზე მოწესრიგებული, განახლებული, უსაფრთხო და კეთილმოწყობილი იქნება“, - განაცხადა კახა კალაძემ.

რეაბილიტაციის ფარგლებში, პარკს შეუერთდა მიმდებარედ არსებული ტერიტორია, მოეწყო სპორტული და სამაგიდო თამაშების მოედნები, დასასვენებელი პავილიონები, სარწყავი, განათებისა და ვიდეომეთვალყურეობის სისტემები.

პარკის ტერიტორიაზე განთავსდა შინაური ცხოველების სასეირნო სივრცე, ველო და სარბენი ბილიკები. ერისთავის ქუჩის მხრიდან კი, მოეწყო პარკში შესასვლელი პანდუსი. რეაბილიტაცია ჩაუტარდა პარკში არსებული შენობებსა და შადრევანს.

ტერიტორიაზე, რომლის ფართობიც 72 ათას 100 კვადრატული მეტრია, ჯამში, 12 ათას 124 ძირი ხე-მცენარე დაირგო. სამუშაოების განსახორციელებლად დედაქალაქის ბიუჯეტიდან 4 მლნ 500 ათასი ლარი გამოიყო.

0
თემები:
თბილისის მერია