მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

COVID-19 ბოლო 24 საათში: ინფიცირებულთა რაოდენობა მსოფლიოში და საქართველოს ადგილი

© REUTERS / Hemanshi Kamani ქალი სამედიცინო ნიღბით მუმბაიში
ქალი სამედიცინო  ნიღბით მუმბაიში - Sputnik საქართველო
გამოწერა
ჯანდაცვის მსოფლიო ორგანიზაციის მონაცემებით, ბოლო 24 საათში მსოფლიოში კორონავირუსით ინფიცირების 183 ათასი შემთხვევა გამოვლინდა.

თბილისი, 22 ივნისი — Sputnik. ჯონს ჰოპკინსის უნივერსიტეტის სპეციალური პროექტის მონაცემებით, ახალი კორონავირუსის აფეთქების მომენტიდან, გასული წლის დეკემბრიდან დღემდე მსოფლიო მასშტაბით ინფიცირებულთა საერთო რაოდენობამ 8 929 394 ადამიანი შეადგინა, აქედან სულ გარდაცვლილია 467 676 კაცი, გამოჯანმრთელდა 4 419 735. 

ბავშვი და სათამაშო - Sputnik საქართველო
კორონავირუსის ყველაზე სახიფათო გამავრცელებლები 6 წლამდე ბავშვები არიან: დასახელდა მიზეზი

შესაბამისად, ამ დროისათვის მსოფლიოში COVID-19-ით დაავადებულთა რაოდენობა 4 041 983 ადამიანია. 

ჯანდაცვის მსოფლიო ორგანიზაციის მონაცემებით, გასული დღე-ღამის განმავლობაში მთელ მსოფლიოში ინფიცირების 183 ათასი შემთხვევა გამოვლინდა. 

აღსანიშნავია, რომ COVID-19-ით დაავადებულების რაოდენობით პირველ ადგილზეა აშშ, სადაც 2 279 879 ადამიანს დაუდგინდა ინფიცირება. მეორე პოზიციაზეა ბრაზილია (1 083 341), ხოლო მესამეზე – რუსეთი (583 879).

ქვეყნების რაოდენობა, სადაც ინფიცირებულთა რიცხვი 100 ათასს გადასცდა, ამ დროისათვის 18-ია. ამ ნიშნულის ზღვარზეა კიდევ რამდენიმე სახელმწიფო.

იმ ქვეყნების რაოდენობა, სადაც კორონავირუსული ინფექციით დაავადება ათას კაცზე ნაკლებს გამოუვლინდა, დღეისათვის 67-ია. მათ შორის ბოლო პოზიციაზეა ლესოტო (სამხრეთ აფრიკა) — 4 დადგენილი შემთხვევით, ხოლო პირველზე კვიპროსი — 986 შემთხვევით.

საქართველო ასევე შედის ამ ბოლო კატეგორიის ქვეყნების ჩამონათვალში 906 გამოვლენილი შემთხვევით, რომელთაგან გარდაცვლილია 14 ადამიანი, ხოლო გამოჯანმრთელებული — 755.

შესაბამისად, ჩვენს ქვეყანაში COVID-19-ით დაავადებულთა რაოდენობა დღეისათვის 137 ადამიანია.

ყველა ახალი ამბავი
0