მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

გაასაჯაროებს თუ არა ტრამპი „მფრინავი თეფშების“ შესახებ ინფორმაციას: ცნობილია პასუხი

© AFP 2024 / ALEX WONGდონალდ ტრამპი
დონალდ ტრამპი - Sputnik საქართველო
გამოწერა
აშშ-ის პრეზიდენტმა როზუელის ინციდენტის დეტალებზე ამჯერად არ ილაპარაკა, თუმცა თქვა, რომ ის, რაც მან იცის, ძალიან საინტერესოა.

თბილისი, 19 ივნისი — Sputnik. აშშ-ის პრეზიდენტმა დონალდ ტრამპმა პირობა დადო, რომ იფიქრებს იმ მასალებისთვის გრიფი „საიდუმლოს“ მოხსნაზე, რომლებიც ამოუცნობ მფრინავ ობიექტებსა და ე.წ. როზუელის ინციდენტს შეეხება. 

ამოუცნობი მფრინავი ობიექტი - Sputnik საქართველო
შეხვედრები ამოუცნობ მფრინავ ობიექტებთან: პენტაგონი ოფიციალურ ჩამონათვალს აქვეყნებს

ამის შესახებ მან მამის დღისადმი მიძღვნილ ინტერვიუში განაცხადა, რომელიც საკუთარ ვაჟს დონალდ ტრამპ-უმცროსს მისცა.

გავრცელებული ინფორმაციით, დონ-უმცროსმა ინტერვიუს ბოლოს ხუმრობით ჰკითხა მამას, არის თუ არა მზად, გაასაჯაროოს როზუელის (ნიუ-მექსიკოს შტატი) მასალები, რაზეც ამერიკის ლიდერმა უპასუხა, რომ „უნდა დაფიქრდეს ამაზე“, წერს The New York Times-ი.

„მე არ გეტყვით, რაც ამის შესახებ ვიცი, მაგრამ ეს ძალიან საინტერესოა“, — თქვა პრეზიდენტმა.

აღსანიშნავია, რომ 1947 წელს როზუელის მახლობლად ერთ-ერთმა რანჩოს მფლობელმა თავის საძოვრებზე ამოუცნობი ნამსხვრევები იპოვა. ქვეყნის სამხედრო-საჰაერო ძალების წარმომადგენლებმა მაშინ განაცხადეს, რომ ეს საიდუმლო პროექტ Mogul-ის ფარგლებში გაშვებული ზონდის ნამსხვრევები იყო, მაგრამ სკეპტიკოსები დღემდე არ იჯერებენ ამას და ირწმუნებიან, რომ 1947 წლის 4 ივლისს რუზუელში არამიწიერი წარმოშობის „მფრინავი თეფში“ ჩამოვარდა.

ყველა ახალი ამბავი
0