სამეცნიერო ლაბორატორია

დადგინდა, რა უნდა შეერიოს პლაზმას ორგანიზმის გასაახალგაზრდავებლად სენსაციური კვლევა

220
(განახლებულია 17:19 16.06.2020)
მეცნიერები უკვე ამთავრებენ ახალი მეთოდის კლინიკურ კვლევებს ასაკოვანი ადამიანების ორგანიზმის გაახალგაზრდავებისა და ისეთი დაავადებების სამკურნალოდ, როგორებიცაა კუნთების ატროფია, ნეიროდეგენერაცია, მეორე ტიპის დიაბეტი და იმუნური სისტემის რღვევა.

თბილისი, 16 ივნისი — Sputnik. ორგანიზმის გაახალგაზრდავების ეფექტის მისაღწევად საკმარისია სისხლის პლაზმის გაზავება ფიზიოლოგიური ხსნარისა და ალბუმინის ნარევით და არა ახალგაზრდა სისხლის პლაზმით, აცხადებენ კალიფორნიის უნივერსიტეტის მეცნიერები. მათი აღმოჩენა გამოქვეყნებულია ჟურნალში Aging. 

მეცნიერებმა კვლევა თაგვებზე ჩაატარეს და აღმოაჩინეს, რომ ბებერი თაგვების ორგანიზმის ძლიერი გაახალგაზრდავებისთვის საჭიროა მათი სისხლის პლაზმის ნახევარი შეიცვალოს ხსნარით, რომელშიც დაკარგულ ცილას ალბუმინი ჩაანაცვლებს.

ექსპერიმენტმა აჩვენა, რომ მეთოდმა იმაზე ძლიერი ეფექტი მოახდინა მღრღნელების ტვინზე, ღვიძლსა და კუნთებზე, ვიდრე ეს ახალგაზრდა თაგვების სისხლის გადასხმისას ხდებოდა ბებერი თაგვებისთვის.

მეცნიერების განმარტებით, პროცედურას არანაირი მავნე ზეგავლენა არ მოუხდენია ახალგაზრდა მღრღნელების ორგანიზმზე.

კვლევის შედეგებით დადგინდა, რომ გაახალგაზრდავებისა და სიცოცხლის გახანგრძლივების ეფექტი დამოკიდებულია არა ახალგაზრდა სისხლზე, არამედ დაბერებულ სისხლში მავნე ფაქტორების ალაგმვაზე.

საქმე ისაა, რომ ასაკის მატებასთან ერთად სისხლში იზრდება იმ ცილების რაოდენობა, რომლებიც ორგანიზმის დაბერებას აჩქარებს.

ადამიანებში პლაზმის შემადგენლობის შეცვლა პლაზმაფერეზის მეშვეობითაა შესაძლებელი, რომელიც უკვე გამოიყენება აუტოიმუნური დაავადებების სამკურნალოდ.

ამ დროისათვის მეცნიერები უკვე ამთავრებენ პლაზმის გადასხმის კლინიკურ კვლევებს ასაკოვანი ადამიანების ჯანმრთელობის გაუმჯობესებისა და ისეთი დაავადებების სამკურნალოდ, როგორებიცაა კუნთების ატროფია, ნეიროდეგენერაცია, მეორე ტიპის დიაბეტი და იმუნური სისტემის რღვევა.

აღსანიშნავია, რომ გასულ წელს აშშ-ის კვების პროდუქტებისა და მედიკამენტების სანიტარული ზედამხედველობის სამმართველო (FDA) მოუწოდებდა მოქალაქეებს, უარი ეთქვათ სისხლის პლაზმის გადასხმაზე გაახალგაზრდავების მიზნით, ვინაიდან მისი კლინიკური ეფექტი მაშინ ჯერ კიდევ არ იყო დადასტურებელი.  

 

220
თემები:
მსოფლიო და მეცნიერება (420)
კანიე უესტი

პირველი ნაბიჯი პრეზიდენტობისკენ: კანიე უესტი ვიდეოს აქვეყნებს

26
(განახლებულია 09:50 10.07.2020)
ამერიკელმა რეპერმა კანიე უესტმა საპრეზიდენტო არჩევნებშო მონაწილეობის მისაღებად პირველი ნაბიჯი გადადგა და შესაბამისი ვიდეო სოციალურ ქსელში გამოაქვეყნა

თბილისი, 10 ივლისი — Sputnik. ამერიკელმა რეპერმა კანიე უესტმა საპრეზიდენტო კამპანია იმით დაიწყო, რომ თავად დარეგისტრირდა ამომრჩეველთა სიაში. უსეტმა საკუთარ Twitter–აკაუნტზე გამოაქვეყნა დაახლოებით წუთნახევრიანი ვიდეო, რომელზეც სარეგისტრაციო ოფისში მისი ვიზიტია აღბეჭდილი.

​„მე მინდა ყველას განახოთ, რამდენად მარტივია ხმის მიცემა“, — ამბობს რეპერი.

ვიდეოში ის ხსნის, რა წერია სარეგისტრაციო ანკეტაში: სახელი, გვარი, დაბადების თარიღი, ავტომობილის მართვის მოწმობის მონაცემები — რომელიც აშშ–ში პიროვენბის სტანდარტულ მოწმობად გამოიყენება, სქესი, ტელეფონი, მისამართი, მონაცემები პოლიტიკური კუთვნილების შესახებ.

უესტის განმარტებით, ანკეტა ასევე შეიცავს გრაფას, სადაც საჭიროა ხელმოწერა ამომრჩევლის ფიცზე.

კადრებზე ასევე დაფიქსირებულია რეპერის საუბარი ოფისისი თანამშრომელთან, რომელიც მუსიკოსს პასუხობს შეკითხვაზე, რატომ ვერ აძლევს ხმას ბევრი მსჯავრდებული.

მანამდე კანიე უესტმა გაავრცელა განცხადება, რომ აპირებს მონაწილეობა მიიღოს აშშ–ის საპრეზიდენტო არჩევნებში მოქმედი პრეზიდენტის, დონალდ ტრამპისა და დემოკრატიული პარტიის კანდიდატის, ჯო ბაიდენის გვერდით.

 

26
თემები:
მსოფლიო დღეს
აია სოფიას ტაძარი სტამბულში

აია-სოფიას ტაძარი მეჩეთად გადაკეთდება თურქეთმა გადაწყვეტილება მიიღო

140
(განახლებულია 21:47 09.07.2020)
აია-სოფია დაახლოებით ათასი წლის განმავლობაში მსოფლიოს უდიდესი ტაძარი იყო, თუმცა შემდეგ ოსმანთა იმპერიის უმთავრეს მეჩეთად გადაკეთდა.

თბილისი, 9 ივლისის — Sputnik. თურქეთის სახელმწიფო საბჭომ ერთხმად დაუჭირა მხარი წმინდა სოფიას (აია-სოფია) საკათედრო ტაძარ-მუზეუმის სტატუსის შეცვლას და მის მეჩეთად გადაკეთებას.

ამის შესახებ Twitter-აკაუნტზე თურქმა ჟურნალისტმა რაგიპ სოილუმ დაწერა ქვეყნის მთავრობაში არსებულ წყაროებზე დაყრდნობით.

​მისი ინფორმაციით, ტაძრის სტატუსის შეცვლა ოფიციალურად 10 ივლისს უნდა გამოცხადდეს.

ის ფაქტი, რომ თურქეთის ხელისუფლება წმინდა სოფიას ტაძრის სტატუსის შეცვლას განიხილავდა, 2 ივლისს გახდა ცნობილი. აღინიშნა, რომ ბოლოდროინდელი გამოკვლევების თანახმად, თურქ რესპონდენტთა დაახლოებით 70% მხარს უჭერს ტაძრის მეჩეთად გადაქცევის გადაწყვეტილებას.

ამ ღირსშესანიშნაობის სტატუსის შეცვლის წინააღმდეგ გამოვიდნენ აშშ-ის სახელმწიფო მდივანი მაიკლ პომპეო და რუსეთის მართლმადიდებლური ეკლესია.

აია-სოფიას ტაძარი 537 წლის 27 დეკემბერს აკურთხეს. დაახლოებით ათასი წლის განმავლობაში ის იყო მსოფლიოში ყველაზე დიდი ტაძარი, მაგრამ შემდეგ ოსმალეთის იმპერიის მთავარ მეჩეთად იქცა. 1935 წლიდან მას მუზეუმის სტატუსი აქვს, ხოლო 1985 წელს იგი იუნესკოს მსოფლიო მემკვიდრეობის ძეგლად აღიარეს.

140
თემები:
მსოფლიო დღეს
რთველი კახეთში

გარანტიები მევენახეებისთვის, ანუ სოლიდარობა სუბსიდირების სახით

0
(განახლებულია 09:36 10.07.2020)
სახელმწიფო ქართველ მევენახეებს 60 მლნ ლარის ოდენობის სუბსიდიას გამოუყოფს და თუ საჭირო გახდება, ყურძნის შესყიდვაშიც ჩაერთვება

თბილისი, 10 ივლისი – Sputnik. ქართველი მევენახეებისთვის შეიქმნა გარანტიები, რომ მათი საქმიანობა დაფასდეს და მათ შეძლონ 2020 წლის სეზონის ნაკლებად მძიმედ გადატანა, განაცხადა ბრიფინგზე გარემოს დაცვისა და სოფლის მეურნეობის მინისტრმა ლევან დავითაშვილმა.

პრემიერმა მევენახეებს მიმართა - სახელმწიფო არ დაგივიწყებთ>>

ქართული მეღვინეობა კორონავირუსის პანდემიისა და ქვეყნებს შორის სავაჭრო ოპერაციების შემცირების გამო ზარალდება. საქართველოდან ღვინის მიწოდება ბოლო წლებში პირველად შემცირდა: „საქსტატის“ მონაცემებით, მიმდინარე წლის პირველ ხუთ თვეში ღვინის ექსპორტი 11,3%–ით დაეცა.

მინისტრის განცხადებით, მსხვილი კომპანიები, რომლებიც ერთ ტონაზე მეტი „რქაწითელის“ ან „კახური მწვანეს“ გადამუშავებას შეძლებენ, სახელმწიფოსგან ერთ კილოგრამზე 30 თეთრის ოდენობის სუბსიდიას მიიღებენ, თუ მათი ფასი მინიმუმ 80 თეთრი იქნება. სამინისტროში სპეციალური სამუშაო ჯგუფი იმუშავებს, რომელიც კოორდინირებას გაუწევს სამუშაო პროცესს, რათა მევენახეებმა და ფერმერებმა რიგებისა და პრობლემების გარეშე ჩააბარონ თავიანთი პროდუქცია.

„ის, რომ ჩვენ ასეთი გარანტიები შევქმენით ქართველი მევენახე-ფერმერებისთვის, ვფიქრობ, არის ძალიან მნიშვნელოვანი მიღწევა და სოლიდარობა, რადგან ეს არის ქართველი გადასახადების გადამხდელების მიერ აკუმულირებული თანხები. ანუ ეს არის სოლიდარობა მევენახე-ფერმერებისთვის, რათა მათი საქმიანობა წელს დაფასდეს და 2020-ის სეზონი ნაკლებად მძიმედ გაიარონ“, – განუცხადა დავითაშვილმა ჟურნალისტებს.

უფრო ადრე საქართველოს პრემიერ–მინისტრმა გიორგი გახარიამ განაცხადა, რომ მთავრობა ქართული ყურძნის ჯიშების „რქაწითელისა" და „კახური მწვანის" სუბსიდირებას განახორციელებს.

პრემიერის თქმით, ფერმერული საქმიანობის სტიმულირება მთავრობის ანტიკრიზისული გეგმის ერთ-ერთი მიზნობრივი მიმართულებაა.

მთავრობის გადაწყვეტილებით, წელს ყურძნის მოსავლის სუბსიდირებაზე 60 მლნ ლარი დაიხარჯება.

გასულ წელს საქართველოში 271 ტონა ყურძენი მოიკრიფა.

0
თემები:
ღვინის კულტურა და მეღვინეობა