კორონავირუსი მსოფლიოში

შეიქმნა COVID-19-ის გავრცელების კლიმატური რუკა: კავკასია ზამთარში რისკის ზონაშია

609
(განახლებულია 16:41 12.06.2020)
მეცნიერებს იმედი აქვთ, რომ ქვეყნების ხელისუფლებები მხედველობაში მიიღებენ მათ კვლევას და ვირუსის გავრცელების პროგნოზირების მოდელების შესაქმნელად გამოიყენებენ.

თბილისი, 12 ივნისი — Sputnik. მერილენდის უნივერსიტეტის (აშშ) სამედიცინო ფაკულტეტის მეცნიერებმა ახალი ტიპის კორონავირუსის გავრცელებასა და კლიმატურ პირობებს შორის კავშირი დაადგინეს და სპეციალური რუკა შექმნეს, რომელიც აჩვენებს, სად და როდის შეიძლება იფეთქოს ინფექციამ, წერს გამოცემა Daily Mail.

​გავრცელებული ინფორმაციით, მკვლევარებმა მსოფლიოს რვა ქალაქი, რომლებშიც ყველაზე მეტად გავრცელდა COVID-19, იმ 42 ქალაქს შეადარეს, სადაც დაავადებულთა რაოდენობა ძალიან დაბალია.

პირველ კატეგორიაში შევიდა ქალაქები: ტეგუ (სამხრეთ კორეა), კომი (ირანი), მილანი, პარიზი, მადრიდი, სიეტლი, უჰანი და ტოკიო. 

სწავლულები აცხადებენ, რომ ამინდის პროგნოზის ევროპული ცენტრის მონაცემებით, ამ ქალაქებში იანვარი-მარტის პერიოდში მსგავსი კლიმატური სურათი იყო: ჰაერის ტემპერატურა 4–9 გრადუსს შორის მერყეობდა, დაბალი ტენიანობის ფონზე.

„აღნიშნული იმაზე მეტყველებს, რომ კორონავირუსი ისეთი სეზონური რესპირატორული ვირუსის მსგავსად იქცევა, როგორიცაა გრიპი: ის პიკს ცივ ამინდში აღწევს, ხოლო თბილ სეზონზე იღუპება“, — აცხადებს მერილენდის უნივერსიტეტის ვირუსოლოგიის პროფესორი მოჰამად საჯადი.   

გამომდინარე მიღებული შედეგებიდან, ანუ კორონავირუსის გავრცელებასა და კლიმატურ სურათს შორის კავშირიდან, მეცნიერები აცხადებენ, რომ ზამთარში კორონავირუსის გავრცელების მაღალი რისკი არსებობს ისეთი ტერიტორიებისთვის, როგორებიცაა: კავკასია, ცენტრალური აზია, აღმოსავლეთი და ცენტრალური ევროპა, დიდი ბრიტანეთი, აშშ-ის ჩრდილო–აღმოსავლეთი და დასავლეთი, ასევე ბრიტანეთის კოლუმბია.

პროფესორი საჯადი იმედოვნებს, რომ ქვეყნების ხელისუფლებები მხედველობაში მიიღებენ მათ კვლევას და ვირუსის გავრცელების პროგნოზირების მოდელების შესაქმნელად გამოიყენებენ. ეს შესაძლებელს გახდის, წინასწარ მოემზადონ ეპიდემიის აფეთქებისთვის და შეამცირონ დაავადებების შემთხვევები.

609
თემები:
მსოფლიო და მეცნიერება (422)
ექიმები კორონავირუსით ინფიცირებულ პაციენტთან

აშშ-ში გაქცეულმა ჩინელმა ვირუსოლოგმა ამერიკულ ტელეარხს სკანდალური ინტერვიუ მისცა

205
(განახლებულია 20:39 14.07.2020)
ჩინეთიდან აშშ-ში გაქცეული ვირუსოლოგი შიშობს საკუთარი სიცოცხლის გამო და მზადაა ამერიკის მთავრობას საინტერესო მტკიცებულებები მიაწოდოს.

თბილისი, 14 ივლისი — Sputnik. ჰონკონგელი ვირუსოლოგი, დოქტორი ლი-მენ იანი, რომელიც მიმდინარე წლის დასაწყისში გაიქცა აშშ-ში, აცხადებს, რომ შიშობს საკუთარი სიცოცხლის გამო, იუწყება Fox News.

​ვირუსოლოგის თქმით, პეკინს სურს, რომ ხალხი დუმდეს ჩინეთში მიმდინარე მოვლენებზე და აცხადებს, რომ ჩინეთს კორონავირუსის საშიშროების თაობაზე სიმართლის დამალვა სურს.

„მე ვიცი როგორ ეკიდება [ჩინეთის ხელისუფლება] ინფორმატორებს. მათ სურთ, რომ ხალხი დუმდეს არა მარტო COVID-19-ის შესახებ, არამედ ჩინეთში მიმდინარე სხვა მოვლენებზეც“, — განუცხადა ლი-მენ იანმა ტელეწამყვან ბილ ჰემერს.

ვირუსოლოგმა მაგალითად 2003 წლის პანდემია მოიყვანა. მაშინ, მისი თქმით, ხელისუფლებამ დახურა ერთ-ერთი ლაბორატორია, რომლის თანამშრომლებმაც დაფარვის ფაქტები აღმოაჩინეს და გამოაქვეყნეს კიდეც.

იანის თქმით, ის ელოდება მომენტს, როდესაც შეძლებს ისაუბროს ყველაფერზე, რაც იცის და წარუდგინოს კიდეც მტკიცებულებები აშშ-ის მთავრობას.

  • „მინდა, რომ ამერიკელებმა გაიგონ, რამდენად საშინელია ეს. ეს ის არაა, რაც თქვენ დაინახეთ... ეს სულ სხვა რამაა“, — ამბობს დოქტორი.

ლი-მენ იანი ირწმუნება, რომ პეკინისთვის უკვე დეკემბერში იყო ცნობილი კორონავირუსით ინფიცირების ორმოცამდე შემთხვევა, და რომ ვირუსი მაშინ უკვე გადაეცემოდა ადამიანიდან ადამიანს. თუმცა, მიუხედავად ამისა, ჯანდაცვის მსოფლიო ორგანიზაცია 14 დეკემბერს აცხადებდა, რომ ახალი ტიპის კორონავირუსით ინფიცირებული ადამიანიდან  სხვისთვის დაავადების გადადების მკაფო დასტური არ არსებობდა.

 

205
თემები:
მსოფლიო დღეს
საარტილერიო ცეცხლი

დაღუპულია აზერბაიჯანელი გენერალი ვრცელდება ღამით შეტევის ვიდეო

353
(განახლებულია 19:58 14.07.2020)
აზერბაიჯანის თავდაცვის სამინისტრო ავრცელებს ვიდეოს, რომელშიც, მათი განმარტებით, სომხურ პოზიციებზე შეტევაა ასახული.

თბილისი, 14 ივლისი — Sputnik. სომხეთის სამხედრო ძალების მიერ განხორციელებული სროლების შემდეგ თოვუზის რაიონში გენერალ-მაიორი ფოლად გაშიმოვი და პოლკოვნიკი ილგარ მირზიაევი დაიღუპნენ, იუწყება „Sputnik–აზერბაიჯანი“ ქვეყნის თავდაცვის სამინისტროზე დაყრდობით.

„გენერალ–მაიორი ფოლად გაშიმოვი და პოლკოვნიკი ილგარ მირზაევი გმირულად დაეცნენ დილის ბრძოლებში“, — განუცხადა ჟურნალისტებს თავდაცვის მინისტრის მოადგილემ კარიმ ვალიევმა.

მისი თქმით, 13–14 ივლისის ღამით თოვუზის რაიონში გამძვინვარებული ბრძოლები გრძელდებოდა, შედეგად – „განადგურებულია მტრის დაახლოებით 100 მებრძოლი, დიდი რაოდენობით სამხედრო ტექნიკა და მნიშვნელოვანი ობიექტები“.

აზერბაიჯანის თავდაცვის სამინისტრომ YouTube-ზე გამოაქვეყნა ვიდეო, რომელშიც, მათი განმარტებით, სომხურ პოზიციებზე შეტევაა ასახული.

12 ივლისის დილით შეტაკება მოხდა აზერბაიჯანსა (თოვუზის რაიონი) და სომხეთს (ტავუშის ოლქი) შორის საზღვარზე. აღსანიშნავია, რომ ეს ტერიტორია, რომელიც საკმაოდ ახლოსაა საქართველოს საზღვართან, ასობით კილომეტრითაა დაშორებული არაღიარებული მთიანი ყარაბაღიდან, სადაც ამ დროისათვის სიმშვიდეა.

აზერბაიჯანის თავდაცვის სამინისტროს განცხადებით, სომეხმა სამხედროებმა მათი პოზიციები დაცხრილეს, ხოლო სომხეთის თავდაცვის სამინისტრომ, თავის მხრივ, აღნიშნა, რომ აზერბაიჯანელი სამხედროები არტილერიის დახმარებით ცდილობდნენ სომხური საყრდენი პუნქტის მიტაცებას.

ბაქოს ინფორმაციით, ბრძოლებში დაიღუპა ოთხი აზერბაიჯანელი სამხედრო, ხოლო ერევანი უარყოფს მათი მხრიდან დაღუპულების არსებობას და აცხადებს, რომ შეტაკებისას ორი პოლიციელი და სამი სამხედრო დაიჭრა.

აღსანიშნავია, რომ სროლები გაგრძელდა ორშაბათსაც. კერძოდ, ერევანი აცხადებდა, რომ ბაქო 15–20 წუთიანი ინტერვალით ცხრილავდა ტერიტორიას, ხოლო ბაქო სომხურ მხარეს აბრალებს სროლების წარმოებას.

353
ნაყოფის თოჯინა

ზუგდიდში დაურეგისტრირებელი ახალშობილი დამარხეს: შსს-მ გამოძიება დაიწყო

0
გამოძიებამ უნდა გასცეს მთავარ კითხვას პასუხი - ქალს მკვდარი ჩვილი გაუჩნდა თუ ახალშობილი მშობიარობის შემდეგ გარდაიცვალა.

თბილისი, 14 ივლისი — Sputnik. ზუგდიდში ახალგაზრდა ქალმა გააჩინა ბავშვი, რომელიც შემდეგ ბავშვის მამამ დამარხა, იუწყება Sputnik-კორესპონდენტი.

შემთხვევა რამდენიმე დღის წინ მოხდა.

ქალმა ჩვილი დაქირავებულ ბინაში გააჩინა, შემდეგ დაურეკა ბავშვის მამას, რომელთანაც ოფიციალურ ქორწინებაში არ იმყოფებოდა და ახალშობილი დაამარხინა.

ახალნამშობიარებმა საავადმყოფოს მას შემდეგ მიმართა, რაც მისი ჯანმრთელობის მდგომარეობა დამძიმდა. ის ზუგდიდის რეფერალურ საავადმყოფოში მკურნალობდა. ინციდენტის შესახებ სწორედ ქალის მიერ კლინიკაში მიმართვის შემდეგ გახდა ცნობილი.

ექიმები ქალის ჯანმრთელობის მდგომარეობასთან დაკავშირებით ინფორმაციას მედიაში არ ავრცელებენ.

დედა, რომელმაც შვილი დაქირავებულ ბინაში გააჩინა, დაკავებულია. ამის შესახებ ინფორმაციას შსს-ში ადასტურებენ და აცხადებენ, რომ გამოძიება სსკ-ის 112-ე მუხლით მიმდინარეობს, რაც დედის მიერ ახალშობილის განზრახ მკვლელობას გულისხმობს და ისჯება შინაპატიმრობით ვადით ექვსი თვიდან ორ წლამდე ან თავისუფლების აღკვეთით ვადით სამიდან ხუთ წლამდე.
ახალშობილის ცხედარს ექსპერტიზა უკვე ჩაუტარდა. ახლა გამოძიებამ უნდა გასცეს მთავარ კითხვას პასუხი - ქალს მკვდარი ჩვილი გაუჩნდა თუ ახალშობილი მშობიარობის შემდეგ გარდაიცვალა.

ნიკა ლატარია

0
თემები:
შემთხვევები საქართველოში