მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

სახლები ერთ ევროდ COVID-19-სგან სრულიად თავისუფალ ზონაში: იტალიამ გაყიდვები დაიწყო

© photo: Sputnik / Ygor Mikhaliov / გადასვლა მედიაბანკშიკალაბრია
კალაბრია - Sputnik საქართველო
გამოწერა
კომუნა ჩინკუეფრონდიში, სადაც პანდემიის პერიოდში კორონავირუსის არც ერთი შემთხვევა არ გამოვლენილა, საცხოვრებელი სახლები ერთ ევროდ იყიდება.

თბილისი, 11 ივნისი — Sputnik. იტალიურმა კომუნამ აამოქმედა პროგრამა, რომელიც კალაბრიის რეგიონში საცხოვრებელი სახლის ერთ ევროდ შეძენის საშუალებას იძლევა, იუწყება CNN Travel.

საუბარია კომუნა ჩინკუეფრონდიზე, სადაც პანდემიის პერიოდში კორონავირუსის არც ერთი შემთხვევა არ გამოვლენილა.

კომუნის მერის თქმით, პროგრამის მიზანი, რომლის სახელწოდებაცაა „ოპერაცია სილამაზე“, არის ახალგაზრდობის დიდ ქალაქებში გადინების შეჩერება.

​ისინი, ვინც ჩინკუეფრონდიში სახლის შეძენას მოისურვებენ, ვალდებული იქნებიან, გაარემონტონ სახლი სამი წლის განმავლობაში. თუმცა რემონტის დაწყებამდე მყიდველმა უნდა გადაიხადოს სპეციალური მოსაკრებელი 250 ევროს ოდენობით.

იმ შემთხვევაში, თუ დადგენილ ვადაში სარემონტო სამუშაოები არ ჩატარდება, მფლობელი 20 ათასი ევროთი დაჯარიმდება.

გარდა ჩინკუეფრონდისა, საცხოვრებელი სახლების ერთ ევროდ შეძენა ასევე შესაძლებელია იტალიის სხვა დასახლებულ პუნქტებშიც: სამბუკაში, განჯიში, ოლოლაიში, ბივონასა და სხვა ადგილებში.  

აღინიშნება, რომ მას შემდეგ, რაც CNN Travel-მა ერთი წლის წინ სამბუკაში ერთ ევროდ გასაყიდი სახლების შესახებ ინფორმაცია გაავრცელა, ამ იდეით სხვა დასახლებული პუნქტებიც დაინტერესდნენ. მალე ამ პატარა ქალაქების მერიებში ათასობით განაცხადი შევიდა. მოთხოვნა იმდენად დიდი იყო, რომ ზოგმა საიტმა მუშაობაც კი შეწყვიტა.

ჩინკუეფონდიში გასაყიდი სახლების თაობაზე დეტალური ინფორმაციის მისაღებად შეგიძლიათ მისწეროთ ამ მისამართძე: https://www.comune.cinquefrondi.rc.it/contatti

 

ყველა ახალი ამბავი
0