თბილისი, 9 ივნისი — Sputnik. ჰოლივუდურ ფილმებში, კორონავირუსის პანდემიის გამო, ინტიმურ სცენებს განსაკუთრებული მოთხოვნების გათვალისწინებით გადაიღებენ მას შემდეგ, რაც 12 ივნისიდან ლოს-ანჯელესის შტატში კინოწარმოება განახლდება, იუწყება გამოცემა Daily Mail.
Hollywood will tackle sex scenes by 'using CGI' to avoid COVID-19 transmission https://t.co/o9d8jzRL1Z
— Daily Mail Celebrity (@DailyMailCeleb) June 8, 2020
გამოცემის ინფორმაციით, კინორედაქტორების ასოციაციამ გამოსცა დოკუმენტი, რომელშიც ნათქვამია:
„მჭიდრო კონტაქტის ამსახველი ეპიზოდები უნდა შეიცვალოს ან ამოიჭრას სცენარიდან, ან უნდა შეიქმნას კომპიუტერული გრაფიკის გამოყენებით“.
ამასთან, კასტინგ-დირექტორები მსახიობების შერჩევას მხოლოდ ორგანული მინის მიღმა შეძლებენ.
რეჟისორებისა და მსახიობების მუშაობას გააკონტროლებენ კოორდინატორები, „რომლებიც COVID-19-თან დაკავშირებული მოთხოვნების შესრულებას უზრუნველყოფენ“.
აღსანიშნავია, რომ ამერიკულმა კინოინდუსტრიამ მარტიდან 10 მლრდ დოლარი იზარალა კინო- და ტელეწარმოების შეჩერებისა და ასევე კინოთეატრების დაკეტვის გამო. კრიზისის ფონზე დარგის ათასობით მუშაკი სამსახურებიდან გაათავისუფლეს, ხოლო მაღალანაზღაურებად თანამშრომლებს ხელფასები შეუმცირდათ.
