ვარდისფერი ფლამინგორბი კვიპროსის აეროპორტთან

ვინ გაფრინდება კვიპროსზე: დასახელდა ქვეყნები და აუცილებელი პირობები

101
(განახლებულია 13:25 09.06.2020)
კუნძულოვანი რესპუბლიკა სხვა ქვეყნებთან ავიამიმოსვლის აღდგენის პირველ ეტაპს დღეიდან, 9 ივნისიდან იწყებს, მეორე ეტაპი კი 20 ივნისიდან დაიწყება.

თბილისი, 9 ივნისი — Sputnik. კვიპროსმა დღეიდან განაახლა სხვა ქვეყნებთან პანდემიის გამო შეწყვეტილი ავიამიმოსვლა – ამუშავდა ლარნაკისა და პათოსის აეროპორტები.

გავრცელებული ინფორმაციით, სხვა ქვეყნებთან კავშირს კვიპროსი ორ ეტაპად აღადგენს. პირველი 9–19 ივნისს მოიცავს, ხოლო მეორე ეტაპი 20 ივნისიდან დაიწყება. 

ეპიდემიოლოგიური სურათის გათვალისწინებით, განსაზღვრულია იმ ქვეყნების ორი კატეგორია, რომლებთანაც კვიპროსი საჰაერო მიმოსვლას ანახლებს.

კატეგორია А-ში შევიდნენ: საბერძნეთი, მალტა, ბულგარეთი, ნორვეგია, ავსტრია, ფინეთი, სლოვენია, უნგრეთი, ისრაელი, დანია, გერმანია, სლოვაკეთი, ლიეტუვა.

B კატეგორიაში მოხვდნენ: შვეიცარია, პოლონეთი, რუმინეთი, ხორვატია, ესტონეთი და ჩეხეთი.  

ორივე კატეგორიის ქვეყნების მგზავრებმა, იმისათვის, რომ თვითმფრინავის ბორტზე ასვლის უფლება მიეცეთ, უნდა წარადგინონ სერტიფიცირებული ლაბორატორიების მიერ გაცემული სერტიფიკატი, რომ მათი ტესტი COVID-19-ზე უარყოფითია. ამასთან, ლაბორატორიული კვლევა გაფრენამდე 72 საათის განმავლობაში უნდა იყოს ჩატარებული.

Airbaltic-მა საქართველო სეზონის ერთ-ერთ საუკეთესო მიმართულებად დაასახელა>>

მეორე ეტაპზე, რომელიც 20 ივნისს დაიწყება, მგზავრებს A კატეგორიის ქვეყნებიდან აღარ მოეთხოვებათ სერტიფიკატის წარდგენა, განსხვავებით B კატეგორიის ქვეყნებისგან. 

კვიპროსის ხელისუფლების გადაწყვეტილებით, შეიქმნა ელექტრონული პლატფორმა CyprusFlightPass, რომელზეც კვიპროსზე მოგზაურობის მსურველებმა წინასწარ უნდა განათავსონ აუცილებელი ინფორმაცია და დოკუმენტები, მაგალითად, ჯანმრთელობის სერტიფიკატი, განცხადება და სხვ.

ონლაინ–პლატფორმის გამოყენება სავალდებულოა ყველა მგზავრისთვის. სწორედ მისი მეშვეობით მიიღებს პირი ელექტრონულ დასტურს, რომ კვიპროსზე მოგზაურობის ნებართვა ეძლევა.  

 

101
თემები:
მსოფლიო დღეს (1826)
კანიე უესტი

პირველი ნაბიჯი პრეზიდენტობისკენ: კანიე უესტი ვიდეოს აქვეყნებს

27
(განახლებულია 09:50 10.07.2020)
ამერიკელმა რეპერმა კანიე უესტმა საპრეზიდენტო არჩევნებშო მონაწილეობის მისაღებად პირველი ნაბიჯი გადადგა და შესაბამისი ვიდეო სოციალურ ქსელში გამოაქვეყნა

თბილისი, 10 ივლისი — Sputnik. ამერიკელმა რეპერმა კანიე უესტმა საპრეზიდენტო კამპანია იმით დაიწყო, რომ თავად დარეგისტრირდა ამომრჩეველთა სიაში. უსეტმა საკუთარ Twitter–აკაუნტზე გამოაქვეყნა დაახლოებით წუთნახევრიანი ვიდეო, რომელზეც სარეგისტრაციო ოფისში მისი ვიზიტია აღბეჭდილი.

​„მე მინდა ყველას განახოთ, რამდენად მარტივია ხმის მიცემა“, — ამბობს რეპერი.

ვიდეოში ის ხსნის, რა წერია სარეგისტრაციო ანკეტაში: სახელი, გვარი, დაბადების თარიღი, ავტომობილის მართვის მოწმობის მონაცემები — რომელიც აშშ–ში პიროვენბის სტანდარტულ მოწმობად გამოიყენება, სქესი, ტელეფონი, მისამართი, მონაცემები პოლიტიკური კუთვნილების შესახებ.

უესტის განმარტებით, ანკეტა ასევე შეიცავს გრაფას, სადაც საჭიროა ხელმოწერა ამომრჩევლის ფიცზე.

კადრებზე ასევე დაფიქსირებულია რეპერის საუბარი ოფისისი თანამშრომელთან, რომელიც მუსიკოსს პასუხობს შეკითხვაზე, რატომ ვერ აძლევს ხმას ბევრი მსჯავრდებული.

მანამდე კანიე უესტმა გაავრცელა განცხადება, რომ აპირებს მონაწილეობა მიიღოს აშშ–ის საპრეზიდენტო არჩევნებში მოქმედი პრეზიდენტის, დონალდ ტრამპისა და დემოკრატიული პარტიის კანდიდატის, ჯო ბაიდენის გვერდით.

 

27
თემები:
მსოფლიო დღეს (1826)
აია სოფიას ტაძარი სტამბულში

აია-სოფიას ტაძარი მეჩეთად გადაკეთდება თურქეთმა გადაწყვეტილება მიიღო

140
(განახლებულია 21:47 09.07.2020)
აია-სოფია დაახლოებით ათასი წლის განმავლობაში მსოფლიოს უდიდესი ტაძარი იყო, თუმცა შემდეგ ოსმანთა იმპერიის უმთავრეს მეჩეთად გადაკეთდა.

თბილისი, 9 ივლისის — Sputnik. თურქეთის სახელმწიფო საბჭომ ერთხმად დაუჭირა მხარი წმინდა სოფიას (აია-სოფია) საკათედრო ტაძარ-მუზეუმის სტატუსის შეცვლას და მის მეჩეთად გადაკეთებას.

ამის შესახებ Twitter-აკაუნტზე თურქმა ჟურნალისტმა რაგიპ სოილუმ დაწერა ქვეყნის მთავრობაში არსებულ წყაროებზე დაყრდნობით.

​მისი ინფორმაციით, ტაძრის სტატუსის შეცვლა ოფიციალურად 10 ივლისს უნდა გამოცხადდეს.

ის ფაქტი, რომ თურქეთის ხელისუფლება წმინდა სოფიას ტაძრის სტატუსის შეცვლას განიხილავდა, 2 ივლისს გახდა ცნობილი. აღინიშნა, რომ ბოლოდროინდელი გამოკვლევების თანახმად, თურქ რესპონდენტთა დაახლოებით 70% მხარს უჭერს ტაძრის მეჩეთად გადაქცევის გადაწყვეტილებას.

ამ ღირსშესანიშნაობის სტატუსის შეცვლის წინააღმდეგ გამოვიდნენ აშშ-ის სახელმწიფო მდივანი მაიკლ პომპეო და რუსეთის მართლმადიდებლური ეკლესია.

აია-სოფიას ტაძარი 537 წლის 27 დეკემბერს აკურთხეს. დაახლოებით ათასი წლის განმავლობაში ის იყო მსოფლიოში ყველაზე დიდი ტაძარი, მაგრამ შემდეგ ოსმალეთის იმპერიის მთავარ მეჩეთად იქცა. 1935 წლიდან მას მუზეუმის სტატუსი აქვს, ხოლო 1985 წელს იგი იუნესკოს მსოფლიო მემკვიდრეობის ძეგლად აღიარეს.

140
თემები:
მსოფლიო დღეს (1826)
გორის სამხედრო ჰოსპიტალი

ქართველ სამხედროებს ავღანეთში კორონავირუსი დაუდგინდა

0
(განახლებულია 10:52 10.07.2020)
სამხედრო მოსამსახურეები, რომლებიც როტაციის შედეგად ავღანეთიდან სამშობლოში დაბრუნდებიან, ორკვირიან კარანტინში განთავსდებიან

თბილისი, 10 ივლისი – Sputnik. ავღანეთიდან თბილისში სპეცრეისით 28 ქართველი სამხედრო მოსამსახურე ჩამოიყვანს. მათ კორონავირუსი აღმოაჩნდა.

ქართული მასმედიის ინფორმაციით, სამხედროები, რომლებიც სამშვიდობო მისიაში „მტკიცე მხარდაჭერა“ მონაწილეობდნენ, გერმანიის საჰაერო ძალების სამხედრო თვითმფრინავით გამოიყვანეს. ბორტზე მაათან ერთად იმყოფებოდა ბუნდესვერის მედპერსონალი.

„სამხედროების სამედიცინო მდგომარეობა დამაკმაყოფილებელია. რაც შეეხება სიმპტომატიკას, ის გართულებებისა და ჩივილების გარეშე მიმდინარეობს. ხოლო ინფიცირების წყარო, უკავშირდება ადგილობრივ ავღანელ პერსონალს“, – აღნიშნულია თავდაცვის სამინისტროს განცხადებაში.

საქართველოში გამოფრენამდე ინფიცირებულები სპეციალურ იზოლატორში მოათავსეს. შესაბამისა, მისიაში მონაწილე სხვა ქართველ ჯარისკაცებს ინფიცირების საფრთხე არ ემუქრება.

ინფიცირებული სამხედროები მკურნალობას გორის სამხედრო ჰოსპიტალში განაგრძობენ. რაც შეეხება დანარჩენ სამხედროებს, ისინი სამშობლოში დაბრუნების შემდეგ ორკვირიან სავალდებულო კარანტინს გაივლიან.

ნატოს მისია „მტკიცე მხარდაჭერა“ (Resolute Support), რომელიც არასაბრძოლო სტატუსის მატარებელია, ავღანეთში 2015 წლის 1 იანვრიდან იმყოფება. ნატოსა და ავღანეთს შორის ორმხრივი შეთანხმების თანახმად, ქვეყანაში 13 ათასამდე სამხედრო მოსამსახურეა, რომელთა ფუნქციებსაც ავღანეთის ძალოვანი სტრუქტურების სწავლება და მათთვის კონსულტაციების გაწევა წარმოადგენს.

საქართველოს მხრიდან მისიაში მონაწილეობს 870-ზე მეტი ჯარისკაცი. ისინი ბაგრამის საავიაციო ბაზაზე, ქაბულსა და მაზარი-შარიფში არიან დისლოცირებული.

0
თემები:
COVID-19 საქართველოში