ბილ გეითსი

დაჩიპავს თუ არა მილიარდერი კაცობრიობას: ბილ გეიტსი კომენტარს აკეთებს

1714
(განახლებულია 21:33 05.06.2020)
მილიარდერმა ფილანტროპმა კომენტარი გააკეთა ბოლო დროს პოპულარულ მოარულ ხმებზე, თითქოს მას პლანეტის მოსახლეობის დაჩიპვა სურს კორონავირუსის ვაქცინის მეშვეობით.

თბილისი, 5 ივნისი — Sputnik. კომპანია Microsoft-ის დამფუძნებელმა ბილ გეიტსმა კომენტარი გააკეთა ბოლო დროს გავრცელებულ შეთქმულების თეორიასა და ხმებზე, თითქოს ეს მან მოაწყო კორონავირუსის პანდემია, რათა პლანეტის მოსახლეობა ვაქცინის მეშვეობით დაჩიპოს. 

აღნიშნულ თემაზე მან ინტერვიუ მისცა რადიო BBC Today-ს.  

ბილ გეიტსის თქმით, მას ძალიან აშფოთებს „ყველა ამ გიჟური იდეის“ არსებობა.

„ეს იმდენად უცნაურია, რომ თითქმის მიჩნდება სურვილი, იუმორით შევხედო, მაგრამ, ვფიქრობ, რომ ეს საერთოდ არ არის სასაცილო. მე არასდროს ვყოფილვარ მიკროჩიპებით დაკავებული. უარყოფაც კი მიჭირს, ისეთი სისულელეა ეს“, — განაცხადა ფილანტროპმა მილიარდერმა.

მისი თქმით, „ყველა ეს ჭორი და ანტიმეცნიერული გამონათქვამები“ ადამიანთა შორის მტრობას აღვივებს.

„მაშფოთებს ის, რომ ასეთ დროს ციფრული ინსტრუმენტები მთელი ამ სიგიჟისთვის გამოიყენება“, — აღნიშნა გეიტსმა.

მილიარდერის თქმით, როდესაც კორონავირუსის ვაქცინა შეიქმნება, კოლექტიური იმუნიტეტის გამოსამუშავებლად მოსახლეობის 80% უნდა აიცრას.

  • „მაგრამ თუ ამას აფერად ჩათვლიან, ან გადაწყვეტენ, რომ ვაქცინაცია საშიშია და უარს იტყვიან აცრაზე, მაშინ დაავადება განაგრძობს ადამიანების ხოცვას“, — განმარტა მილიარდერმა. 

მისი აზრით, როდესაც ვაქცინა დამზადდება, უპირველეს ყოვლისა იმ ქვეყნების მოსახლეობა უნდა აიცრას, სადაც ჯანდაცვის სუსტი სისტემები არსებობს და, ამასთან, სოციალური დისტანცირების პრინციპები ნაკლებად განხორციელებადია.

აღსანიშნავია, რომ ბილ გეიტსის ფონდმა ხუთშაბათს კიდევ 1,6 მლრდ დოლარი გადაურიცხა ვაქცინებისა და იმუნიზაციის გლობალურ ალიანსს (GAVI), რათა მომდევნო ხუთი წლის განმავლობაში დაბალი შემოსავლების მქონე  ქვეყნებში ბავშვების იმუნიზაცია ჩატარდეს.

 

1714
თემები:
მსოფლიო დღეს (1943)
ევროკავშირის დროშები

ევროკავშირი ბელარუსის ხელმძღვანელობას სანქციებს  დაუწესებს

29
სანქციები შეეხება რესპუბლიკის ოფიციალურ პირებს, რომლებიც ქვეყანაში ძალადობის გამოყენებასა და ადამიანის უფლებების დარღვევაზე აგებენ პასუხს

თბილისი, 14 აგვისტო – Sputnik. ევროკავშირი დაუწესებს სანქციებს ბელარუსის იმ მაღალჩინოსნების მიმართ, რომლებიც ადამიანის უფლებების დარღვევებთან კავშირში არიან, იუწყება Sputnik-ბელარუსი.

აღნიშნული გადაწყვეტილება მიღებულია ევროკავშირის წევრი ქვეყნების საგარეო საქმეთა მინისტრების ონლაინ-შეხვედრაზე, რომელიც 14 აგვისტოს გაიმართა.

როგორც ცნობილი გახდა, საგარეო პოლიტიკური უწყებების ხელმძღვანელები შეთანხმდნენ, რომ უახლოეს დროს შეადგენენ იმ პირთა სიებს ბელარუსში, რომელთა მიმართაც იქნება გამოყენებული სანქციები.

რა სახის შეზღუდვები იქნება დაწესებული ბელარუსის მაღალჩინოსნების მიმართ და რამდენად ვრცელი იქნება „შავი სია“, ჯერჯერობით უცნობია.

მოსალოდნელია, რომ აღნიშნულ საკითხს ევროკავშირის ქვეყნების საგარეო საქმეთა მინისტრები დაუბრუნდებიან მომდევნო შეხვედრაზე, რომელიც 27 და 28 აგვისტოს გაიმართება.

საპრეზიდენტო არჩევნები ბელორუსში 9 აგვისტოს გაიმართა. ცენტრალური საარჩევნო კომისიის წინასწარი მონაცემებით, ამომრჩეველთა 80.08%-მა ხმა მისცა ალექსანდრ ლუკაშენკოს, 10.9%-მა კი სვეტლანა ტიხანოვსკაიას. არჩევნების შემდეგ ფართომასშტაბიანი საპროტესტო აქცია მინსკსა და რესპუბლიკის რამდენიმე ქალაქში გაიმართა, აქციის მონაწილეები არჩევნების შედეგებს აპროტესტებენ. პროტესტების დროს დაახლოებით 7 ათასი კაცი დააკავეს, ასეულობით პირი საავადმყოფოში აღმოჩნდა, მათ შორის სამართალდამცველი ორგანოების თანამშრომლები. შინაგან საქმეთა სამინისტროს ინფორმაციით, მინსკში არეულობების დროს ერთი ადამიანი დაიღუპა, რამდენიმე ასეული ადამიანი დაშავდა.

29
თემები:
მსოფლიო დღეს (1943)

"ჩრდილოეთის ნაკადი 2": ევროკავშირი აშშ-ის სანქციებით უკმაყოფილოა

18
ევროკავშირმა აშშ-ს დემარში გამოუცხადა ახალი სანქციების გამო, რომლების დაწესებასაც ისინი „ჩრდილოეთის ნაკადი - 2“-ის მიმართ აპირებენ

უკმაყოფილება გამოთქვა ევროკავშირის მონაწილე 27 ქვეყნიდან 24-მა, იუწყება გერმანული გამოცემა Welt. ამერიკელების წინააღმდეგ წავიდნენ ის სახელმწიფოებიც, რომლებიც აქამდე მსგავს ნაბიჯებს თავს არიდებდნენ. რუსმა პოლიტოლოგებმა ამ ყველაფერში ვაშინგტონისათვის მიცემული მინიშნება დაინახეს, რა სურთ ევროპელებს და განხორციელდება თუ არა პროექტი - იხილეთ ჩვენს ვიდეოში.

18
ნახევარმთვარე

მთვარის კალენდარი: 15 აგვისტო რისი გაკეთება შეიძლება და რისი არა

0
(განახლებულია 14:35 13.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 15 აგვისტო, შაბათი. ამ დღეს სატურნი მართავს. კლებადი მთვარე კირჩხიბის ნიშანშია.

კირჩხიბის დღეებში ძლიერდება რომანტიკული განწყობა, ადამიანები უფრო მგრძნობიარე, სენტიმენტალური, მეოცნებე ხდებიან. საწინააღმდეგო სქესის მიმართ იღვიძებს არა ვნება, არამედ უფრო სინაზე. ამ დღეს დაწყებული ურთიერთობები ხშირად ხანგრძლივი და მტკიცე ქორწინებით სრულდება.

რეკომენდებულია ჩვეულებრივი სამუშაოს შესრულება, მეგობრების რჩევების მოსმენა და გათვალისწინება, მარტივი საკითხების გადაჭრა, კოლეგების საქმიანობაში მონაწილეობა, ან ნეიტრალური მდგომარეობის დაკავება, სამსახურის დატოვება, თუ ეს თქვენს გეგმებში შედიოდა, ნებისყოფისა და ამტანობის გამოჩენა, სიმშვიდის შენარჩუნება, ირგვლივ განვითარებული მოვლენებისადმი ყურადღებით ყოფნა, გზაზე ყურადღების გამოჩენა.

არარეკომენდებულია პროვოკაციებზე და ცდუნებებზე აყოლა, სერიოზული გადაწყვეტილებების მიღება, ბიზნეს–საქმიანობა, მოგზაურობა.

არასასურველი დღეა მგზავრობისთვის.

თმის შეჭრა, შეღებვა: ძალზე მგრძნობიარე დღეა. ნებისმიერ პროცედურას განსაკუთრებული ყურადღება სჭირდება. არარეკომენდებულია თმის შეჭრა და შეღებვა, ასევე მანიკური.

მებაღეობა: შეიძლება სინესტის მოყვარული და დეკორატიულ–ფოთლოვანი მცენარეების დარგვა, ნაყოფიანი ხეებისა და ბუჩქების შეწამვლა, ოთახის მცენარეების მორწყვა.

რეკომენდებულია მწვანილეულისა და სამკურნალო მცენარეების გამოშრობა. შეიძლება ყველაფრის დაკრეფა, რაც დიდი ხნით არ უნდა შეინახოთ. კარგი დღეებია ზამთრის მარაგის გასაკეთებლად კომპოტებისა და კონსერვების სახით.

არასასურველია იმ მცენარეების დარგვა ან დათესვა, რომლებიც მაღალი იზრდებიან, ხილისთვისა და ბუჩქებისთვის გამხმარი ტოტების მოშორება.

0