ხელები ცხაურზე

რაც უფრო გრძელი აქვს მამაკაცს არათითი, მით უფრო... სამეცნიერო დასკვნა

234
(განახლებულია 15:52 03.06.2020)
სენსაციური დასკვნის გამოტანამდე ბრიტანელმა მეცნიერებმა მსოფლიოს 41 ქვეყნის 200 ათას მამაკაცს გაუზომეს თითები მილიმეტრის სიზუსტით.

თბილისი, 3 ივნისი — Sputnik. რაც უფრო გრძელი აქვს მამაკაცს არათითი, მით უფრო დაბალია მისი კორონავირუსული ინფექციით მძიმე ფორმით ავადმყოფობისა თუ გარდაცვალების რისკი, ამტკიცებენ სოუნსის უნივერსიტეტის (დიდი ბრიტანეთი) მეცნიერები. 

​კვლევებით დადგინდა, რომ ქვეყნებში, სადაც მამაკაცებს არათითი საჩვენებელ თითზე მოკლე აქვთ, კორონავირუსით გარდაცვალების შემთხვევები სამჯერ მაღალი იყო.

აღსანიშნავია, რომ ამ დასკვნის გამოტანამდე მეცნიერებმა მსოფლიოს 41 ქვეყნის 200 ათას მამაკაცს გაუზომეს თითები მილიმეტრის სიზუსტით. გაირკვა, რომ ყველაზე გრძელი არათითი აქვთ მალაიზიელ, მექსიკელ, რუს, სინგაპურელ, ბრაზილიელ, ავსტრიელ, ისლანდიელ, ახალ ზელანდიელ, ავსტრალიელ და ბელგიელ მამაკაცებს. 

რაც შეეხება მოკლე არათითის მქონე მამაკაცებს, ამ კუთხით გამოირჩევიან ბულგარეთი, არგენტინა, თურქეთი, ესპანეთი, ისრაელი, რუმინეთი, ინდოეთი, უნგრეთი, საბერძნეთი და დიდი ბრიტანეთი.     

მეცნიერების განმარტებით, არათითის სიგრძე დამოკიდებულია ორგანიზმში ტესტოსტერონის რაოდენობაზე. მიიჩნევა, რომ რაც უფრო მეტი ტესტოსტერონი გროვდება ბიჭის ორგანიზმში დედის მუცლად ყოფნის პერიოდში, მით გრძელია მისი არათითი.

ხელის თითების სიგრძე და პიროვნული მახასიათებლები: მეცნიერთა დასკვნა-ვარაუდები>>

ამასთან, სპეციალისტები აღნიშნავენ, რომ ტესტოსტერონი ადამიანს იცავს Covid-19-ის მძიმე ფორმისგან, ზრდის რა ACE-2 რეცეპტორების რაოდენობას ორგანიზმში. მიუხედავად იმისა, რომ დაავადების გამომწვევი ვირუსი SARS-CoV-2 ორგანიზმში სწორედ ამ რეცეპტორების მეშვეობით ხვდება, კვლევებით დადგენილია, რომ ACE-2-ის მაღალი დონე მამაკაცებს იცავს ფილტვების დაზიანებისგან კორონავირუსით ინფიცირების შემთხვევაში.

234
თემები:
მსოფლიო და მეცნიერება (423)

"თალიბანი" ისევ უტევს: ავღანეთში ტერაქტების სერია მოხდა

0
სამშვიდობო დარეგულირების საკითხი ავღანეთში ისევ საფრთხის ქვეშაა. ბოლო დღეებში ბოევიკებმა ერთბაშად რამდენიმე თავდასხმა და ტერაქტი განა ხორციელეს მთელ ქვეყანაში

გუშინ ძლიერი აფეთქება მოხდა ავღანეთის უსაფრთხოების ეროვნული დირექტორატის შენობასთან სამანგანის პროვინცია ქალაქ აიბაკში. შედეგად დაიღუპა ათამდე ადამიანი და დაშავდა 50.

შეტევაზე პასუხისმგებლობა რადიკალური მოძრაობა „თალიბანის“ ბოევიკებმა აიღეს. სამანგანში აფეთქებას წინ უძღოდა თალიბების თავდასხმა კუნდუზისა და ბადახშანის პროვინციების საკონტროლო გამშვებ პუნქტებზე. რამდენიმე დღით ადრე კი ბოევიკებმა იერიში მიიტანეს ავღანელ ძალოსნებზე ნანგარჰარის პროვინციაში.

0
ექიმები კორონავირუსით ინფიცირებულ პაციენტთან

აშშ-ში გაქცეულმა ჩინელმა ვირუსოლოგმა ამერიკულ ტელეარხს სკანდალური ინტერვიუ მისცა

284
(განახლებულია 20:39 14.07.2020)
ჩინეთიდან აშშ-ში გაქცეული ვირუსოლოგი შიშობს საკუთარი სიცოცხლის გამო და მზადაა ამერიკის მთავრობას საინტერესო მტკიცებულებები მიაწოდოს.

თბილისი, 14 ივლისი — Sputnik. ჰონკონგელი ვირუსოლოგი, დოქტორი ლი-მენ იანი, რომელიც მიმდინარე წლის დასაწყისში გაიქცა აშშ-ში, აცხადებს, რომ შიშობს საკუთარი სიცოცხლის გამო, იუწყება Fox News.

​ვირუსოლოგის თქმით, პეკინს სურს, რომ ხალხი დუმდეს ჩინეთში მიმდინარე მოვლენებზე და აცხადებს, რომ ჩინეთს კორონავირუსის საშიშროების თაობაზე სიმართლის დამალვა სურს.

„მე ვიცი როგორ ეკიდება [ჩინეთის ხელისუფლება] ინფორმატორებს. მათ სურთ, რომ ხალხი დუმდეს არა მარტო COVID-19-ის შესახებ, არამედ ჩინეთში მიმდინარე სხვა მოვლენებზეც“, — განუცხადა ლი-მენ იანმა ტელეწამყვან ბილ ჰემერს.

ვირუსოლოგმა მაგალითად 2003 წლის პანდემია მოიყვანა. მაშინ, მისი თქმით, ხელისუფლებამ დახურა ერთ-ერთი ლაბორატორია, რომლის თანამშრომლებმაც დაფარვის ფაქტები აღმოაჩინეს და გამოაქვეყნეს კიდეც.

იანის თქმით, ის ელოდება მომენტს, როდესაც შეძლებს ისაუბროს ყველაფერზე, რაც იცის და წარუდგინოს კიდეც მტკიცებულებები აშშ-ის მთავრობას.

  • „მინდა, რომ ამერიკელებმა გაიგონ, რამდენად საშინელია ეს. ეს ის არაა, რაც თქვენ დაინახეთ... ეს სულ სხვა რამაა“, — ამბობს დოქტორი.

ლი-მენ იანი ირწმუნება, რომ პეკინისთვის უკვე დეკემბერში იყო ცნობილი კორონავირუსით ინფიცირების ორმოცამდე შემთხვევა, და რომ ვირუსი მაშინ უკვე გადაეცემოდა ადამიანიდან ადამიანს. თუმცა, მიუხედავად ამისა, ჯანდაცვის მსოფლიო ორგანიზაცია 14 დეკემბერს აცხადებდა, რომ ახალი ტიპის კორონავირუსით ინფიცირებული ადამიანიდან  სხვისთვის დაავადების გადადების მკაფო დასტური არ არსებობდა.

 

284
თემები:
მსოფლიო დღეს