საავადმყოფოს პალატა

ვინც COVID-19 გადაიტანა: დასახელდა აუცილებლად შესამოწმებელი სამი ორგანო, მათ შორის ტვინი

111
(განახლებულია 16:02 27.05.2020)
ამერიკელი პროფესორი განმარტავს, რომელია ის ძირითადი სისტემები, რომლებსაც კორონავირუსი ყველაზე მეტ ზიანს აყენებს და რომლებიც აუცილებლად უნდა შეიმოწმონ მათ, ვინც COVID-19-ით იყო დაავადებული.

თბილისი, 27 მაისი — Sputnik. მათ, ვინც COVID-19-ით იყო დაავადებული, განკურნების შემდეგ აუცილებლად უნდა შეიმოწმონ სამი ორგანო, რომლებსაც კორონავირუსი ყველაზე მეტ ზიანს აყენებს, განაცხადა ჯორჯ მეისონის უნივერსიტეტის (აშშ) პროფესორმა, ჯანმოს წარმომადგენელმა ანჩა ბარანოვამ.

„COVID-19-სგან განკურნების შემდეგ აუცილებელია ორგანიზმის სამი ძირითადი სისტემის შემოწმება. ესენია: ფილტვები, თირკმელები და ტვინი“, — აღნიშნა პროფესორმა.

მისი თქმით, ფილტვების შესამოწმებლად საჭიროა მიმართოთ პულმონოლოგს, ხოლო თირკმელების მდგომარეობის გასარკვევად საჭიროა სისხლის ბიოქიმიური ანალიზის აღება. 

„მასში არის მაჩვენებელი, რომელიც ასახავს, თუ როგორ ფუნქციონირებს თირკმელები. თუ ყველაფერი რიგზეა, მაშინ ნეფროლოგთან წასვლა აღარ იქნება საჭირო“, — განმარტა ბარანოვამ.

პროფესორის თქმით, მესამე სისტემა, რომელიც ასევე აუცილებლად უნდა შემოწმდეს, ტვინია — ცენტრალური და პერიფერიული ნერვული სისტემის ფუნქციონირება, ვინაიდან, „როგორც არაერთხელ აღინიშნა, ვირუსის დროს ნეიროანთებები ხდება“.

ანჩა ბარანოვა განმარტავს, რომ კორონავირუსის შემდეგ ადამიანებს შესაძლოა გაუუარესდეთ მეხსიერება, დაუქვეითდეთ კონცენტრაციის უნარი და დაეწყოთ თავის ტკივილები.

ჯონს ჰოპკინსის უნივერსიტეტის მონაცემებით, ვირუსის აფეთქების მომენტიდან დღემდე მსოფლიოში COVID-19-ით დაავადებულთა რაოდენობამ 5 594 175 ადამიანი შეადგინა. აქედან გარდაიცვალა 350 531 და განიკურნა 2 288 579 კაცი.  

111
თემები:
COVID-19-ის პანდემია მსოფლიოში (1007)
სასკოლო ავტობუსი

უბედური შემთხვევა: სკოლის მოსწავლეებით სავსე ავტობუსი წყალსაცავში გადავარდა

113
(განახლებულია 11:54 07.07.2020)
უბედური შემთხვევის ადგილზე ამ დროისათვის ასამდე მაშველი მუშაობს, მათ შორის არიან მყვინთავებიც. დაუდგენელია, რამდენი მგზავრი იმყოფებოდა ავტობუსში

თბილისი, 7 ივლისი — Sputnik. ავტობუსი, რომლითაც სკოლის მოსწავლეები მგზავრობდნენ, დღეს დილით წყალსაცავში გადავარდა.

შემთხვევა ჩინეთის პროვინცია გუიჩჟოუში მოხდა. ინფორმაცია მგზავრების რაოდენობასა და შესაძლო მსხვერპლის თაობაზე ჯერჯერობით არ ვრცელდება.

პროვინციის საგანგებო სიტუაციათა სამსახურის განცხადებით, ინციდენტი დილის 11:45 საათზე (07:45 თბილისის დროით) მოხდა.

ჯერჯერობით დაუდგენელი მიზეზით, ავტობუსი გვერდზე გადაწვა, გზის გასწვრივ დაყენებული დამცავი ჯებირები გადაანგრია და წყალსაცავში გადავარდა.

ამ დროისათვის ადგილზე დაახლოებით ასი მაშველი და 17 მყვინთავი მუშაობს.

 

113
თემები:
მსოფლიო დღეს
ფეხშიშველა ადამიანი

ფეხშიშველა პრეზიდენტი: ქვეყნის ლიდერი შეხვედრაზე წინდების ამარა მივიდა - ვიდეო

74
(განახლებულია 11:27 07.07.2020)
პრეზიდენტის თქმით, ის პატივს სცემს დამლაგებლების შრომას და ამიტომაც არჩევს ფეხსაცმელების გარეშე სიარულს

თბილისი, 7 ივლისი — Sputnik. ბელარუსის პრეზიდენტი ალექსანდრ ლუკაშენკო ტელეარხ Беларусь 1-თან“ ინტერვიუზე პრაქტიკულად ფეხშიშველა, წინდების ამარა მივიდა. შესაბამისი ვიდეო ტელეარხმა YouTube-ზე გამოაქვეყნა.

„პატივს ვცემ დამლაგებლების შრომას, ფეხშიშველა დავდივარ“, — განუმარტა ლიფტიდან გამოსულმა ლუკაშენკომ დამხვედრ ჟურნალისტებს.

ირკვევა, რომ აღნიშნული კადრები გადაღებულია სოჭში, რუსეთის პრეზიდენტ ვლადიმირ პუტინთან შეხვედრის შემდეგ.

როგორც ჟურნალისტი ალექსეი კრივოშეევი განმარტავს, ბელარუსის პრეზიდენტმა რუს კოლეგასთან შეხვედრა ასევე ფეხსაცმლის გარეშე, წინდების ამარამ გაატარა.  

 

74
თემები:
მსოფლიო დღეს
მეხანძრეები

სვანეთში ხანძარს მესამე დღეა ებრძვიან - ვიდეო

0
(განახლებულია 12:58 07.07.2020)
საგანგებო სიტუაციების მართვის სამსახურის ცნობით, ხანძრის ქრობის სამუშაოებს რთული რელიეფი, სიცხე და ძლიერი ქარი ართულებს, თუმცა ვითარება კონტროლს ექვემდებარება.

თბილისი, 7 ივლისი — Sputnik. მესტიის მუნიციპალიტეტის სოფელ ხაიშთან ტყის მასივში გაჩენილი ხანძრის ქრობის სამუშაოები უწყვეტ რეჟიმში მიმდინარეობს, იუწყება შინაგან საქმეთა სამინსიტროს საგანგებო სიტუაციების მართვის სამსახური.

უწყების ინფორმაციით, ადგილზე დილიდანაა მობილიზებული დამატებითი ძალები - როგორც სპეციალური ტექნიკა, ისე ცოცხალი ძალა. სვანეთში ხანძარს ებრძვის 110 მეხანძრე-მაშველი და შვიდი ერთეული სახანძრო-სამაშველო ტექნიკა.

რისკის ზონაში 11 ოჯახი ცხოვრობს. ძლიერი დაკვამლიანების გამო ამ ზონიდან ბავშვები გამოიყვანეს.

„ხანძრის ქრობის სამუშაოებს ართულებს რთული რელიეფი, სიცხე და ძლიერი ქარი. ხანძრის ქრობის სამუშაოები ადგილზე მესამე დღეა მიმდინარეობს. ამ დროისთვის სიტუაცია კონტროლს ექვემდებარება", -აღნიშნავენ უწყებაში.

მეხანძრე-მაშველთა ჯგუფები ხანძრის კერებთან მთელი ღამის განმავლობაში მუშაობდნენ. მუშაობა განაახლეს შინაგან სამინისტროს სასაზღვრო პოლიციის ვერტმფრენებმა. პროცესში დღეს დილიდან ჩაერთო მე-3 ვერტმფრენი.

სვანეთში შექმნილია სამუშაო შტაბი, რომელსაც საგანგებო სიტუაციების მართვის სამსახურის უფროსი თემურ მღებრიშვილი და უფროსის მოადგილე ლევან ღირსიაშვილი პირადად ხელმძღვანელობენ. ადგილზე ასევე იმყოფება სახანძრო-სამაშველო ძალების დეპარტამენტის უფროსი დავით სუხიშვილი.

საზოგადოებრივი უსაფრთხოების მართვის ცენტრ „112"-ში ხანძრის შესახებ ინფორმაცია 5 ივლისს დღის მეორე ნახევარში შევიდა. თვითმხილველის განცხადებით, ტყის მასივში შეინიშნებოდა ძლიერი დაკვამლიანება. ხანძარი სავარაუდოდ მეხის ჩამოვარდნის შედეგად გაჩნდა.

0
თემები:
დიდი ხანძრები საქართველოში