თვითმფრინავი, კვიპროსის აეროპორტი

კვიპროსი საავიაციო ფრენებს 9 ივნისიდან განაახლებს

228
(განახლებულია 21:34 22.05.2020)
იმისათვის, რომ თვითმფრინავში ასვლის ნება დაგრთონ, საჭირო იქნება სერტიფიცირებული ლაბორატორიიდან COVID-19-ზე უარყოფითი შედეგის დამადასტურებელი ტესტის წარდგენა, რომელიც გამგზავრებამდე 72 საათით ადრეა გაცემული

თბილისი, 22 მაისი - Sputnik. კვიპროსი ლარნაკადან და პაფოსიდან ფრენებს 9 ივნისიდან განაახლებს, განაცხადა ტრანსპორტის, კავშირისა და საქმეების მინისტრმა იანის კარუსოსმა.

კარუსოსის სიტყვებით, პარასკევს კვიპროსის პრეზიდენტმა ნიკოს ანასტასიადისმა მინისტრთა საბჭოს სხდომა ჩაატარა და დაამტკიცა შეზღუდვების თანდათანობით მოხსნის სამოქმედო გეგმა.

„სამოქმედო გეგმა ითვალისწინებს ორ ეტაპს აეროპორტების გახსნისა და სხვა ქვეყნებთან კვიპროსის კავშირის აღდგენისთვის, კერძოდ, პირველი ეტაპი იქნება 2020 წლის 9-დან 19 ივნისამდე, მეორე ეტაპი - 2020 წლის 20 ივნისიდან“, - აღნიშნა მინისტრმა.

ტრანსპორტის უწყების მინისტრის სიტყვებით, ექსპერტებმა ეპიდემიოლოგიური სიტუაციის საფუძველზე განსაზღვრეს ქვეყნების ორი კატეგორია, რომლებთანაც კვიპროსი ავიამიმოსვლას აღადგენს. А კატეგორიაში მოხვდნენ საბერძნეთი, მალტა, ბულგარეთი, ნორვეგია, ავსტრია, ფინეთი, სლოვენია, უნგრეთი, ისრაელი, დანია, გერმანია, სლოვაკეთი, ლიტვა, В კატეგორიაში - შვეიცარია, პოლონეთი, რუმინეთი, ხორვატია, ესტონეთი, ჩეხეთი.

მნიშვნელოვანი მომენტი - იმისათვის, რომ თვითმფრინავში ასვლის ნება დაგრთონ, საჭირო იქნება სერტიფიცირებული ლაბორატორიიდან COVID-19-ზე უარყოფითი შედეგის დამადასტურებელი ტესტის წარდგენა, რომელიც გამგზავრებამდე 72 საათით ადრეა გაკეთებული. ეს წესი ორივე კატეგორიის ქვეყნებს ეხება.

კვიპროსის მოქალაქეებსა და კვიპროსზე მყოფ რეზიდენტებს ალტერნატივის სახით შესაძლებლობა ექნებათ, გაიარონ ლაბორატორიული შემოწმება კვიპროსში ჩასვლისას. ამ შემთხვევაში ისინი თვითიზოლაციაში დარჩებიან მანამ, სანამ ტესტის შედეგი არ გამოცხადდება.

მეორე ეტაპზე, რომელიც 20 ივნისს დაიწყება, მგზავრებს A კატეგორიის ქვეყნებიდან არ მოსთხოვენ ლაბორატორიული ტესტირების სერტიფიკატს, აღნიშნა მინისტრმა, ხოლო  მგზავრებს В კატეგორიის ქვეყნებიდან - მოსთხოვენ.

„ყველა მგზავრს, ჩამოსულს ქვეყნებიდან, რომლებიც ამ ორ კატეგორიაში არ შედიან, 14-დღიან საშინაო კარანტინში გაუშვებენ. ლაბორატორიული კვლევების, ასევე კარანტინის/თვითიზოლაციისა და ტრანსპორტის მომსახურების საფასურს, სადაც ეს საჭირო იქნება, მგზავრები თავად გადაიხდიან“, - აღნიშნა მინისტრმა.

გარდა ამისა, იანის კარუსოსმა განაცხადა, რომ 25 მაისის 18:00 საათიდან გაუქმდება კარანტინი ყველასთვის, ვინც ახლა კვიპროსში საკარანტინო ზონებშია მოთავსებული. ყველანი სახლებში გაემგზავრებიან დარჩენილი საკარანტინო დღეების თვითიზოლაციაში გასატარებლად.

კვიპროსზე სასტუმროები 1 ივნისს გაიღება შესაბამისი პროტოკოლების საფუძველზე, რომლებიც ჯანდაცვის სამინისტრომ დააწესა.

228
თემები:
მსოფლიო დღეს (1659)

ლავროვმა დასავლეთი კორონავირუსის პანდემიის საკუთარი მიზნებით გამოყენების გამო გააკრიტიკა

35
რუსეთის საგარეო საქმეთა მინისტრმა სერგეი ლავროვმა დასავლეთის ქვეყნების კორონავირუსის პანდემიისადმი მიდგომა დაგმო

ჩინური გაზეთი Global Times-ისთვის მიცემულ ინტერვიუში მინისტრი ამბობს, რომ ისინი სიტუაციის გამოყენებას ცდილობენ, რათა დასაჯონ მათი მეტოქე მთავრობები, და ეპიდემიისგან დაზარალებულ ქვეყნებს უკრძალავენ რუსეთისგან ჰუმანიტარული დახმარების მიღებას. ამასთან, დასავლეთი არ მიყვება ჰუმანიზმის პრინციპებს COVID-19-თან ბრძოლის საკითხში. დაწვრილებით - იხილეთ ჩვენი ვიდეო.

35
დონალდ ტრამპი

დაიხურება თუ არა Facebook-ი, Google და Twitter-ი: ტრამპი სპეციალურ ბრძანებულებას ამზადებს

1767
(განახლებულია 18:47 28.05.2020)
თეთრი სახლის წარმომადგენლის განცხადებით, პრეზიდენტი ტრამპი უკვე დღეს მოაწერს ხელს სპეციალურ ბრძანებულებას სოციალური ქსელების შესახებ.

თბილისი, 28 მაისი — Sputnik. აშშ-ის პრეზიდენტი დონალდ ტრამპი უკვე დღეს გამოსცემს სპეციალურ ბრძანებულებას სოციალური ქსელების შესახებ, იუწყება მასმედია თეთრი სახლის წარმომადგენელზე დაყრდნობით, რომელმაც აღნიშნულის შესახებ ჟურნალისტებს განუცხადა. 

დოკუმენტის დეტალების თაობაზე ჯერჯერობით არაფერია ცნობილი. 

მანამდე გავრცელდა ინფორმაცია, რომ დონალდ ტრამპი მკაცრი რეგულაციებითა და დახურვითაც კი დაემუქრა სოციალურ ქსელებს, რომლებიც, მისი თქმით, „ავიწროებენ კონსერვატორთა მოსაზრებებს“. 

აშშ-ის ლიდერის უკმაყოფილება გამოიწვია იმ ფაქტმა, რომ 26 მაისს Twitter-მა პირველად მონიშნა პრეზიდენტის ერთ-ერთი პოსტი საეჭვო, არასანდო ინფორმაციად. აღნიშნულ ტვიტში პრეზიდენტი წერდა, რომ კალიფორნიის გუბერნატორის მიერ შემოთავაზებული იდეა არჩევნებში ელექტრონული ფოსტის მეშვეობით ხმის მიცემის თაობაზე გაყალბებასა და ხმების მოპარვას შეუწყობს ხელს. 

მას შემდეგ, რაც Twitter-მა პრეზიდენტის პოსტებს სპეციალური ცისფერი ძახილის ნიშნები დაუსვა და იუზერებს მოუწოდა, გადაამოწმონ მეილით ხმის მიცემის შესახებ ფაქტები, აშშ-ის ლიდერმა სოციალურ ქსელს თავისუფალი სიტყვის შეზღუდვასა და საპრეზიდენტო არჩევნებში ჩარევაში დასდო ბრალი და განაცხადა, რომ რესპუბლიკელები „უფრო მკაცრად დაარეგულირებენ ან დახურავენ“ სოციალურ ქსელებს, თუ ისინი არ გამოსწორდებიან.  

Facebook-ის დამფუძნებელი მარკ ცუკერბერგი ტრამპის რეაქციას „ტვიტერთან“ კონფლიქტში არაპროპორციულად აფასებს და აცხადებს, რომ ჯერჯერობით ვერ გაერკვა, რა აქვს ჩაფიქრებული ადმინისტრაციას.

რაც შეეხება Twitter-ს, მისმა წარმომადგენლებმა უარი თქვეს კომენტარზე, ხოლო Google-ს ჯერჯერობით არანაირი რეაგირება არ მოუხდენია.

 

1767
თემები:
მსოფლიო დღეს (1659)
დაკეტილი მაღაზიები აბანოთუბანში

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/29 მაისი

78678
23 მაისიდან საქართველოში საგანგებო მდგომარეობა აღარ მოქმედებს, მაგრამ მთავრობამ შეზღუდვების ნაწილი ძალაში დატოვა.

თბილისი, 29 მაისი – Sputnik. საგანგებო მდგომარეობის რეჟიმის მოხსნის შემდეგ, კორონავირუსით ინფიცირებულთა რაოდენობის ზრდის თავიდან აცილების მიზნით, საქართველოს მთავრობამ შეზღუდვების და აკრძალვების ნაწილი ძალაში დატოვა. ეს შესაძლებელი გახდა პარლამენტის მიერ დამტკიცებული ცვლილებებით კანონში „საზოგადოებრივი ჯანმრთელობის შესახებ“. ახლა მთავრობას მიენიჭა უფლება შემოიღოს შეზღუდვები საგანგებო მდგომარეობის რეჟიმის მოხსნის შემდეგ.

ცვლილებები 15 ივლისამდე იმოქმედებს.

მოქმედი ძირითადი შეზღუდვების ჩამონათვალი:

  • რესტორნები, სასტუმროები, ტანსაცმლისა და ფეხსაცმლის მაღაზიები, სავაჭრო მოლები, სპორტდარბაზები ივნისის დასაწყისიდან ეტაპობრივად გაიხსნება;

  • რესტორნებს აქვთ მხოლოდ კერძების მიწოდების სერვისით მუშაობის უფლება, აგრეთვე ფეხსაცმლისა და ტანსაცმლის მაღაზიებს შეუძლიათ ონლაინ ვაჭრობა;
  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე
  • აკრძალულია კულტურული და სპორტული ღონისძიებების გამართვა;
  • კაზინოების და ტოტალიზატორების მუშაობა დაშვებულია მხოლოდ ონლაინ;

მთავრობა საქართველოს ყველა მოქალაქეს მოქმედი რეკომენდაციების დაცვისკენ მოუწოდებს.

ტრანსპორტი

  • აკრძალულია საერთაშორისო სამგზავრო სახმელეთო და საზღვაო მიმოსვლა;
  • აკრძალულია პირდაპირი საერთაშორისო რეგულარული ავიარეისები, ჩარტერულის გარდა, რომელიც ინიშნება მხოლოდ საქართველოს მოქალაქეთა დაბრუნების მიზნით;
  • აკრძალულია სარკინიგზო ტრანსპორტით მგზავრთა გადაყვანა;
  • აკრძალულია საქალაქთაშორისო და მუნიციპალიტეტების ტერიტორიაზე მგზავრთა გადაყვანა სამარშრუტო ტაქსებითა და ავტობუსებით;
  • აკრძალულია საზოგადოებრივი ტრანსპორტით, მათ შორის, მეტროპოლიტენითა და საბაგიროთი გადაადგილება.

საზოგადოებრივი ცხოვრება

  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • ყველა სახის ტრენინგი, კონფერენცია და სემინარი უნდა ჩატარდეს დისტანციურად;
  • სკოლებსა და უნივერსიტეტებში სასწავლო პროცესი კვლავ დისტანციურად განხორციელდება;
  • დასაშვებია უნივერსიტეტში პრაქტიკული/ლაბორატორიული სამუშაოებისა და გამოცდების ჩატარება არადისტანციურად, მაგრამ რეკომენდაციების შესაბამისად;
  • კულტურული ღონისძიებები მხოლოდ დისტანციური ფორმით ჩატარდება;
  • აკრძალულია მასობრივი სპორტული ღონისძიებების, შეკრებების და შეჯიბრებების ჩატარება;

ეკონომიკური საქმიანობა

  • აკრძალულია რესტორნებში, ბარებში, კაფეებსა და სასადილოებში მომხმარებლის ადგილზე კვების მომსახურება;
  • აკრძალულია ფეხსაცმლისა და ტანსაცმლის მაღაზიების მუშაობა;
  • აკრძალულია სავაჭრო ცენტრების და ბაზრობების მუშაობა, აგრარული ბაზრობების გარდა;
  • აკრძალულია სპორტული, კულტურული და გასართობი ღონისძიებების ორგანიზება და გამართვა;
  • აკრძალულია ვალუტის გადამცვლელი პუნქტების მუშაობა;
  • აკრძალულია სპორტულ-გამაჯანსაღებელი აქტივობები და პროცედურები.

ამ მომენტისათვის ინფიცირებულთა რაოდენობა 738 ადამიანს შეადგენს, აქედან 573 გამოჯანმრთელდა, 12 კი გარდაიცვალა. კიდევ სამი ინფიცირებული მოქალაქე სამკურნალოდ სხვა ქვეყნებიდან ჩამოიყვანეს. ეპიდემიოლოგები მიიჩნევენ, რომ ჯერჯერობით აუცილებელია სოციალური დისტანციის უზრუნველყოფა და მოქალაქეთა მობილობის შეზღუდვა.

კორონავირუსით ინფიცირების ახალი შემთხვევების უმრავლესობა შიდა გადაცემას უკავშირდება.

საქართველო სხვა ქვეყნებისთვის კორონავირუსთან ბრძოლაში სამაგალითოა >>

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საკარანტინო სივრცეში იმყოფება 3076, სტაციონარებში მეთვალყურეობის ქვეშ კი 250 ადამიანია.

მთავრობა მოსახლეობას მოუწოდებს, ქვეყანაში კორონავირუსთან დაკავშირებით მხოლოდ და მხოლოდ გადამოწმებულ და ოფიციალურად დადასტურებულ ინფორმაციას ენდონ. ყველა ინფორმაციის მოძიება შესაძლებელია მთავრობის მიერ სპეციალურად შექმნილ ვებ-გვერდზე StopCoV.ge.

„ცხელი ხაზის“ ნომრები: ცხელი ხაზი კარანტინის რეჟიმის საკითხებზე – 144. საქართველოს ჯანდაცვა – 15 05 (დღე-ღამის განმავლობაში); დაავადებათა კონტროლის ცენტრი – 116 001 (21:00-მდე სამუშაო დღეებში და 18:00-მდე დასვენების დღეებში).

ყველა მოხალისეს, რომელსაც აქვს დრო და სურვილი დაეხმაროს ხანდაზმულ ადამიანებს, ასევე მათ, ვისაც სპეციალური დახმარება ესაჭიროება, შეუძლია დარეკოს მერიის ცხელ ხაზზე (032)2722222 და წითელი ჯვრის ცხელ ხაზზე - 0800 000 018.

კორონავირუსი საქართველოში: შეზღუდვების მოხსნის ეტაპები
© Sputnik / Konstantin Ivanov.
კორონავირუსი საქართველოში: შეზღუდვების მოხსნის ეტაპები
78678
თემები:
COVID-19 საქართველოში