განძეული

ბიჭი სათევზაოდ წავიდა და ძვირფასეულობით სავსე სეიფი იპოვა

221
(განახლებულია 18:28 22.05.2020)
პირველი, რაც ქალმა გააკეთა, მუხლებზე დაეშვა, ბიჭს ჩაეხუტა და მადლობა უთხრა იმისთვის, რომ საიდუმლოს ამოხსნაში დაეხმარა.

თბილისი, 22 მაისი — Sputnik. ექვსი წლის ნოქს ბრიუერი სათევზაოდ წავიდა და მოულოდნელად ამოხსნა საიდუმლო, რომელსაც წლების განმავლობაში იძიებდნენ, იუწყება მედია.

​ირკვევა, რომ საკარანტინო ზომებით თავგაბეზრებულ ნოქსს YouTube-ზე მაგნიტური თევზაობის ამსახველი ვიდეო უნახავს და ფრიად დაინტერესებულა ამ მეთოდით (ანკესის ნაცვლად მძლავრი ნეოდიმური მაგნიტი გამოიყენება). ბიჭუნამ გადაწყვიტა, თავადაც ეცადა ამ სახით თევზაობა და მშობლებმაც უარი არ უთხრეს.

„ვიფიქრეთ, რომ ეს ვირუსის გამო იზოლაციის გადატანაში დაეხმარებოდა“, — აღნიშნა ნოქსის დედამ. 

მას შემდეგ, რაც მაგნიტურ თევზაობასთან დაკავშირებულ დეტალებში გაერკვა, ბიჭი უიტნის ტბაზე წავიდა სიახლის გამოსაცდელად. 

მოულოდნელად მისი მაგნიტი წყალში რაღაც იმდენად მძიმეს წამოედო, რომ გამვლელის დახმარებაც კი დასჭირდა „ნადავლის“ ამოსაღებად. ეს ლითონის სეიფი გამოდგა — ძვირფასი სამკაულებითა და საკრედიტო ბარათებით.  

ბრიუერების ოჯახმა ნაპოვნის შესახებ პოლიციაში განაცხადა. სამართალდამცველებმა კი გაარკვიეს, რომ სეიფი მეზობლად მცხოვრებ ქალს ეკუთვნოდა, რომელიც რვა წლის წინ გაუქურდავთ.

„პირველი, რაც ქალმა გააკეთა, მუხლებზე დაეშვა, ნოქსს ჩაეხუტა და მადლობა უთხრა იმისთვის, რომ მრავალწლიანი საიდუმლოს ამოხსნაში დაეხმარა“, — ამბობს ბიჭუნას მამა.

მისი თქმით, ნოქსს იმდენად მოეწონა ეს „საგამოძიებო პროცესი“, რომ მტკიცედ გადაწყვიტა პოლიციელი გახდეს.

 

221
თემები:
მსოფლიო დღეს (1646)
კორონავირუსული პანდემია

ელოდეთ მეორე პიკს: დაავადებამ შესაძლოა ნებისმიერ დროს გააკეთოს ნახტომი

17
(განახლებულია 10:59 26.05.2020)
ჯანმოს წარმომადგენლის განმარტებით, პანდემიის პირველი ტალღის დასრულებაზე ლაპარაკი ჯერჯერობით ნაადრევია, ვინაიდან დაავადებამ ნებისმიერ მომენტში შეიძლება ნახტომი გააკეთოს

თბილისი, 26 მაისი — Sputnik. მსოფლიო ამ დროისათვის იმყოფება კორონავირუს SARS-CoV-2–ის პანდემიის შუაში და არსებობს დაავადებულთა რაოდენობის მკვეთრად მატების რისკი, განაცხადა ჯანდაცვის მსოფლიო ორგანიზაციის საგანგებო სიტუაციების პროგრამის ხელმძღვანელმა მაიკ რაიანმა ჟენევაში გამართულ ბრიფინგზე. 

მისი თქმით, იმ ადამიანების რეალური რაოდენობა, რომლებიც ინფიცირებულები იყვნენ ცალკეულ ქვეყნებში, ამ დროისათვის შედარებით მცირეა. ეს კი იმას ნიშნავს, რომ დაავადების პირველი ტალღის მრუდი დაბლა იწევს, „რამდენიმე თვის შემდეგ კი დაავადების ახალი ტალღა დაიწყება“. 

რაიანმა აღნიშნა, რომ შესაძლოა ზოგ ქვეყანაში კორონავირუსის პირველი ტალღა ნამდვილად მიუახლოვდა დასასრულს, მაგრამ გლობალური მასშტაბით ის ჯერ კიდევ არ  დამთავრებულა. მისი განმარტებით, „დაავადებამ ნებისმიერ მომენტში შეიძლება ნახტომი გააკეთოს“.

„ჩვენ არ შეგვიძლია დავასკვნათ, რომ რახან ახლა დაავადება მცირდება, ის კვლავაც განაგრძობს შემცირებას და ჩვენ რამდენიმე თვე გვექნება იმისთვის, რომ ახალი ტალღის დასახვედრად მოვემზადოთ. მეორე პიკი ამავე ტალღაში შეიძლება დადგეს. ასეთი რამ სხვა პანდემიების შემთხვევებში მომხდარა. ასე იყო „ისპანკის“ დროს 1919 წელს. ამიტომ შესაძლოა მივიღოთ მეორე პიკი და არა აუცილებლად მეორე ტალღა“, — ხაზი გაუსვა მაიკ რაიანმა.

მან ასევე აღნიშნა, რომ მეორე ტალღის გაჩენის ალბათობა, რომელიც შესაძლოა გრიპის სეზონმა გაართულოს, მოგვიანებით შეფასდება.

ჯონს ჰოპკინსის უნივერსიტეტის სპეცპროექტის მონაცემებით, ვირუსის აფეთქების მომენტიდან დღემდე, COVID-19-ით დაავადებულთა რაოდენობამ მსოფლიოში 5 498 849 ადამიანი შეადგინა. აქედან გარდაიცვალა 346 306 და განიკურნა 2 233 180 კაცი.  

 

17
თემები:
მსოფლიო დღეს (1646)
ვეგეტარიანულ დიეტას შეუძლია ჯანმრთელობასთან დაკავშირებული პრობლემების განვითარების რისკი შეამციროს

რამდენიც უნდა ჭამოთ, არ გასუქდებით, თუ... მეცნიერებმა რუხი ქსოვილის ეფექტურობა დაადგინეს

109
(განახლებულია 21:02 25.05.2020)
კემბრიჯის უნივერსიტეტის სწავლულებმა, ამერიკელმა გენეტიკოსებმა და ჰარვარდელმა ბიოლოგებმა არაერთი კვლევა ჩაატარეს და დაასკვნეს, როდის და რა პირობებში აქტიურდება რუხი ცხიმოვანი ქსოვილი.

თბილისი, 25 მაისი – Sputnik. დიაბეტსა და ჭარბ წონას ორგანიზმში რუხი ცხიმოვანი ქსოვილის არააქტიურობა იწვევს, ასკვნიან ამერიკელი მეცნიერები, რომელთა ნაშრომიც გამოქვეყნებულია გამოცემაში Nature Metabolism

ირკვევა, რომ საუბარია ე.წ. „კარგ ცხიმზე“, რომელიც ორგანიზმში ნივთიერებათა დაჟანგვით მიღებულ მთელ ენერგიას სითბოდ გარდაქმნის. მეცნიერების თქმით, თუ რუხ ცხიმოვან ქსოვილს აქტიურობას ვაიძულებთ, მაშინ ადამიანს ჯანმრთელობისა და წონის პრობლემა აღარ ექნება. 

მეცნიერები განმარტავენ, რომ ახალშობილის მასის დაახლოებით 5 პროცენტს სწორედ რუხი ცხიმოვანი ქსოვილი შეადგენს. ის თირკმელების, კისრისა და ზურგის ზედა ნაწილშია მოთავსებული და ჩვილს სიცივისგან იცავს. მანამდე მიიჩნეოდა, რომ მოზრდილი ადამიანის ორგანიზმში რუხი ცხიმოვანი ქსოვილი ქრება, მაგრამ ამასწინანდელმა კვლევებმა დაადასტურა, რომ ამ ნივთიერების რამდენიმე გრამი მთელი ცხოვრება რჩება ორგანიზმში. სწორედ ის ეხმარება ადამიანს სიცივესთან შეგუებაში, გლუკოზის ეფექტურად დაჟანგვასა და წონის შენარჩუნებაში.

ამერიკელმა და იაპონელმა სწავლულებმა ყურადღება გაამახვილეს იმ ფაქტზე, რომ დიაბეტითა და ჭარბი წონით დაავადებულებს ორგანიზმში დიდი რაოდენობით აღენიშნებათ სამი ამინომჟავა – ლეიცინი, იზოლეიცინი და ვალინი. ორგანიზმი მათ ხორციდან, თევზეულიდან, კვერცხიდან და რძიდან იღებს და რუხი ცხიმოვანი ქსოვილის უჯრედებში „გზავნის“. და რაც უფრო აქტიურია რუხი ცხიმოვანი ქსოვილის ფენა, მით უფრო ინტენსიურად წმენდს ის სისხლს ზემოთ ჩამოთვლილი ამონომჟავებისგან. შესაბამისად, ადამიანი უფრო ჯანმრთელია. ხოლო თუ რუხი ცხიმოვანი ქსოვილი პასიურია, მაშინ ზემოთ ჩამოთვლილი ამინომჟავები ორგანიზმში დიდი რაოდენობით გროვდება და დიაბეტი და ჭარბცხიმიანობა ვითარდება.

სიმსუქნე, პიროვნების ტიპი და სტრესზე რეაქცია – დამოკიდებულია სისხლის ჯგუფზე>>

კემბრიჯის უნივერსიტეტის სწავლულებმა, ამერიკელმა გენეტიკოსებმა და ჰარვარდელმა ბიოლოგებმა არაერთი კვლევა ჩაატარეს და დაასკვნეს, რომ რუხი ცხიმოვანი ქსოვილი აქტიურდება სიცივეში, ფიზიკური დატვირთვისას და ასევე მათზე ზოგი ცილისა და ჰორმონების ზემოქმედების გზით. 

ჰარვარდის უნივერსიტეტის მეცნიერებმა საცდელ მღრღნელებს რუხი ცხიმოვანი ქსოვილი გადაუნერგეს (ადამიანებზე ცდები ჯერ არ ჩატარებულა) და აღმოაჩინეს, რომ თაგვები გახდნენ მიუხედავად იმისა, რომ ისინი მაღალკალორიულ კვებაზე ჰყავდათ. ამასთან, მღრღნელებს მოუწესრიგდათ ნივთიერებათა ცვლის პროცესი.

მათ ეთანხმებიან იაპონელი მეცნიერებიც, რომელთა დასკვნით, რუხი ცხიმოვანი ქსოვილის გასააქტიურებლად საკმარისია ცივ ამინდში სეირნობა და ყინულოვან წყალში ბანაობა. 

ანუ, თუ ადამიანი ექვსი კვირის განმავლობაში ყოვლდღიურად ორ საათს გაატარებს სუსხიან ჰაერზე, რუხი ცხიმოვანი ქსოვილის მარაგი ორგანიზმში შესამჩნევად გაიზრდება, ხოლო თეთრი ცხიმოვანი ქსოვილის მოცულობა შემცირდება და მასთან ერთად გაქრება ზედმეტი კილოგრამებიც.

კიდევ ერთი ეფექტური მეთოდი – რეგულარული სპორტული ვარჯიშებია, რა დროსაც ორგანიზმში ჰორმონი ირიზინი გამომუშავდება. ის კი თეთრ ცხიმოვან ქსოვილს რუხად გარდაქმნის. 

გარდა ამისა, რუხი ცხიმოვანი ქსოვილის გააქტიურებაზე გავლენას ახდენს ყავაც. ნოტინგემის (დიდი ბრიტანეთი) უნივერსიტეტის სწავლულებმა ექსპერიმენტი ჩაატარეს, რა დროსაც მოხალისეთა ერთ ჯგუფს ყავას ასმევდნენ რამდენიმე საათის განმავლობაში, მეორეს კი წყალს. ამ დროს მეცნიერები აფიქსირებდნენ რუხი ცხიმოვანი ქსოვილის აქტიურობას საცდელი პირების კისერზე.

ყავა სერიოზულ დაავადებებს ებრძვის: მეცნიერთა დასკვნა>>

პირველი ჭიქა ნატურალური ყავის მიღებიდან ნახევარი საათის შემდეგ რუხმა ცხიმოვანმა ქსოვილმა ინტენსიურად დაიწყო სითბოს გამოყოფა. სხვა სიტყვებით რომ ვთქვათ, დაიწყო კალორიების უფრო მეტი რაოდენობით წვა. კვლევის ავტორების ვარაუდით, ეს პროცესი კოფეინმა გაააქტიურა. მეცნიერები არ გამორიცხავენ, რომ მსგავსი ეფექტი, ყავის გარდა, ასევე შეიძლება ჰქონდეს სხვა პროდუქტებსაც, რომელთა შემადგენლობაშიც შედის კოფეინი.

109
თემები:
მსოფლიო და მეცნიერება