კორონავირუსის პანდემია

ეპიდემია ჯერ არ დასრულებულა: ჩინეთი ინფექციასთან ბრძოლას განაგრძობს

84
(განახლებულია 16:22 22.05.2020)
პრემიერის თქმით, კორონავირუსული ეპიდემია ყველაზე სწრაფად გავრცელებადი და ყველაზე რთული საგანგებო ვითარება აღმოჩნდა ჯანდაცვის სფეროში ჩინეთის დაარსების დღიდან.

თბილისი, 22 მაისი — Sputnik. კორონავირუსული ინფექციის ეპიდემია ჩინეთში ჯერ არ დასრულებულა, განაცხადა ჩინეთის სახელმწიფო საბჭოს პრემიერმა ლი კეციანმა.

„ამ დროისათვის ეპიდემია არ დასრულებულა... ჩვენ უნდა გავაორმაგოთ ძალისხმევა ვირუსის გამო დანაკარგების მინიმუმამდე დასაყვანად და შევასრულოთ სოციალურ–ეკონომიკური განვითარების ამოცანები მიმდინარე წლისთვის“, — აღნიშნა პრემიერმა. 

ლი კეციანის თქმით, კორონავირუსული ეპიდემია ყველაზე სწრაფად გავრცელებადი და ყველაზე რთული საგანგებო ვითარება აღმოჩნდა ჯანდაცვის სფეროში ჩინეთის დაარსების დღიდან. 

მანამდე ცნობილი გახდა, რომ ჩინეთის ხელისუფლებამ რუსეთის საზღვართან მდებარე პროვინცია გირინში (მოსახლეობა 27 მლნ-ზე მეტი) საკარანტინო შეზღუდვები განაახლა, ვინაიდან რეგიონში ერთი დღე-ღამის განმავლობაში კორონავირუსით ინფიცირების რამდენიმე ათეული ახალი შემთხვევა გამოვლინდა. გირინის ყველა დასახლებულ პუნქტში სრულადაა შეჩერებული საზოგადოებრივი ტრანსპორტის მოძრაობა, დაკეტილია სკოლები და მაღაზიები. კარანტინზეა გადაყვანილი ათასობით ადამიანი, რომლებსაც შესაძლოა კონტაქტი ჰქონოდათ დაავადებულებთან.

ჩინეთში კარანტინი განახლდა: უფრო მკაცრი, ვიდრე აქამდე>>

პროვინციის მოსახლეობის თქმით, ახალი საკარანტინო შეზღუდვები იმაზე ბევრად მკაცრია, ვიდრე ეს კორონავირუსის პირველი ტალღის დროს იყო.

ჯონს ჰოპკინსის უნივერსიტეტის სპეციალური პროექტის მონაცემებით, ვირუსის აფეთქების მომენტიდან დღემდე მსოფლიოს მასშტაბით სულ ინფიცირებულია 5 106 686 ადამიანი. აქედან გარდაიცვალა 333 001 და განიკურნა 1 951 459 კაცი. 

84
თემები:
მსოფლიო დღეს (2471)
რუსული ვაქცინით „სპუტნიკ V“ არგენტინის ლიდერი აიცრა

რუსული ვაქცინით „სპუტნიკ V“ არგენტინის ლიდერი აიცრა

12
არგენტინის ხელისუფლებამ რუსული ვაქცინა „სპუტნიკ V“-ს გამოყენების ნებართვა 2020 წლის დეკემბერში გასცა

თბილისი, 21 იანვარი - Sputnik. არგენტინის პრეზიდენტ ალბერტო ფერნანდესს კორონავირუსის საწინააღმდეგო რუსული ვაქცინა „სპუტნიკ V“-ს პირველი კომპონენტის ინიექცია გაუკეთეს, ამის შესახებ სახელმწიფოს მეთაურმა თავის Facebook-გვერდზე დაწერა.

„დღეს ავიცერი ვაქცინით „სპუტნიკ V“. მადლობა გამალეის ინსტიტუტსსამეცნიერული საქმიანობისთვის, მათ, ვინც მუშაობდა მასზე და ჩვენი ქვეყნის ყველა მედმუშაკს მათი თავდადებისთვის“, - ნათქვამია განცხადებაში.

ფერნანდესმა ასევე აღნიშნა, რომ ვაქცინა კორონავირუსის მიმართ იმუნიტეტს აყალიბებს და მოქალაქეებს მოუწოდა, მის მაგალითს მიბაძონ.

არგენტინის ხელისუფლებამ რუსული ვაქცინა „სპუტნიკ V"-ს გამოყენების ნებართვა 2020 წლის დეკემბერის ბოლოს გასცა. პირველი დოზებით აცრეს 18-დან 59 წლამდე მედიკოსები და ინტენსიური თერაპიის თანამშრომლები. გუშინ არგენტინის მარეგულირებელმა დაუშვა რუსული ვაქცინით 60 წელს გადაცილებულ მოქალაქეთა აცრა.

ამ დროისთვის ვაქცინა „სპუტნიკ V" დაჩქარებული პროცედურის ფარგლებში უკვე დარეგისტრირებული და დამტკიცებულია არგენტინაში, ბელარუსში, პალესტინაში, არაბეთის გაერთიანებულ საამიროებში, ვენესუელაში, პარაგვაიში, თურქმენეთში, სერბეთში, უნგრეთში, ბოლივიასა და ალჟირში.

12
დოლარები

ჯეკპოტი Powerball-ში: აშშ-ში უცნობმა იღბლიანმა 700 მილიონ დოლარზე მეტი მოიგო

54
ყველაზე დიდი მოგება Powerball-ში იყო თანხა 1,58 მილიარდი დოლარი: ის 2016 წელს სამმა ადამიანმა გაინაწილა

თბილისი, 21 იანვარი – Sputnik. აშშ-ში Powerball-ის ლატარია გათამაშდა - უცნობი იღბლიანი 731 მილიონ დოლარს მიიღებს, იუწყება ტელეარხი Fox2.

ტელეარხის ინფორმაციით, მომგებიანი ბილეთი მერილენდის შტატში გაიყიდა, ხოლო გათამაშება ოთხშაბათს, 20 იანვარს გაიმართა.

ეს ჯეკპოტი აშშ-ის ისტორიაში სიდიდით მეხუთეა, ის გათამაშდა მეორე დღეს მას შემდეგ, რაც ვერავინ ვერ ამოიცნო რიცხვების სწორი კომბინაცია სხვა პოპულარულ ლატარიაში - Mega Millions-ში. მასში მაქსიმალური თანხა, რომლის მოგებაც შესაძლებელია, 970 მილიონამდე გაიზარდა.

Powerball-ში ყველაზე დიდი მოგება იყო 1,58 მილიარდი დოლარი: ეს თანხა 2016 წელს სამმა ადამიანმა გაინაწილა.

ლატარიის წესების მიხედვით, მოგების მიღების ორი ვარიანტი არსებობს: მას 30 წლის განმავლობაში უხდიან მოგებულს (სრული თანხა) ან ერთჯერადად უხდიან (ამ შემთხვევაში თანხა ნაკლები იქნება). თუ ოთხშაბათს გათამაშებული ჯეკპოტის მფლობელი მეორე ვარიანტს აირჩევს, მას 546 მილიონ დოლარზე ოდნავ მეტს გადაუხდიან.

54
ავიაკომპანია  Flydubai

მოგზაურობის მოყვარულთათვის: Flydubai საქართველოში ფრენებს აღადგენს

0
(განახლებულია 09:45 22.01.2021)
კორონავირუსის გავრცელების მხრივ სიტუაციის გაუარესების გამო დაგეგმილი ავიარეისების გაუქმება ან გარკვეული დროით გადადება ბევრჯერ მოუწია როგორც ქართულ, ისე უცხოურ ავიაკომპანიებს.

თბილისი, 22 იანვარი – Sputnik. არაბთა გაერთიანებული საამიროების სახელმწიფო ავიაკომპანია Flydubai საქართველოს მიმართულებით ფრენებს 28 იანვრიდან განაახლებს, ნათქვამია საქართველოს აეროპორტების გაერთიანების განცხადებაში.ავიარეისი დუბაი–თბილისი კვირაში ორჯერ შესრულდება.

საქართველომ ავიამიმოსვლა ყველა მიმართულებით მიმდინარე წლის მარტის შუა რიცხვებში შეწყვიტა, როდესაც ჯანმომ კორონავირუსის პანდემიის შესახებ გამოაცხადა. შეზღუდვები არ ეხებოდა მხოლოდ იმ სპეცრეისებს, რომლებიც ქვეყნის მოქალაქეების სამშობლოში დაბრუნებას ისახავდა მიზნად. ზაფხულის შუა პერიოდში რეგულარული ფრენების აღდგენა დაიწყო, თუმცა, ეპიდვითარების გაუარესების გამო ავიამიმოსვლის აკრძალვის ვადა 2021 წლის 31 იანვრამდე გაახანგრძლივა. 

ეპიდვითარების მკვეთრმა გაუარესებამ საქართველოს მთავრობა იძულებული გახადა საერთაშორისო რეგულარული ავიამიმოსვლის განახლების თარიღი რამდენჯერმე გადაედო. 

ადრე, ეკონომიკისა და მდგრადი განვითარების მინისტრმა ნათია თურნავამ განაცხადა, რომ საქართველოს მთავრობამ საერთაშორისო რეგულარულ ავიამიმოსვლაზე დაწესებული ყველა შეზღუდვა, შესაძლოა, მიმდინარე წლის თებერვლიდან გააუქმოს.

როგორც ქვეყნის სამოქალაქო ავიაციის სააგენტომ განაცხადა, ავიაგადამზიდ კომპანიებს კვლავ აქვთ საქართველოში ფრენების განახლების სურვილი. აქტიურად გრძელდება რეგულარული საჰაერო ავიამიმოსვლის ეტაპობრივი აღდგენისთვის ტექნიკური კონსულტაციები და სამუშაოები. ამასთან, ავიაცია აქტიურად ემზადება ვაქცინის ტრანსპორტირებისთვის.

ზაფხულის შუა პერიოდში რეგულარული ფრენები განახლდა მიუნხენში, პარიზსა და რიგაში. ოქტომბრის დასაწყისში ლოუკოსტერმა Wizzair–მა ქუთაისიდან რიგაში რეგულარული ფრენები განაახლა, ნოემბრიდან კი გადაწყვეტილება იქნა მიღებული რეგულარული ფრენების კიდევ 12 ქვეყანაში განახლების შესახებ.

0
თემები:
ავიამიმოსვლა საქართველოში