მზის ჩასვლა

მოემზადეთ ძლიერი მაგნიტური ქარიშხლებისთვის: დასახელდა უახლოესი მძიმე დღეები

1774
(განახლებულია 19:32 19.05.2020)
იმ დღეების წინასწარ ცოდნა, როდესაც მაგნიტური ქარიშხლებია მოსალოდნელი, დაგეხმარებათ მოემზადოთ და მინიმუმამდე დაიყვანოთ მისი ნეგატიური ზემოქმედება.

თბილისი, 19 მაისი — Sputnik. მაგნიტური ქარიშხლები ყოველთვის უარყოფით გავლენას ახდენს ადამიანების, განსაკუთრებით კი მეტეოდამოკიდებულების მდგომარეობაზე. ამიტომ იმ დღეების წინასწარ ცოდნა, როდესაც ეს მოვლენაა მოსალოდნელი, დაგეხმარებათ მოემზადოთ და მინიმუმამდე დაიყვანოთ მისი ნეგატიური ზემოქმედება, წერენ სპეციალისტები.   

ექსპერტების თქმით, მაგნიტური ქარიშხლებისას დიდი მნიშვნელობა აქვს, რამდენად აქტიურია იმ მომენტში მზე. თუ ის ძალიან აქტიურია, მაშინ ჯანმრთელი ადამიანებიც კი იგრძნობენ თავს შეუძლოდ.

მზის რენტგენული ასტრონომიის ლაბორატორიის მონაცემებით, მიმდინარე თვეში უკვე რამდენჯერმე იყო მაგნიტური ქარიშხალი, თუმცა მომდევნო დღეებში მოვლენა ისევაა მოსალოდნელი.

მაგალითად, 18 მაისს დაწყებული უმნიშვნელო აფეთქებები მზეზე ამ დღეებში (18–21 მაისი) იმდენად სუსტ მაგნიტურ ქარიშხლებს წარმოშობს, რომ მათ გავლენას მეტეოდამოკიდებული ადამიანებიც კი ვერ იგრძნობენ.  

თუმცა მოვლენების ჯერი ამით არ დასრულდება.

23 მაისს ისევაა მოსალოდნელი სუსტი შეტევა, ხოლო 28–29 მაისს ძლიერი მაგნიტური ქარიშხალი იქნება.

მაგნიტური (გეომაგნიტური) ქარიშხალი — დედამიწის გეომაგნიტური ველის შფოთვაა, რომელსაც პლანეტის შემოგარენში მზის ქარის ნაკადების შემოჭრა და მათი დედამიწის მაგნიტოსფეროსთან ურთიერთქმედება იწვევს. მოვლენა შეიძლება გაგრძელდეს რამდენიმე საათიდან რამდენიმე დღის მანძილზე უწყვეტად. 

აღსანიშნავია, რომ მაგნიტური ქარიშხლების გამო ყველაზე ცუდად თავს იგრძნობენ გულ-სისხლძარღვთა და სახსრების დაავადებების მქონე, ასევე ჰიპერტონიისადმი მიდრეკილი, მეტეოდამოკიდებული და ფსიქოემოციურად არასტაბილური ადამიანები. თუმცა ჯანმრთელობის პრობლემებს ამა თუ იმ დონით აბსოლუტურად ყველა შეიგრძნობს. 

მედიკოსების თქმით, მეტეოშეტევების დროს თავს იჩენს უმიზეზო თავის ტკივილი, შაკიკი, არტერიული წნევის ცვალებადობა, განწყობის ცვლა — აღგზნებიდან აპათიამდე, უძილობა და დეპრესიული განწყობა.

მედიკოსები მაგნიტურ ქარიშხალთან დაკავშირებით შემდეგ რეკომენდაციებს იძლევიან:

  • დაწექით დასაძინებლად შეძლებისდაგვარად ადრე - ძილის დროს გამოყოფილი მელატონინი ეხმარება ორგანიზმს აღდგენაში და ასევე ნორმაში მოჰყავს სისხლის წნევა; გაღვიძებისას კი (განსაკუთრებით ჰიპერტონიკები) არ უნდა წამოდგეთ საწოლიდან მკვეთრად;
  • კარგია კონტრასტული შხაპის მიღება - ოღონდ მხოლოდ იმ შემთხვევაში, თუ ამას თქვენი ჯანმრთელობისთვის უკუჩვენება არ აქვს;
  • დღის განმავლობაში ერთხელ მაინც უნდა გაისეირნოთ ჰაერზე, ან, უკიდურეს შემთხვევაში, რამდენჯერმე გაანიავოთ ოთახი - სუფთა ჰაერი დადებითად მოქმედებს გულ-სისხლძარღვთა სისტემაზე.
  • არ არის რეკომენდებული ალკოჰოლური სასმელებისა და ყავის მიღება, ასევე თამბაქოს მოწევა;
  • საუკეთესო მენიუ ასეთ დღეებში არის ხილი, ბოსტნეული, ფაფები, ქათმის მოხარშული ხორცი და თევზეული;
  • მიიღეთ ტკივილგამაყუჩებელი, დამამშვიდებელი და მატონიზირებელი პრეპარატები, რომლებიც ექიმის მიერ გაქვთ დანიშნული;
  • ნერვული აშლილობისას საუკეთესოა ნატურალური დამამშვიდებელი საშუალებების მიღება - კატაბალახას (ვალერიანი), ბარამბოსა თუ შავბალახას ნახარში ან ნაყენი;
  • კარგი იქნება, თუ სტრესს თავს აარიდებთ და სხვა დროისთვის გადადებთ მნიშვნელოვანი საკითხების გადაჭრას.
1774
თემები:
მსოფლიო დღეს (1686)
Turkish Airlines

ფრენების აღდგენა: რას გვთავაზობენ ავიაკომპანიები 1 ივლისიდან  - მიმართულებები, ფასები

214
(განახლებულია 12:56 04.06.2020)
ევროპიდან საქართველოს მიმართულებით მგზავრობის მოთხოვნის გაზრდამ, მნიშვნელოვანი გავლენა მოახდინა ავიაბილეთების ფასებზე.

კორინავირუსის პანდემიამ არა მხოლოდ ზოგადად ბიზნესი, მოგზაურთა ინტერესებიც მნიშვნელოვნად დააზარალა.

ამჟამად საქართველოს მთავრობა ფრენების აღდგენის თაობაზე მოლაპარაკებებს აწარმოებს პარტნიორ ქვეყნებთან და როგორც ამბობენ, ქართულ ავიაბაზარზე პირველ რიგში აღდგება ის მიმართულებები, სადაც ეპიდსიტუაცია შედარებით სტაბილურია.

ჩვენ გადავხედეთ 1 ივლისიდან საქართველოს ავიაბაზარზე სხვადასხვა ავიაკომპანიების მიერ დაანონსებულ ფრენებს და გთავაზობთ მოკლე მიმოხილვას იმისა, თუ რა სურათი იკვეთება დღეისათვის:

ვინაიდან, ევროპიდან საქართველოს მიმართულებით მგზავრობის მოთხოვნა ძალიან მაღალია, საკმაოდ არის გაზრდილი ფასები გერმანია-საქართველოს და ესპანეთი-საქართველოს რეისებზე. მაგალითად, თუ დორტმუნდი-ქუთაისი ღირდა 50-დან 70 ევრომდე, ამჟამად პირველივე რეისი 2 ივლისს დორტმუნდი-ქუთაისი 370 ევრო ღირს, შემდეგ დღეებში ფასები იკლებს მაგრამ არანაკლებია 90 ევროზე.

აღსანიშნავია რომ დღევანდელი მდგომარეობით ფასების ვარდნა ავიაბილეთებზე აღინიშნება 15 ივლისის შემდეგ. სავარაუდოდ ეს განპირობებულია საჰაერო სივრცის გახსნის პირველ დღეებში ავიაბილეთებზე მაღალი მოთხოვნით. ბარსელონა-ქუთაისი, რომელიც 45 დღით ადრე ღირდა 50-დან 70 ევრომდე, ახლა ღირს 90-100 ევრო.

ამასთან ერთად, სააგენტომ მოიძია 5 ივლისამდე თბილისიდან გამავალი რეისების ბილეთების ფასები. აღმოჩნდა, რომ ფასები საგრძნობლად არის გაზრდილი.

1 ივლისი: თბილისი - ლონდონი - 401 ლარი

1 ივლისი: თბილისი - ბრიუსელი - 406 ლარი

1-2 ივლისი: თბილისი - პარიზი - 446 ლარი

2 ივლისი: თბილისი - კიევი - 356 ლარი

2 ივლისი: თბილისი - ვენა - 341 ლარი

3 ივლისი: თბილისი - ბერლინი - 330 ლარი

4 ივლისი: თბილისი - ამსტერდამი - 464 ლარი

5 ივლისი: თბილისი - ბარსელონა - 252 ლარი

არსებობს ექსპერტების მოსაზრება, რომ თუ თვითმფრინავის ბორტზე შუა ადგილი სოციალური დისტანცირების მოტივით გაუქმდება, ეს ავიაბილეთებს ევროპაში 49%-ით გააძვირებს. მსგავსი რეკომენდაცია კი კორონავირუსის პანდემიის გავრცელების თავიდან ასაცილებლად მსოფლიო ჯანდაცვის ორგანიზაციას აქვს.

ბილეთის საფასურის გაძვირების პრობლემა ყველა რეისს და ავიაკომპანიას არ ეხება, ანუ არსებულ ხარჯებთან და მთელ რიგ რეგულაციებთან ერთად მგზავრების ინტერესებიც დაცულია.

როგორც „Sputnik საქართველოს“ ქართულ ავიაკომპანია Myway Airlines-ში განუცხადეს, ხარჯი გაზრდილია, თუმცა ამ დროისთვის, შესაძლებელია ავიაკომპანია ისევ მომხმარებლების ინტერესებზე მორგებული დარჩეს.

„ხარჯი რასაკვირველია გაგვეზარდა, თუმცა ამ ეტაპზე ისევ ჩვენი მომხმარებლების იტერესებს ვითვალისწინებთ. ყველანაირად ვცდილობთ რომ იგივე ფასები შევინარჩუნოთ რაც აქამდე გქვონდა. ოპერირებასაც ამ ეტაპზე ასე ვიწყებთ“ - განუცხადეს სააგენტოს.

რამდენიმე ავიაკომპანიამ სტანდარტული ფასები უცვლელი დატოვა, რაც გაზრდილ ფასებთან შედარებით მნიშვნელოვან შეღავათს აძლევს მგზავრებს.

მაგალითად: 1 ივლისს დილის 4 საათზე პირველ რეისს ავიაკომპანია „პეგასუსი“ თბილისი-სტამბოლის რეისს განახორციელებს, სადაც ბილეთის სტანდარტული ფასი 65 ევროა. თბილისი-სტამბოლის და ბათუმი-სტამბოლის ავიაბილეთების დაჯავშნა უკვე შესაძლებელია. თურქეთის ავიახაზების ავიაბილეთების ფასები 269 ლარიდან იწყება. Turkish Airlines-ის პრესმდივანმა, იაჰია იუსთუნმა განაცხადა, რომ ავიაკომპანია საერთაშორისო ფრენებს 18 ივნისიდან განაახლებს.

ქუთაისის აეროპორტიდან 1 ივლისს ქუთაისი-რომის რეისია დაგეგმილი და ბილეთის ფასი 230 ლარია. თუმცა... იტალია ისევ იმ რისკ ჯგუფის ქვეყნებს მიეკთვნება, სადაც პანდემია მძვინვარებს. ასევე, 06:00 საათზე თბილისი-კიევის რეისია და უკრაინაში გაფრენა 85 ევროდ შეგეძლებათ.

ავიაკომპანია „რაინაირის“ სისტემაში ბილეთები გასაყიდად უკვე გამოჩნდა. ავიაკომპანიის განრიგი საქართველოდან ფრენებზე ასეთია:

3 ივლისს თბილისი-მილანი - ბილეთის ფასი 107 ლარიდან იწყება; 5 ივლისს - თბილისი-კიოლნის რეისისთვის ბილეთის ფასია 291 ლარი; 1 აგვისტოს ქუთაისიდან შეგიძლიათ 122 ლარად ბოლონიაში გაფრინდეთ.

რაც შეეხება თბილისი-თელავივის საჰაერო ხაზს, ოპერირებისთვის მზადაა შემდეგი ავიაკომპანიები: Myway-ს ავიახაზები,

El al airlines , Airzena georgian airlines,  Israir airlines.  რეისები დაგეგმილია 1 ივლისიდან, ავიაბილეთების ფასები კი ადრინდელთან შედარებით თითქმის უცვლელია - იწყება 448 ლარიდან.

ასეა, თუ ისე, ავიაკომპანიები მზად არიან ფრენების აღდგენისთვის. მოლაპარაკებები კი ისევ მიმდინარეობს...

საქართველოს ეკონომიკისა და მდგრადი განვითარების მინისტრმა ნათია თურნავამ ჩეხეთის ვიცე-პრემიერ კარელ ჰავლიჩეკთან ონლაინ-შეხვედრა უკვე გამართა, სადაც, ქვეყნებს შორის პირდაპირი ფრენების აღდგენის საკითხი განიხილეს. მინისტრის განმარტებით, ჩეხეთი შესაძლოა იყოს ერთ-ერთი პირველი ქვეყანა, საიდანაც ტურისტები ივლისში საქართველოში ჩამოვლენ.

ასევე, ლატვიის ეროვნული გადამზიდავი Air Baltic-ი მზადაა, ივლისის პირველი დეკადიდან განახლოს ფრენები საქართველოს მიმართულებით. შესაბამისი განაცხადი უკვე შევიდა ეკონომიკისა და მდგრადი განვითარების სამინისტროსა და სამოქალაქო ავიაციის სააგენტოში. მინისტრმა ასევე აღნიშნა, რომ ლატვიიდან საქართველოში რეგულარული რეისების აღდგენით დაინტერესებულია უნგრული ბიუჯეტური ავიაკომპანია Wizz Air-იც, რომელმაც ასევე შეიტანა განაცხადი ფრენების დაწყებაზე.

 

214

მე ჯორჯ ფლოიდი ვარ ამერიკული პროტესტის ტალღა მთელ მსოფლიოს მოედო

33
(განახლებულია 11:50 04.06.2020)
მსოფლიო ჯერ კიდევ არ გამკლავებია კორონავირუსის ეპიდემიას, მაგრამ მას უკვე მოედო ახალი ― პროტესტის პანდემია. დემონსტრაციები რასიზმისა და პოლიციური თავნებობის წინააღმდეგ ბევრ ქვეყანაში მიმდინარეობს

თავდაპირველად პროტესტი მინაპოლისში დაიწყო, სადაც პოლიციას აფროამერიკელი ჯორჯ ფლოიდი შემოაკვდა დაკავებისას. აქციები საკმაოდ სწრაფად გავრცელდა აშშ-ში, შემდეგ კი მის საზღვებსაც გასცდა.

ასობით ადამიანი პლაკატებით ხელში „ვერ ვსუნთქავ!“ და „არ არის სამართალი, არ არის მშვიდობა!“ გამოვიდნენ ნიდერლანდების, საფრანგეთის, ესპანეთის, არგენტინის, დიდი ბრიტანეთისა და გერმანიის ქუჩებში.

საბერძნეთში აქციის მონაწილეებმა დაწვეს დროშ აშშ-ის საკონსულოს წინ. 

არეულობით დასრულდა პროტესტები კანადასა და საფრანგეთში, სადაც პოლიციას ცრემლსადენი გაზის გამოყენება მოუხდა დემონსტრანტების დასაშლელად.

კადრები მოვლენების ადგილიდან იხილეთ ჩვენს ვიდეოში.

33
გამოცდების პერიოდი

ცნობილია, როდის ჩატარდება ერთიანი  ეროვნული გამოცდები

0
(განახლებულია 12:55 04.06.2020)
გავრცელებული ინფორმაციით, გამოცდების ეროვნული ცენტრი სადენზინფექციო საშუალებებისა და სამედიცინო მოწყობილობების შეძენას გეგმავს

თბილისი, 4 ივნისი - Sputnik. შეფასებისა და  გამოცდების ეროვნული ცენტრი ეროვნული გამოცდების ჩატარებას ივლისის პირველ რიცხვებში გეგმავს, იუწყება ტელეკომპანია Imedi.

გავრცელებული ინფორმაციით, ამ ეტაპზე ცენტრი გამოცდების ჩასატარებლად აუცილებელ მოწყობილობებს და აქსესუარებს ყიდულობს.

„ერთიანი ეროვნული გამოცდების, საერთო სამაგისტრო გამოცდების, საგნის გამოცდის, საგნობრივი და პროფესიული კომპეტენციების დადასტურების ტესტირების ჩატარების დაწყება იგეგმება 2020 წლის ივლისის პირველ რიცხვებში და საორიენტაციოდ გაგრძელდება ერთი თვე. გამოცდების დაწყებამდე საგამოცდო ცენტრები უზრუნველყოფილი უნდა იყოს ყველა საჭირო საქონლითა და მომსახურებით“,- აღნიშნულია  უწყების მიერ გავრცელებულ განცხადებაში.

კერძოდ, სატენდერო დოკუმენტაციის მიხედვით, შეფასებისა და გამოცდების ეროვნული ცენტრი სადეზინფექციო საშუალებებში 27 500 ლარის გადახდას გეგმავს, სამედიცინო მოწყობილობისთვის კი – 266 250 ლარის. შესყიდვის ჯამური თანხა კი 1 676 270 ლარია.

განათლების სამინისტროს ინფორმაციით, საგამოცდო პროცესის ორგანიზებისას გათვალისწინებული იქნება უსაფრთხოების ყველა ზომა, მათ შორის, დისტანცირების, ჰიგიენური ნორმების დაცვისა და დეზინფექციის საკითხები. გამოცდის მსვლელობისას ერთ სივრცეში (სექტორში) განთავსდება არაუმეტეს 10 აბიტურიენტისა რეკომენდებული დისტანციის დაცვით.

„მშვიდობით, სკოლა!" – დღეს XII კლასელებმა სკოლა დაამთავრეს>>

წელს ერთიან ეროვნულ გამოცდებზე 39 ათასზე მეტი აბიტურიენტი დარეგისტრირდა,  საერთო სამაგისტრო გამოცდის ჩაბარების მსურველთა რაოდენობა 12 ათასზე მეტს შეადგენს, ხოლო სტუდენტთა საგრანტო კონკურსზე გასვლის სურვილი 3600-ზე მეტმა სტუდენტმა გამოხატა.

0
თემები:
COVID-19 საქართველოში