ცუნამი

გიგანტური ცუნამის საფრთხე: ალასკას 300-მეტრიანი ტალღები ემუქრება

188
(განახლებულია 17:31 19.05.2020)
სწავლულთა თქმით, მყინვარ ბარის დნობის შედეგად ფორმირდება უზარმაზარი მეწყერი, რომლის მასაც მილიონობით ტონას მიაღწევს. მოსალოდნელი კატასტროფის ანიმაციური გამოსახულება ინტერნეტით ვრცელდება.

თბილისი, 19 მაისი — Sputnik. ალასკას გიგანტური ცუნამი ემუქრება, რისი მიზეზიც მყინვარ ბარის სწრაფი დნობა გახდება, აცხადებენ ამერიკელი მეცნიერები. 

გეოლოგიური და გეოფიზიკური სამსახურის ქვედანაყოფის დირექტორმა სტივ მასტერმანმა და მისმა კოლეგებმა მყინვარზე დაკვირვების შედეგები ღია წერილით აცნობეს ხელისუფლებას.

„დამანგრეველი ცუნამი შესაძლოა მოხდეს ერთი წლის, ან, უფრო სავარაუდოდ, ოცი წლის განმავლობაში“, —  ნათქვამია ღია წერილში.

სწავლულთა თქმით, მყინვარ ბარის დნობის შედეგად ფორმირდება უზარმაზარი მეწყერი, რომლის მასაც მილიონობიოთ ტონას მიაღწევს. მოსალოდნელი კატასტროფის ანიმაციური გამოსახულება ინტერნეტით ვრცელდება. 

გეოლოგიური და გეოფიზიკური სამსახურის მთავარი სპეციალისტი ანა ლილედალი განმარტავს, რომ მეწყერი ჯერჯერობით ნელა მოძრაობს, მაგრამ ცვლილება ნებისმიერ მომენტში შეიძლება მოხდეს და მაშინ ფიორდის წყლებში ჩატანილი მილიონობით ტონა მეწყრული მასა დაახლოებით 300 მეტრი სიმაღლის ტალღებს წარმოქმნის.

მეცნიერები განმარტავენ, რომ მეწყრის საფრთხის შესახებ კვლევა ჯერჯერობთ არ გამოუქვეყნებიათ რეცენზირებულ სამეცნიერო ჟურნალში, მაგრამ მიაჩნიათ, რომ საშიშროების თაობაზე გაფრთხილება დაუყოვნებლივ უნდა გაევრცელებინათ.

მათი თქმით, მეწყრის კატასტროფული მოძრაობის „გამშვებ მექანიზმად“ შეიძლება იქცეს როგორც ხანგრძლივი წვიმები, ისე ძლიერი თოვა თუ სითბური ტალღები.

აღსანიშნავია, რომ ალასკაზე უკვე მოხდა ასობით მეტრი სიმაღლის ცუნამი 2015 წელს, რომლის მიზეზიც ასევე გახდა მყინვარის დნობით გამოწვეული უზარმაზარი მეწყერი.

188
თემები:
მსოფლიო და მეცნიერება (391)
 ვირუსოლოგიის ლაბორატორია უჰანში

შეიქმნა ხელოვნურად, გავრცელდა შემთხვევით: ქვეყნდება ბრიტანული დაზვერვის შეფის ექსკლუზივი

189
(განახლებულია 13:52 04.06.2020)
დიდი ბრიტანეთის დაზვერვის, MI6-ის ყოფილი შეფი ექსკლუზიურ ინტერვიუში საუბრობს ბოლო კვლევაზე, რომელიც კორონავირუსის ხელოვნურ წარმოშობას ადასტურებს

თბილისი, 4 ივნისი — Sputnik. ახალი კორონავირუსი უჰანის ლაბორატორიაში გაჩნდა და უბედური შემთხვევის შედეგად გავრცელდა, აცხადებს ბრიტანეთის დაზვერვის, MI6–ის ექს–შეფი რიჩარდ დირლავი Telegraph–ისთვის მიცემულ ექსკლუზიურ ინტერვიუში.

​დირლავის თქმით, ის გაეცნო ახალ „მნიშვნელოვან“ სამეცნიერო კვლევას, რომელშიც ნათქვამია, რომ ვირუსი ხელოვნურად შექმნეს ჩინელმა სწავლულებმა. 

მისი განმარტებით, საუბარია ბრიტანელი და ნორვეგიელი მეცნიერების, ლონდონის უნივერსიტეტის პროფესორის, ანგუს დალგლიშისა და ნორვეგიელი ვირუსოლოგის, ბირგერ სორენსენის სამეცნიერო სტატიაზე, რომელიც მიმდინარე კვირაში გამოქვეყნდა.

„ვფიქრობ, რომ [ეპიდემია] დაიწყო როგორც უბედური შემთხვევა. ჩნდება კითხვა: თუ ჩინეთი ოდესმე აღიარებს თავის პასუხისმგებლობას, გადაიხდის თუ არა ის კომპენსაციას? ჩემი აზრით, ეს აიძულებს მსოფლიოს თითოეულ ქვეყანას, გადახედოს ჩინეთთან უთიერთობებს“, — აღნიშნა დაზვერვის ყოფილმა შეფმა. 

შეგახსენებთ: აშშ–ის პრეზიდენტი დონალდ ტრამპი მანამდე უკვე დაემუქრა ჩინეთს სასტიკი სანქციებით იმ შემთხვევაში, თუ გაირკვევა, რომ პანდემიის გამომწვევი ვირუსი მართლაც ხელოვნურად შეიქმნა უჰანის ლაბორატორიაში, ხოლო ჩინეთის ხელისუფლებამ შეგნებულად გაავრცელა ის მსოფლიოში.

კაცობრიობა ამგვარ ცოდნას არ ფლობს: უჰანის ლაბორატორიის დირექტორი ბრალდებებს პასუხობს>>

თავის მხრივ, ჩინეთმა არაერთხელ უარყო აღნიშნული ბრალდება და განაცხადა, რომ უჰანის ლაბორატორიიდან არანაირი ვირუსი „არ გაქცეულა“. 

189
თემები:
მსოფლიო დღეს
ჯორჯ ფლოიდის დაკავების კადრები

„არ იღელვო, მე ვიზრუნებ“: NBA-ს ჩემპიონი სულისშემძვრელ პოსტს აქვეყნებს

54
(განახლებულია 13:22 04.06.2020)
დაღუპულ აფროამერიკელ ჯორჯ ფლოიდს ექვსი წლის გოგონა დარჩა, რომელიც მას გერლფრენდთან შეეეძინა და რომელზეც თავად ზრუნავდა

თბილისი, 4 ივნისი — Sputnik. აშშ–ის კალათბურთის ეროვნული ასოციაციის, NBA–ს ყოფილმა მოთამაშე სტივენ ჯეკსონმა დაღუპული ჯორჯ ფლოიდის ექვსი წლის გოგონას, ჯიანა ფლოიდის მეურვეობა იკისრა.

ირკვევა, რომ ექს–ჩემპიონი გარდაცვლილის მეგობარი იყო.

ჯეკსონმა Instagram–ზე დაღუპული მეგობრისადმი მიძღვნილი პოსტი გამოაქვეყნა, რომელშიც დაპირდა, რომ იზრუნებდა დაობლებულ პატარაზე.

„არ იღელვო, ტვინ, მე ვიზრუნებ შენს ჯი–ჯიზე. იცოდე ეს. მე ყოველთვის ვზრუნავ ძმებზე“, — დაწერა კალათბურთელმა.

აღსანიშნავია, რომ ცოტა ხნის წინ გამოქვეყნდა მინესორტის შტატის სასამართლო–სამედიცინო ექსპერტის დასკვნა, რომლის თანახმადაც, პოლიციელების მიერ დაკავებისას დაღუპული ჯორჯ ფლოიდი კორონავირუსით იყო ინფიცირებული.

 

54
თემები:
მსოფლიო დღეს
მეტროს მგზავრები პირბადეებით

როგორ ემზადება საქართველოს მთავრობა კორონავირუსის მეორე ტალღისთვის

0
(განახლებულია 14:45 04.06.2020)
საქართველო  საერთაშორისო პარტნიორებთან ერთად ცხოვრების სხვადასხვა სფეროზე კორონავირუსის ეპიდემიის გავლენის შესახებ ფართომასშტაბიან კვლევას ჩაატარებს

თბილისი, 4 ივნისი – Sputnik. აუცილებელია დეტალური კვლევის ჩატარება კორნავირუსის ცხოვრების სხვადასხვა სფეროზე გავლენის კუთხით, რათა მოვემზადოთ პანდემიის მეორე ტალღისთვის, რომელზეც ყველა ლაპარაკობს, განაცხადა მთავრობის სხდომაზე საქართველოს პრემიერ-მინისტრმა გიორგი გახარიამ.

პრემიერის თქმით, მუშაობამ პარლამენტისთვის წარდგენილ ანგარიშზე მთავრობის მიერ კრონავირუსთან ბრძოლაში გადადგმული ნაბიჯების შესახებ ნათლად აჩვენა, რომ ეს ძალზე კარგი შესაძლებლობაა სუსტი ადგილების გამოსავლენად.

პრემიერმა აღნიშნა რომ ეს ანგარიში საფუძვლად დაედება კვლევას, რათა პანდემიასთან ბრძოლა უფრო ეფექტური იყოს.

„იმისთვის, რომ უფრო ეფექტურად ვიყოთ მომზადებული შესაძლო მეორე ტალღისთვის... გვინდა, გამოვიყენოთ ეს ანგარიში, როგორც, ასე ვთქვათ, პირველი ნაბიჯი იმისთვის, რომ დავიწყოთ ფართო კვლევა საერთაშორისო პარტნიორებთან ერთად „კოვიდ-19“-ის ვირუსის, ეპიდემიის ზეგავლენის შესახებ ჩვენი ცხოვრების სხვადასხვა სფეროზე – სოციალური და პოლიტიკური ცხოვრება, ადამიანის უფლებები, ბავშვების უფლებები, სამართლებრივი პროცესები და ა.შ. თუ ვამბობთ, რომ ეს არის გლობალური პანდემია, ჩვენ მას ვპასუხობთ ეფექტურად, რამეთუ ვმართავთ რისკებს, შესაბამისად უნდა გადავაზღვიოთ ჩვენი სოციალური ცხოვრების ყველა სფერო, რათა ადაპტაცია მოხდეს არა მხოლოდ ეკონომიკასთან, არამედ ცხოვრების სხვადასხვა სფეროსთან. ვფიქრობ, ჩვენი საერთაშორისო პარტნიორები და დონორები მოგვეხმარებიან მსგავსი კვლევების ჩატარებაში მაქსიმალურად სწრაფ დროში“, – განაცხადა გახარიამ.

პრემიერმა აღნიშნა რომ ეს კვლევა შესანიშნავი შესაძლებლობა გახდება იმისთვის, რომ არა მხოლოდ უკეთ მოვემზადოთ მეორე ტალღისთვის, არამედ გავუზიაროთ საქართველოს გამოცდილება საერთაშორისო პარტნიორებსაც.

0
თემები:
COVID-19 საქართველოში