სიტუაცია ნიუ-იორკში

კორონავირუსი აშშ-ში, იტალიასა და მსოფლიოში - ბოლო მონაცემები 17 მაისისთვის

174
(განახლებულია 13:59 17.05.2020)
ჯონს ჰოპკინსის ამერიკული უნივერსიტეტის ბოლო მონაცემებით, კორონავირუსს მსოფლიოში 310 ათასზე მეტი ადამიანი ემსხვერპლა

თბილისი, 17 მაისი - Sputnik. მთელი მსოფლიოს მასშტაბით კორონავირუსის დადასტურებული შემთხვევების რაოდენობა 17 მაისისთვის 4 434 653 ადამიანს შეადგენს, გარდაიცვალა სულ 302 168 ადამიანი, ნათქვამია ჯანდაცვის მსოფლიო ორგანიზაციის ვებგვერდზე.

ინფიცირების შემთხვევათა უმრავლესობა აშშ-შია რეგისტრირებული - 1 909 483. ერთ დღე-ღამეში მსოფლიოში ინფიცირების 86 827 ახალი შემთხვევა დაფიქსირდა, გარდაიცვალა 4 940 ადამიანი.

ამავე დროს ჯონს ჰოპკინსის უნივერსიტეტი, რომელიც ცალკეული სახელმწიფოების ფედერალური და ადგილობრივი ხელისუფლებების, ასევე მედიის და სხვა წყაროების მონაცემებს აჯამებს, იუწყება 4 636 173 გამოვლენილი შემთხვევისა და 311 827 გარდაცვლილის შესახებ.

11 მარტს ჯანმომ COVID-19-ის აფეთქება პანდემიად გამოაცხადა.

სიტუაცია აშშ-ში

აშშ კორონავირუსის დადასტურებული შემთხვევების და გარდაცვლილთა რაოდენობით მსოფლიოში ისევ პირველ ადგილზეა - დღეისათვის ამერიკაში  1 443 397 ინფიცირებულია და 87 568 დაღუპულია. ყველაზე მეტი შემთხვევა ნიუ-იორკისა და ნიუ-ჯერსის შტატებშია დაფიქსირებული. გასულ 24 საათში ქვეყანაში დაინფიცირდა 25 050 პირი და 1 632 ადამიანი გარდაიცვალა.

აშშ-ს ხელისუფლების რეაქცია კორონავირუსის პანდემიის წინააღმდეგ ბრძოლაში მთელ ქვეყანაში და, განსაკუთრებით, მოხუცებულთა სახლებში ძალიან ნელი იყო, რის შედეგადაც მათი პაციენტები ინფექციისადმი ყველაზე მოწყვლადი აღმოჩნდნენ, განაცხადა აშშ-ის გრძელვადიანი მოვლის საზოგადოებრივი კოალიციის აღმასრულებელმა დირექტორმა, რიჩარდ ჯ. მოლოტმა.

„სახელმწიფოს შეეძლო შეემცირებინა რისკის დონე მოხუცებულთა სახლების პაციენტებისთვის. სამწუხაროდ, ფედერალურმა მთავრობამ ერთგვარად უგულებელყო გარკვეული ნიშნები იმისა, რომ რაღაც ხდებოდა, და ზოგადად ძალიან, ძალიან ნელა რეაგირებდა სიტუაციაზე ზოგადად და განსაკუთრებით მოხუცებულთა სახლებში“, - განაცხადა მოლოტმა RT-თან ინტერვიუში.

სიტუაცია ბრაზილიაში

ამ ქვეყანამ კორონავირუსის გავრცელებით ესპანეთს და იტალიას გაუსწრო და აშშ-ის, რუსეთის და დიდი ბრიტანეთის შემდეგ მეოთხე ადგილს იკავებს. ბრაზილიაში კორონავირუსით ინფიცირების 233 511 შემთხვევა დადასტურდა. გარდაცვლილთა რაოდენობა 15 662-მდე გაიზარდა. გამოჯანმრთელდა 89 672 ადამიანი.

სიტუაცია იტალიაში

იტალიაში კორონავირუსით გარდაცვლილთა რაოდენობა 31 763 -ს აღწევს. კორონავირუსის დადასტურებული შემთხვევების საერთო რაოდენობა 224 760-მდე გაიზარდა. გამოჯანმრთელდა 122 ათასზე მეტი პაციენტი.

იტალია ევროკავშირის ქვეყნებთან თავისუფალი გადაადგილების რეჟიმს 3 ივნისიდან აღადგენს, დაადასტურა ქვეყნის პრემიერ-მინისტრმა ჯუზეპე კონტემ.

„18 მაისიდან, ერთი რეგიონიდან (იტალია) მეორედან შესაძლებელია გადაადგილება უკვე ცნობილი მიზეზების გამო, სამუშაო საჭიროების შემთხვევაში, ჯანმრთელობის მიზეზების გამო და საგანგებო სიტუაციებში. ეს რეგიონთაშორისი მიმოსვლის რეჟიმი გაგრძელდება 3 ივნისამდე”, - განაცხადა მან საგანგებო პრეს-კონფერენციაზე, რა დროსაც გამოაცხადა შემზღუდავი ზომების ნაწილის მოხსნის შესახებ.

მისი თქმით, ამ თარიღის მოახლოებამდე მთავრობა და ექსპერტები შეაფასებენ, რამდენად შეიძლება უზრუნველყოფილი იყოს თავისუფალი გადაადგილება მთელ იტალიაში.

სიტუაცია ესპანეთში

ამ ქვეყანაში კორონავირუსის 230 698 შემთხვევა დადასტურდა, აქედან 50 723 მედიკოსია. გარდაიცვალა 27 563 ადამიანი. გასულ დღე-ღამეში დაინფიცირდა 539 ადამიანი.

ერთ დღე-ღამეში გამოჯანმრთელდა 1663, ეპიდემიის დაწყებიდან დღემდე - 146 446.

ესპანეთის მთავრობა დეპუტატთა კონგრესს მიმართავს თხოვნით გაზრდილი მზადყოფნის რეჟიმი კიდევ ერთი თვით გაგრძელდეს, ანუ დაახლოებით ივნისის ბოლომდე, განაცხადა პრემიერმა პედრო სანჩესმა.

ეს იქნება გაზრდილი მზადყოფნის რეჟიმის 14 მარტის შემდეგ უკვე მეხუთე გაგრძელება. თითოეულ პროლონგაციას დეპუტატთა კონგრესის თანხმობა სჭირდება. ბოლოჯერ ეს რეჟიმი 24 მაისამდე გაგრძელდა.

სიტუაცია მსოფლიოს სხვა ქვეყნებში

კორონავირუსული ინფექციის ხუთი ახალი შემთხვევა და 12 ასიმპტომური მატარებელი გამოვლინდა ჩინეთში ბოლო ერთი დღის განმავლობაში, გამოჯანმრთელებულია რვა პაციენტი, არ ყოფილა ლეტალური შედეგი, ნათქვამია ჩინეთის ჯანდაცვის სახელმწიფო კომიტეტის განცხადებაში.

საერთო ჯამში ჩინეთში გამოვლინდა 82 947 შემთხვევა, კვლავ ავადაა 86 ადამიანი, მძიმე მდგომარეობაშია 10 კაცი, 78 227 გამოჯანმრთელდა, 4633 ადამიანი გარდაიცვალა.

დიდ ბრიტანეთში კორონავირუსით გარდაცვლილთა რაოდენობა 468-ით გაიზარდა და  34 466 -ს გაუტოლდა. დადასტურებული შემთხვევების რაოდენობა 3 451-ით 240 161-მდე გაიზარდა, ნათქვამია ჯანდაცვის სამინისტროს განცხადებაში.

ბოლო დღე-ღამეში გარდაცვლილთა რაოდენობა 384-ით გაიზარდა, ახალი დადასტურებული შემთხვევების - 3 560-მდე.

საფრანგეთში კორონავირუსით გარდაცვლილთა რიცხვი 27 625 -მდე გაიზარდა, ერთ დღეში დაიღუპა 96 კაცი. ქვეყნის ჯანდაცვის სამინისტროს მონაცემებით, საავადმყოფოებში გარდაიცვალა 17 412, ხოლო სოციალურ და სამედიცინო-სოციალურ დაწესებულებებში - 10 213 ადამიანი.

თურქეთში კორონავირუსის გამოვლენილი შემთხვევების რაოდენობა გაიზარდა დღეში 1,6 ათასზე მეტით, ინფიცირებულთა საერთო რიცხვმა 148 ათასს გადააჭარბა, ერთ დღე-ღამეში დაიღუპა 41 პაციენტი, განაცხადა ქვეყნის ჯანდაცვის მინისტრმა ფაჰრეთინ კოჯამ.

„დღეს გამოვლინდა 1 610 ახალი შემთხვევა, სულ დაინფიცირდა 148 067 ადამიანი. დღეს ჩვენ დავკარგეთ 41 პაციენტი, სულ გარდაცვლილია 4096 ადამიანი. დღეს 2003 პაციენტი განიკურნა, სულ - 108 137“, - დაწერა კოჯამ Twitter-ში.

კორონავირუსი საქართველოში

საქართველოში კორონავირუსით ინფიცირებულთა შემთხვევები 18-ით გაიზარდა და 695-ს მიაღწია.

საქართველოს მთავრობის სპეციალურ ვებ-გვერდზე stopcov.ge გავრცელებული ინფორმაციით, გამოჯანმრთელდა 425 ადამიანი, გარდაიცვალა – 12, კარანტინის რეჟიმში იმყოფება 3822, ხოლო სტაციონარებში დაკვირვების ქვეშ 360 პაციენტია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.

კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა ერთი თვით. შემდეგ მთავრობამ საგანგებო მდგომარეობა 22 მაისამდე გააგრძელა.

საქართველოში კორონავირუსის პირველი შემთხვევა 26 თებერვალს დაფიქსირდა. 31 მარტიდან კი ქვეყნის მთელ ტერიტორიაზე კარანტინის რეჟიმი მოქმედებს. შემოღებულია. ასევე კომენდანტის საათი 21:00 საათიდან დილის 06:00 საათამდე.

27 აპრილიდან ქვეყანაში დაწესებული შეზღუდვების ეტაპობრივად მოხსნა დაიწყო.

174
თემები:
COVID-19-ის პანდემია მსოფლიოში (1158)
ხათუნა ფაიქიძე

ემიგრანტი ქალის წერილები: სიტყვა მოსამსახურე არ ნიშნავს, რომ ვინმეს უნდა დაემონო

231
(განახლებულია 21:25 28.09.2020)
ემიგრანტი ქალები – ჩვენი დროის ჩვეულებრივი გმირები, საკუთარ მხრებზე რომ გადაიტანეს ქვეყნის ყველაზე რთული პერიოდი. ასეა დღესაც...

სამშობლოდან შორს მყოფები, უცხოეთში პიროვნულ რეალიზებას მაინც ახერხებენ. როგორც ჩანს, მათ ოპტიმიზმს და სიცოცხლის სიყვარულს ყოფითი პრობლემები ვერაფერს აკლებს. ვინ იცის, იქნებ ჩვენი გადარჩენის საიდუმლოც ამაშია...

ეს ღია გზავნილი ქუთაისელ ხათუნა ფაიქიძეს ეკუთვნის. პროფესიით იურისტი, ერთ დღესაც იძულებული გახდა, რომ სხვა ემიგრანტების მსგავსად უცხოეთში გადახვეწილიყო და ოდესღაც საოცნებო ქვეყანაში სამუშაოდ ჩასულიყო...

ხათუნა ფაიქიძე
ხათუნა ფაიქიძე

დავიბადე ქუთაისში, არაჩვეულებრივი ბავშვობა მქონდა. წარჩინებით დავამთავრე 33-ე საშუალო სკოლა. თავიდანვე ძალიან აქტიური ვიყავი და დღემდე ასეთი ვარ. მინდოდა იურისტი გამოვსულიყავი. როცა ვაბარებდი, საკმაოდ დიდი კონკურსი იყო და მე 30 კაცს შორის მოვხვდი. სამართალმცოდნეობის ფაკულტეტი დავამთავრე. 90-იან წლებში, როცა სახელმწიფო სისტემა ჩამოიშალა, პროფესიული ზრდისთვის არანაირი ასპარეზი აღარ არსებობდა, ამიტომ სხვების მსგავსად იძულებული გავხდი ემიგრაციაში წავსულიყავი. უცხო ქვეყანაში ადაპტირება ძალიან რთულია, იძულებული ხარ, რომ სხვა ქვეყნის ყოფა, ადათ-წესები და კანონები აითვისო. დღეს ზუსტად ვიცი, რომ ემიგრანტ ქალზე ძლიერი დუნიაზე არავინაა…

ხათუნა ფაიქიძე
ხათუნა ფაიქიძე

თუმცა იმასაც გეტყვით, რომ აქ ყოფნა იმდენად არ გამჭირვებია, ალბათ იმიტომ, რომ ყოველთვის მომწონდა იტალია და იტალიელები. ბავშვობაში ძალიან მიყვარდა იტალიური ფილმები, მსახიობები და მომღერლები. მახსოვს, დამშვიდობების დროს ბავშვები როგორ ვამბობით – „ჩაო-კაკაო!" მაშინ რას წარმოვიდგენდი, რომ გავიდოდა დრო და იტალიაში ვიცხოვრებდი.

აქ წამოსვლის დროს ჩემთვის ერთადერთი სირთულე ის იყო, რომ ჩემი შვილის, პატარა ნინიას დატოვება გამიჭირდა. ბევრი ვეცადე და დღეს ჩემი შვილი, რომელიც უკვე 17 წლისაა, ჩემსავით იტალიის ბინადარია. უკვე მეთხუთმეტე წელი დაიწყო, რაც ფლორენციაში ვარ.

ხათუნა ფაიქიძე
ხათუნა ფაიქიძე

ადამიანების უმრავლესობა გამუდმებით ფიქრობს იმაზე, რაც მოხდა, ან იმაზე, რისი შეცვლა სურთ ან ვინ შეიძლება ყოფილიყვნენ. წარსულს ვერ დავაბრუნებთ, მომავალი კი ჯერ არ დამდგარა, ამიტომ მეტი უნდა ვიფიქროთ აწმყოზე და მისი ყოველი წუთი უნდა შევიგრძნოთ.

თავისუფლება მიყვარს, მჯერა, რომ თავისუფლება საკუთარი თავის ფლობაშია და არა ვინმეს ან რამის მორჩილებაში. მიყვარს ყოფნა ყველგან, სადაც სიცოცხლე, სინათლე და სიყვარულია. აქ ერთ ოჯახში ვმუშაობ და სიტყვა მოსამსახურე არ მაშინებს, ეს სულაც არ ნიშნავს იმას, რომ თავი უნდა დახარო და ვინმეს დაემონო. უბრალოდ, შენი საქმე უნდა შეასრულო კეთილსინდისიერად და პატიოსნად, რადგან არანაირი შრომა სამარცხვინო არ არის, თავაწეულმა უნდა იარო...

ხათუნა ფაიქიძე
ხათუნა ფაიქიძე

არ მიყვარს ფარისეველი, მატყუარა და მოღალატე ხალხი, რადგან ვთვლი, რომ ვინმემ ერთხელ თუ გიღალატა, აუცილებლად გიღალატებს მეორედ და მესამედაც და ეს უფრო მტკივნეული იქნება...

იტალიაში, როცა საშუალება მაქვს, სულ ვმოგზაურობ. ფლორენციაში უკვე მაქვს საყვარელი ადგილები, მათ შორისაა პონტე ვეკიო (Ponte vecchio), შუა საუკუნეების დროინდელი ხიდი მდინარე არნოზე. ამბობენ, რომ ეს ხიდი თავიდან რომაელებს აუგიათ, 1333 წელს ხანძრის შედეგად დაიწვა. შემდეგ ხიდი, უკვე ქვის, ხელახლა ააგეს. თურმე, 1944 წელს, მეორე მსოფლიო ომის დროს მისმა სილამაზემ ჰიტლერზეც მოახდინა გავლენა და ამიტომ ხიდი მაშინ კიდევ ერთხელ გადარჩა.

ხათუნა ფაიქიძე
ხათუნა ფაიქიძე

რაც შეეხება ჩემს ოცნებას, მინდა, რომ საქართველო ვიხილო გამთლიანებული და ძლიერი და იქ მარტო ბედნიერი ადამიანები ცხოვრობდნენ. ბევრი ჩანაფიქრი მაქვს, მაგრამ პროფესიულ კარიერაზე, სამწუხაროდ, აღარაფერს ვამბობ, უკვე დავაგვიანე...

ცხოვრება გრძელდება და მჯერა: სანამ ცოცხალი ხარ, ღმერთის და ადამიანის იმედი არ უნდა დაკარგო და შენი გზა ღირსეულად უნდა გაიარო. შესაძლოა მოვიდეს დრო და ჩემს პროფესიულ განვითარებაზე აქ, იტალიაშიც ვიფიქრო. ნათქვამია – ვერასოდეს დაინახავ ცისარტყელას, თუ მუდამ ძირს იხედებიო...

 

231
რეჯებ თაიიფ ერდოღანი

„სომხეთი უნდა წავიდეს ყარაბაღიდან“: ერდოღანი თურქეთის პოზიციას ახმოვანებს

98
(განახლებულია 20:29 28.09.2020)
ერდოღანმა ეუთოს მინსკის ჯგუფი ყარაბაღის კონფლიქტის დარეგულირების უუნარობაში დაადანაშაულა და განაცხადა, რომ „უკვე 30 წელია ამ საკითხის გადაჭრა ვერ შეძლეს და ყველაფერი გააკეთეს იმისთვის, რომ არც გადაჭრილიყო“.

თბილისი, 28 სექტემბერი — Sputnik. დადგა დრო, დასრულდეს სომხეთის მიერ აზერბაიჯანული მიწების ოკუპაცია, განაცხადა თურქეთის პრეზიდენტმა რეჯებ თაიიფ ერდოღანმა სტამბულში გამოსვლისას.

თურქეთის პრეზიდენტის გამოსვლა Twitter-ით გადაიცემოდა პირდაპირ ეთერში.

​„დადგა დრო, ბოლო მოეღოს სომხეთის მიერ აზერბაიჯანული მიწების ოკუპაციას, ანგარიშის გასწორების დროა. წინააღმდეგ შემთხვევაში სომხეთი განაგრძობს თვითნებობას. ის უნდა წავიდეს ოკუპირებული მიწებიდან. ყველამ იცის, რომ ეს აზერბაიჯანის მიწებია“, — აღნიშნა მან.

ამასთან ერდოღანმა ეუთოს მინსკის ჯგუფი ყარაბაღის კონფლიქტის დარეგულირების უუნარობაში დაადანაშაულა და განაცხადა, რომ „უკვე 30 წელია ამ საკითხის გადაჭრა ვერ შეძლეს და ყველაფერი გააკეთეს იმისთვის, რომ არც გადაჭრილიყო“.

ამის პასუხად სომხეთის პარლამენტმა ყარაბაღის ომთან დაკავშირებით დღეს გამართულ საგანგებო სხომაზე მიღებულ განცხადებაში აღნიშნა, რომ „აზერბაიჯანის ავანტიურას, რომელიც თურქეთის ღია მხარდაჭერით დაიწყო, საერთაშორისო საზოგადოებამ სამართლებრივი და პოლიტიკური შეფასება უნდა მისცეს“.

უკვე მეორე დღეა აზერბაიჯანსა და სომხეთს შორის მთიან ყარაბაღში სასტიკი ბრძოლები მიმდინარეობს. ორივე ქვეყნის სამხედრო მოსამსახურეებს შორის არის მსხვერპლი. ბაქო და ერევანი კონფლიქტის ესკალაციას ერთმანეთს აბრალებენ.

სომხეთმა და მთიანი ყარაბაღის თვითგამოცხადებულმა რესპუბლიკამ საყოველთაო მობილიზაცია გამოაცხადეს. მოგვიანებით სამხედრო მდგომარეობა და კომენდანტის საათი გამოცხადდა აზერბაიჯანშიც.

 

98
თემები:
მთიან ყარაბაღში ვითარება გამწვავდა – შეიარაღებული შეტაკება 2020
გოგონა ჩამავალი მზის ფონზე პეპლებით ხელში

ვის ელოდება ყველაზე დიდი წარმატებები ოქტომბერში ზოდიაქოს ნიშნის მიხედვით

0
(განახლებულია 15:51 28.09.2020)
ოქტომბერში ზოდიაქოს რამდენიმე ნიშნის წარმომადგენლებს ცხოვრებაში დიდი წარმატებები და გამარჯვებები ელოდება

ზოდიაქოს ამ ნიშნებს იღბალი გაუღიმებს და დიდ შანსს მისცემს, რათა გაიუმჯობესონ როგორც ფინანსური, სამუშაო სფერო, ისე პირადი ცხოვრება.

როგორ შთაბეჭდილებას ტოვებს ზოდიაქოს თითოეული ნიშანი გაცნობისას>>

კურო

კუროები ცნობილი არიან იმით, რომ თითქმის ყოველთვის აღწევენ იმას, რაც ჩაიფიქრეს. ამისთვის ისინი ძალისხმევას არ იშურებენ და წარმატებისთვის მთლიანად იხარჯებიან. სწორედ ამის წყალობით კუროები თქვენი შრომის ნაყოფს მოიმკით. განსაკუთრებით იღბლიანი თქვენთვის 5–11 ოქტომბრის პერიოდი იქნება. მაგრამ სიფრთხილე გმართებთ – იღბალს მამაცი ადამიანები უყვარს, მაგრამ არა სულელი. სანამ რამე სახის წინ ადადებას მიიღებთ, კარგად და დიდი გულისყურით შეისწავლეთ ის. თვქე მთლიანობაში ძალზე ხელსაყრელი იქნება თქვენთვის.

თხის რქა

ოქტომბერი ძალიან ხელსაყრელი თვეა თხის რქებისთვის. შესაძლებლობა გექნებათ, რომ სექტემბრის ხარვეზები გამოასწოროთ. ზოგადად, თხის რქები შემოდგომასა და გაზაფხულს მჭიდროდ უკავშირდებით – გაზაფხულზე მოსავალი ითესება, ხოლო შემოდგომაზე ნაყოფს იღებენ, თქვენ კი, როგორც ცნობილია, მიწათმოქმედების ერთ–ერთი მფარველი ნიშნის წარმომადგენლები ხართ. შეიძლება ითქვას, რომ თხის რქები დამსახურებულ შვებულებას მიიღებთ და ფუფუნებაში დაისვენებთ. თქვენთვის ყველაზე საუკეთესო პერიოდი თვის ბოლო კვირა – 26–31 ოქტომბერი იქნება.

ლომი

ლომები ზოდიაქოს ერთ–ერთ ყველაზე იღბლიან ნიშნად ხართ მიჩნეული და ამაში გასაოცარი არაფერია. ლომების თავდაჯერებულობა და ძალა არა მხოლოდ ადამიანებს, არამედ უზენაეს ძალებსაც იზიდავს. ბუნებით საკმაოდ ქმედითი ხალხი ხართ და სწორედ ამიტომ ოქტომბერში საქმიანობაში წარმატებები გელოდებათ. საკვირველ გამარჯვებებს შეიძლება მიაღწიოთ 5–დან 11 ოქტომბრის ჩათვლით პერიოდში. ამასთან, იღბალი გაგიღიმებთ არა მხოლოდ საქმიანობაში, არამედ პირად ცხოვრებაშიც – სიყვარულის სფეროში სწორედ ამ დროს შეიძლება შეხვდეთ თქვენს რჩეულს.

მშვილდოსანი

მშვილდოსნებს წარმატებები უფრო ოქტომბრის მეორე ნახევარში გელოდებათ. ყველანაირი საქმიანობისთვის და განსაკუთრებით შემოქმედებითი და სასიყვარულო, ძალზე იღბლიანია 21 და 23 ოქტომბერი. თვის დასაწყისი, შესაძლოა, რთული აღმოჩნდეს, მაგრამ თანდათანობით ყველაფერი შეიცვლება. საუკეთესო პროექტების რეალიზება 20 ოქტომბრისთვის და უახლოეს დღეებში უნდა მოახდინოთ. ამასთან, არ უნდა დაივიწყოთ სიფრთხილე და საშიშ და საეჭვო საქმეებს მოერიდოთ – ამ შემთხვევაში ოქტომბერი თქვენთვის საკმაოდ უსიამოვნო თვედ გადაიქცევა. მაგრამ ერთიცაა – მიუხედავად ამისა, გამართლება და იღბალი მაინც გელოდებათ, ოღონდ – სიყვარულში.

მორიელი

მორიელებს იღბალი ხელში იშვიათად გივარდებათ. თითქოს მთელ სამყაროს უნდა, რომ თქვენი გზა ცხოვრებაში ოფლითა და სისხლით გაიკვალოთ. თუმცა ხანდახან ბედი თქვენც გიღიმით – ასე იქნება ოქტომბერში. იღბალი „თავს დაგატყდებათ“ თვის პირველ პარასკევს. მთლიანობაში, სექტემბრის ბოლო დღეები და 4 ოქტომბრის ჩათვლით პერიოდი – თქვენია.

0