ტედროს გებრეიესუსი

უცნობი სინდრომი ბავშვებში: ჯანმო მსოფლიოს ექიმებს „კრიტიკულ აუცილებლობაზე“ აფრთხილებს

2122
(განახლებულია 22:23 15.05.2020)
ჯანმოს გენერალურმა დირექტორმა მსოფლიოს ექიმებს მოუწოდა, მზად იყვნენ ბავშვებში უცნობი სინდრომის შემთხვევებისთვის

თბილისი, 15 მაისი - Sputnik.  ჯანდაცვის მოსფლიო ორგანიზაციის გენერალური დირექტორი ტედროს ადამონ გებრეიესუსი ექიმებს მოუწოდებს, განსაკუთრებულად გაამახვილონ ყურადღება ბავშვებში კავასაკის დაავადების მსგავს ახალ ანთებით სინდრომზე, რომელიც შესაძლოა COVID-19–ს უკავშირდებოდეს. 

„ბოლო კვირების განმავლობაში ევროპიდან და აშშ–დან მიღებული ინფორმაცია გვამცნობდა ინტენსიური თერაპიის განყოფილებებში მოთავსებული მცირე რაოდენობის  ბავშვების შესახებ, რომლებსაც კავასაკის დაავადებისა და ტოქსიკური შოკის მსგავსი მულტისისტემური ანთება განუვითარდათ. თავდაპირველი მოსაზრებებით, ეს სინდრომი COVID-19–ს უკავშირდებოდა. კრიტიკულად აუცილებელია, სწრაფად და კორექტულად განისაზღვროს ეს კლინიკური სინდრომი, რათა დადგინდეს მისი მიზეზები და აღიწეროს მკურნალობა“, — განაცხადა გებრეიესუსმა ჟენევაში გამართულ პრესკონფერენციაზე.

უცნობმა სინდრომმა სამი ბავშვი იმსხვერპლა: ამერიკელი ექიმები COVID-19-თან კავშირს იკვლევენ>>

მისი თქმით, ჯანმომ, ექიმების ქსელთან ერთად მთელ მსოფლიოში, შეიმუშვა ბავშვებში ახალი მულტისისტემური ანთებითი სინდრომის შემთხვევათა წინასწარი აღწერა.

„მოგიწოდებთ მსოფლიოს ყველა ექიმს, იმუშავოთ ეროვნულ ხელისუფლებებთან და ჯანმოსთან, იყოთ მზად და უკეთ ჩაწვდეთ ამ სინდრომს ბავშვებში“, — ხაზგასმით აღნიშნა ჯანმოს–გენერალურმა დირექტორმა.

აღსანიშნავია, რომ უცნობმა ანთებითმა სინდრომმა უკვე იმსხვერპლა სამი ბავშვი აშშ–ში.  

მანამდე დიდი ბრიტანეთის ჯანდაცვის ეროვნული სისტემის (NHS) წარმომადგენლებმა გაფრთხილება გაუგზავნეს ყველა ქვეყნის ექიმებს, რომ ბავშვებში სისტემური ანთებითი სინდრომის შემთხვევები იმატებდა, რა დროსაც პაციენტებს  აღენიშნებოდათ მუცლის ტკივილი და გულის პრობლემები, და რომ ეს შეიძლებოდა კორონავირუსთან ყოფილიყო კავშირში.

სახიფათო და იშვიათი: ბავშვებში უცნობი სინდრომის შემთხვევების რაოდენობა იზრდება>>

რაც შეეხება კავასაკის სინდრომს, ის თავისთავად ასევე ამოუცნობი დაავადებაა. ეს არის სისტემური ვასკულიტი, რომელიც არტერიებს აზიანებს. დაავადება ძირითადად ჩნდება ერთიდან ხუთ წლამდე ასაკის ბავშვებში. სინდრომის წარმოშობის მიზეზი დაუდგენელია და მისი პირდაპირი მკურნალობის მეთოდიც არ არსებობს.

 

 

2122
თემები:
მსოფლიო დღეს (1684)

აპლოდისმენტები და პროტესტანტების წინაშე მუხლმოყრილი პოლიციელები

97
აშშ-ის ქალაქ დე-მოინის პოლიციის თანამშრომლებმა, რომლებიც საპროტესტო აქციზე უსაფრთხოებას იცავდნენ, დემონსტრანტების აპლოდისმენტების თანხლებით, მუხლი მოიყარეს

ასე გამოხატეს წესრიგის დამცველებმა სოლიდარობა რასიზმისა და უსამართლობის წინააღმდეგ პროტესტანტებისადმი.  

როგორც ქალაქის ადმინისტრაციაში განაცხადეს, აქცია, რომელიც კომენდანტის საათის დაწყებამდე ცოტა ხნით ადრე გაიმართა, მშვიდობიანად დაიშალა.

შეგახსენებთ, რომ მინეაპოლისში პოლიციას 46 წლის აფროამერიკელი ჯორჯ ფლოიდი შემოაკვდა დაკავებისას, რის შემდეგაც საპროტესტო აქციებმა იფეთქა ამერიკის ბევრ ქალაქში. აქციები თანდათან გადაიზარდა მასობრივ არეულობაში.

დემონსტრანტები ითხოვენ სამართლიანობას და ფლოიდის დაკავებაში მონაწილე ყველა პოლიციელის უფრო სერიოზულ პასუხისგებაში მიცემას.

97
პროტესტი აშშ-ში

პენტაგონმა მხარი არ დაუჭირა ტრამპის გეგმას პროტესტის ჩასახშობად არმიის გამოყენების შესახებ

67
კანონი „აჯანყების შესახებ“ არეგულირებს აშშ-ის პრეზიდენტის უფლებამოსილებას, ქვეყნის ტერიტორიაზე განათავსოს ჯარები აჯანყებისა თუ ამბოხის ჩახშობის მიზნით, ახლა გადაწყვეტილებებს შტატების გუბერნატორები იღებენ

თბილისი, 3 ივნისი - Sputnik. პენტაგონის ხელმძღვანელმა მარკ ესპერმა განაცხადა, რომ არ უჭერს მხარს აჯანყების შესახებ კანონის შესაბამისად ჯარის გამოყენებას არეულობის ჩასახშობად, იუწყება The Washington Times.

პრეზიდენტმა დონალდ ტრამპმა ამას წინათ განაცხადა, რომ თუ რომელიმე ქალაქისა თუ შტატის ხელისუფლება მცხოვრებთა სიცოცხლისა და ქონების დასაცავად აუცილებელ ნაბიჯებს არ გადადგამდა, იგი ვითარების განსამუხტად არმიას გამოიყენებდა.

„ჯარის, როგორც სამართალდამცველი ორგანოების გამოყენების ვარიანტი მხოლოდ უკიდურეს შემთხვევაში და მხოლოდ გადაუდებელ და მძიმე სიტუაციაში უნდა განიხილებოდეს. ახლა ჩვენ ასეთ ვითარებაში არ ვართ. მე მხარს არ ვუჭერ აჯანყების შესახებ კანონის გამოყენებას“, - განაცხადა ესპერმა პრესკონფერენციაზე.

აშშ-ში აკრძალულია ჯარის გამოყენება ქვეყნის შიგნით. თუმცა ამის გაკეთების შესაძლებლობას იძლევა შეიარაღებული აჯანყების შესახებ კანონი, მიღებული ჯერ კიდევ 1807 წელს.

ეს კანონი არაერთხელ გამოუყენებიათ მასშტაბური არეულობის ჩასაქრობად, მათ შორის, 1967 წელს დეტროიტში, 1968 წელს ჩიკაგოსა და ბალტიმორში, 1992 წელს ლოს-ანჯელესში.

რა ხდება აშშ-ში

მინეაპოლისსა და აშშ-ის სხვა ქალაქებში არეულობა მას შემდეგ დაიწყო, რაც 25 მაისს პოლიციის თანამშრომლებს აფროამერიკელი ჯორჯ ფლოიდი შემოაკვდათ. ინტერნეტით გავრცელებულ ვიდეოში ჩანს, რომ ხელბორკილიანი მამაკაცი ასფალტზე წევს, ხოლო პოლიციელი კისერზე მუხლით ებჯინება. დაკავებული რამდენჯერმე იმეორებს, რომ სუნთქვა და მოძრაობა უჭირს, შემდეგ კი ლაპარაკს წყვეტს. მოგვიანებით ის რეანიმაციაში გარდაიცვალა.

მინეაპოლისში დაწყებული პროტესტი დარბევაში გადაიზარდა და სხვა შტატებსაც მოედო. ბოლო მონაცემებით, პოლიციის საწინააღმდეგო საპროტესტო ტალღამ, სულ მცირე, 140 ქალაქი მოიცვა, 29 მაისს კი პროტესტი და შეტაკება პოლიციასთან ვაშინგტონში, თეთრ სახლთან დაიწყო.

40 ქალაქში, მათ შორის, ლოს-ანჯელესში, სან-ფრანცისკოში, ბევერლი-ჰილზში, ჩიკაგოში, ორლანდოში, ატლანტაში, დენვერში, დასავლეთ ჰოლივუდში, კომენდანტის საათი გამოაცხადეს.

დემონსტრაციების დაწყების შემდეგ სამსახურიდან ოთხი პოლიციელი გაათავისუფლეს, ერთ მათგანს - დერეკ ჩავენს - გაუფრთხილებლობით მკვლელობის ბრალდება წაუყენეს. გამოძიებაში ჩაერთო გამოძიების ფედერალური ბიურო, რომელმაც საქმე პრიორიტეტულად გამოაცხადა.

ამჟამად პოლიციის ყოფილი ოფიცერი ჩავენი, New York Post-ის მონაცემებით, მინესოტას მკაცრი რეჟიმის ციხეში იმყოფება.

აქტივისტები დანარჩენი სამი პოლიციელის დასჯასაც ითხოვენ, რომლებიც არ ჩაერივნენ მიმდინარე მოვლენებში და ჩავენს ფლოიდის მოკვლის საშუალება მისცეს. მინესოტას გენერალურმა პროკურორმა კიტ ელისონმა განაცხადა, რომ სხვა ბრალდებები შეიძლება „ძალიან მალე“ გამოჩნდეს, თუმცა თარიღი არ დაუზუსტებია.

67
თემები:
მსოფლიო დღეს (1684)
სამების ბაღის მებაღეები მოლზე ისვენებენ

საეკლესიო კალენდარი: 4 ივნისი

0
(განახლებულია 23:53 03.06.2020)
საქართველოს მართლმადიდებებლი ეკლესია 4 ივნისს მოწამეების ბასილისკოს, კომანში წამებულს და სერბეთის მთავრის იოანე-ვლადიმერის, იხსენიებს

Sputnik-საქართველო გიამბობთ ვინ იყვნენ ეს ადამიანები და რატომ არიან მოხსენიებული საეკლესიო კალენდარში.
საეკლესიო კალენდარში 4 ივნისი არის მეორე მსოფლიო კრების ხსენების დღეც.  

მოწამე ბასილისკო, კომანში წამებული

წმიდა მოწამე ბასილისკო (+308) წმიდა დიდმოწამე თეოდორე ტირონის ძმისწული იყო და იმპერატორ მაქსიმიანე გალერიუსის დროს ძმებთან, ევტროპისა და კლეონიკესთან ერთად აღესრულა ქრისტესთვის.

წმიდა მოწამენი კლეონიკე და ევტროპი ჯვარზე გააკრეს მოწამე ვასილისკო კი კომანში (დასავლეთ საქართველო) გადაასახლეს., მოგვიანებით კი მმართველ აგრიპას ბრძანებით წმიდანს თავი მოჰკვეთეს, გვამი კი მდინარეში გადააგდეს.

 წმიდა ბასილისკო აღესრულა 308 წელს.

მოწამე იოანე-ვლადიმერი - სერბეთის მთავარი

წმიდა მოწამე იოანე-ვლადიმერი სერბეთის მთავარი ( 1015) ბრძნულად მართავდა თავის სამფლობელოებს, ილირიასა და დალმაციას. კეთილმსახური მეფე დაქორწინებული იყო ბულგარეთის მეფის სამოელის ასულ კოსარაზე. ბულგარეთის მეფესთან მოლაპარაკების საბაბით დაბარებული ვლადიმერი ღალატით მოკლეს ტაძრის კარებთან 1015 წლის 22 მაისს. წმიდა მთავრის კეთილმორწმუნე მეუღლე დაეყუდა ქმრის მიერ აშენებულ ტაძარში და სიკვდილამდე იქ მოღვაწეობდა.

მეორე მსოფლიო კრება        

მეორე მსოფლიო  საეკლესიო კრება 381 წელს ქალაქ კონსტანტინეპოლში, ,რომის იმპერატორის თეოდოსის ბრძანებით ჩატარდა

კრებას ესწრებოდა 150 ეპისკოპოსი. მათ შორის იყვნენ: გრიგოლ ღვთისმეტყველი, გრიგოლ ნოსელი, მელეტი ანტიოქიელი, ამფილოქე იკონიელი, კირილე იერუსალიმელი და სხვები.

კრება გაიხსნა წმინდა მელეტი ანტიოქიელის თავმჯდომარეობით, რომლის გარდაცვალების შემდეგ კრების თავმჯდომარეობა დაევალა გრიგოლ ღვთისმეტყველს და ბოლოს კონსტანტინეპოლელ ეპისკოპოს ნექტარიოსს.

კრებამ შეიმუშავა და დაამტკიცა 7 კანონი, განიხილა და დაგმო მაკედონიუსის ერესი და დაამტკიცა მოციქულთა სწავლება სულიწმიდის შესახებ. ამ სწავლების მიხედვით სულიწმინდაარის ცხოველსმყოფელი ღმერთი, რომელიც მამისაგან გამოდის და მამასთან და ძესთან ერთად იდიდება.

მეორე მსოფლიო საეკლესიო კრებას ესწრებოდა იბერიის ეკლესიის წარმომადგენელი ეპისკოპოსი პანტოფილე.

მასალა მომზადებულია ღია წყაროებზე დაყრდნობით.

0
თემები:
საეკლესიო კალენდარი