ექიმები კორონავირუსით ინფიცირებულის პალატაში

რატომ მალავდა ჩინეთი ინფორმაციას: ქვეყნდება აშშ-ის დაზვერვის მონაცემები

328
(განახლებულია 15:10 04.05.2020)
აშშ-ის დაზვერვის მონაცემებით, ჩინეთის ხელისუფლება მთელი თვის განმავლობაში შეგნებულად მალავდა კორონავირუსის გადამდებობის ხარისხს.

თბილისი, 4 მაისი — Sputnik. ჩინეთმა ახალი ტიპის კორნავირუსის ეპიდაფეთქების მასშტაბები და მისი გადამდებობის ხარისხი იმისთვის დამალა, რომ ინფექციასთან ბრძოლისთვის აუცილებელი სამედიცინო მასალები მოემარაგებინა, იუწყება Associated Press News აშშ-ის დაზვერვაზე დაყრდნობით. 

როგორც დაზვერვის მოხსენებაშია ნათქვამი, შეამცირა რა კორონავირუსის სერიოზულობის ხარისხი, ჩინეთმა გაზარდა სამედიცინო დანიშნულების მასალების იმპორტი და შეამცირა მათი ექსპორტი. ამასთან, ხელისუფლება ცდილობდა დაემალა ეს, „უარყოფდა რა საექსპორტო შეზღუდვებს და თან აგვიანებდა სავაჭრო მონაცემების წარმოდგენას“.

გარდა ამისა, აშშ-ის დაზვერვა ამტკიცებს, რომ ჩინეთი მთელი იანვრის განმავლობაში უმალავდა ჯანდაცვის მსოფლიო ორგანიზაციას კორონავირუსის გადამდებობასთან დაკავშირებულ ინფორმაციას.

დონალდ ტრამპს „აქვს მონაცემები“ კორონავირუსის ჩინურ წარმოშობაზე>>

აღსანიშნავია, რომ მანამდე აშშ-ის პრეზიდენტმაც და სახელმწიფო მდივანმა მაიკ პომპეომაც არაერთხელ უსაყვედურეს ჩინეთს ვირუსის წარმოშობასთან დაკავშირებული მონაცემების არასაკმარისი გამჭვირვალობის გამო. პომპეომ არაერთხელ მოუწოდა პეკინს, ეცნობებინა, შეეძლო თუ არა ვირუსს უჰანის ვირუსოლოგიის ინსტიტუტის ლაბორატორიიდან „გამოქცევა“, სადაც საშიშ ინფექციებს იკვლევენ.

ჩინეთი იმუქრება: კორონავირუსის წარმოშობასთან დაკავშირებულ გამოძიებას ცუდი შედეგი მოჰყვება

პრეზიდენტმა დონალდ ტრამპმა კი განაცხადა, რომ ვაშინგტონი განიხილავს ვერსიას კორონავირუსის უჰანის ლაბორატორიაში ხელოვნურად შექმნის შესახებ და აპირებს დაადგინოს მისი წარმოშობა. ტრამპი მძიმე შედეგებით დაემუქრა ჩინეთს იმ შემთხვევაში, თუ გაირკვევა, რომ პეკინმა შეგნებულად დაუშვა COVID-19-ის ეპიდაფეთქება.

ჯონს ჰოპკინსის უნივერსიტეტის სპეციალური პროექტის მონაცემებით, კორონავირუსის აფეთქების მომენტიდან დღემდე, მსოფლიოში COVID-19-ით ინფიცირება 3 507 265 ადამიანს დაუდგინდა. აქედან გარდაიცვალა 247 491 და განიკურნა 1 127 887 კაცი.

328
თემები:
მსოფლიო დღეს (2472)
აეროპორტი

ისრაელი ქვეყანაში შესვლაზე გამონაკლისებს აწესებს: ცნობილია პირობები

7
(განახლებულია 13:18 08.03.2021)
მთავრობის გადაწყვეტილებით, ისრაელში შესვლას როგორც უცხოელები, ისე ქვეყნის მოქალაქეები, გარკვეული წესების დაცვის შემთხვევაში შეძლებენ

თბილისი, 8 მარტი — Sputnik. უცხოეთის მოქალაქეები ისრალეში შესვლას გამონაკლის შემთხვევებში შეძლებენ 8 მარტიდან, გარკვეული წესების დაცვის შემთხვევაში, იუწყება ისრაელის მთავრობის პრესსამსახური.

„ისრაელში თვითმფრინავით შემოსვლის მსურველებმა დეკლარაციის ფორმა რეისის გამოფრენამდე 24 საათით ადრე უნდა შეავსონ“, — ნათქვამია პრესსამსახურის განცხადებაში.

ამის შემდეგ მათ უნდა მიიღონ ქვეყანაში შესვლის უფლება, რაც მხოლოდ გამონაკლის შემთხვევაში გაიცემა.

თვითმფრინავში ჩაჯდომის აუცილებელ პირობად რჩება კორონავირუსზე უარყოფითი ტესტის წარდგენა, რომელიც გაფრენამდე 72 საათის განმავლობაში უნდა იყოს გაკეთებული.

ისრაელში ჩაფრენის შემდეგ, როგორც უცხოელები, ისე ქვეყნის მოქალაქეები, ვალდებული არიან, გაიარონ ორკვირიანი იზოლაცია. თუმცა იმ შემთხვევაში, თუ მგზავრს ისრაელში გაკეთებული ვაქცინაციის შესახებ ცნობა ექნება, შეუძლია თავიდან აირიდოს იზოლაცია.

7
თემები:
საერთაშორისო პანორამა
ახალშობილი ბავშვი

ევროპაში შობადობის დონე მკვეთრად იკლებს: სახელდება მიზეზი

23
(განახლებულია 12:51 08.03.2021)
მიმდინარე წლის ორი თვის მონაცემების საფუძველზე ევროპის ქვეყნებში შობადობის დონის კიდევ უფრო მკვეთრ შეშემცირებას ელოდებიან

თბილისი, 8 მარტი — Sputnik. პანდემიის გამო დაწესებულ შეზღუდვებსა და იძულებით თვითიზოლაციას ევროპის ქვეყნებში შობადობის დონის მკვეთრი კლება მოჰყვა, იუწყება მედია.

ასე მაგალითად, გამოცემა El Pais–ის ინფორმაციით, მიმდინარე წლის იანვარსა და თებერვალში ესპანეთში შობადობა 22,6%-ით შემცირდა გასული წლის ანალოგიური პერიოდი მაჩვენებელთან შედარებით.

„ჯერჯერობით 2021 წლის მხოლოდ ორი თვის მონაცემები გვაქვს. ეს ცოტაა იმისათვის, რომ მთელი წლის ზუსტი პროგნოზი გავაკეთოთ. თუმცა უკვე ახლა ნათელია, რომ მოსალოდნელია ძლიერი ვარდნა“, — აცხადებს ესპანეთის ეროვნული კვლევითი ცენტრის დირექტორი დიეგო რამირო.

იგივე ვითარება შეინიშნება ევროპის სხვა ქვეყნებშიც. იტალიაში გასული წლის დეკემბერში ახალშობილთა რაოდენობა 21,6%-ით იყო შემცირებული გასული წლის ანალოგიურ პერიოდთან შედარებით, ხოლო საფრანგეთში იანვარში შობადობა 13%-ით დაეცა.

გამოცემის ინფორმაციით, იმ ფაქტორებს შორის, რომლებიც წყვილებს აიძულებს, გადადონ ოჯახების შექმნა და შვილების გაჩენა, პირველ ადგილზეა კორონავირუსის პანდემიის გამო სამუშაო ადგილების მკვეთრი შემცირება და მაღალი სიკვდილიანობა.

23
თემები:
საერთაშორისო პანორამა
ლიზა ყენია

„დედას სიამაყე...“ - ლიზა ყენია უსაყვარლეს ფოტოს აქვეყნებს

0
(განახლებულია 11:59 08.03.2021)
ლიზა ყენია ბოლო დროს სოციალურ ქსელებში აღარ ჩანს. ნახეთ რითაა დაკავებული მომღერალი და რა ფოტოს აქვეყნებს

მას შემდეგ, რაც ლიზა ყენიამ საკუთარი ტანსაცმლის ხაზი შექმნა, სოციალურ ქსელში ნაკლებად აქტიურობს, როგორც ჩანს, მომღერალი ბიზნესითაა დაკავებული. ცოტა ხნის წინ ლიზამ „ინსტაგრამის“ „სთორიზე“ სოციალური ქსელის ერთ-ერთი მომხმარებლის ცნობისმოყვარეობა დააკმაყოფილა და კითხვაზე - უყვარს თუ არა მარტოობა, უპასუხა, რომ ადრე უყვარდა, თუმცა მას შემდეგ, რაც მისი პატარა ძაღლი მასთან ცხოვრობს, ეს ყველაფერი შეიცვალა.

ლიზა ხშირად აქვეყნებს ძაღლის ფოტოებს. „დედას სიამაყე“ - ასე დაასათაურა ერთ-ერთი უსაყვარლესი ფოტო ლიზამ. ლიზას შავი ფერის მალტეზე რამდენიმე თვეა გოგონასთან ერთად ცხოვრობს, ის თითქმის ყველგან თან ახლავს პატრონს და დიდი პოპულარობით სარგებლობს სოციალურ ქსელებში.

ეპატაჟური და თანატოლებს შორის საკმაოდ პოპულარული გოგონა – ლიზა ყენია გარეგნობით, ხმის ტემბრით, მოქნილობით, პოზიტიური ხასიათითა და შესრულების განსაკუთრებული მანერით გამოირჩევა. მიუხედავად იმისა, რომ ლიზა ცნობილი ანსამბლის „მზიურის“ ერთ-ერთი სოლისტის მაია ჯაბუას შვილია, მან თავის დამკვირდება შეძლო და დედის ჩრდილქვეშ არ მოექცა.

ლიზა განსაკუთრებულ ყურადღებას არა მხოლოდ შესრულების მანერით, არამედ ეპატაჟურობითაც იქცევს. შემსრულებელმა უამრავი ადამიანის ყურადღება ჯერ კიდევ თინეიჯერობის ასაკში მიიპყრო. ის სხვადასხვა მასშტაბურ შოუებსა და კონკურსებზე თავს პროფესიონალურად წარმოადგენდა და დიდ წარმატებას უმოკლეს დროში მიაღწია. მაია ჯაბუას შუათანა ქალიშვილმა სახელი მომღერალ დედაზე არანაკლებ სწრაფად გაითქვა.

0