SARS-CoV-2

დადგინდა COVID-19-ის შანსები: ექსპერტებმა კაცობრიობის ისტორიაში ყველა პანდემია შეადარეს

12130
(განახლებულია 16:52 23.04.2020)
კვლევის ავტორებმა გააანალიზეს ყველა ის პანდემია და ეპიდემია, რომელთაგან თითოეულმა, სხვადასხვა ისტორიული დოკუმენტების თანახმად, სულ ცოტა, 100 ათასი ადამიანი იმსხვერპლა.

თბილისი, 23 აპრილი — Sputnik. ჩვენი წელთაღრიცხვის ორი ათასი წლის განმავლობაში მომხდარ პანდემიებს შორის კორონავირუსის პანდემია ყველაზე ნაკლებად სასიკვდილოა, აცხადებენ Deutsche Bank–ის სპეციალისტები, რომლებმაც საკითხი დეტალურად შეისწავლეს. 

კვლევის ავტორებმა გააანალიზეს ყველა ის პანდემია და ეპიდემია, რომელთაგან თითოეულმა, სხვადასხვა ისტორიული დოკუმენტების თანახმად, სულ ცოტა, 100 ათასი ადამიანი იმსხვერპლა. ექსპერტებმა ერთმანეთს 24 გლობალური დაავადება შეადარეს და გაარკვიეს, რომ COVID-19 ყველაზე მომაკვდინებელ დაავადებათა პირველ ხუთეულში იმ შემთხვევაში შევა, თუ ის 210 მლნ ადამიანს იმსხვერპლებს. 

უფრო მეტიც, ახალი კორონავირუსული ინფექცია, კაცობრიობის სხვა 23 დაავადებასთან შედარებისას, მსხვერპლის მხრივ ოცეულშიც არ მოხვდა.  

„ათჯერ უფრო მომაკვდინებელი“: გებრეიესუსმა COVID-19 ღორის გრიპს შეადარა>>

ჯონს ჰოპკინსის უნივერსიტეტის სპეციალური პროექტის ბოლო მონაცემებით, COVID-19-ით მსოფლიო მოსახლეობის 0,002% გარდაიცვალა. შესაბამისად, ამ მაჩვენებლით მას გადაუსწრო 2009–2010 წლების ღორის გრიპმა, როდესაც 203 ათასი ადამიანი დაიღუპა, რაც იმ დროისათვის დედამიწის მოსახლეობის 0,003%-ს შეადგენდა. 

თანამედროვეობის ყველაზე სასიკვდილო დაავადებად კვლავ რჩება შიდსი, რომელმაც 1981 წლიდან დღემდე 30 მლნ კაცი იმსხვერპლა (პლანეტის მოსახლეობის 0,57%).

ბოლო ასი წლის ყველაზე მასშტაბურ პანდემიად კვლავ რჩება ე.წ. „ისპანკა“, რომლის მსხვერპლიც 50 მლნ კაცს, ანუ მაშინდელი მსოფლიოს 2,73%-ს შეადგენს.

რაც შეეხება ყველაზე სასიკვდილო პანდემიას ბოლო ორი ათასი წლის განმავლობაში, ეს შავი ჭირია, რომელმაც 1347–1351 წლებში მაშინდელი მსოფლიო მოსახლეობის 42%, ანუ 200 მლნ ადამიანის სიცოცხლე წაიღო. ხოლო კიდევ უფრო ადრე, 541–542 წლებში შავი ჭირისგან 60 მლნ კაცი დაიღუპა.

Deusche Bank-ის ექსპერტების თქმით, იმისათვის, რომ ამჟამინდელი კორონავირუსული ინფექცია ისტორიის ყველაზე სერიოზული პანდემიების ოცეულში შევიდეს, გარდაცვლილების რაოდენობამ ერთ მილიონს უნდა მიაღწიოს, ათეულში მოსახვედრად მსხვერპლი 38,5 მლნ კაცს უნდა აღწევდეს, ხოლო ხუთეულში იმ შემთხვევაში მოხვდება, თუ COVID-19-ით 210 მლნ ადამიანი, ანუ თანამედროვე მსოფლიოს 2,73% გარდაიცვლება.

ჯონს ჰოპკინსის უნივერსიტეტის სპეცპროექტის ბოლო მონაცემებით, COVID-19-ით დაავადებულთა რაოდენობამ მსოფლიოში 2 629 801 კაცი შეადგინა. აქედან გარდაცვლილია 183 454 და განკურნებულია 713 537 ადამიანი.

12130
თემები:
COVID-19-ის პანდემია მსოფლიოში (1300)
Telegram

Sputnik-ის ინგლისურენოვანი არხი Telegram-ზე ამუშავდა

10
(განახლებულია 16:42 25.01.2021)
არხზე გამოქვეყნდება ტექსტური შეტყობინებები, ფოტო– და გრაფიკული გამოსახულებები, აუდიო და ვიდეო ჩანაწერები, გრაფიკები და სტატისტიკა, რათა მკითხველებს გააცნოს მსოფლიოს ყველა ახალი ამბავი

თბილისი, 25 იანვარი — Sputnik. საინფორმაციო სააგენტო Sputnik–ი ახალ ინგლისურენოვან არხს ხსნის Telegram–ზე, რათა განავითაროს საინფორმაციო სერვისები Telegram–ის მულტიმედიური შესაძლებლობებით და გააშუქოს პოლიტიკური და ბიზნეს საკითხები, მსოფლიო ეკონომიკური ტენდენციები, უსაფრთხოებისა და თავდაცვის, კოსმოსის, ასევე ჯანდაცვისა და სხვა სფეროების სიახლეები და მიაწოდოს ის ფართო აუდიტორიას.

არხზე გამოქვეყნდება ტექსტური შეტყობინებები, ფოტო– და გრაფიკული გამოსახულებები, აუდიო და ვიდეო ჩანაწერები, გრაფიკები და სტატისტიკა, რათა მკითხველებს გააცნოს მსოფლიოს ყველა ახალი ამბავი — იქნება ეს დღის მთავარი თემები, კურიოზული შემთხვევები თუ კულისებს მიღმა მოვლენები.

Sputnik–ი საზოგადოებას შესთავაზებს ამონარიდებს მსოფლიოს სხვადასხვა ქვეყნის უმაღლეს თანამდებობის პირებთან, ბიზნესმენებთან, პოლიტიკოსებთან,  ანალიტიკოსებსა და წქსპერტებთან საინტერესო ექსკლუზიური ინტერვიუებიდან.

Sputnik–ის კორესპონდენტები 24/7–ზე იმუშავებენ პირდაპირ ეთერში და გააშუქებენ ყველა მნიშვნელოვან მსოფლიო მოვლენას: დაწყებული სახელმწიფო ვიზიტებით, დამთარებული საპროტესტო აქციებით, ტერორისტული შეტევებითა თუ ინფექციების აფეთქებებით.

Telegram–ში Sputnik–ის მოძებნა და გამოწერა შეგიძლიათ მისამართზე @sputniknewsint.

Sputnik-ი არის ერთ-ერთი ყველაზე დიდი საერთაშორისო მედიასაშუალება, რომელიც აერთიანებს 33 ენაზე მაუწყებელ მულტიმედიურ ინტერნეტ-საიტებს, ანალოგურ და ციფრულ რადიომაუწყებლობას მსოფლიოს 34 ქვეყნის 130-ზე მეტ ქალაქში. Sputnik-ი 24 საათის განმავლობაში აწვდის ინფორმაციას მსოფლიოს წამყვან გამოცემებს ინგლისურ, არაბულ, ესპანურ, ჩინურ ენებსა და ასევე ფარსიზე. Sputnik-ის საინფორმაციო რესურსების აუდიტორია 80 მლნ ვიზიტორს შეადგენს ერთ თვეში, ხოლო სოციალურ ქსელებში ხელმომწერთა საერთო რაოდენობა 20 მილიონს აღემატება.

 

10
ვაქცინაციის ცენტრი თელ-ავივში

COVID-19 მსოფლიოში: ისრაელი „ჰერმეტულად“ დაიხურა, შვედეთმა საზღვრები ჩაკეტა...

69
(განახლებულია 16:10 25.01.2021)
კორონავისრუსთან ბრძოლის ფარგლებში მსოფლიოს ქვეყნებს ისეთი მკაცრი ზომების გატარება უწევთ, რომლებისთვისაც მანამდე არასდროს მიუმართავთ

თბილისი, 25 იანვარი — Sputnik. მსოფლიოს ქვეყნების ხელისუფლებები კვალავც ებრძვიან კორონავირუსის გავრცელებას და სხვადასხვა ღონისძიებებს მიმართავენ ინფექციის შესაჩერებლად.

მაგალითად, ნიდერლანდების ხელისუფლებამ ქვეყანაში კომენდანტის საათის შემოღების გადაწყვეტილება მიიღო. მოქალაქეებს ეკრძალებათ საღამოს ცხრა საათიდან დილის ხუთის ნახევრამდე სახლიდან გასვლა. ასეთი შეზღუდვები მეორე მსოფლიო ომის შემდეგ პირველად მოქმედებს. დამრღვევებს ჯარიმის გადახდა მოუწევთ 95 ევროს ოდენობით. გამონაკლისს მხოლოდ ძაღლების მფლობელები წარმოადგენენ.

მკაცრი ზომების საპასუხოდ, ნიდერლანდების მოქალაქეები ქუჩებში გამოვიდნენ. პოლიციამ ქვეყნის მასშტაბით ორ ათეულზე მეტი აქტივისტი დააკავა, ხოლო  გამოწერილი ჯარიმების რაოდენობამ 3.5 ათასს გადააჭარბა.

ისრაელის მთავრობამ პრაქტიკულად „ჰერმეტულად“ დახურა ქვეყანა. გარდა იმისა, რომ შეჩერებულია საერთაშორისო ფრენები უცხოეთის მოქალაქეებისთვის, ხელისუფლებამ განაცხადა, რომ თელ-ავივის ბენ გურიონის სახელობის აეროპორტი მინიმუმ ერთი კვირით ჩაიკეტება და ისრაელი, პირველად ისტორიაში, შეწყვეტს არა მარტო ემიგრანტების, არამედ იმ თანამემამულეების მიღებასაც, რომლებიც ახლა საზღვარგარეთ იმყოფებიან.

შვედეთმა, რომელმაც მანამდე აღიარა, რომ კორონავირუსის გავრცელების წინააღმდეგ ბრძოლის რბილი ზომები არაეფექტური იყო, დახურა საზღვარი ნორვეგიასთან, სადაც COVID-19-ის „ბრიტანული“ შტამი გამოვლინდა.

ამ გზით ქვეყნის ხელისუფლება ცდილობს, შეზღუდოს სავაჭრო ტურიზმი ორი ქვეყნის საზღვარზე და დაიცვას საკუთარი მოქალაქეები ვირუსის ახალი მუტაციისგან.

საფრანგეთის ხელისუფლების მოთხოვნით, ყველა პირმა, რომლებიც ქვეყანაში საზღვაო ან საჰაერო გზით შევლენ, უნდა წარადგინოს კორონავირუსზე უარყოფითი ტესტი საზღვრის გადაკვეთამდე არა უგვიანეს 72 საათისა.

„ვაქცინა გეებად გაქცევთ - არ აიცრათ“ - რაბინი ისრაელის მოსახლეობას მოუწოდებს>>

ჯონს ჰოპკინსის უნივერსიტეტის ბოლო მონაცემებით, მსოფლიოში კორონავირუსით ინფიცირებულთა რაოდენობამ 99 მილიონს გადააჭარბა. აქედან დაავადებამ  2.1 მილიონზე მეტი ადამიანი იმსხვერპლა.

საშიში ინფექციის გავრცელების მხრივ პირველ ადგილზეა შეერთებული შტატები — 25 მილიონზე მეტი დაავადებულითა და 419 ათასზე მეტი გარდაცვლილით; მეორე ადგილზეა ინდოეთი — 10,6 მილიონზე მეტი ინფიცირებულითა და 153 ათასზე მეტი გარდაცვლილით, მესამე ადგილზეა ბრაზილია — ინფიცირების 8,8 მილიონი დადასტურებული შემთხვევითა და 217 ათასი გარდაცვლილით.

69
თემები:
საერთაშორისო პანორამა
ვაქცინა Спутник V

ინდოეთმა რუსული ვაქცინის გამოცდის მეორე ეტაპი დაასრულა

7
რუსეთში ინდოეთის ელჩის სიტყვებით, ცდების პირველი ორი ფაზა წარმატებით დასრულდა და დაიწყო მესამე ეტაპი

თბილისი, 25 იანვარი - Sputnik. კორონავირუსის საწინააღმდეგო რუსული ვაქცინა „სპუტნიკ  V“ ინდოეთში ცდების მესამე ეტაპის შემდეგ დარეგისტრირდება, იუწყება РИА Новости მოსკოვში ინდოეთის ელჩის, ვენკატეშ ვარმას სიტყვებზე დაყრდნობით.

„ინდოეთისა და რუსეთის თანამშრომლობა ჯანდაცვის სფეროში, მათ შორის, ვაქცინების მიმართულებით, პანდემიის პირობებში ძალიან კარგ დონეზეა, მიმდინარეობს რეგულარული კონტაქტები პირდაპირი ინვესტიციების რუსეთის ფონდსა და ინდურ კომპანიებს შორის“, - განაცხადა მან.

ვარმას თქმით, „სპუტნიკ  V“-ს გამოცდის ორი ფაზა წარმატებით დასრულდა და დაიწყო მესამე.

„როგორც კი ის დასრულდება, ჩატარდება რეგისტრაცია და დაიწყება მისი წარმოება ინდოეთში სარეალიზაციოდ. ვფიქრობ, ეს მომდევნო ორი კვირის განმავლობაში მოხდება“, - აღნიშნა დიპლომატმა.

„როგორც კი ცდების მესამე ფაზა დასრულდება და ის ნებართვას მიიღებს, ჩვენ ვხედავთ ვაქცინის წარმოების შესაძლებლობას, ინდოეთისთვის, რუსეთისთვის, მთელი მსოფლიოსთვის ინდოეთის სიმძლავრეების გამოყენების გზით... ჩვენთან ვაქცინების წარმოებისთვის მნიშვნელოვანი სიმძლავრეებია განთავსებული - მსოფლიო წარმოების დაახლოებით 60 პროცენტი“, - აღნიშნა ელჩმა.

კორონავირუსის საწინააღმდეგო მსოფლიოში პირველი ვაქცინა რუსეთმა 2020 წლის აგვისტოში დაარეგისტრირა. პრეპარატ „სპუტნიკ V"-ს უპირატესობად სპეციალისტები მის უსაფრთხოებას, ეფექტურობასა და ხანგრძლივი ნეგატიური შედეგების არარსებობას ასახელებენ. „სპუტნიკV"-ს ეფექტურობა 90%-ს აღემატება, დაავადების მძიმე შემთხვევებში ვაქცინა სრულ დაცვას უზრუნველყოფს.

7