Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

როგორ ვრცელდება კორონავირუსი მარკეტებში: სუპერკომპიუტერმა ზუსტი მოდელი შექმნა - ვიდეო

© Sputnik / Alex Shlamovსუპერმარკეტი
სუპერმარკეტი - Sputnik საქართველო
გამოწერა
კომპიუტერულმა მოდელმა აჩვენა, რომ თუ ინფიცირებული მაზაღიის ერთ რიგში დაახველებს, ვირუსული ნაწილაკების ღრუბელი მარტივად გადალახავს სტელაჟებს და რამდენიმე წუთის განმავლობაში თავისუფლად იმოძრავებს რიგებს შორის.

თბილისი, 20 აპრილი — Sputnik. ფინეთის რამდენიმე უმაღლესი სასწავლებლის მეცნიერთა ჯგუფმა გამოთვალა, როგორ ვრცელდება COVID-19-ის გამომწვევი ვირუსული ნაწილაკები ჰაერში მას შემდეგ, რაც ინფიცირებული ადამიანი დაახველებს.

მეცნიერებმა კვლევა სუპერკომპიუტერის მეშვეობით ჩაატარეს და დაადგინეს, როგორ შეიძლება გავრცელდეს  ვირუსი სუპერმარკეტში, სადაც ვენტილაციის სისტემა მუშაობს.

კომპიუტერულმა მოდელმა აჩვენა, რომ თუ ინფიცირებული მაღაზიის ერთ რიგში დაახველებს, ვირუსული ნაწილაკების ღრუბელი მარტივად გადალახავს სტელაჟებს და რამდენიმე წუთის განმავლობაში თავისუფლად იმოძრავებს რიგებს შორის.

აღსანიშნავია, რომ მანამდე მასაჩუსეტსის ტექნოლოგიური ინსტიტუტის (აშშ) პროფესორმა ლიდია ბურუიბამ ზესწრაფი კამერის დახმარებით თვალსაჩინოდ დაამტკიცა, რომ დაცემინებისა თუ დახველების დროს ვირუსებით გაჯერებული აეროზოლური ღრუბელი 8 მეტრზე ვრცელდება.

​ჯონს ჰოპკინსის უნივერსიტეტის სპეციალური პროექტის მონაცემებით, ახალი კორონავირუსით ინფიცირებულთა რაოდენობამ მსოფლიოს 185 ქვეყანაში, ვირუსის აფეთქების მომენტიდან დღემდე, 2 404 325 ადამიანი შეადგინა, აქედან გარდაცვლილია 165 238 და განკურნებულია 624 798 პაციენტი. 

ყველა ახალი ამბავი
0