მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

გარდაიცვალა თანამედროვეობის უდიდესი კომპოზიტორი კშიშტოფ პენდერეცკი

© photo: Sputnik / Vladimir Vyatkin / გადასვლა მედიაბანკშიკშიშტოფ პენდერეცკი
კშიშტოფ პენდერეცკი - Sputnik საქართველო
გამოწერა
კომპოზიტორი კშიტოფ პენდერეცკი კონცერტების, ოპერების, საგუნდო, ინსტრუმენტული თუ კამერული მუსიკის ავტორი იყო.

თბილისი, 31 მარტი – Sputnik. გარდაიცვალა დიდი პოლონელი კომპოზიტორი და დირიჟორი კშიშტოფ პენდერეცკი. ის 86 წლისა იყო, იუწყება რადიო Sputnik.

„ხანგრძლივი ავადმყოფობის შემდეგ გარდაიცვალა კშიშტოფ პენდერეცკი – ერთ-ერთი უდიდესი პოლონელი მუსიკოსი, კლასიკურ მუსიკაში მსოფლიო დონის ავტორიტეტი“, – ნათქვამია პოლონეთის კულტურის სამინისტროს განცხადებაში.

პენდერეცკი იყო ავტორი კონცერტების, ოპერების, საგუნდო, ინსტრუმენტული თუ კამერული მუსიკისა. მისი მუსიკა ჟღერს სხვადასხვა ცნობილ კინოფილმში – სტენლი კუბრიკის „ნათება“, ალფონსო კუარონის „კაცობრიობის პირმშო“, მარტინ სკორსეზეს „შეშლილთა კუნძული“, უილიამ ფრიდკინის „ეშმაკის განმდეველი", დევიდ ლინჩის „ტვინ პიქსი“ და სხვ.

გია ყანჩელი - Sputnik საქართველო
ეპოქა დასრულდა: გია ყანჩელი გარდაიცვალა

პენდერეცკის ნაწარმოებებს ასრულებდნენ მსოფლიოში ცნობილი და აღიარებული მუსიკოსები, მათ შორის იყო მსტისლავ როსტროპოვიჩი.

პენდერეცკის ყველაზე ცნობილი ნაწარმოებებიდან აღსანიშნავია „გოდება ჰიროშიმას მსხვერპლთათვის“, სიმფონია №3, „ლუკას ვნებანი“, პოლონური რეკვიემი, Anaklasis და Utrenja. პენდერეცკიმ შექმნა ოთხი ოპერა, რვა სიმფონია და სხვა საორკესტრო ნაწარმოებები, კონცერტები სხვადასხვა ინსტრუმენტებისთვის, საგუნდო ნამუშევრები, კამერული და სოლო ინსტრუმენტული ნაწარმოებები.

ყველა ახალი ამბავი
0