ასტეროიდი

NASA დედამიწისთვის პოტენციურად საშიშ ასტეროიდზე იერიშს ამზადებს

4065
(განახლებულია 12:28 01.04.2020)
Nasa-ს სპეციალისტები ასტეროიდს ფრენის ტრაექტორიას შეუცვლიან, რაც უფრო დიდი ასტეროიდებისგან პლანეტის დაცვის სისტემისთვის ტრენინგი იქნება.

თბილისი, 31 მარტი — Sputnik. აშშ-ის აერონავტიკისა და კოსმოსური კვლევების ეროვნული სააგენტო (NASA) დედამიწისკენ მოძრავ ასტეროიდზე კინეტიკური დარტყმის მისატანად ემზადება, იუწყება გამოცემა Science Alert.

​გავრცელებული ინფორმაციით, ეს ასტეროიდი პლანეტა დედამიწას არანაირ საფრთხეს არ უქმნის, მაგრამ დარტყმა, რომლითაც NASA-ს სპეციალისტები მისი ფრენის ტრაექტორიას შეცვლიან, უფრო დიდი ასტეროიდებისგან პლანეტის დაცვის სისტემისთვის ტრენინგი იქნება.

ასტეროიდზე ჩასატარებელ მისიას DART (Double Asteroid Redirection Test) ეწოდა.

მწვანე ლაქა ღამის ცაზე: რა კავშირია მანათობელ სხეულსა და პანდემიას შორის?>>

ცნობილი ხდება, რომ კორონავირუსული ინფექციის პანდემიის გამო NASA-მ უკვე გააუქმა რამდენიმე ასეთი დაგეგმილი „იერიში“ და ახლა ასტეროიდზე შეტევის სტარტად 2021 წლის 22 ივლისს ასახელებს.   

ინფორმაცია იმის შესახებ, რომ პოტენციურად საშიში ასტეროიდი დედამიწას აპრილის ბოლოს მოუახლოვდებოდა, 4 მარტს გავრცელდა. ექსპერტების აზრით, ასტეროიდი №52768 (1998 OR2) ჩვენს პლანეტას 29 აპრილს მოუახლოვდება ყველაზე მეტად — 6,29 მილიონ კილომეტრ მანძილზე, რაც 16-ჯერ აღემატება დედამიწიდან მთვარემდე მანძილს.


4065
თემები:
მსოფლიო დღეს (1664)
დონალდ ტრამპი

აშშ-მა გაწყვიტეს ურთიერთობა ჯანმო-სთან: რეაქციები და შედეგები

18
(განახლებულია 13:36 30.05.2020)
აშშ-ის პრეზიდენტი მუქარიდან მოქმედებებზე გადავიდა: ამერიკის ხელისუფლებამ ჯანდაცვის მსოფლიო ორგანიზაციასთან ურთიერთობა გაწყვიტა

თბილისი, 30 მაისი - Sputnik. შეერთებული შტატების პრეზიდენტმა დონალდ ტრამპმა აშშ-ის ჯანდაცვის მსოფლიო ორგანიზაციასთან (ჯანმო) ურთიერთობების გაწყვეტის შესახებ განაცხადა, იუწყება РИА Новости.

აშშ არ ცნობს ჯანმოს წამყვან როლს COVID-19-თან ბრძოლაში: ვრცელდება განცხადება >>

პრეზიდენტმა თავისი გადაწყვეტილება ახსნა იმით, რომ ჯანმო-მ უარი თქვა ვაშინგტონის მიერ მოთხოვნილი რეფორმების ჩატარებაზე.

თეთრი სახლის ლიდერმა აღნიშნა, რომ ამიერიდან ორგანიზაციისთვის განკუთვნილ თანხებს აშშ მთელი მსოფლიოს მასშტაბით ჯანდაცვის გადაუდებელ საჭიროებებზე გადაამისამართებს.

ადრე აშშ-ის პრეზიდენტმა დონალდ ტრამპმა მისწერა წერილი ჯანდაცვის მსოფლიო ორგანიზაციის გენერალურ დირექტორ ტედროს ადანომ გებრეიესუსს, რომელშიც ნათქვამია, რომ ვაშინგტონი სრულად შეწყვეტს ჯანდაცვის მსოფლიო ორგანიზაციის დაფინანსებას და გადახედავს წევრობის საკითხს, თუ ორგანიზაცია 30 დღის განმავლობაში არ ჩაატარებს რეფორმებს. ​ამერიკის ლიდერის თქმით, მისმა ადმინისტრაციამ გამოიძია ჯანმოს „წარუმატებელი რეაგირება“ კორონავირუსის პანდემიაზე.

დოკუმენტში ნათქვამია, რომ ჯანმო-მ უყურადღებოდ დატოვა ინფორმაცია გასული წლის დეკემბერში უჰანში კორონავირუსის გავრცელების შესახებ და არ ჩაატარა დამოუკიდებელი კვლევები. ამასთან, აშშ-ის ხელისუფლებაში აცხადებდნენ, რომ ორგანიზაციამ ტაივანისგან „ჯანდაცვის სფეროში საგანგებო სიტუაციის შესახებ“ ინფორმაცია 2019 წლის ბოლოს მიიღო, მაგრამ არ გაასაჯაროვა ის.

ტრამპმა ასევე აღნიშნა, რომ ჯანდაცვის მსოფლიო ორგანიზაციამ ეპიდემიის კერაში საერთაშორისო ექსპერტების შესვლა არ მოითხოვა და მოიწონა ჩინეთის ხელისუფლების გადაწყვეტილება ქვეყნის შიგნით გადაადგილების აკრძალვის შესახებ, მაგრამ წინააღმდეგი იყო ამერიკის საზღვრების ჩაკეტვისა ან აშშ-ში ჩინეთიდან ვიზიტების აკრძალვის.

უკომენტაროდ

ჯანდაცვის მსოფლიო ორგანიზაციის გენერალურმა დირექტორმა ტედროს ადანომ გებრეიესუსმა ტრამპის გადაწყვეტილებასთან დაკავშირებით კომენტარის გაკეთებაზე უარი განაცხადა.

თუმცაღა ჯანმო-ს წარმომადგენელმა აფრიკაში მიჰელ იაომ განაცხადა, რომ აშშ-ის მიერ ორგანიზაციის დაფინანსების შეწყვეტა იმოქმედებს რეგიონის ქვეყნების შესაძლებლობაზე შეებრძოლონ საზოგადოებრივი ჯანმრთელობისთვის საშიშ კრიზისებს, მათ შორის კორონავირუსის პანდემიას.

„ეს ცუდი დროა საიმისოდ, რომ რომელიმე შენატანების გამოწვევა მოხდეს. ეს დრო მეტ სოლიდარობას მოითხოვს. შესაძლოა, განვითარებულ ქვეყნებს ჯანმო იმდენად არ ესაჭიროებათ, მაგრამ ჩვენი კონტინენტისათვის ჯანმო-ს არსებობა ნადვილად აუცილებელია, რათა ქვეყნებისთვის დახმარება გაგრძელდეს. ჩვენ გვყავს ისეთი ქვეყნები, რომლებიც ხანგრძლივ კრიზისს განიცდიან“, - განაცხადა მან.

იაომ ასევე აღნიშნა, რომ ორგანიზაცია აფრიკის ჯანდაცვის ბიუჯეტის 80%-ის წყაროს წარმოადგენს და ამ თანხის მეხუთედი აშშ-ზე მოდის - ეს კი ერთი ქვეყნის მხრიდან ყველაზე დიდი შენატანია. ორგანიზაციის წარმომადგენლის თქმით, ამ დაფინანსების შეწყვეტა მძიმე შედეგებს გამოიწვევს.

გარდა ამისა, დაზარალდებიან ჯანდაცვის სფეროს თანამშრომლები, რომელთა ერთი ნაწილი კონკრეტულად COVID-19-ს ებრძვის, სხვა ნაწილი კი არანაკლებ მნიშვნელოვან გამოწვევებს, ისეთს როგორიცაა ებოლა, მალარია და სხვა სასიკვდილო დაავადებები, დასძინა მან.

რუსეთის რეაქცია

ჯანდაცვის მსოფლიო ორგანიზაციასთან ურთიერთობების შეწყვეტით აშშ დარტყმის ქვეშ აყენებს ამ სფეროში საერთაშორისო-სამართლებრივი ურთიერთქმედების საფუძვლებს, თანაც იმ დროს, როდესაც მთელი მსოფლიო უნდა გაერთიანდეს კორონავირუსის პანდემიასთან ბრძოლაში, განაცხადა რუსეთის საგარეო საქმეთა სამინისტროს წარმომადგენელმა მარია ზახაროვამ.

„იმ მომენტში, როდესაც მსოფლიოს პანდემიასთან ბრძოლაში ძალისხმევის კონსოლიდაცია სჭირდება, ვაშინგტონი დარტყმის ქვეშ აყენებს ჯანდაცვის სფეროში საერთაშორისო-სამართლებრივი ურთიერთქმედების საფუძვლებს“, - განაცხადა ზახაროვამ.

მას დაებადა კითხვა: „რა შეუძლია აშშ-ს სანაცვლოდ შესთავაზოს მსოფლიოს?“

„სავალალო სურათი, რომელიც ამერიკულმა ჯანდაცვის სისტემამ პანდემიის პერიოდში აჩვენა, ვაშინგტონს არ უტოვებს შანსს ისაუბრობს ამ სფეროში ლიდერობის შესახებ“, - განაცხადა ზახაროვამ.

18
თემები:
მსოფლიო დღეს (1664)

სტამბოლში სამრეცხაოში მომხდარ აფეთქებას საქართველოს მოქალაქე ემსხვერპლა

370
(განახლებულია 13:01 30.05.2020)
აფეთქების შედეგად სამრეცხაოს შენობა თითქმის მთლიანად დაინგრა. ადგილზე სამაშველო სამსახური იყო მობილიზებული.

თბილისი, 30 მაისი - Sputnik. სტამბოლის ერთ-ერთ უბანში სამრეცხაოში ორთქლის ქვაბის აფეთქებას საქართველოს მოქალაქე ემსხვერპლა, იუწყება თურქული გამოცემა Milliyet.

უბედური შემთხვევა სტამბოლში გუშინ მოხდა. ადგილობრივი მედიის ინფორმაციით, ბაშაქშეჰირის რაიონში მომხდარი აფეთქებისას ორი ადამიანი გარდაიცვალა, მათ შორის საქართველოს მოქალაქე, 45 წლის მამაკაცი და თურქეთის 55 წლის მოქალაქე.

აფეთქების შედეგად შენობა თითქმის მთლიანად დაინგრა. ადგილზე სამაშველო სამსახური იყო მობილიზებული.

ორი ადამიანის გარდაცვალების შესახებ ინფორმაციას ადასტურებს სტამბოლის გუბერნატორიც.

რამ გამოიწვია უბედური შემთხვევა, ამ დროისთვის უცნობია.

 

370
თემები:
მსოფლიო დღეს (1664)
პოლიციის ლენტი

სისხლიანი გარჩევა თბილისში: პოლიციამ ორი პირი დააკავა

0
თბილისში ქუჩური გარჩევის დროს ბოროტმოქმედებმა ცივი იარაღი და ხელკეტები გამოიყენეს. ეჭვმიტანილები დააკავეს

თბილისი, 30 მაისი - Sputnik. პოლიციის თანამშრომლებმა თბილისში ჯგუფურად ჩადენილი ორი ან მეტი პირის მიმართ ჯანმრთელობის განზრახ მძიმე დაზიანების ბრალდებით ორი პირი დააკავეს, ნათქვამია შსს-ს მიერ გავრცელებულ განცხადებაში.

გამოძიებამ დაადგინა, რომ წერეთლის გამზირზე პარასკევს საღამოს ბრალდებულებმა ცივი იარაღით დაჭრეს ერთი პირი, ხოლო მეორეს ბლაგვი საგნით სხეულზე დაზიანება მიაყენეს.

დაშავებულების გადარჩენა მოხერხდა: ერთი კლინიკაში გადაიყვანეს, მეორეს დახმარება ადგილზე აღმოუჩინეს.

სამართალდამცველებმა იმ ავტომობილის ჩხრეკისას, რომლითაც ბრალდებულები გადაადგილდებოდნენ, დანაშაულის ჩადენის იარაღები - ორი ხელკეტი ნივთმტკიცებად ამოიღეს.

მომხდარ ფაქტზე გამოძიება სსკ-ის 117-მუხლის მე-5 ნაწილის "ე" ქვეპუნქტით და მე-7 ნაწილის "ა" ქვეპუნქტით მიმდინარეობს, რაც ჯგუფურად ჩადენილ ორი ან მეტი პირის მიმართ ჯანმრთელობის განზრახ მძიმე დაზიანებას გულისხმობს. ბრალდებულებს 9-დან 13 წლამდე ვადით პატიმრობა ემუქრება.

გრძელდება ოპერატიულ-სამძებრო და საგამოძიებო მოქმედებები ინციდენტში მონაწილე სხვა პირების დადგენა-დაკავების მიზნით.

0
თემები:
კრიმინალი საქართველოში