თბილისი, 31 მარტი — Sputnik. ტერორისტებმა ირანიდან თურქეთისკენ მიმავალი გაზსადენი ააფეთქეს, გაზმომარაგება დროებით შეჩერებულია, იუწყება ირანული საინფორმაციო პორტალი YJC ირანის გაზის ეროვნული კომპანიის წარმომადგენელზე დაყრდნობით.
„ამ დილით ირანიდან თურქეთში გამავალ გაზსადენზე აფეთქება მოხდა, რომელიც ტერორისტულმა დაჯგუფებებმა მოაწყვეს“, — განუცხადა პორტალს კომპანიის წარმომადგენელმა მეჰდი ჯამშიდიმ.
მისი თქმით, აფეთქება თურქეთის ტერიტორიაზე მოხდა. ამჟამად გაზსადენით გაზის მიწოდება შეჩერებულია.
ჯამშიდიმ აღნიშნა, რომ მსხვერპლის თაობაზე ზუსტი მონაცემები არ გააჩნია, თუმცა იქვე განმარტა, რომ აფეთქებას, რომელმაც გაზსადენის მილი ვერ გახეთქა, საეჭვოა, რომ მსხვერპლი მოჰყოლოდა.
