სამედიცინო ლაბორატორია

COVID-19-ით სიკვდილიანობას ეს აცრა განსაზღვრავს: მეცნიერები სენსაციურ კვლევას აქვეყნებენ

49707
(განახლებულია 16:05 31.03.2020)
მეცნიერებმა აღნიშნეს, რომ ეკონომიკურად ღარიბ ქვეყნებში, სადაც უკვე დიდი ხანია ამ აცრებს გამუდმებით უტარებენ მთელ მოსახლეობას, კორონავირუსული ინფექციით სიკვდილიანობის მაჩვენებელი უკიდურესად დაბალია.

თბილისი, 31 მარტი — Sputnik. ახალი ტიპის კორონავირუსით გამოწვეულ სიკვდილიანობასა და იმას შორის, თუ როდის და რამდენად ფართოდ იყო გამოყენებული სხვადასხვა სახელმწიფოში ტუბერკულოზთან ბრძოლის ვაქცინა (BCG) მოსახლეობის ასაცრელად, მნიშვნელოვანი კავშირი არსებობს, ასკვნიან ამერიკელი ეპიდემიოლოგები. მათი კვლევის შედეგები გამოქვეყნებულია პორტალზე medRxiv.

„ქვეყნები, რომლებშიც არ ჩატარებულა უნივერსალური ვაქცინაცია BCG-ს მეშვეობით, ყველაზე მეტად დაზარალდნენ COVID-19-სგან. მათ შორის არიან იტალია, აშშ და ნიდერლანდები“, — წერენ მეცნიერები.

ამერიკელმა სწავლულებმა აღმოაჩინეს, რომ ვაქცინაცია BCG („ბე-ცე-ჟე“) ვირუსით ინფიცირების დონეს ამცირებს. მკვლევარების აზრით, სიკვდილიანობისა და ინფიცირების დაბალმა მაჩვენებლებმა შესაძლოა ეს აცრა ერთ-ერთ მთავარ იარაღად აქციოს კორონავირუსთან ბრძოლაში.  

კვლევის ფარგლებში მეცნიერებმა გააანალიზეს, რამდენად შეუძლია BCG–ვაქცინაციას, გავლენა მოახდინოს კორონავირუსის გავრცელებასა და ინფექციით სიკვდილის რისკზე მოსახლეობის ყველაზე მოწყვლად ფენებში.  

გაირკვა, რომ მთელ რიგ ქვეყნებში, კერძოდ, აშშ-ში, ირანში, იტალიაში, ბელგიაში, ნიდერლანდებსა და ევროპის სხვა ქვეყნებში BCG–ვაქცინაცია ან არასდროს გამოუყენებიათ მასიურად, ან ეს პროცედურა შედარებით ცოტა ხნის წინ დაიწყო.

ცრუ შედეგი გამორიცხულია: შექმნილია ზეზუსტი ტესტი COVID 19-ის გამოსავლენად>>

კვლევის ავტორების აზრით, ამან გავლენა მოახდინა იმ ფაქტზე, რომ ამ ქვეყნებში კორონავირუსით ინფიცირების დონე ოთხჯერ უფრო მაღალია, ვიდრე საშუალოდ მთელ მსოფლიოში. ანალოგიური მაჩვენებელი დაფიქსირდა სიკვდილიანობის მხრივაც.

მეცნიერებმა ასევე აღნიშნეს, რომ ეკონომიკურად ღარიბ ქვეყნებში, სადაც უკვე დიდი ხანია BCG–აცრებს გამუდმებით უტარებენ მთელ მოსახლეობას, კორონავირუსული ინფექციით სიკვდილიანობის მაჩვენებელი უკიდურესად დაბალია. 

მეცნიერები დარწმუნებული არიან, რომ BCG–ვაქცინაცია ფრიად ეფექტურია ორგანიზმის ახალი ტიპის კორონავირუსისგან დასაცავად და მათ მაგალითად ჩინეთის შემთხვევა მოჰყავთ, სადაც BCG–ვაქცინაცია გასული საუკუნის 50-იან წლებში დაიწყეს, მაგრამ შემდეგ, „კულტურული რევოლუციის“ პერიოდში, 1966-1976 წლებში მასობრივი ვაქცინაცია შეწყდა. კვლევის ერთ-ერთი ავტორის აარონ მილერის აზრით, ამ გადაწყვეტილებამ თავისი როლი შეასრულა ჩინეთში მოსახლეობის მოწყვლადი ფენის გაჩენაში, რომლისგანაც დაიწყო კიდეც COVID-19-ის გავრცელება.

გადადის თუ არა COVID-19 ცრემლებით – კვლევის შედეგები>>

ახალი კორონავირუსით ინფიცირებულთა რაოდენობამ მსოფლიოში, ვირუსის აფეთქების მომენტიდან დღემდე, 786 228 ადამიანი შეადგინა, აქედან გარდაცვლილია 37 820 და განკურნებულია 166 041 პაციენტი. მონაცემები აღებულია ჯონს ჰოპკინსის უნივერსიტეტის სპეციალური პროექტიდან. 

ამასთან, ამ დროისათვის ინფიცირებულთა რაოდენობით პირველ პოზიციაზეა აშშ — 164 603 ინფიცირებულით, მეორეზე — იტალია (101 739), მესამეზე – ესპანეთი (87 956).

ქვეყნების რაოდენობამ, სადაც COVID-19-ით დაავადებულთა რიცხვმა ათასს გადააჭარბა, ამ დროისათვის 43-ს შეადგენს. ამ ნიშნულის ზღვარზეა კიდევ რამდენიმე სახელმწიფო.

 

49707
თემები:
COVID-19-ის პანდემია მსოფლიოში (1239)
ქათამი

ფრინველის გრიპი მძლავრობს: მსოფლიოს ქვეყნებში ქათმების განადგურება დაიწყო

17
(განახლებულია 12:07 04.12.2020)
მანამდე ფრინველის გრიპის აფეთქება დაფიქსირდა ბელგიაში, გერმანიაში, საფრანგეთში, ნორვეგიაში, ნიდერლანდებში, დიდ ბრიტანეთსა და სხვაგან

თბილისი, 4 დეკემბერი — Sputnik. ნოემბრის დასაწყისიდან დღემდე იაპონიაშუ ორი მილიონი ქათამ გაანადგურეს ფრინველის გრიპის აფეთქების გამო, იუწყება სააგენტო Kyodo.

გავრცელებული ინფორმაციით, ეს ყველაზე მაღალი მაჩვენებელია ერთი სეზონისთვის.

ფრინველის გრიპით ინფიცირების პირველი შემთხვევა იაპონიაში წელს ნოემბრის დასაწყისში აღმოაჩინეს ქალაქ მიტოიოს ფერმაში. ამის გამო მის მფლობელებს 330 ათასი ქათმის განადგურება მოუხდათ. ამის შემდეგ ხელისუფლებამ მიტიოდან 10 კმ რადიუსში მდებარე ყველა ფერმას აუკრძალა ქათმების გაყიდვა.

თუმცა მოგვიანებით ფრნველის გრიპმა იაპონიის სხვა რეგიონებშიც იფეთქა. დღეისათვის გრიპის კერები ქვეყნის ოთხ პრეფექტურაშია აღმოჩენილი — კაგავაში, ფუკუოკაში, ჰეგოსა და მიიაძაკიში.

მანამდე ფრინველის გრიპის შემთხვევები დაფიქსირდა ბელგიაში, გერმანიაში, საფრანგეთში, ნორვეგიაში, დანიასა და ნიდერლანდებში. ინფექციასთან ბრძოლის ფარგლებში ევროპის სახელმწიფოებში ასობით ათასი ქათამი გაანადგურეს.

ორი დღის წინ დაავადებამ თავი იჩინა დიდ ბრიტანეთშიც. ხელისუფლებამ ათასობით ინდაურის განადგურების ბრძანება გასცა, და ასევე სამხრეთ კორეაშიც, სადაც ასევე ასობით ათასი იხვი და ქათამი გაანადგურეს.

 

17
თემები:
მსოფლიო დღეს

ფერფლით დაფარული მიწა: ვულკანი სემერუს ამოფრქვევის შედეგები კუნძულ იავაზე

7
  • ლუმაჯანგის რაიონში მდებარე ვულკანი სამშაბათს ამოიფრქვა
  • ლავის ტალღამ სიგრძეში ერთი კილომეტრი შეადგინა, ხოლო ფერფლმა 11 კილომეტრი მანძილი დაფარა
  • მონიტორინგის მონაცემებით, შავი ღრუბელი 2 500 მეტრის მანძილზე ჩანდა
  • ვულკანის შემდეგ მალე წვიმაც მოვიდა, რომელიც ვულკანის ფერფლით იყო გაჯერებული
  • სტიქიურ უბედურებებთან ბრძოლის ინდონეზიის ეროვნული სააგენტოს მონაცემებით, ქვეყნის დაახლოებით 550 მკვიდრი იძულებული გახდა სახლი დაეტოვებინა
  • მათგან დაახლოებით 300 ადამიანი სადამკვირვებლო პუნქტისკენ გაემართა
  • დანარჩენები თავშესაფარში დარჩნენ, რომელიც სუპიტურანგის დასახლებულ პუნქტში მდებარეობს
  • ვულკანის ამოფრქვევის შემდეგ ევაკუირებული მოსახლეობა თავშესაფარში
  • ვულკანოლოგიისა და გეოლოგიური საფრთხეებიის შემცირების ცენტრმა ადგილობრივებს საშიში ზონისთვის თავის არიდებისკენ მოუწოდა
  • ფერფლით დაფარული შინაური ცხოველები ვულკანი სემერუს ამოფრქვევის შემდეგ
  • ბანიუვანგის აეროპორტის გენერალურმა დირექტორმა ცინ ასმორომ განაცხადა, რომ ვულკანის ამოფრქვევას აეროპორტის მუშაობაზე დიდი ზეგავლენა არ ჰქონია
  • მანამდე, კატასტროფების ინდონეზიელი მკვლევარები ვულკანი მერაპის აქტივობის ზრდაზე საუბრობდნენ, რომელსაც საშიშროების მესამე დონე აქვს მინიჭებული
ინდონეზიაში, კუნძულ იავაზე მდებარე ვულკანი სემერუ გააქტიურდა. იხილეთ Sputnik-საქართველოს ფოტოლენტაში ვულკანის ამოფრქვევის შედეგები

სამშაბათს ინდონეზიაში ვულკანი სემერუ ამოიფრქვა, რამაც ადგილობრივების ნაწილს სახლების დატოვება და თავშესაფარში წასვლა აიძულა.

ფერფლმა და გოგირდმა გარშემო რამდენიმე სოფელი დაფარა, რამაც პანიკა გამოიწვია ადგილობრივებში. ხელისუფლება ვულკანის მახლობლად მცხოვრები 550 ადამიანის ევაკუაციას ცდილობს.

7
  • ლუმაჯანგის რაიონში მდებარე ვულკანი სამშაბათს ამოიფრქვა
    © AFP / Juni Kriswanto

    ლუმაჯანგის რაიონში მდებარე ვულკანი სამშაბათს ამოიფრქვა

  • ლავის ტალღამ სიგრძეში ერთი კილომეტრი შეადგინა, ხოლო ფერფლმა 11 კილომეტრი მანძილი დაფარა
    © REUTERS / Antara Foto/Umarul Faruq

    ლავის ტალღამ სიგრძეში ერთი კილომეტრი შეადგინა, ხოლო ფერფლმა 11 კილომეტრი მანძილი დაფარა

  • მონიტორინგის მონაცემებით, შავი ღრუბელი 2 500 მეტრის მანძილზე ჩანდა
    © AP Photo

    მონიტორინგის მონაცემებით, შავი ღრუბელი 2 500 მეტრის მანძილზე ჩანდა

  • ვულკანის შემდეგ მალე წვიმაც მოვიდა, რომელიც ვულკანის ფერფლით იყო გაჯერებული
    © AFP / Juni Kriswanto

    ვულკანის შემდეგ მალე წვიმაც მოვიდა, რომელიც ვულკანის ფერფლით იყო გაჯერებული

  • სტიქიურ უბედურებებთან ბრძოლის ინდონეზიის ეროვნული სააგენტოს მონაცემებით, ქვეყნის დაახლოებით 550 მკვიდრი იძულებული გახდა სახლი დაეტოვებინა
    © AFP / Juni Kriswanto

    სტიქიურ უბედურებებთან ბრძოლის ინდონეზიის ეროვნული სააგენტოს მონაცემებით, ქვეყნის დაახლოებით 550 მკვიდრი იძულებული გახდა სახლი დაეტოვებინა

  • მათგან დაახლოებით 300 ადამიანი სადამკვირვებლო პუნქტისკენ გაემართა
    © AP Photo

    მათგან დაახლოებით 300 ადამიანი სადამკვირვებლო პუნქტისკენ გაემართა

  • დანარჩენები თავშესაფარში დარჩნენ, რომელიც სუპიტურანგის დასახლებულ პუნქტში მდებარეობს
    © AFP / Juni Kriswanto

    დანარჩენები თავშესაფარში დარჩნენ, რომელიც სუპიტურანგის დასახლებულ პუნქტში მდებარეობს

  • ვულკანის ამოფრქვევის შემდეგ ევაკუირებული მოსახლეობა თავშესაფარში
    © AFP / Juni Kriswanto

    ვულკანის ამოფრქვევის შემდეგ ევაკუირებული მოსახლეობა თავშესაფარში

  • ვულკანოლოგიისა და გეოლოგიური საფრთხეებიის შემცირების ცენტრმა ადგილობრივებს საშიში ზონისთვის თავის არიდებისკენ მოუწოდა
    © AFP / Juni Kriswanto

    ვულკანოლოგიისა და გეოლოგიური საფრთხეებიის შემცირების ცენტრმა ადგილობრივებს საშიში ზონისთვის თავის არიდებისკენ მოუწოდა

  • ფერფლით დაფარული შინაური ცხოველები ვულკანი სემერუს ამოფრქვევის შემდეგ
    © AFP / Juni Kriswanto

    ფერფლით დაფარული შინაური ცხოველები ვულკანი სემერუს ამოფრქვევის შემდეგ

  • ბანიუვანგის აეროპორტის გენერალურმა დირექტორმა ცინ ასმორომ განაცხადა, რომ ვულკანის ამოფრქვევას აეროპორტის მუშაობაზე დიდი ზეგავლენა არ ჰქონია
    © AFP / Juni Kriswanto

    ბანიუვანგის აეროპორტის გენერალურმა დირექტორმა ცინ ასმორომ განაცხადა, რომ ვულკანის ამოფრქვევას აეროპორტის მუშაობაზე დიდი ზეგავლენა არ ჰქონია

  • მანამდე, კატასტროფების ინდონეზიელი მკვლევარები ვულკანი მერაპის აქტივობის ზრდაზე საუბრობდნენ, რომელსაც საშიშროების მესამე დონე აქვს მინიჭებული
    © REUTERS / Antara Foto/Umarul Faruq

    მანამდე, კატასტროფების ინდონეზიელი მკვლევარები ვულკანი მერაპის აქტივობის ზრდაზე საუბრობდნენ, რომელსაც საშიშროების მესამე დონე აქვს მინიჭებული

ზურაბ ჯაფარიძე

„ჩვენი გზები გაიყო“ ჯაფარიძე განხეთქილებაზე „გირჩში“

0
(განახლებულია 12:16 04.12.2020)
პარტიის ლიდერმა ზურაბ ჯაფარიძემ განაცხადა, რომ თანამშრომლობას სამ თანამებრძოლთან ერთად ვეღარ გააგრძელებს

თბილისი, 4 დეკემბერი – Sputnik. თანამებრძოლებთან განხეთქილების შესახებ პარტიის დახურულ ჯგუფში საქართველოში ყველაზე არაორდინარული პარტია „გირჩის“ ერთ–ერთმა დამფუძნებელმა და ლიდერმა ზურაბ ჯაფარიძემ სტატუსი გამოაქვეყნა.

ჯაფარიძე: „გირჩის“ მესამე ადგილი აჩვენებს, რომ ჩვენ ვართ მომავლის პარტია, ეშინოდეთ!>>

ჯაფარიძის თქმით, უთანხმოებაა პარტიის წევრებთან სანდრო რაქვიაშვილთან, ვახტანგ მეგრელიშვილთან და იაგო ხვიჩიასთან. კონკრეტული მიზეზების შესახებ ჯაფარიძეს საჯაროდ არაფერი უთქვამს.

„სამწუხაროდ, ერთი მხრივ ჩემი, ხოლო მეორე მხრივ იაგოს, ვახოს და სანდროს გზები გაიყო. მე აღარ ვაპირებ მათთან ერთად „გირჩის“ კეთებას ბევრი მიზეზის გამო, მაგრამ არა იაგოს განცხადების შინაარსის გამო. არც მიზეზებზე ვაპირებ საჯაროდ საუბარს. სამწუხაროდ, ხდება ასეთი რაღაცები ცხოვრებაში. წარმატებას ვუსურვებ სამივეს“, დაწერა ჯაფარიძემ.

ამასთან, პოლიტიკოსმა აღნიშნა, რომ ყოფილ თანამებრძოლებს ბევრი კარგი საქმის გაკეთება შეუძლიათ.

სახელმწიფო დაფინანსებაზე უარს ორი ქართული პარტია აცხადებს>>

„გაჩერებას არ ვაპირებ. „გირჩის“ მთავარი ბრძოლები წინაა“, – განაცხადა პოლიტიკოსმა.

„გირჩი“ საქართველოს პოლიტიკურ არენაზე 2015 წელს გამოჩნდა. პარტია „ერთიანი ნაციონალური მოძრაობის სამმა ყოფილმა წარმომადგენელმა შექმნა. პარტია ლიბერალური მიმართულებისაა და არაორდინარული ქმედებებით გამოირჩევა.

0
თემები:
საქართველოს პოლიტიკური ცხოვრება