ტესტირება კორონავირუსზე

კლინიკური კვლევები დასრულდა, შექმნილია სამი პრეპარატი COVID-19-ის სამკურნალოდ

9971
(განახლებულია 19:55 30.03.2020)
აკადემიკოსის თქმით, ამ დროისათვის უკვე სამი პრეპარატია მზად COVID-19-ის წინააღმდეგ ეფექტურობაზე ტესტირების გასავლელად.

თბილისი, 30 მარტი — Sputnik. შემუშავებულია სამი სახის პრეპარატი, რომლებიც პოტენციურად შეიძლება გამოყენებული იყოს COVID-19-ის სამკურნალოდ, განაცხადეს რუსეთის მეცნიერებათა აკადემიაში. 

მანამდე ფედერალურმა სამედიცინო-ბიოლოგიურმა სააგენტომ წარმოადგინა კიდევ ერთი ვარიანტი, რომელიც მალარიის საწინააღმდეგო „მეფლოქინის“ საფუძველზე დამზადდა.

მეცნიერებათა აკადემიის ვიცე-პრეზიდენტის ვლადიმირ ჩეხონინის თქმით, რამდენიმე წლის წინ ორგანული სინთეზის ინსტიტუტში დამზადდა ანტივირუსული ტრიაზავირინი, რომლითაც ახლა ჩინელი სპეციალისტები დაინტერესდნენ კორონავირუსული ინფექციის სამკურნალოდ.

„მაგრამ დღეისათვის მზადაა ამ პრეპარატის განსაკუთრებული, საინჰალაციო ფორმა, რომელიც კონკრეტულად რესპირატორული ვირუსული ინფექციის სამკურნალოდ შეიძლება გამოვიყენოთ. დარწმუნებული ვარ, რომ ის ბევრად მისაღები იქნება COVID-19-ის ინფექციის სამკურნალოდ. ბუნებრივია, ასეთი ვარიანტი უკიდურესად მნიშვნელოვანია ამჟამინდელ ვითარებაში“, — განაცხადა ჩეხონინმა.

მისი თქმით, აღნიშნული წამალი უკვე მზადაა სპეციალური დაწესებულებებისთვის გადასაცემად, სადაც მათი ტესტირება ჩატარდება.

გარდა ამისა, აკადემიკოსის თქმით, ორგანული სინთეზისა და ორგანული ქიმიის ინსტიტუტებმა შექმნეს ანტივირუსული პრეპარატის „ფავიპირავირის“ სინთეზის „საკმაოდ ეფექტური სქემა“. ეს პრეპერატი იაპონიაშია შექმნილი იმ ინფექციების სამკურნალოდ, რომლებსაც ე.წ. RNA–ვირუსები იწვევს. სწორედ ამ ჯგუფს მიეკუთვნება ახლანდელი კორონავირუსიც.

ჩეხონინის თქმით, ეს მიგნებაც უკვე მზადაა ტესტირების გასავლელად.

რუსმა მეცნიერებმა კორონავირუსის სამკურნალო პრეპარატი წარმოადგინეს>> 

არსებობს კიდევ სხვა პრეპარატი – „ფორტეპრენი“, რომელიც მანამდე ეპიდემიოლოგიისა და მიკრობიოლოგიის ეროვნული ცენტრისა და ორგანული ქიმიის ინსტიტუტის მეცნიერებმა შექმნეს პრეპარატ „ფოსპრენილის“ ბაზაზე. ეს უკანასკნელი ცხოველებში კორონავირუსული ინფექციების სამკურნალოდ გამოიყენება.

„[პრეპარატმა] კლინიკური გამოცდების ყველა სტადია გაიარა, ანუ ადამიანებზეც გამოიცადა. „ფორტეპრენი“ რეგისტრაციის ეტაპზეა, რომლის გავლის შემდეგაც უკვე ტესტირებისთვის გადაიცემა იმის შესამოწმებლად, თუ რამდენად აქტიური შეიძლება იყოს ის COVID-19-ის მიმართ“, — აღნიშნა მეცნიერმა.

აკადემიკოს ჩეხონინის თქმით, ამ ყველაფრის გარდა რუსეთში ასევე მუშავდება სამი ვაქცინა ახალი ინფექციის საწინააღმდეგოდ.

ჯონს ჰოპკინსის უნივერსიტეტის სპეციალური პროექტის მონაცემებით, ახალი კორონავირუსით ინფიცირებულთა რაოდენობამ მსოფლიოში, ვირუსის აფეთქების მომენტიდან დღემდე, 724 201 ადამიანი შეადგინა, აქედან გარდაცვლილია 34 026 და განკურნებულია 152 071 პაციენტი. 

9971
თემები:
მსოფლიო და მეცნიერება (391)
ონლაინ-რეჟიმი

კონფუზი ონლაინ: პოლიტიკოს ქალს კამერის გამორთვა დაავიწყდა და მკერდი მოიშიშვლა - ვიდეო

78
(განახლებულია 16:29 04.06.2020)
მას შემდეგ, რაც პანდემიის გამო მსოფლიო მუშაობის ონლაინ-რეჟიმზე გადავიდა, ინტერნეტით არაერთი „თამამი“ შინაარსის შემთხვევითი ვიდეო გავრცელდა

თბილისი, 4 ივნისი — Sputnik. მექსიკელ სენატორ ქალს სახელმწიფო ონლაინ–თათბირის შემდეგ ვიდეოკამერის გამორთვა დაავიწყდა და მკერდი მოიშიშვლა, რის მოწმეც არაერთი ადამიანი გახდა, იუწყება New York Post–ი.

ირკვევა, რომ 66 წლის მარტა ლუსია მიჩერ კამარენა მხოლოდ მას შემდეგ მიხვდა შეცდომას, რაც პირადი შეტყობინებები მიიღო. მანამდე კი თათბირის დამსწრე ჩინოვნიკებმა და ჟურნალისტებმა ინციდენტის კამერებზე აღბეჭდვა მოასწრეს. 

გამოცემის ინფორმაციით, სენატორი მაინცდამაინც არ განიცდის მომხდარს.

„მე მალუ მიჩერი ვარ  და არ მრცხვენია, რომ ინტიმური ადგილი შემთხვევით გამომიჩნდა... სწორედ ამ მკერდით გამოვზარდე ოთხი შვილი“, — განაცხადა მან.

ირკვევა, რომ მიჩერ კამარენას მხარი არაერთმა პოლიტიკოსმა დაუჭირა, რომლებმაც სამარცხვინოდ მიიჩნიეს სოციალური ქსელებით მკერდმოშიშვლებული სენატორის ფოტოების გავრცელება.

აღსანიშნავია, რომ ბოლო პერიოდში, რაც მთელი მსოფლიო ონლაინ მუშაობის რეჟიმზე გადავიდა, ინტერნეტით არაერთი მსგავსი და კიდევ უფრო „თამამი“ შინაარსის შემთხვევითი ვიდეო- და ფოტომასალა გავრცელდა. 

 

78
თემები:
მსოფლიო დღეს

აშშ-ის პოლიცია მომიტინგეთა სოლიდარობის ნიშნად მუხლს იყრის - ფოტო

23
აფროამერიკელი ჯორჯ ფლოიდის გარდაცვალების გამო აშშ-ში მასშტაბური საპროტესტო აქციები გაიმართა,. მომიტინგეებს მხარი დაუჭირეს პოლიციის თანამშრომლებმა. იხილეთ Sputnik-საქართველოს ფოტოლენტაში, როგორ მოიხადეს მათ ბოდიში კოლეგების დაუდევრობის გამო

ჯორჯ ფლოიდი პოლიციას დაკავებისას შემოაკვდა. ვიდეო კადრებმა ამერიკელები აღაშფოთა. ინციდენტის გამო მთელი ქვეყნის მასშტაბით საპროტესტო აქციებმა იფეთქა. უკვე რამდენიმე დღეა ასობით ადამიანი მინეაპოლისის, ნიუ-იორკის, ვაშინგტონის და აშშ-ის სხვა დიდ ქალაქებში აქციებს მართავს.

ბევრგან მშვიდობიანი აქცია მალე გადაიზარდა არეულობასა და პოლიციასთან დაპირისპირებაში. დემონსტრანტები არბევდნენ და ძარცვავდნენ მაღაზიებს, ცეცხლს უკიდებდნენ სანაგვე ურნებსა და ავტომობილებს.

პოლიციელები მთელი ქვეყნის მასშტაბით სხვადასხვანაირად გამოხატავენ მომიტინგეთა სოლიდარობას.

კალიფორნიის ქალაქი სანტა-კრუზეს  მერმა და პოლიციის ხელმძღვანელმა ენდი მილსმა სოლიდარობა გამოუცხადეს აქციის მონაწილეებს და მუხლი მოიყარეს დემონსტრაციის მსვლელობისას. ანალოგიურად მოიქცნენ მათი კოლეგები ნიუ-იორკსა და ვაშინგტონში. 

23
  • აშშ-ის რამდენიმე ქალაქში პოლიციელებმა მუხლი მოიდრიკეს საპროტესტო აქციის მონაწილეების წინაშე

  • © AFP / Kyle Grillot

    ასე გამოხატავენ სამართალდამცავები, პოლიციის ხელმძღვანელები და ქალაქის ადმინისტრაციის წარმომადგენლები სოლიდარობას მომიტინგეთა მიმართ

  • © AFP / Frederic J. Brown

    პოლიციელებმა მუხლი მოიყარეს ნიუ-იორკში, ფლორიდაში, ვაშინგტონსა და კალიფორნიაში

  • © AFP / Agustin Paullier

    მიჩიგანში პოლიცია აქციის მონაწილეთა კოლონას შეუერთდა

  • © AFP / Eva Marie Uzcategui

    ფერგიუსონში პოლიციელები ჩამუხლულები იდგნენ ცხრა წუთის განმავლობაში. ზუსტად ამდენ ხანს აწვებოდა ყელზე მუხლით ჯორჯ ფლოიდს მკვლელობაში ეჭვმიტანილი პოლიციელი დერეკ ჩავენი

  • © AFP / David Ryder / Getty Images

    ბელვიუს პოლიციის მეთაური სტივ მილეტი მუხლს იყრის დემონსტრანტებთან ერთად

  • © REUTERS / Courtesy Aleeia Abraham

    ფრაზა „ვიგუდები“აქტივისტების ლოზუნგად იქცა, რომლებიც აშშ-ის შავკანიანი მოსახლეობის წინააღმდეგ პოლიციის ძალადობას აპროტესტებენ

  • © REUTERS / Dustin Chambers

    ერთ-ერთ ქალაქში ოფიცრები ცალ მუხლზე დადგნენ, მომიტინგეები კი დაღუპული აფროამერიკელების სახელებყვიროდნენ

  • © AFP / Eva Marie Uzcategui

    სხვა ქალაქებში პოლიციელები აქციების მონაწილეებთან ერთად ლოცულობდნენ ან თავდახრილები დუმილით გამოხატავდნენ პროტესტს

პოლიცია

39 დღე კარანტინში: თეთრიწყაროში შეზღუდვები მოიხსნა

0
(განახლებულია 17:03 04.06.2020)
თეთრიწყაროს მუნიციპალიტეტში სულ კორონავირუსის 55 დადასტურებული შემთხვევა გამოვლინდა, 50 ადამიანი უკვე გამოჯანმრთელდა.

 

თბილისი, 4 ივნისი – Sputnik. 39–დღიანი შეზღუდვების შემდეგ, თეთრიწყაროში საკარანტინე რეჟიმი მოიხსნა, ყველა საკონტროლო–გამშვები პუნქტი გაუქმდა და მოქალაქეებს თავისუფალად გადაადგილების შესაძლებლობა აქვთ, ნათქვამია მუნიციპალიტეტის Facebook–გვერდზე გავრცელებულ განცხადებაში.

თეთრიწყაროში კორონავირუსის პირველი შემთხვევა 25 აპრილს დაფიქსირდა, 26 აპრილიდან კი უწყებათაშორისი საკოორდინაციო საბჭოს გადაწყვეტილებით მუნიციპალიტეტი ჩაიკეტა. 

დღეს გამართულ მთავრობის სხდომაზე პრემიერ–მინისტრმა გიორგი გახარიამ მუნიციპალიტეტში საკარანტინე რეჟიმის გაუქმება დააანონსა. მისი სიტყვებით, თეთრიწყაროში ეპიდსიტუაცია შეზღუდვების მოხსნის საშუალებას იძლევა, რამდენადაც 22 მაისიდან რაიონში კორონავირუსით ინფიცირების არცერთი ახალი შემთხვევა არ დაფიქსირებულა.

 „ბოლო პერიოდის განმავლობაში დიდი სირთულეების დაძლევა მოგვიწია. მინდა მადლობა გადავუხადო ყველას, ვინც ამ პროცესებში იყო ჩართული, განსაკუთრებით თავდაცვის ძალებს, პოლიციას, ჯანდაცვის სექტორის წარმომადგენლებს გაწეული დაუღალავი შრომისთვის”, – განაცხადა განაცხადა მუნიციპალიტეტის მერმა გიორგი ქორიძემ.

თეთრიწყაროს მუნიციპალიტეტში სულ კორონავირუსის 55 დადასტურებული შემთხვევა გამოვლინდა, მათგან 50 უკვე გამოჯანმრთელდა. ამ დროისთვის თვითიზოლაციაში შვიდი ადამიანი, კარანტინში კი 36 პირი იმყოფება, სტაციონარში  მკურნალობს 5 პაციენტი, 17 886 პირს თერმოსკრინინგი, PCR- ტესტირება კი ჯამში 872 პირს ჩაუტარდა.

0
თემები:
COVID-19 საქართველოში