Franco Rivolli Art-ის გრაფიტი იტალიაში

სტრესს ვერ გაუძლო: COVID-19-ით ინფიცირებულმა ახალგაზრდა მედდამ თავი მოიკლა

281
(განახლებულია 15:10 27.03.2020)
მედდების ეროვნულმა ფედერაციამ ქალის გარდაცვალება დაადასტურა და ხაზგასმით აღნიშნა, რომ ის ძლიერ სტრესს განიცდიდა, რადგან საკუთარ თავს ვირუსის გაავრცელებაში ადანაშაულებდა.

თბილისი, 27 მარტი — Sputnik. იტალიის ქალაქ მონცში ახალგაზრდა მედდამ თავი მოიკლა მას შემდეგ, რაც ტესტმა კორონავირუსზე დადებითი შედეგი აჩვენა, იუწყება იტალიური მასმედია.

​გავრცელებული ინფორმაციით, 34 წლის მედდა დანიელა ტრეზი ინტენსიური თერაპიის განყოფილებაში მუშაობდა, მაგრამ 10 მარტიდან თავად იმყოფებოდა კარანტინში, რადგან მას კორონავირუსული ინფექციის ნიშნები გამოუვლინდა. მას შემდეგ, რაც ტესტმა დაავადებაზე დადებითი პასუხი აჩვენა, ქალმა თავი მოიკლა. როგორც გაირკვა, დანიელა ძალიან განიცდიდა, რომ შეიძლებოდა მანამდე დაავადება სხვებისთვისაც გადაედო.  

იტალიის მედდების ეროვნულმა ფედერაციამ დანიელა ტრეზის გარდაცვალება დაადასტურა და მომხდარის შესახებ შეშფოთება გამოთქვა. მათ ხაზგასმით აღნიშნეს, რომ ტრეზიმ ძლიერი სტრესი განიცადა, რადგან საკუთარ თავს ვირუსის გაავრცელებაში ადანაშაულებდა.

„ჩემი ქალიშვილი რეანიმაციაში მუშაობს... ეს შემაძრწუნებელია“ – რას ამბობს ამერიკელი ექიმი>>

მანამდე გავრცელდა იტალიის ქალაქ კრემონას საავადმყოფოს ექიმის ნაამბობი, რომ ღამით კოშმარები ესიზმრება. ექიმი ირწმუნება, რომ მის საავადმყოფოში ჯერჯერობით არავინ გამოჯანმრთელებულა, რაც ძალიან აშინებს მედპერსონალს და დემოტივირებულს ხდის მათ კორონავირუსთან ბრძოლაში.

ჯონს ჰოპკინსის უნივერსიტეტის სპეციალური პროექტის მონაცემებით, ეპიდემიის აფეთქებიდან დღემდე მსოფლიოში COVID-19-ით ინფიცირებულია 532 788 ადამიანი. აქედან გარდაიცვალა 24 077 და განიკურნა 122 672 პაციენტი.

281
თემები:
COVID-19-ის პანდემია მსოფლიოში (1010)
ჩინეთის შეიარაღება

ბირთვული ომის საფრთხე იზრდება: ჩინეთი აშშ-ს ადანაშაულებს

39
(განახლებულია 10:38 08.07.2020)
ჩინეთი დარწმუნებულია, რომ აშშ-ს სამმხრივ მოლაპარაკებებში ჩინეთის ჩართვა იმ მიზნით სურს, რომ სამხედრო დომინირებას მიაღწიოს

თბილისი, 8 ივლისის — Sputnik. ამერიკელების მიერ მცირე სიმძლავრის ბირთვული იარაღის შექმნა ზრდის ბირთვული ომის დაწყების საფრთხეს, განაცხადა სპეციალურ ბრიფინგზე ჩინეთის საგარეო საქმეთა სამინისტროს შიარაღების კონტროლის დეპარტამენტის დირექტორმა ფუ ცუნმა.

მისი თქმით, გარდა იმისა, რომ მცირე სიმძლავრის ჭურვების არსებობა მათი გამოყენების ზღურბლს ამცირებს, ის ასევე ზრდის აშშ–ს ბირთვულ არსენალს.   

„ამასთან დაკავშირებით ჩვენ კიდევ ერთხელ უნდა განვაცხადოთ, რომ ბირთვულ ომში გამარჯვება გამორიცხულია და ასეთი ომები არასდროს არ უნდა დაიწყოს“, — აღნიშნა ცუნმა.

ამასთან, დეპარტამენტის დირექტორმა აღნიშნა, რომ აშშ–ის ბირთვული შეიარაღება ბევრად აღემატება ჩინეთისას, თუმცა ვაშინგტონი კიევ მეტად აპირებს ამ სხვაობის გაზრდას.

  • „აშშ–ს ბირთვული არსენალი დაახლოებით 5800–6000 ბოეგოლოვკაა, რაც ოცჯერ მეტია ჩინეთის არსენალზე... აშშ აპირებს 500 მლრდ დოლარის ინვესტიცია განახორციელოს შემდგომ 10–20 წელიწადში, ხოლო კიდევ 30 წლის განმავლობაში —1,2 ტრილიონი დოლარისა“ — განმარტა ფუ ცუნმა.

მისი თქმით, ამ ფონზე ჩინეთის მიწვევა სამმხრივ მოლაპარაკებებში — ეს არის საბაბი იმისა, რომ აშშ–მა „ხელ–ფეხი გაიხსნას სამხედრო დომინირების მისაღებად“.

დიპლომატმა განმარტა, რომ ჩინეთის უარი, მონაწილეობა მიიღოს აღნიშნულ მოლაპარაკებებში, სულაც არ ნიშნავს მის გასვლას ბირთვული შეიარაღების საერთაშორისო პროცესიდან გასვლას.

39
თემები:
მსოფლიო დღეს
ჯანმოს ოფისი ჟენევაში

ტრამპმა თავისი გაიტანა: აშშ ჯანმოდან გადის - ცნობილია თარიღი

50
(განახლებულია 09:29 08.07.2020)
პრეზიდენტობის კანდიდატი ჯო ბაიდენი პირობას დებს, რომ მისი გამარჯვების შემთხვევაში, პირველი, რასაც ის გააკეთებს, ქვეყანას ორგანიზაციაში დააბრუნებს

თბილისი, 8 ივლისის — Sputnik. აშშ–მა ოფიციალურად აცნობა გაეროს გენერალურ მდივანს, რომ ქვეყანა ჯანდაცვის მსოფლიო ორგანიზაციიდან გადის, განაცხადა გენერალური სამდივნოს ოფიციალურმა წარმომადგენელმა სტეფან დიუჟარიკმა.

„შემიძლია გითხრათ, რომ 2020 წლის 6 ივლისს აშშ–მა აცნობა გენერალურ სამდივნოს... მსოფლიო ჯანდაცვის ორგანიზაციიდან გასვლის შესახებ. გადაწყვეტილება ძალაში 2021 წლის 6 ივლისს შევა ძალაში“, აღნიშნა დიუჟარიკმა.

მისი თქმით, შეერთებული შტატები ამჟამად ჯანმოს 1948 წლის 21 ივნისის წესდების წევრია. ჯანდაცვის მსოფლიო ასამბლეამ აშშ  ჯანმოში შტატების მიერ დაწესებული გარკვეული პირობების საფუძველზე ჩართო,  რომლებიც მას ორგანიზაციიდან გასვლის შესაძლებლობას აძლევს.

„აღნიშნული პირობები ერთი წლით ადრე შეტყობინებასა და ფინანსური ვალდებულებების დაფარვას მოიაზრებს“, — განმარტა დიუჟარიკმა.

მისი თქმით, ამ დროისათვის გაერო და ჯანმო ამოწმებენ, იცავს თუ არა აშშ ორგანიზაციიდან გასვლის პირობებს.

აღნიშნულთან დაკავშირებით კომენტარი გააკეთა აშშ–ის პრეზიდენტობის კანდიდატმა ჯო ბაიდენმა და განაცხადა, რომ მისი გამარჯვების შემთხვევაში ქვეყანა ჯანდაცვის მსოფლიო ორგანიზაციის წევრობას აღადგენს.

მისი თქმით, ამერიკელები თავს უფრო უსაფრთხოდ გრძნობენ, როცა აშშ გლობალური ჯანდაცვის განმტკიცებაზე მუშაობს.

„ჩვენ ყველაზე მეტს ვიხდით“: ტრამპი მალე გადაწყვეტს „ჩინეთის მარიონეტის“ საკითხს>>

მანამდე დონალდ ტრამპმა ჯანმო ჩინეთის ინტერესების დაცვასა და კორონავირუსის ეპიდემიის დაფარვაში დაადანაშაულა. პრეზიდენტმა მაშინვე გაავრცელა ინფორმაცია, რომ აშშ, რომელიც ყველაზე მეტს იცდის ჯანდაცვის მსოფლიო ორგანიზაციის წევრობაში, ურთიერთობას წყვეტს მასთან.

 

 

50
თემები:
მსოფლიო დღეს
გიორგი შაქარაშვილი

„დედამთილი ლოგინად იყო ჩავარდნილი...“ - „კაწროს“ მეუღლე განცხადებას ავრცელებს

0
(განახლებულია 10:39 08.07.2020)
ბერა ივანიშვილის მეგობრის ავთო ბილანიშვილის მეუღლე სოციალურ ქსელში განცხადებას აქვეყნებს და მისი მეუღლის გიორგი შაქარაშვილის საქმესთან კავშირს უარყოფს

თბილისი, 8 ივლისი – Sputnik. გიორგი შაქარაშვილის გარდაცვალების საქმესთან სხვადასხვა მედიასაშუალების მიერ დაკავშირებული ავთო ბილანიშვილის (კაწრო) მეუღლე სოციალურ ქსელში განცხადებას ავრცელებს.

მისი თქმით, მისი ოჯახის და მეუღლის წინააღმდეგ ერთ კვირაზე მეტია „მთავარი არხის“ მიერ მიზანმიმართული შავი კამპანია მიმდინარეობს, რომელიც ყოველგვარ საფუძველსაა მოკლებული და ცდილობენ, რომ ავთო ბილანიშვილის სახელი საშინელ ტრაგდიას დაუკავშირონ, მხოლოდ იმიტომ, რომ ის მუსიკოს ბერა ივანიშვილის მეგობარია და ცხოვრობს ნახალოვკაში.

მისი თქმით, ეს განსაკუთრებით მოქმედებს მის მცირეწლოვან შვილსა და დედამთილზე, რომელსაც ქრონიკული დაავადებები სჭირს და ამის გამო რამდენიმე დღე ლოგინად იყო ჩავარდნილი. 

„არავინ ფიქრობს ამ დროს ამ ბინძურ მიზანმიმართულ შავ კამპანიას რამხელა ტრაგედია შეიძლება მოყვეს“, – წერს ავთო ბილანიშვილის მეუღლე.

22 ივნისს 19 წლის გიორგი შაქარაშვილის ცხედარი ოთხდღიანი ძებნის შემდეგ მაშველებმა მდინარე არაგვში იპოვეს.

18-19 ივნისის ღამით მომხდარ ფაქტებზე აღძრულ საქმეებზე 26 ივნისს 17 პირი დააკავეს. მათ ბრალი ორი ან მეტი პირის მიმართ განხორციელებული ჯგუფური ძალადობის, ჯგუფური ძალადობის ორგანიზების და ამავე ძალადობაში მონაწილეობის და ჯგუფურად თავისუფლების უკანონო აღკვეთის ფაქტებზე აქვთ წარდგენილი – სსკ-ის 126-ე მუხლის პირველი პრიმა ნაწილის „ბ“ და „გ“ ქვეპუნქტებით, 225-ე მუხლის 1-ლი და მე-2 ნაწილებით და 143-ე მუხლის მე-3 ნაწილის „ა“ ქვეპუნქტით. ბრალდებულთა შორის არიან ფეხბურთელები, მორაგბეები, მოჭიდავეები. მათგან რამდენიმე თავადაც დაზარალებულად ცნეს.  

მოსამართლემ აღკვეთის ღონისძიების სახით პატიმრობის გამოყენებაზე პროკურატურის შუამდგომლობა დააკმაყოფილა. ადვოკატების ნაწილმა მათი დაცვის ქვეშ მყოფების აღკვეთის ღონისძიების გარეშე დატოვება მოითხოვა, ნაწილმა კი გირაოს შეფარდების შუამდგომლობა დააყენა.

მცხეთის რაიონულ სასამართლოში პროცესი დახურულ რეჟიმში მიმდინარეობდა, რადგან საქმეში ექვსი ბრალდებული არასრულწლოვანია.

გამოძიების ვერსიით, 18 ივნისს შაქარაშვილი მეგობართან ერთად ესწრებოდა მცხეთაში დაქირავებულ კერძო სახლში გამართულ წვეულებას, სადაც ერთ-ერთი გოგონას დაბადების დღეს აღნიშნავდნენ. წვეულებაზე სტუმრებს შორის კონფლიქტი მოხდა. ურთიერთობების გარჩევა ქალაქისკენ მიმავალ ცენტრალურ მაგისტრალზე გაგრძელდა, სადაც საქმეში თბილისიდან ჩასული ახალი პირები ჩაერთვნენ, რადგან კონფლიქტის მონაწილეთა ნაწილმა თბილისიდან „დახმარება“ გამოიძახა.

მოწმეები ამტკიცებენ, რომ გიორგი შაქარაშვილი გარჩევის ადგილს გაერიდა და მდინარისკენ გაიქცა, შემდეგ კი მისი კვალი იკარგება. ახალგაზრდა ფეხბურთელის ცხედარი ოთხი დღის ძებნის შემდეგ მაშველებმა და მყვინთავებმა მდინარეში იპოვეს.

0