COVID-19: ვინ იყო პირველი ინფიცირებული ჩინეთში ჟურნალისტები ინფორმაციას ავრცელებენ

1009
(განახლებულია 18:27 26.03.2020)
ჩინური გაზეთი „პენპაის“ თანამშრომლებმა მოახერხეს კორონავირუსით ინფიცირებულთა პირველი ჯგუფის სიის ასლის მოპოვება, რომლის მიხედვითაც პირველი ინფიცირებულის დადგენა შეძლეს.

თბილისი, 26 მარტი — Sputnik. პირველი, ვისაც ქალაქ უჰანში მდებარე ზღვის პროდუქტების ბაზარ „ჰუანანში“ COVID-19-ით ინფიცირება დაუდასტურდა, იყო კრევეტების გამყიდველი ქალი, მაგრამ აქამდე უცნობია, სად და როგორ დაინფიცირდა იგი და იყო თუ არა „ნულოვანი პაციენტი“, აცხადებს ჩინეთის ერთ-ერთი წამყვანი გაზეთი „პენპაი“.

კამათი იმის შესახებ, იყო თუ არა ზღვის პროდუქტების ბაზარი ინფექციის გავრცელების წყარო, თუ იქ ვირუსი სხვა ადგილიდან მოხვდა, დღემდე გრძელდება. სპეციალისტებმა ჯერ ვერ შეძლეს ვერც „ნულოვანი პაციენტის“ გამოვლენა და ვერც იმის დადგენა, თუ როდის და რა ვითარებაში შეიძლებოდა ვირუსი ინფექციის მატარებელი ცხოველიდან ადამიანს გადასცემოდა. 

გაზეთის ინფორმაციით, ქალს, რომლის გვარია ვეი და რომელიც „ჰუანანის“ ბაზარზე ცოცხალ კრევეტებს ყიდდა, 2019 წლის 11 დეკემბერს გაურკვეველი მიზეზის გამო ტემპერატურამ აუწია. მოგვიანებით აღმოჩნდა, რომ სწორედ ის იყო „ჰუანანის“ ბაზარზე COVID-19-ით ინფიცირების პირველი დადასტურებული შემთხვევა.

ჩინეთის ჯანდაცვის სახელმწიფო კომიტეტმა 31 დეკემბერს განაცხადა, რომ ინფიცირებულთა პირველ ჯგუფში (იმ დროისთვის უცნობი იყო, რა იწვევდა პაციენტებში პნევმონიის სწრაფ განვითარებას) 27 ადამიანი შედიოდა. მაშინ ხაზი გაესვა, რომ დაავადების ერთი ადამიანიდან მეორეზე გადაცემის აშკარა ნიშნები არ არსებობდა (ადამიანიდან ადამიანზე გადაცემა იანვარში დადასტურდა).

გაზეთ „პენპაის“ თანამშრომლებმა მოახერხეს კორონავირუსით ინფიცირებულთა პირველი ჯგუფის სიის ასლის მოპოვება, რომლის მიხედვითაც, 24 ადამიანს „ჰუანანის“ ბაზართან კონტაქტის ისტორია ჰქონდა, ამასთან ოთხი მათგანი ერთი ოჯახის წევრია.

ირკვევა, რომ ქალი, გვარად ვეი, ამ სიიდან პირველი იყო, ვისაც პნევმონიის სიმპტომები აღმოაჩინა. ის დიდი ხნის განმავლობაში ქირაობდა ბინას „ჰუანანის“ ბაზრის მახლობლად, დაახლოებით 500 მეტრის დაშორებით. როდესაც ვეის სიცხემ აუწია, ქალმა თავისი სახლის პირველ სართულზე მდებარე კლინიკას მიმართა. 

როგორც მან ექიმებს განუმარტა, ბიზნესის გამო თავს სახლში წოლის უფლებას ვერ მისცემდა, ამიტომ როცა თავს შეუძლოდ გრძნობდა, საავადმყოფოში მიდიოდა, სადაც ინექციას უკეთებდნენ და მეორე დღეს მისი მდგომარეობა მნიშვნელოვნად უმჯობესდებოდა. მაგრამ ამჯერად ორმა ინექციამაც კი ვერ უშველა და ამიტომ ვეიმ სხვა საავადმყოფოს მიმართა. თუმცა ქალს ვერც იქ აღმოჩენილმა დახმარებამ უშველა. ამის შემდეგ მან სახლში წოლა და წამლების მიღება გადაწყვიტა. ბოლოს კი, 16 დეკემბერს, ქალი Wuhan Union Hospital-ის საავადმყოფო „სეხეში“ მივიდა სამკურნალოდ. 

როგორც გაზეთის ჟურნალისტებმა შეიტყვეს, ინფიცირებულთა პირველ ჯგუფში შემავალმა თერთმეტმა ადამიანმა სიმპტომების გამოვლენის შემდეგ პატარა კლინიკებს მიმართა, რომლებიც ბაზრის მახლობლად, ძველ საცხოვრებელ სახლებშია განთავსებული. 23 თებერვალს გაზეთის თანამშრომლებმა ბაზრის მიმდებარე ტერიტორია მოინახულეს და აღმოაჩინეს, რომ ყველა ეს პატარა კლინიკა დაკეტილი იყო.

ჩამონათვალის შემოწმების შემდეგ ჟურნალისტებმა შეძლეს დაედგინათ პირველი ინფიცირებული, რომელსაც არანაირი კავშირი არ ჰქონდა „ჰუანანის“ ზღვის პროდუქტების ბაზართან. ის იყო მამაკაცი, გვარად ჩენი, რომელსაც 16 დეკემბერს ტემპერატურა აეწია და უჰანის გარეუბანში მდებარე საავადმყოფოს მიმართა ჩივილებით.

მამაკაცმა ექიმებს უთხრა, რომ ერთ-ერთ კომპანიაში ფინანსებით იყო დაკავებული და არანაირი კონტაქტი არ ჰქონია ცოცხალ ფრინველებთან ან ბაზართან, რომლიდანაც 30 კილომეტრის დაშორებით ცხოვრობდა. ჩენი ვერ ხვდებოდა, სად შეიძლებოდა დაინფიცირებულიყო.

მოტყუებული ბარიერი: კორონავირუსით დაავადებულმა ჩინელმა ქალმა პარიზში შეაღწია>>

საინტერესოა, რომ ჩენის ოჯახის წევრები არაფრით იცავდნენ თავს მანამ, სანამ მას დიაგნოზი არ დაუსვეს. მიუხედავად ამისა, არც ერთი მათგანი არ დაავადებულა. აღსანიშნავია, რომ არ დაინფიცირებულა არც ის პირი, ვისაც ჩენი საავადმყოფოში დაჰყავდა.

ჩენმა ჟურნალისტებს განუცხადა, რომ ავადმყოფობამდე ორი კვირის განმავლობაში სამსახურის გარდა არსად ყოფილა. ამიტომ, მისი ვარაუდით, ვირუსი ან მეტროში გადაედო სამსახურიდან სახლში ან უკანა გზაზე მიმავალს, ან საავადმყოფოში მიმართვის შემდეგ დასნებოვანდა.

1009
თემები:
COVID-19-ის პანდემია მსოფლიოში (997)

როდესაც ზღვა ხმელეთი იყო: ავსტრალიაში ზღვის ფსკერზე უძველესი ადამიანის კვალი აღმოაჩინეს

75
დასავლეთ ავსტრალიაში წყლით დაფარული რამდენიმე არქეოლოგიურ ობიექტი აღმოაჩინეს. იხილეთ Sputnik-საქართველოს ფოტოლენტაში მოპოვებული არტეფაქტების სურათები

ზღვის დონის აწევამ ავსტრალიის კონტინენტურ შელფზე 2,12 მილიონი კვადრატული კილომეტრი ხმელეთი დაფარა. თუმცა მანამდე ამ მიწებზე უძველესი ადამიანები ცხოვრობდნენ, იუწყება გამოცემა Science Alert.

ოთხი წლის განმავლობაში ავსტრალიელი არქეოლოგების ჯგუფი ტერიტორიის წყლით დაფარვას იკვლევდა. მათ შეისწავლეს ხმელეთზე განთავსებული სანავიგაციო რუკები, გეოლოგიური რუკები და არქეოლოგიური ძეგლები, რათა განესაზღვრათ პერსპექტიული მონაკვეთები, შემდეგ ლაზერული სკანერებისა და ჰიდროლოკატორების საშუალებით შეისწავლეს ზღვის ფსკერი.

ამ ყველაფრის შედეგად დამპირის არქიპელაგზე ორი წყალქვეშა ობიექტის აღმოჩენა მოხერხდა. პირველი ბრიუგერის კონცხზეა განთავსებული, 2,4 მეტრის სირღმეზე. მეცნიერებმა აქ ასობით არტეფაქტი შენიშნეს, მათ შორის აბორიგენების სალესი ქვები. მეორე მონაკვეთზე ოდესღაც მტკნარი წყლის წყარო იყო. ახლა მისი ნარჩენები 14 მეტრის სიღრმეშია ჩაფლული. გარშემო შემორჩენილია ადამიანის საქმიანობის კვალი, კერძოდ, ქვის საჭრელი ინსტრუმენტები.

75
  • © REUTERS / Deep History of Sea Country Project & Flinders University, Maritime Archaeology Program

    ავსტრალიაში ფლინდერსის უნივერსიტეტისა ჯეიმს კუკის უნივერსიტეტების მკვლევარებმა ათობით ათასი წლის წინანდელი წყალქვეშა არტეფაქტები აღმოაჩინეს, როდესაც ზღვის ადგილზე ჯერ კიდევ ხმელეთი იყო

  • კონტინენტურ შელფზე მდებარე აბორიგენული არტეფაქტები ავსტრალიის ჩრდილო–დასავლეთში მდებარე უძველესი კულტურული ლანდშაფტების შესახებ მეტყველებს

  • © REUTERS / Deep History of Sea Country Project & Flinders University, Maritime Archaeology Program

    ავსტრალიელმა არქეოლოგები ჩაძირებულ ტერიტორიებს ოთხი წლის განმავლობაში იკვლევდნენ

  • © REUTERS / Deep History of Sea Country Project & Flinders University, Maritime Archaeology Program

    რის შედეგადაც დამპირის არქიპელაგზე ორი წყალქვეშა ობიექტი აღმოაჩინეს

  • პირველი ობიექტი განთავსებულია ბრიუგერის კონცხზე 2,4 მეტრის სირღმეზე. მეცნიერებმა აქ ასობით არტეფაქტი იპოვეს, მათ შორის აბორიგენების სალესი ქვები

  • © REUTERS / Deep History of Sea Country Project & Flinders University, Maritime Archaeology Program

    მეორე ობიექტზე ოდესღაც მტკნარი წყლის წყარო მდებარეობდა. ახლა მისი ნარჩენები ზღვაში 14 მეტრის სირღმეზეა

  • © REUTERS / Deep History of Sea Country Project & Flinders University, Maritime Archaeology Program

    მეცნიერებმა აღნიშნეს, რომ არქეოლოგიური ძეგლები ზღვის ფსკერზე ათასობით წელია ხელუხლებელია

  • © REUTERS / Deep History of Sea Country Project & Flinders University, Maritime Archaeology Program

    ამასთან, ისინი განადგურების რისკის ქვეშ არიან ეროზიისა და იქვე არსებული ნავთობისა და გაზის დანადგარების, ნარჩენების გადაყრისა და თევზაობის გამო

ჯანმოს ემბლემა

ჯანმომ COVID-19-ის სამკურნალო ერთადერთი საიმედო პრეპარატი დაასახელა

117
(განახლებულია 11:23 04.07.2020)
COVID-19-ით დაავადებულ პაციენტებს ესაჭიროებათ პრეპარატის ხუთდღიანი კურსი - ექვსი ამპულის გამოყენებით. კურსის საერთო ღირებულება 2340 დოლარს შეადგენს.

თბილისი, 4 ივლისი — Sputnik. ანტივირუსულ პრეპარატებს შორის COVID-19-ის წინააღმდეგ საიმედო შედეგები ტესტირებაზე მხოლოდ „რემდესივირმა“ აჩვენა, განაცხადა ჯანმოს მთავარმა მეცნიერ-თანამშრომელმა სუმია სვამინატანმა.

გაეროს ჟენევის განყოფილებასთან არსებული უცხოელი კორესპონდენტების ასოცოაციის ბრიფინგზე სიტყვით გამოსვლისას, მან დააზუსტა, რომ „რემდესივირმა“ ჰოსპიტალიზაციის შემთხვევების, მაგრამ არა სიკვდილიანობის შემცირების კუთხით იმოქმედა.

ეს პრეპარატი აშშ-ში 1 მაისს COVID-19-ის სამკურნალოდ საგანგებოდ დაამტკიცეს.

ადრე ის შექმნეს ებოლას ცხელების წინააღმდეგ, მაგრამ მაშინ მისი ეფექტურობა ვერ დადასტურდა.

მოგვიანებით, „რემდესივირი“ სასარგებლო აღმოჩნდა SARS და MERS ინფექციების მკურნალობისას..

COVID-19-ის მქონე პაციენტებს ესაჭიროებათ ხუთდღიანი კურსი - ექვსი ამპულის გამოყენებით. კურსის საერთო ღირებულება 2340 დოლარს შეადგენს.

ჯანმოს მონაცემებით, პანდემიის პერიოდში COVID-19-ით ინფიცირების 10 710 005 შემთხვევა გამოვლინდა, გარდაიცვალა 517 877 ადამიანი.

ყველაზე მეტი შემთხვევა დაფიქსირდა ჩრდილოეთ და სამხრეთ ამერიკაში - 5 445 710 და ევროპაში — 2 737 689.

117
თემები:
COVID-19-ის პანდემია მსოფლიოში (997)
გაზაფხული თბილისში

ამინდის ზუსტი პროგნოზი თბილისში 6 ივლისს

0
მომდევნო კვირის დასაწყისში საქართელოს დედაქალაქში პლუს 34 გრადუსია ნავარაუდევი, ნალექი მოსალოდნელი არ არის

თბილისი, 4 ივლისი – Sputnik. საქართველოს დედაქალაქში ორშაბათს, 6 ივლისს მზიანი და ცხელი ამინდია მოსალოდნელი.

მზე 05:33 საათზე ამოვა და 20:37 საათზე ჩავა.

ჰაერის მინიმალური ტემპერატურა ღამით პლუს 22, დღისით მაქსიმალური კი პლუს 34 გრადუსია ნავარაუდევი.

ქარის სიჩქარე წამში 10–15 მეტრი იქნება.

0
თემები:
ამინდის ზუსტი პროგნოზი თბილისში