ამპულა სისხლით

COVID-19-ის სამკურნალოდ: ნიუ-იორკში სისხლის პლაზმიდან ანტისხეულების მიღება დაიწყეს

149
(განახლებულია 15:27 26.03.2020)
პლაზმას ექიმები ახალი კორონავირუსით ინფიცირებული პაციენტების სამკურნალოდ, მათი სწრაფად „გაწმენდის“ მიზნით გამოიყენებენ.

თბილისი, 26 მარტი — Sputnik. ნიუ-იორკის სისხლის დონაციის ცენტრმა COVID-19-სგან განკურნებული პაციენტების სისხლიდან პლაზმის მიღება დაიწყო, რომელიც კორონავირუსის ანტისხეულებს შეიცავს, იუწყება NBC News. 

გავრცელებული ინფორმაციით, აღნიშნულ პლაზმას ექიმები ახალი კორონავირუსით ინფიცირებული პაციენტების სამკურნალოდ, მათი სწრაფად „გაწმენდის“ მიზნით გამოიყენებენ.

„გუშინ აშშ-ის კვების პროდუქტებისა და მედიკამენტების ხარისხის სანიტარული ზედამხედველობის სამმართველომ მოიწონა [ამ სახის] მკურნალობა გარკვეულ შემთხვევებში“, — ნათქვამია დონაციის ცენტრის განცხადებაში.

ამასთან ცენტრი მოუწოდებს პლაზმის ჩაბარების მსურველებს, დაუკავშირდნენ მათ ელექტრონულ მისამართზე covidserumtesting@mtsinai.org.

მსოფლიო შუაღამიდან შუადღემდე: თავშესაფარ ბუნკერებზე მოთხოვნა იზრდება>>

ჯონს ჰოპკინსის უნივერსიტეტის სპეციალური პროექტის მონაცემებით, ახალი ტიპის კორონავირუსით ინფიცირებულთა რაოდენობამ მსოფლიოს მასშტაბით 472 109 ადამიანი შეადგინა. ეპიდემიის აფეთქების მომენტიდან დღემდე სულ გარდაცვლილია 21 308 და განკურნებულია 114 870 პაციენტი.

ქვეყნების რაოდენობამ, რომლებშიც COVID-19-ით დაავადებულთა რაოდენობამ ათასს გადააჭარბა, 31-ს მიაღწია. ამ ნიშნულის ზღვარზეა კიდევ რამდენიმე ქვეყანა.

149
თემები:
COVID-19-ის პანდემია მსოფლიოში (1010)
ჯანმოს ოფისი ჟენევაში

ტრამპმა თავისი გაიტანა: აშშ ჯანმოდან გადის - ცნობილია თარიღი

45
(განახლებულია 09:29 08.07.2020)
პრეზიდენტობის კანდიდატი ჯო ბაიდენი პირობას დებს, რომ მისი გამარჯვების შემთხვევაში, პირველი, რასაც ის გააკეთებს, ქვეყანას ორგანიზაციაში დააბრუნებს

თბილისი, 8 ივლისის — Sputnik. აშშ–მა ოფიციალურად აცნობა გაეროს გენერალურ მდივანს, რომ ქვეყანა ჯანდაცვის მსოფლიო ორგანიზაციიდან გადის, განაცხადა გენერალური სამდივნოს ოფიციალურმა წარმომადგენელმა სტეფან დიუჟარიკმა.

„შემიძლია გითხრათ, რომ 2020 წლის 6 ივლისს აშშ–მა აცნობა გენერალურ სამდივნოს... მსოფლიო ჯანდაცვის ორგანიზაციიდან გასვლის შესახებ. გადაწყვეტილება ძალაში 2021 წლის 6 ივლისს შევა ძალაში“, აღნიშნა დიუჟარიკმა.

მისი თქმით, შეერთებული შტატები ამჟამად ჯანმოს 1948 წლის 21 ივნისის წესდების წევრია. ჯანდაცვის მსოფლიო ასამბლეამ აშშ  ჯანმოში შტატების მიერ დაწესებული გარკვეული პირობების საფუძველზე ჩართო,  რომლებიც მას ორგანიზაციიდან გასვლის შესაძლებლობას აძლევს.

„აღნიშნული პირობები ერთი წლით ადრე შეტყობინებასა და ფინანსური ვალდებულებების დაფარვას მოიაზრებს“, — განმარტა დიუჟარიკმა.

მისი თქმით, ამ დროისათვის გაერო და ჯანმო ამოწმებენ, იცავს თუ არა აშშ ორგანიზაციიდან გასვლის პირობებს.

აღნიშნულთან დაკავშირებით კომენტარი გააკეთა აშშ–ის პრეზიდენტობის კანდიდატმა ჯო ბაიდენმა და განაცხადა, რომ მისი გამარჯვების შემთხვევაში ქვეყანა ჯანდაცვის მსოფლიო ორგანიზაციის წევრობას აღადგენს.

მისი თქმით, ამერიკელები თავს უფრო უსაფრთხოდ გრძნობენ, როცა აშშ გლობალური ჯანდაცვის განმტკიცებაზე მუშაობს.

„ჩვენ ყველაზე მეტს ვიხდით“: ტრამპი მალე გადაწყვეტს „ჩინეთის მარიონეტის“ საკითხს>>

მანამდე დონალდ ტრამპმა ჯანმო ჩინეთის ინტერესების დაცვასა და კორონავირუსის ეპიდემიის დაფარვაში დაადანაშაულა. პრეზიდენტმა მაშინვე გაავრცელა ინფორმაცია, რომ აშშ, რომელიც ყველაზე მეტს იცდის ჯანდაცვის მსოფლიო ორგანიზაციის წევრობაში, ურთიერთობას წყვეტს მასთან.

 

 

45
თემები:
მსოფლიო დღეს
ეკატერინე ტიკარაძე

საქართველო სომხეთს კორონავირუსთან ბრძოლაში დახმარებას კიდევ ერთხელ სთავაზობს

75
(განახლებულია 21:28 07.07.2020)
ქართული მხარე მზადაა, სომეხ კოლეგებს იმ საკითხებში დაეხმაროს, სადაც მათ ყველაზე მეტად სჭირდებათ, განაცხადა მინისტრმა.

თბილისი, 7 ივლისი — Sputnik. საქართველო მზადაა, დაეხმაროს სომხეთს კორონავირუსთან ბრძოლაში, განაცხადა საქართველოს ჯანდაცვის მინისტრმა ეკატერინე ტიკარაძემ.

ქართველმა ექიმებმა სომეხ კოლეგებს კორონავირუსთან ბრძოლის გამოცდილება გაუზიარეს>>

საქართველოს მთავრობამ კორონავირუსთან ბრძოლაში, შეზღუდვების დროულად დაწესებისა და მედპერსონალის ორგანიზებულობის წყალობით, დიდ წარმატებებს მიაღწია. ქვეყანაში ინფიცირების პირველი შემთხვევა 26 თებერვალს დაფიქსირდა, დღეისთვის გამოვლენილია ინფიცირების 958 შემთხვევა. აქედან განიკურნა 838 ადამიანი, გარდაიცვალა 15 პაციენტი.

„ჩვენ დამოკიდებული ვართ სომხურ მხარეზე და იმ საჭიროებებზე, რომელ საჭიროებებს დაასახელებენ ისინი. საქართველოს მხარე მზად არის, რომ მეზობელ ქვეყანას გაუწიოს ის დახმარება, რომელიც მათ სჭირდებათ", – განაცხადა ტიკარაძემ.

საქართველომ და სომხეთმა თავიანთი გამოცდილება კორონავირუსის ინფექციასთან ბრძოლის საკითხებში უკვე გაუზიარეს ერთმანეთს ონლაინ-შეხვედრის დროს. უფრო ადრე საქართველოს მთავრობის მეთაურმა განაცხადა, რომ საქართველო მეზობელი ქვეყნის დასახმარებლად სომხეთში მედიკოსებს გაგზავნის.

7 ივლისის მდგომარეობით, სომხეთში გამოვლენილია კორონავირუსის 29 285 შემთხვევა, აქედან გარდაიცვალა 503 ადამიანი.

სომხეთში 16 მარტიდან საგანგებო მდგომარეობა მოქმედებს, რომელიც 13 ივლისამდე გაგრძელდება.

75
თემები:
COVID-19-ის პანდემია მსოფლიოში (1010)
ტესტი

COVID-19 საქართველოში: რამდენია გამოჯანმრთელებულთა საერთო რაოდენობა

0
(განახლებულია 10:18 08.07.2020)
ამ დროისათვის საქართველოში ახალი კორონავირუსი 963ადამიანს დაუდგინდა, გამოჯანმრთელდა 841 პაციენტი. პირველი შემთხვევის გამოვლენიდან დღემდე გარდაიცვალა 15 ადამიანი.

თბილისი, 8 ივლისი — Sputnik. საქართველოში ბოლო დღე-ღამეში COVID-19-სგან სამი პაციენტი გამოჯანმრთელდა, ნათქვამია სამთავრობო ვებ-გვერდზე stopcov.ge.

ამ დროისათვის საქართველოში ახალი კორონავირუსი 963ადამიანს დაუდგინდა. გამოჯანმრთელდა 841, ეპიდემიის დაწყებიდან დღემდე გარდაიცვალა 15 ადამიანი.

კარანტინის რეჟიმში იმყოფება 3903, ხოლო სტაციონარებში დაკვირვების ქვეშ 202 პაციენტია. ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.

საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა, თუმცა ზოგიერთი შეზღუდვა კვლავ დარჩა. ხელისუფლება შეზღუდვებს ეტაპობრივად ხსნის.

0
თემები:
COVID-19 საქართველოში