მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ტრამპმა მხარი დაუჭირა საუდის არაბეთის გეგმას, განდევნოს რუსეთი ნავთობბაზრებიდან

© photo: Sputnik / Eva Marie Uskategi / გადასვლა მედიაბანკშიდონალდ ტრამპი
დონალდ ტრამპი - Sputnik საქართველო
გამოწერა
მსოფლიო მოთხოვნამ ნავთობზე 2020 წელს შესაძლოა ისტორიაში უდიდესი ვარდნა აჩვენოს კორონავირუსის პანდემიის გამო

თბილისი, 25 მარტი — Sputnik. აშშ-ის პრეზიდენტმა დონალდ ტრამპმა მხარი დაუჭირა ერ-რიადის გეგმებს, განდევნოს რუსეთი ნავთობის ბაზრებიდან საწვავის მოპოვების გაზრდის გზით, იუწყება Politico წყაროებზე დაყრდნობით.

ადმინისტრაციის ყოფილი მაღალი რანგის თანამშრომლის თქმით, ტრამპმა მოიწონდა საუდის არაბეთის გეგმები, თუმცა იმავდროულად მოუწოდა, რომ არ დაუშვას ნავთობზე ფასების ზედმეტად დაცემა, რათა ნსაწვავის ამერიკელი მწარმოებლები დაიცვას. 

გაზის საბადო - Sputnik საქართველო
ნავთობი, გაზი და მსოფლიო ეკონომიკა: როგორ შეიცვლება ცხოვრება

გავრცელებული ინფორმაციით, თავისი პოზიცია თეთრი სახლის მეთაურმა 9 მარტს გამოთქვა პრინც მოჰამედ ბენ სალმანთან სატელეფონო საუბრისას.

მაგრამ, როგორც Politico-ს წყარო აცხადებს, ნავთობზე ფასების ორი კვირით ვარდნა იმდენად ძლიერი აღმოჩნდა, რომ თეთრი სახლი ამისთვის მოუმზადებელი აღმოჩნდა ― არავინ ფიქრობდა, რომ ნავთობის ფასები ასე დაბლა დაეცემოდა.

მანამდე The Wall Street Journal-ი იუწყებოდა, რომ აშშ-ის ენერგეტიკის სამინისტროს ჩინოვნიკები არწმუნებდნენ დონალდ ტრამპის ადმინისტრაციას, შეექმნა ალიანსი საუდის არაბეთთან ნავთობზე ფასების რეგულირების მიზნით.  ამგვარად მათ სურთ თავი აარიდონ ნავთობის ფასების სერიოზულ ჩამოშლას და ასევე შეასუსტონ რუსეთისა და საუდის არაბეთის პარტნიორობა.

თავად ტრამპმა გასულ კვირაში განაცხადა, რომ რუსეთისა და საუდის არაბეთის ბრძოლა ბაზარზე წილისთვის, ნავთობის ფასი ყველაზე დაბალ ნიშნულამდე დასწია ბოლო ათწლეულში.

მან აღნიშნა, რომ აშშ სიტუაციაში „საჭირო დროს“ ჩაერევა, მანამდე კი შტატები ცდილობს, მოძებნონ „რაღაც შუალედური“ დაბალი ფასებით სარგებელსა და თავისი ნავთობმრეწველობის დაცვას შორის.  

ნავთობზე კოტირებები 6 მარტს ჩამოიშალა, მას შემდეგ, რაც OPEC+-ის შეთანხმების მონაწილე ქვეყნებმა ვერ მოილაპარაკეს ვერც გარიგების პარამეტრების შეცვლისა და ვერც მისი გაგრძელების თაობაზე. ეს კი იმაზე მეტყველებს, რომ შეთანხმება 31 მარტს დაასრულებს მოქმედებას.

ნავთონის ექსპორტიორი ქვეყნების შეთანხმების წევრი რუსეთი არსებული პირობების შენარჩუნების მომხრე იყო, ხოლო საუდის არაბეთი ნავთობის მოპოვების დამატებით შემცირებას მოითხოვდა. შედეგად – ბათილდება OPEC+-ის ქვეყნების ყველა ვალდებულება საწვავის მოპოვების შეზღუდვებთან დაკავშირებით.

ყველა ახალი ამბავი
0