Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

ეფექტი გამოცდილია წარსულში: მეცნიერები COVID-19-თან ბრძოლის ძველ „ახალ“ მეთოდს ასახელებენ

© AP Photo / Stringerკორონავირუსი
კორონავირუსი - Sputnik საქართველო
გამოწერა
სწორედ ანალოგიური მიდგომა გამოიყენეს კორონავირუსის წინა ორი სახეობის — ატიპიური პნევმონიისა და ახლოაღმოსავლური რესპირატორული სინდრომის ეპიდემიების დროს, ამასთან არსებობს დაუდასტურებელი ცნობებიც იმის თაობაზე, რომ ეს თერაპია უკვე გამოიყენება ჩინეთში.

თბილისი, 16 მარტი — Sputnik. ჯონ ჰოპკინსის უნივერსიტეტის (აშშ) ბიოლოგთა ჯგუფი კორონავირუსი COVID-19-ის გავრცელების შესაჩერებლად ახალ მეთოდს სთავაზობს მედიკოსებს. მათი კვლევა გამოქვეყნებულია ჟურნალში The Journal of Clinical Investigation.  

კორონავირუსის ტესტი - Sputnik საქართველო
COVID-19, გრიპი თუ ალერგია: მსოფლიოს უმსხვილესი კერძო კლინიკა ამოსაცნობ ცხრილს ავრცელებს

ჯონს ჰოპკინსის უნივერსიტეტი, მსოფლიოს ერთ-ერთი წამყვანი კვლევითი და აკადემიური დაწესებულება, რანგით ამერიკის ყველაზე პრესტიჟულ უნივერსიტეტთა რიცხვში შედის. ის 1876 წელს დაარსდა. 

უნივერსიტეტის სპეციალისტების თქმით, კორონავირუსთან ბრძოლის ახალი მეთოდი — გამოჯანმრთელებული პაციენტების სისხლიდან მიღებულ ანტისხეულებზე დამზადებული ვაქცინით იმუნოთერაპიაა.

ექსპერტები აღნიშნავენ, რომ ანტისხეულებით პასიური თერაპია ფართოდ და წარმატებით გამოიყენებოდა მე-20 საუკუნეში იმგვარი ინფექციური დაავადებების წინააღმდეგ, როგორებიცაა წითელა, პოლიომიელიტი, ეპიდემიური პაროტიტი და გრიპი. მათი აზრით, ეს მეთოდი კორონავირუსის შემთხვევაშიც ეფექტურად იმუშავებს. მით უმეტეს, რომ მის შემოწმებას ბევრი კვლევა არ დასჭირდება.

„ამ მეთოდს საფუძვლად უდევს კორონავირუსისგან უკვე განკურნებული პაციენტების სისხლიდან მიღებული ვირუსული ანტისხეულების შემცველი შრატის დამზადება. ეს შრატი ვერ იქნება სრულფასოვანი ვაქცინა და ასი პროცენტით ვერ დაიცავს ინფიცირებისგან, მაგრამ ორგანიზმში მისი შეყვანა დროებით დაცვას უზრუნველყოფს და შეანელებს ვირუსის გავრცელებას. ეს კი სრულფასოვანი ვაქცინის შესაქმნელად დროს მოგვცემს“, — აცხადებენ ჰოპკინსის უნივერსიტეტის ბიოლოგები.

მეცნიერების თქმით, იმისათვის, რომ მკურნალობის მეთოდმა იმუშაოს, COVID-19-სგან განკურნებულ პაციენტებს, როგორც კი მათი გამოჯანმრთელება დადასტურდება, მაშინვე უნდა აუღონ სისხლი, ვინაიდან სწორედ ამ ეტაპზე შეიცავს სისხლის შრატი ბუნებრივი ანტისხეულების მაქსიმალურ რაოდენობას. 

COVID-19: ევროპაში სიკვდილიანობა მოიმატებს – ჯანმოს პროგნოზი>>

აღნიშნული შრატი შეიძლება გამოყენებული იყოს რისკის ჯგუფში შემავალი ადამიანების შემთხვევაში. ესენი არიან ინფიცირებული პაციენტის ოჯახის არაინფიცირებული წევრები და ასევე ის მედიცინის მუშაკები, რომლებიც პათოგენის ზემოქმედების ზონაში იმყოფებიან. 

ამასთან მეცნიერები განმარტავენ, რომ სწორედ ანალოგიური მიდგომა გამოიყენეს კორონავირუსის წინა ორი სახეობის — ატიპიური პნევმონიისა (SARS1) და ახლოაღმოსავლური რესპირატორული სინდრომის (MERS) ეპიდემიების დროს. ამასთან არსებობს დაუდასტურებელი ცნობებიც იმის თაობაზე, რომ ეს თერაპია უკვე გამოიყენება ჩინეთში. 

ჯონ ჰოპკინსის უნივერსიტეტის სპეციალური პროექტის ინფორმაციით, ამ მომენტისთვის მსოფლიოს 148 ქვეყანაში ახალი ტიპის კორონავირუსით ინფიცირებულია 169 387 ადამიანი, გარდაცვლილია 6 513 და განკურნებულია 77 257 კაცი.

 

ყველა ახალი ამბავი
0