OPEC

OPEC-ის ქვეყნები ნავთობს აიაფებენ: ბირჟაზე ფასები კვლავ ეცემა

148
(განახლებულია 15:16 12.03.2020)
ამასთან აღსანიშნავია, რომ ნავთობზე ფასების ვარდნა კორონავირუსის გამო აშშ-ის მიერ ევროპასთან საზღვრების დროებითმა დაკეტვამაც გამოიწვია.

თბილისი, 12 მარტი — Sputnik. ნავთობის ექსპორტიორი ქვეყნების ორგანიზაციაში შემავალმა ქვეყნებმა — ერაყმა და ქუვეითმა საუდის არაბეთის მაგალითს მიბაძეს და აპრილში ნავთობზე ფასების დაწევა გადაწყვიტეს, წერს Bloomberg-ი. 

საინფორმაციო საშუალებების ცნობით, ეს მოსკოვსა და ერ–რიადს შორის ნავთობზე ფასების ომის ფონზე მოხდა. 

ირანი Basrah Light-ის მარკის ნავთობს 5 დოლარით აიაფებს ერთ ბარელზე, Saudi Aramco — 6 დოლარით ამცირებს ფასს Arab Medium-ის მარკაზე, ხოლო ქუვეითის შესახებ ინფორმაცია ჯერჯერობით ცნობილი არ არის. 

ამასთან აღსანიშნავია, რომ ნავთობზე ფასების ვარდნა კორონავირუსის გამო აშშ-ის მიერ ევროპასთან საზღვრების დროებითმა დაკეტვამაც გამოიწვია. 

12 მარტის დილის 09:07 საათისთვის (თბილისის დროით) მაისის ფიუჩერსების* ფასი Brent-ის მარკის ნავთობზე 4,67%-ით დაეცა და 34,12 დოლარი შეადგინა ბარელზე. აპრილის ფიუჩერსების ფასი WTI-ს მარკაზე 4,64%-ით დაეცა და ერთ ბარელზე 31,45 დოლარს გაუტოლდა. ხოლო მას შემდეგ, რაც აშშ-ის მიერ ევროპასთან საზღვრების ჩაკეტვის შესახებ გახდა ცნობილი, ნავთობზე ფასების გაიაფება კიდევ 5%-ით მოხდა.

მანამდე, 9 მარტს ნავთობზე ფასები 30%-ით ჩამოიშალა მას შემდეგ, რაც OPEC+-ის წევრი ქვეყნების შეთანხმება არ შედგა. მაშინ Brent-ის მარკის ნავთობის ღირებულება 2016 წლის იანვრის მინიმუმს გაუტოლდა, რაც პირველად მოხდა 1991 წლის შემდეგ.

ფიუჩერსი — ვადიანი საბირჟო კონტრაქტია, რომლის ერთი მხარე იღებს ვალდებულებას შეისყიდოს, ხოლო მეორე – გაყიდოს საბაზისო აქტივების განსაზღვრული რაოდენობა დადგენილ ვადაში, ფიქსირებულ ფასად. 

 

148
თემები:
მსოფლიო დღეს (1942)
ნიკოლ ფაშინიანი

რუსეთი თუ დასავლეთი? რა გზას აირჩევს სომხეთი

58
(განახლებულია 19:57 14.08.2020)
რადიოწამყვანმა ორჯერ დაუსვა პროვოკაციული შეკითხვა სომხეთის პრემიერ-მინისტრს და ორჯერვე ერთი და იგივე პასუხი მიიღო.

თბილისი, 14 აგვისტო – Sputnik. სომხეთი გააგრძელებს ყველა მხარესთან ურთიერთობების განვითარებას, განაცხადა სომხეთის პრემიერ-მინისტრმა ნიკოლ ფაშინიანმა, როდესაც უპასუხა სტივენ საკურას კითხვას, თუ რომელ გზას აირჩევს სომხეთი – რუსეთს თუ დასავლეთს.

„რუსეთი სომხეთის დიდი ხნის მოკავშირეა, ევროკავშირი მხარს უჭერს ჩვენს ქვეყანას იმ ძირითადი რეფორმების განხორციელებაში, რომელიც „ხავერდოვანი რევოლუციის“ შემდეგ დაიწყო“, – განაცხადა პრემიერ-მინისტრმა რადიო BBC World Service-ზე  Hardtalk-ის პროგრამის დროს.

ფაშინიანმა განმარტა, რომ რუსეთი სომხეთის სტრატეგიული პარტნიორია ყველა სფეროში, კერძოდ, ეკონომიკასა და უსაფრთხოებაში, ევროკავშირთან კი სომხეთმა ხელი მოაწერა ყოვლისმომცველი და გაღრმავებული პარტნიორობის ხელშეკრულებას, ასე რომ, ქვეყანა აგრძელებს ურთიერთობების განვითარებას ყველა მხარესთან.

„მაგრამ თუ სომხეთი შეეცდება ნატოსთან ურთიერთობების გაძლიერებას, პრობლემები წარმოიქმნება, რადგან მას დაძაბული ურთიერთობა აქვს თურქეთთან. გარდა ამისა, შეერთებულ შტატებთან ურთიერთობა გაუარესდა ირანის მხარდაჭერის გამო. შტატებმა გთხოვათ ირანისთვის სანქციების დაწესება, მაგრამ თქვენ უარი განაცხადეთ“, – აღნიშნა, თავის მხრივ, საკურამ.

ფაშინიანი სომხური ტვირთების საქართველოს გავლით ტრანზიტში დაბრკოლებებს ვერ ხედავს>>

ამაზე ფაშინიანმა უპასუხა, რომ სომხეთსა და ირანს შორის ვაჭრობა და კარგი ურთიერთობები გაგრძელდება.

„ჩვენ შევეცდებით და გავაკეთებთ ყველაფერს იმისთვის, რომ შეერთებულ შტატებთან ჩვენი ურთიერთობა განმტკიცდეს“, – აღნიშნა პრემიერ-მინისტრმა.

58
თემები:
მსოფლიო დღეს (1942)

აშშ-ის სახელმწიფო მდივანი რუსეთს „თალიბებთან კავშირის“ გამო დაემუქრა ვიდეო

14
(განახლებულია 19:48 14.08.2020)
აშშ-ის სახელმწიფო მდივანმა მაიკ პომპეომ განაცხადა, რომ რუსეთს ძვირად დაუჯდება, თუ დადასტურდება სავარაუდო კავშირები თალიბებთან.

ეს ამბავი ივნისში დაიწყო „ნიუ-იორკ ტაიმსის“ სტატიით. ამერიკული გაზეთის ავტორები ირწმუნებოდნენ, რომ მოსკოვი, სავარაუდოდ, ფულს უხდიდა ავღანეთში ტერორისტებს ამერიკელი სამხედროების მოსაკლავად.

მართალია, სტატიაში არ იყო კონკრეტული ფაქტები, მხოლოდ უსაფუძვლო განცხადებები. ისინი ემყარება სპეციალური სამსახურების დაუსახელებელი წყაროების ინფორმაციას.

რუსეთის საგარეო საქმეთა სამინისტრომ სტატიას ყალბი უწოდა და მოითხოვა მტკიცებულება შეერთებული შტატების მხრიდან.

რის დამალვას ცდილობენ ამერიკელები ხმამაღალი განცხადებების უკან და რამდენად წაადგება დონალდ ტრამპს რუსეთის ბრალდება ტერორისტებთან კავშირში – იხილეთ ვიდეოში.

14
თელასი

რატომ ყიდის საპარტნიორო ფონდი „თელასის“ აქციებს

0
აუქციონი გამოცხადებულია კონკურენტულ პირობებში და არის მოლოდინები, რომ აქციები მომგებიან ფასად გაიყიდება, მიაჩნიათ ფონდში

თბილისი, 14 აგვისტო - Sputnik. თბილისის ელექტროგამანაწილებელი კომპანია „თელასის“ აქციების გაყიდვით მიღებულ სახსრებს „საქართველოს საპატრნიორო ფონდი“ ახალი საინვესტიციო პროექტების დაფინანსებას მოახმარს, განუცხადეს Sputnik-საქართველოს ფონდის პრეს-სამსახურში.

ამ კვირაში ცნობილი გახდა, რომ „საპატრნიორო ფონდმა“ ელექტროგამანაწილებელ კომპანია „თელასში“ თავისი აქციების 24,5%-ის გაყიდვა გადაწყვიტა. აუქციონი 9 სექტემბერს დაინიშნა. საჯარო აუქციონის საწყისი ფასი შეადგენს 10,5 მლნ აშშ დოლარის ექვივალენტს ლარში.

„აქციების გაყიდვის, ან რომელიმე პროექტის დაფინანსების შესახებ გადაწყვეტილებას ფონდი არ იღებს. ამას მთავრობა წყვეტს. ამიტომ „თელასის“ აქციების გაყიდვის შესახებ გადაწყვეტილება მიღებულია მთავრობის დადგენილების მიხედვით. მიღებული თანხა ახალი პროექტების დაფინანსებას მოხმარდება“, - განაცხადა ფონდის წარმომადგენელმა.

პრესსამსახურში აღნიშნეს, რომ აუქციონი გამოცხადებულია კონკურენტული პირობებით და არსებობს მოლოდინი, რომ აქციები მომგებიან ფასად გაიყიდება და კარგი მფლობელის ხელში მოხვდება.

აქციების გაყიდვით მიღებული მოგება ფონდის ანგარიშზე ჩაირიცხება, შემდეგ კი ხელისუფლება გადაწყვეტს, რომელ პროექტებს დაუჭერს მხარს და დააფინანსებს.

ფონდში აღნიშნეს, რომ „თელასში“ კუთვნილი აქციების რაოდენობის გათვალისწინებით კომპანიის ხელმძღვანელობის რომელიმე გადაწყვეტილებებზე ზეგავლენის მოხდენა შეუძლებელი იყო.

საპარტნიორო ფონდი ახორციელებს რამდენიმე სახელმწიფო კომპანიის მმართველობას, მათ შორის არის საქართველოს რკინიგზა, ნავთობისა და გაზის კორპორაცია, საქართველოს სახელმწიფო ელექტროსისტემა და „თელასი“.

„ეს კომპანიები „საპარტნიორო ფონდის“ მფლობელობაში იმიტომ იყო, რომ დაფინანსების ერთ-ერთი წყარო იყო მათგან მიღებული დივიდენდები. ახლა კი არანაირ დივიდენდებს ფონდი არ იღებს. მნიშვნელოვანია მსგავსი პროექტებიდან გასვლა და გათავისუფლებული სახსრების ინვესტირება ახალ პროექტებში“, - განაცხადეს ფონდის პრესსამსახურში.

„საპარტნიორო ფონდი" სახელმწიფო საინვესტიციო ფონდია, რომელიც 2011 წელს დაარსდა. მისი მთავარი დანიშნულება საინვესტიციო პროექტების განვითარების საწყის ეტაპზე თანამონაწილეობის გზით (კაპიტალში თანაინვესტირება, სუბორდინირებული სესხი და ა.შ.) საქართველოში ინვესტიციების წახალისებაა. ამჟამად მთავრობა მისი რეფორმირების საკითხს განიხილავს.

ინვესტორების ძიებაში: საქართველოს საპარტნიორო ფონდმა ჩინეთში მემორანდუმი გააფორმა >>

ფონდის მიზანია თანამშრომლობის განვითარება საჯარო და კერძო სექტორებს შორის საინვესტიციო პროექტების განსახორციელებლად, სამუშაო ადგილების შესაქმნელად, უცხოური ინვესტიციების მოსაზიდად და ქვეყნის ეკონომიკის გასავითარებლად. ფონდი ოთხ სექტორში ფუნქციონირებს – ენერგეტიკის, სოფლის მეურნეობის, წარმოებისა და უძრავი ქონების. საპარტნიორო ფონდის ფინანსური თანამონაწილეობა პროექტის ჯამური კაპიტალის 49%-ით და პროექტის ჯამური ღირებულების 25%-ით შემოიფარგლება. დანარჩენ კაპიტალს სტრატეგიული ინვესტორი უზრუნველყოფს.

 

0
თემები:
საქართველოს ეკონომიკა