გულის შეტევა

მანამდე მიუწვდომელი: შექმნილია მინი-კომპიუტერი, რომელიც პირდაპირ გულში ინერგება ვიდეო

64
(განახლებულია 19:48 05.03.2020)
ექიმებს იმედი აქვთ, რომ ახალი მინი-კომპიუტერი მსოფლიოს მასშტაბით 26 მლნ ადამიანს დაეხმარება, რომლებსაც გულის უკმარისობა აწუხებთ.

თბილისი, 5 მარტი — Sputnik. ისრაელში მეცნიერებმა შექმნეს მინი-კომპიუტერი, რომელიც პირდაპირ ადამიანის გულში ინერგება, იუწყება ВВС. 

​მოწყობილობას, რომლის სახელწოდებაცაა V-LAP, მილაკის ფორმა აქვს და იოლად შედის გულში ვენის გავლით. კომპიუტერი შეკრებს ინფორმაციას გულის მუშაობის შესახებ, რომლებიც, მეცნიერების თქმით, მანამდე მათთვის მიუწვდომელი იყო. აღნიშნული მინი-კომპიუტერით მოპოვებული ცნობები ექიმებს საშუალებას მისცემს, დანიშნონ ეფექტური მკურნალობა. 

V-LAP-ი ისრაელის კომპანია Vectorious Medical Technologies-მა შექმნა. ის სპეციალური ქამრის მეშვეობით იტენება, რომელიც პაციენტს სხეულზე უმაგრდება. მონაცემებს გულის მუშაობის შესახებ შეკრებს, დაამუშავებს და მედიკოსებს გადაუგზავნის ხელოვნური ინტელექტი. 

გავრცელებული ინფორმაციით, მეცნიერები ეძებენ მოხალისეებს კომპიუტერის კლინიკური გამოცდისთვის. როგორც ცნობილია, ერთ-ერთი პირველი პაციენტი 71 წლის ბრიტანელი გახდა, სახელად ენდრიუ.

ექიმებს იმედი აქვთ, რომ ახალი მინი-კომპიუტერი მსოფლიოს მასშტაბით 26 მლნ ადამიანს დაეხმარება, რომლებსაც გულის უკმარისობა აწუხებთ.

 

64
თემები:
მსოფლიო და მეცნიერება (417)
სასკოლო ავტობუსი

უბედური შემთხვევა: სკოლის მოსწავლეებით სავსე ავტობუსი წყალსაცავში გადავარდა

111
(განახლებულია 11:54 07.07.2020)
უბედური შემთხვევის ადგილზე ამ დროისათვის ასამდე მაშველი მუშაობს, მათ შორის არიან მყვინთავებიც. დაუდგენელია, რამდენი მგზავრი იმყოფებოდა ავტობუსში

თბილისი, 7 ივლისი — Sputnik. ავტობუსი, რომლითაც სკოლის მოსწავლეები მგზავრობდნენ, დღეს დილით წყალსაცავში გადავარდა.

შემთხვევა ჩინეთის პროვინცია გუიჩჟოუში მოხდა. ინფორმაცია მგზავრების რაოდენობასა და შესაძლო მსხვერპლის თაობაზე ჯერჯერობით არ ვრცელდება.

პროვინციის საგანგებო სიტუაციათა სამსახურის განცხადებით, ინციდენტი დილის 11:45 საათზე (07:45 თბილისის დროით) მოხდა.

ჯერჯერობით დაუდგენელი მიზეზით, ავტობუსი გვერდზე გადაწვა, გზის გასწვრივ დაყენებული დამცავი ჯებირები გადაანგრია და წყალსაცავში გადავარდა.

ამ დროისათვის ადგილზე დაახლოებით ასი მაშველი და 17 მყვინთავი მუშაობს.

 

111
თემები:
მსოფლიო დღეს
ფეხშიშველა ადამიანი

ფეხშიშველა პრეზიდენტი: ქვეყნის ლიდერი შეხვედრაზე წინდების ამარა მივიდა - ვიდეო

73
(განახლებულია 11:27 07.07.2020)
პრეზიდენტის თქმით, ის პატივს სცემს დამლაგებლების შრომას და ამიტომაც არჩევს ფეხსაცმელების გარეშე სიარულს

თბილისი, 7 ივლისი — Sputnik. ბელარუსის პრეზიდენტი ალექსანდრ ლუკაშენკო ტელეარხ Беларусь 1-თან“ ინტერვიუზე პრაქტიკულად ფეხშიშველა, წინდების ამარა მივიდა. შესაბამისი ვიდეო ტელეარხმა YouTube-ზე გამოაქვეყნა.

„პატივს ვცემ დამლაგებლების შრომას, ფეხშიშველა დავდივარ“, — განუმარტა ლიფტიდან გამოსულმა ლუკაშენკომ დამხვედრ ჟურნალისტებს.

ირკვევა, რომ აღნიშნული კადრები გადაღებულია სოჭში, რუსეთის პრეზიდენტ ვლადიმირ პუტინთან შეხვედრის შემდეგ.

როგორც ჟურნალისტი ალექსეი კრივოშეევი განმარტავს, ბელარუსის პრეზიდენტმა რუს კოლეგასთან შეხვედრა ასევე ფეხსაცმლის გარეშე, წინდების ამარამ გაატარა.  

 

73
თემები:
მსოფლიო დღეს
მეხანძრეები

სვანეთში ხანძარს მესამე დღეა ებრძვიან - ვიდეო

0
(განახლებულია 12:58 07.07.2020)
საგანგებო სიტუაციების მართვის სამსახურის ცნობით, ხანძრის ქრობის სამუშაოებს რთული რელიეფი, სიცხე და ძლიერი ქარი ართულებს, თუმცა ვითარება კონტროლს ექვემდებარება.

თბილისი, 7 ივლისი — Sputnik. მესტიის მუნიციპალიტეტის სოფელ ხაიშთან ტყის მასივში გაჩენილი ხანძრის ქრობის სამუშაოები უწყვეტ რეჟიმში მიმდინარეობს, იუწყება შინაგან საქმეთა სამინსიტროს საგანგებო სიტუაციების მართვის სამსახური.

უწყების ინფორმაციით, ადგილზე დილიდანაა მობილიზებული დამატებითი ძალები - როგორც სპეციალური ტექნიკა, ისე ცოცხალი ძალა. სვანეთში ხანძარს ებრძვის 110 მეხანძრე-მაშველი და შვიდი ერთეული სახანძრო-სამაშველო ტექნიკა.

რისკის ზონაში 11 ოჯახი ცხოვრობს. ძლიერი დაკვამლიანების გამო ამ ზონიდან ბავშვები გამოიყვანეს.

„ხანძრის ქრობის სამუშაოებს ართულებს რთული რელიეფი, სიცხე და ძლიერი ქარი. ხანძრის ქრობის სამუშაოები ადგილზე მესამე დღეა მიმდინარეობს. ამ დროისთვის სიტუაცია კონტროლს ექვემდებარება", -აღნიშნავენ უწყებაში.

მეხანძრე-მაშველთა ჯგუფები ხანძრის კერებთან მთელი ღამის განმავლობაში მუშაობდნენ. მუშაობა განაახლეს შინაგან სამინისტროს სასაზღვრო პოლიციის ვერტმფრენებმა. პროცესში დღეს დილიდან ჩაერთო მე-3 ვერტმფრენი.

სვანეთში შექმნილია სამუშაო შტაბი, რომელსაც საგანგებო სიტუაციების მართვის სამსახურის უფროსი თემურ მღებრიშვილი და უფროსის მოადგილე ლევან ღირსიაშვილი პირადად ხელმძღვანელობენ. ადგილზე ასევე იმყოფება სახანძრო-სამაშველო ძალების დეპარტამენტის უფროსი დავით სუხიშვილი.

საზოგადოებრივი უსაფრთხოების მართვის ცენტრ „112"-ში ხანძრის შესახებ ინფორმაცია 5 ივლისს დღის მეორე ნახევარში შევიდა. თვითმხილველის განცხადებით, ტყის მასივში შეინიშნებოდა ძლიერი დაკვამლიანება. ხანძარი სავარაუდოდ მეხის ჩამოვარდნის შედეგად გაჩნდა.

0
თემები:
დიდი ხანძრები საქართველოში