მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

თალიბებმა ავღანეთში თვითმფრინავის ჩამოგდებაზე პასუხისმგებლობა აიღეს, იუწყება მასმედია

© REUTERS / MUSTAFA ANDALEBავღანეთის უშიშროების ძალები თვითმფრინავის ჩამოგდების ადგილას
ავღანეთის უშიშროების ძალები თვითმფრინავის ჩამოგდების ადგილას - Sputnik საქართველო
გამოწერა
რადიკალური დაჯგუფების ბოევიკები ამტკიცებენ, რომ ამერიკის შეერთებული შტატების სამხედრო თვითმფრინავი ჩამოაგდეს

თბილისი, 27 იანვარი - Sputnik. რადიკალური დაჯგუფება „თალიბანის“ ბოევიკებმა ავღანეთის აღმოსავლეთში საჰაერო ხომალდის ჩამოგდებაზე პასუხისმგებლობა აიღეს და ამტკიცებენ, რომ აშშ-ის სამხედრო თვითმფრინავი ჩამოაგდეს, იუწყება РИА Новости ტელეარხ „არიანა ნიუსზე“ (Ariana News) დაყრდნობით.

ამას წინათ ავღანეთის ღაზნის პროვინციაში საჰაერო ხომალდი ჩამოვარდა. ღაზნის გუბერნატორის წარმომადგენელმა არიფ ნურიმ განაცხადა, რომ თვითმფრინავი ჩამოვარდა თალიბების მიერ კონტროლირებად ტერიტორიაზე.

თავდაპირველად გავრცელებული ინფორმაციის თანახმად, თვითმფრინავი ეკუთვნოდა ავღანეთის ავიაკომპანია „არიანა ავღან ეარლაინს“ (Ariana Afghan Airlines), თუმცა ავიაკომპანიაში ეს ინფორმაცია უარყვეს. გაიჟღერა ასევე ვერსიამ, რომ თვითმფრინავი ავღანეთის არმიის კუთვნილება იყო.

Twitter-ში გამოჩნდა ვიდეო თვითმფრინავის სავარაუდო ჩამოვარდნის ადგილიდან. მასმედია ვიდეორგოლზე დაყრდნობით წერს, რომ საუბარი შეიძლება იყოს თვითმფრინავზე Bombardier E-11A, რომელსაც აშშ ავღანეთში რადიოელექტრული დაზვერვისთვის იყენებს.

აშშ-ის სამხედრო სარდლობის წარმომადგენლის განცხადებით, აშშ ამოწმებს ჩამოვარდნილი თვითმფრინავის შესახებ ცნობებს.

*თალიბანი არის ტერორისტული ორგანიზაცია, რომელიც მსოფლიოს მრავალ ქვეყანაში, მათ შორის, აშშ-სა და რუსეთშიც, აკრძალულია.

ყველა ახალი ამბავი
0