თბილისი, 21 იანვარი — Sputnik. ადამიანის ემბრიონს ტკივილის შეგრძნება უკვე მე-13 კვირაზე უჩნდება, ასეთია უცხოელი მკვლევარების ახალი მონაცემები, რის შესახებაც წერს მასმედია.
ერთ-ერთი სამეცნიერო კვლევის წამყვანი ავტორი სტიუარტ დერბიშირი ამბობს, რომ ქალებმა, რომლებმაც აბორტის გაკეთება გადაწყვიტეს, უნდა გაიაზრონ, რომ მე-13 კვირაზე ემბრიონი უკვე არჩევს და გრძნობს ტკივილს. სწორედ ამიტომ, მისი თქმით, ახალი მონაცემები გვაიძულებს, რომ ორსულობის ხელოვნურად შეწყვეტა „მორალურ უგუნურებად“ განვიხილოთ.
წაიკითხეთ აქ: შიზოფრენიის წინაპირობა - ვიტამინი, რომელიც აუცილებლად უნდა მიიღონ ორსულებმა
ამერიკელი მკვლევარის ჯონ ბოკმანის თქმით, თუ მე-13 კვირაზე ემბრიონის მიერ ტკივილის შეგრძნების უნარი გარკვეულ კითხვებს ბადებს, ეჭვს არ იწვევს, რომ მე-18 კვირაზე ნაყოფს ნამდვილად აქვს ტკივილის შეგრძნება, რადგან ამ დროისთვის მისი ტვინი და ნერვული სისტემა და ასევე მათ შორის კავშირი უკვე საკმარისად არის ჩამოყალიბებული.
აღსანიშნავია, რომ მეცნიერთა ახალ მონაცემებს მოწინააღმდეგეებიც ჰყავს. მაგალითად, კლერ მერფი (ბრიტანეთის ორსულთა საკონსულტაციო სამსახურიდან) ძველი შეხედულებების ერთგული რჩება და ირწმუნება, რომ ნაყოფი ტკივილს ვერ იგრძნობს 24-ე კვირამდე. შესაბამისად, მისი აზრით, ორსულობა საკითხის მორალური მხარის ყოველგვარი ზედმეტი განხილვის გარეშე შეიძლება შეწყდეს.
