ვაშლის ჭამა

როდის არის ვაშლის ჭამა ჯანმრთელობისთვის სახიფათო ექსპერტის რჩევა

382
(განახლებულია 16:20 21.01.2020)
გერმანელი ექსპერტი მარკუს ფელბერი აღნიშნავს, რომ ბევრი ადამიანი ვაშლს არასწორად ჭამს – ხილს სადილის დამთავრებისთანავე იღებს...

თბილისი, 21 იანვარი – Sputnik. სადილის დამთავრებისთანავე ვაშლის ჭამა უკიდურესად სახიფათოა ჯანმრთელი კბილებისთვის, ვინაიდან ის დამღუპველ ზემოქმედებას ახდენს კბილის მინანქარზე, აცხადებს სტომატოლოგიის საკითხების გერმანელი ექსპერტი მარკუს ფელბერი.  

გავრცელებული ინფორმაციით, რიდინგის (ინგლისი) უნივერსიტეტის მკვლევარებმა გამოაქვეყნეს მონაცემები იმის შესახებ, რომ იმ ადამიანებს, რომლებიც დღეში ორ ვაშლს ჭამენ, შედარებით მოდუნებული სისხლძარღვები და „ცუდი“ ქოლესტერინის დაბალი მაჩენებელი აქვთ, რაც ინფარქტისა და ინსულტის რისკებს ამცირებს.

მაგრამ როგორც მარკუს ფელბერი აღნიშნავს, ბევრი ადამიანი ვაშლს არასწორად ჭამს – ხილს სადილის დამთავრებისთანავე იღებს. ასეთ შემთხვევაში კი კბილის მინანქარზე მაშინვე მძლავრი მჟავა-შეტევა ხდება.

წაიკითხეთ აქ: აკრძალულია კატეგორიულად! ვინ არ უნდა ჭამოს მარწყვი, და სხვა რჩევები

სპეციალისტმა განმარტა, რომ კბილების კარიესისგან დამცავი გარსი საკვების მიღებისას გამძლეობის გამოცდას გადის და მხოლოდ ჭამიდან 30 წუთის შემდეგ აღიდგენს დამცავ პოტენციალს. ამიტომ თუ ვაშლს ჭამის დამთავრებისთანავე მიირთმევთ და არ დაელოდებით 30 წუთის გასვლას, შესაძლოა, მისმა მჟავამ კბილის გარსი დააზიანოს.

„იმისათვის, რომ კბილები არ გადატვირთოთ, ჭამის შემდეგ ცოტა ხანს, სულ ცოტა, 30 წუთი დაიცადეთ და ვაშლი თუ სხვა ხილი მხოლოდ მერეღა მიირთვით“, – გვირჩევს მარკუს ფელბერი.

აღსანიშნავია, რომ მანამდე მეცნიერებმა დაადგინეს, რომ მიუხედავად ბროწეულის დიდი სარგებლიანობისა (ხელს უწყობს სისხლის წარმოქმნას, აწესრიგებს წნევასა და გულის რიტმს, ზრდის ჰემოგლობინს, აძლიერებს გულსა და სისხლძარღვებს), ის ყოველთვის და ყველასთვის ვერ იქნება მარგებელი. 

382
თემები:
მსოფლიო და მეცნიერება (629)
ვაქცინა

აშშ-ის მთავარმა ინფექციონისტმა რუსული ვაქცინა შეაქო

65
(განახლებულია 21:52 06.03.2021)
რუსული ვაქცინა „სპუტნიკV“ სახელმწიფო რეგულატორების მიერ გაცემული ნებართვების რაოდენობით მსოფლიოში მეორე ადგილს იკავებს.

თბილისი, 6 მარტი – Sputnik. აშშ-ის მთავარმა ინფექციონისტმა ენთონი ფაუჩიმ ბერძნულ ტელეარხ Skai-სთვის მიცემულ ინტერვიუში კორონავირუსის საწინააღმდეგო რუსული ვაქცინა „სპუტნიკV“ შეაქო, იუწყება РИА Новости.

ჟურნალისტმა აშშ-ის პრეზიდენტის, ჯო ბაიდენის მრჩეველს დაუსვა კითხვა, აიცრებოდა თუ არა ის რუსული „სპუტნიკით“ ან ჩინური ვაქცინით.

„მონაცემები, რომლებიც მე ვიცი „სპუტნიკის“ შესახებ, საკმაოდ კარგია. მე არ მაქვს საკმარისი ინფორმაცია ჩინური ვაქცინის შესახებ, რადგან მათ აქვთ ორი თუ სამი სხვადასხვა ვაქცინა. ასე რომ არ მიდევნებია თვალი მათი ეფექტურობისთვის, მაგრამ რუსული პრეპარატის მონაცემები საკმაოდ კარგად გამოიყურება“, - უპასუხა ფაუჩიმ, რომელსაც არხი აშშ-ის წამყვან მეცნიერს უწოდებს.

ფაუჩიმ ასევე განაცხადა, რომ საუბრები ვაქცინების შესაძლო გვერდითი ეფექტების შესახებ ნაკლებად აღელვებს.

„ჩემი შეშფოთება მინიმალურია. ამას იმიტომ ვაცხადებ, რომ აშშ-ში Pfizer-ისა და Moderna-ს ვაქცინებზე ჩატარებულმა ტესტებმა აჩვენა მათი ეფექტურობა 94-95%-მდე და მინიმალური რეაქტიულობა. პირველი დოზის შემდეგ ჩნდება გარკვეული ტკივილი მკლავში, რომელიც დაახლოებით 24 საათს გრძელდება. მეორე დოზაში რეაქტიულობა უფრო მაღალია. Pfizer-ის შემთხვევაში ის ჩნდება 21 დღის შემდეგ, Moderna-ს - 28 დღის შემდეგ. მეორე დოზის შემდეგ ვლინდება დაღლილობის, ტკივილის, შემცივნების სიმპტომი და შესაძლოა მცირე ცხელება“, - განაცხადა ეპიდემიოლოგმა.

მისი თქმით, ადამიანთა უმრავლესობაში აღნიშნული სიმპტომები 24 საათს გრძელდება, თუმცა ზოგიერთ ადამიანს შეიძლება ცოტა მეტხანს გაუგრძელდეს.

რუსეთის ჯანდაცვის სამინისტრომ „სპუტნიკ V“-ს 2020 წლის აგვისტოში დაარეგისტრირა. ვაქცინა გამალეის ცენტრში შემუშავდა.

სამეცნიერო ჟურნალმა The Lancet-მა გამოქვეყნდა ნაშრომი, რომელიც „სპუტნიკV“-ს კლინიკური კვლევების მესამე ფაზის შედეგებს ასახავს. ნაშრომის თანახმად, „სპუტნიკ V“-ს ეფექტურობა 91,6%-ს შეადგენს და ის იმუნოგენურობისა და უსაფრთხოების მაღალ დონეს ავლენს. ვაქცინა ახალი კორონავირუსული ინფექციით დაავადების მძიმე შემთხვევებისგან სრულ დაცვას უზრუნველყოფს.

65

როგორი იქნებოდა ჩვენი სამყარო, დედამიწა რომ ბრტყელი ყოფილიყო? - შემეცნებითი ვიდეო

43
(განახლებულია 14:07 06.03.2021)
ინტერნეტ-სივრცეში ხშირად წააწყდებით დედამიწის სიბტყელის შესახებ ხუმრობებსა თუ სერიოზული თეორიებს, რომლებსაც დღეისათვის უამრავი მიმდევარი ჰყავს

Flatearther-ებს (ბრტყელი დედამიწის თეორიის მხარდამჭერები) ნამდვილად მდიდარი ფანტაზია აქვთ, მათი აზრით ამერიკის აერონავტიკის და კოსმოსური სივრცის კვლევის ეროვნული სამმართველო სამყაროს რეალობას უმალავს.

ისინი რომ მართლები ყოფილიყვნენ, ხეები დიაგონალურად გაიზრდებოდა, მზის დაბნელება კი განსხვავებული სანახაობა იქნებოდა. ასევე, მათი თქმით, მზე ბრუნავს დედამიწის გარშემო და არა პირიქით. თუმცა რეალობა სულ სხვაგვარია.

ვიდეოში იხილავთ, როგორი იქნებოდა სამყარო, თუ კი დედამიწა მართლად ბრტყელი იქნებოდა.

43
ბერლინი

ქართველი არტისტები გერმანიაში ფესტივალის პრიზიორები გახდნენ

0
ვირტუალურ ღონისძიებაში მონაწილეობა მიიღეს 20 ქვეყნის წარმომადგენლებმა - როგორც მოყვარულებმა, ისე პროფესიონალმა პოეტებმა, მწერლებმა, მთარგმნელებმა, მუსიკოსებმა, არტისტებმა, მხატვრებმა, მოქანდაკეებმა და ფოტოგრაფებმა.

თბილისი, 7 მარტი – Sputnik. პროექტმა „ქართლის დედა“, რომელიც გერმანიაში ქართული კულტურის პოპულარიზაციას ეწევა, ასევე ბერლინურმა მუსიკალურმა სალონმა „ლიტერა-დო“ (Литера-ДО) ჩაატარეს პანდემიის პერიოდში მეორე საერთაშორისო ონლაინ არტ-ფესტივალი „ზამთრის ზღაპარი“.

ღონისძიებაში მონაწილეობა მიიღეს 20 ქვეყნის წარმომადგენელმა, როგორც უმცროსმა, ისე უფროსმა თაობამ, როგორც მოყვარულებმა, ისე პროფესიონალმა პოეტებმა, მწერლებმა, მთარგმნელებმა, მუსიკოსებმა, არტისტებმა, მხატვრებმა, მოქანდაკეებმა და ფოტოგრაფებმა.

„განსაკუთრებით სასიამოვნოა, რომ თითქმის ყველა ნომინაცია ქართველებმა მოიგეს, - საუბრობს პროექტის ხელმძღვანელი თამარა ინაშვილი. - მათ თავისი ნიჭით ფესტივალი გაალამაზეს და წარუშლელი შთაბეჭდილება დატოვეს“.

„ეს უკვე მეორე ფესტივალია ციკლიდან „წელიწადის ოთხი დრო“ ონლაინ-რეჟიმში. პირველი „შემოდგომის კალეიდოსკოპი“ გასულ წლის შემოდგომაზე გაიმართა და მსგავსი ღონისძიებების ჩატარების აუცილებლობა აჩვენა იმ დროს, როდესაც კულტურულ ცენტრებში, საგამოფენო და საკონცერტო დარბაზებში „დაკეტილი კარების“ პერიოდია“, - გააგრძელა საუბარი ფესტივალის გენერალურმა დირექტორმა სანდრა ვერელმა.

„დუხობორების მიწა“: ქართველმა ფოტოგრაფმა აშშ-ის ფესტივალის გრანტი მიიღო >>

ვერელის თქმით, ფესტივალში მონაწილეობა დაახლოებით 350-მა ადამიანმა მიიღო საქართველოდან, გერმანიიდან, რუსეთიდან, კანადიდან, აშშ-დან, შვეიცარიიდან, იტალიიდან, დიდი ბრიტანეთიდან, ნიდერლანდებიდან, საბერძნეთიდან, ისრაელიდან, თურქეთიდან, სინგაპურიდან, უკრაინიდან, ბელარუსიდან და სხვა ქვეყნებიდან.

„რა თქმა უნდა, ონლაინ-ფორმატმა მონაწილეთა რეკორდული რაოდენობის მიღების და მრავალფეროვანი საინტერესო პროგრამის შედგენის საშუალება მოგვცა. ფესტივალმა აჩვენა კულტურის სხვადასხვა მიმართულების კომბინაციის უპირატესობა, რაც „მეგობრობის ხიდების“ აგების გაგრძელების საშუალებას იძლევა“, - განაცხადა ვერელმა.

პრიზიორებს სხვადასხვა ნომინაციაში - ლიტერატურა, სახვითი ხელოვნება, მუსიკა, ცეკვა - დიპლომები გადაეცათ.

ფესტივალის გრან-პრი მოიპოვა ბაღდათის მუნიციპალიტეტის საბავშვო თეატრმა „ირიდა“, რომელმაც მუსიკალურ სკოლასთან და ნორჩ მევიოლინეთა ანსამბლთან „ბაღდათის ვარსკვლავები“ ერთად სპეციალურად ფესტივალისთვის ვაჟა აზარაშვილის მუსიკაზე პოეტურ-ქორეოგრაფიული ნომერი დადგა.

0