ალი ჰამენეი

გენერლის მკვლელობა: ირანის სულიერი ლიდერი აშშ-ზე შურისძიების პირობას დებს

221
(განახლებულია 10:21 03.01.2020)
სპეცქვედანაყოფის მეთაური ქასემ სულეიმანი 2 იანვრის ღამით დაიღუპა ერაყის აეროპორტზე აშშ−ის მიერ განხორციელებული სარაკეტო შეტევისას.

თბილისი, 3 იანვარი — Sputnik. ირანის უმაღლესი სულიერი ლიდერი ალი ჰამენეი ისლამური რევოლუციის მცველთა კორპუსის სპეცქვედანაყოფის მეთაურის, გენერალ ქასემ სულეიმანის სიკვდილისთვის შურისძიების პირობას დებს.

„სასტიკი შურისძიება ელით მათ, ვის ხელებზეც დარჩა მისი სისხლი, ისევე როგორც სხვა მოწამეობრივად აღსრულებულთა სისხლი“, — ნათქვამია ჰამენეის განცხადებაში. 

ირანის სულიერმა ლიდერმა, გენერალის დაღუპვასთან დაკავშირებით, ქვეყანაში სამდღიანი გლოვა გამოაცხადა.

სპეცქვედანაყოფის მეთაური ქასემ სულეიმანი 2 იანვრის ღამით დაიღუპა ერაყის აეროპორტზე აშშ−ის მიერ განხორციელებული სარაკეტო შეტევისას. მასთან ერთად ასევე დაიღუპა ერაყის შიიტური ლაშქრის „ალ−ჰაშდ−აშ−შააბის“ რამდენიმე ლიდერიც.

​პენტაგონში აცხადებენ, რომ ბაღდადის აეროპორტზე შეტევა პრეზიდენტ დონალდ ტრამპის მიერ იყო ორგანიზებული. ვაშინგტონს მიაჩნია, რომ გენერალი სულეიმანი ერაყში აშშ−ის საელჩოსა და კოალიციის ბაზებზე შეტევებში მონაწილეობდა.

ირანის საგარეო საქმეთა მინისტრმა მოჰამად ჯავად ზაფირმა გენერლის  მკვლელობას „საერთაშორისო ტერორიზმის აქტი“ უწოდა.

ბაღდადში ვითარება სამშაბათს დაიძაბა, როდესაც საპროტესტო აქციის მონამწილეებმა აშშ−ის საელჩოზე შეტევის მიტანა სცადეს. ამემრიკელმა სამხედროებმა აქციის დასაშლელად ცრემლსადენი გაზი გამოიყენეს.

ერაყის პრეზიდენტმა ბარჰამ სალეჰმა დაგმო საპროტესტო აქციის მონაწილეების მიერ აშშ−ის საელჩოზე თავდასხმა და მომხდარს თავად ერაყის „სუვერენიტეტზე შეტევა“ უწოდა.

აშშ−მა ერაყსა და სირიაში მოძრაობა „ქათაიბ ჰესბოლას“ ხუთ ობიექტზე მიიტანა იერიში. პენტაგონში განმარტეს, რომ ეს იყო პასუხი ერაყში განთავსებულ ბაზებზე თავდასხმებზე, რა დროსაც დაიღუპა აშშ-ის ერთი მოქალაქე და დაიჭრა ოთხი ამერიკელი სამხედრო.

 

 

221
თემები:
ირანი vs აშშ: ქასემ სულეიმანის ლიკვიდაციის შედეგები (14)
არნოლდ შვარცენეგერი

შვარცენეგერმა გულზე კიდევ ერთი ოპერაცია გადაიტანა

22
ცნობილი მსახიობი უკვე 73 წლისაა, და ზედმიწევნით სპორტული ცხოვრების მიუხედავად, მას ჯანმრთელობის გარკვეული პრობლემები მაინც აღენიშნება

თბილისი, 24 ოქტომბერი — Sputnik. ჰოლივუდის ცნობილმა მსახიობმა და აშშ-ის კალიფორნიის შტატის ყოფილმა გუბერნატორმა, არნოლდ შვარცენეგერმა გულის სარქვლის შეცვლის ოპერაცია გადაიტანა.

ოპერაცია კლივლენდის კლინიკაში ჩატარდა. 73 წლის მსახიობის თქმით, ის თავს „ფანტასტიკურად“ გრძნობს.

„კლივლენდის კლინიკის გუნდის წყალობით მე მაქვს აორტის ახალი სარქველი, ახალ ფილტვის სარქველთან ერთად, რომელიც წინა ოპერაციიდან მაქვს. თავს ვგრძნობ ფანტასტიკურად და უკვე ვსეირნობ კლივლენდის ქუჩებში, სადაც თქვენი შესანიშნავი ქანდაკებებით ვტკბები“, - დაწერა შვარცენეგერმა Twitter-ში.

მსახიობმა მადლობა გადაუხადა თითოეულ ექიმსა და ექთანს, რომლებიც მასთან მუშაობდნენ.

 

22
თემები:
სელებრითების ცხოვრება
კორონავირუსის ეპიდემია. მამაკაცი პირბადით ... ნიკაპზე

კორონავირუსი ხომ არ მაქვს ? COVID-19-ის უტყუარი დიაგნოსტიკა ექიმ კომაროვსკისგან

140
(განახლებულია 19:14 24.10.2020)
მსოფლიოში კორონავირუსით ინფიცირების უკვე 42,2 მილიონი შემთხვევა დაფიქსირდა, გარდაიცვალა 1,1 მილიონი ადამიანი.

თბილისი, 24 ოქტომბერი – Sputnik. ყნოსვის და გემოს გრძნობის დაკარგვა კორონავირუსული ინფექციის მნიშვნელოვანი დიაგნოსტიკური სიმპტომია, მიიჩნევს ცნობილი ექიმი და ტელეწამყვანი ევგენი კომაროვსკი. ამის შესახებ РИА Новости წერს.

„ტესტი „რისი სუნი აქვს?“ გაცილებით ზუსტია, ვიდრე ნებისმიერი თერმომეტრია“, - განაცხადა მან.

ექიმმა აღნიშნა, რომ ყნოსვის დაკარგვა გრიპის დროსაც ხდება, მაგრამ მაშინ ეს განპირობებულია სურდოთი, ცხვირის „გაჭედვით“.

„კორონავირუსის დროს სურდო თითქმის არ არის, ყნოსვა კი იკარგება“, - აღნიშნა კომაროვსკიმ.

ასეთ სიმპტომს ექიმი ხსნის იმით, რომ COVID-19 აზიანებს იმ ნერვულ უჯრედებს, რომლებიც სუნსა და გემოს აღქმაში გვეხმარება. თუმცა ეს ცვლილებები აღდგენადია. სპეციალისტი აღნიშნავს, რომ ყნოსვის ფუნქციის აღდგენას სამი კვირა სჭირდება, ზოგჯერ კი სამი თვეა საჭირო.

მსოფლიოში კორონავირუსით ინფიცირების უკვე 42,2 მილიონი შემთხვევა დაფიქსირდა, გარდაიცვალა 1,1 მილიონი ადამიანი.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1941-ით გაიზარდა და საერთო რიცხვმა 26503-ს მიაღწია, აღნიშნულია საქართველოს მთავრობის სპეციალურ ვებ-გვერდზე stopcov.ge.

ამ დროისათვის სულ გამოჯანმრთელდა 10163 ადამიანი, გარდაიცვალა – 193, კარანტინის რეჟიმში იმყოფება 4180, სტაციონარებში ექიმების დაკვირვების ქვეშ 3571 პაციენტია, ხოლო კოვიდ–სასტუმროებში 1848 ადამიანი იმყოფება.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

140
თემები:
COVID-19-ის პანდემია მსოფლიოში
სპეცოპერაცია ზუგდიდში

„საქართველოს ბანკის“ ფილიალში მძევლად აყვანილ პირთა ნაწილს დაზარალებულის სტატუსი მიენიჭა 

0
ყოფილი მძევლები საგამოძიებო უწყებაში დღეს განმეორებით არ დაკითხულან. მათ დაზარალებულის სტატუსი მიენიჭათ.

თბილისი, 24 ოქტომბერი - Sputnik. ზუგდიდში, „საქართველოს ბანკის“ ფილიალში თავდასხმისას მძევლად აყვანილ პირთა ნაწილს დაზარალებულის სტატუსი მიენიჭა, იუწყება „პირველი არხი“.

არსებული ინფორმაციით, სამეგრელო-ზემო სვანეთის სამხარეო პოლიციის მთავარ სამმართველოში ამ დროისთვის მოწმეების გამოკითხვა მიმდინარეობს.

უწყებაში იკითხებიან ბანკის ის თანამშრომლები, რომლებიც „საქართველოს ბანკზე“ ბანკზე მომხდარი თავდასხმისას მძარცველმა მძევლად აიყვანა.

საგამოძიებო უწყება უკვე დატოვა რამდენიმე მოწმემ. მათი ინფორმაციით, საგამოძიებო უწყებაში დღეს განმეორებით არ დაკითხულან და მათ დაზარალებულის სტატუსი მიენიჭათ.

21 ოქტომბერს შეიარაღებული პირი „საქართველოს ბანკის“ ზუგდიდის ფილიალში შეიჭრა და 40-ზე მეტი ადამიანი მძევლად აიყვანა. ბოროტმოქმედმა ხელისუფლებისგან ნახევარი მილიონი დოლარი, ვერტმფრენი ან მანქანა, ასევე მისი უსაფრთხოების გარანტიები მოითხოვა. მოთხოვნების შეუსრულებლობის შემთხვევაში დამნაშავე მძევლების დახოცვით იმუქრებოდა.

მძევლების გათავისუფლების ოპერაცია შვიდ საათზე მეტხანს გაგრძელდა, რთული და ხანგრძლივი მოლაპარაკებების შედეგად მძევლების გათავისუფლება მოხდა, მათ სამეგრელო–ზემო სვანეთის პოლიციის დეპარტამენტის დირექტორი ავთანდილ გალდავა ჩაენაცვლა. ფულის მიღების შემდეგ თავდამსხმელმა ავთანდილ გალდავასთან და სამ მძევალთან ერთად დატოვა ბანკის შენობა. ამ დროისთვის ყველა მძევალი გათავისუფლებულია, ბოროტმოქმედზე კი ძებნაა გამოცხადებული.

ზუგდიდში მომხდარ ფაქტზე გამოძიება საქართველოს სსკ-ის 179-ე, 236-ე და 144-ე მუხლებით მიმდინარეობს.

0
თემები:
ზუგდიდში შეიარაღებულმა პირმა მძევლები აიყვანა