კომპიუტერი

ირანის მთავრობამ მოსახლეობას ინტერნეტი გაუთიშა

75
(განახლებულია 20:01 17.11.2019)
არ არის გამორიცხული, ინტერნეტის გათიშვა დაკავშირებული იყოს მასობრივ საპროტესტო აქციებთან, რომლებიც ქვეყნის მთელ რიგ ქალაქებში ჩატარდა.  

თბილისი, 17 ნოემბერი — Sputnik. ირანის მთავრობამ მთელი ქვეყნის მასშტაბით 24 საათით შეზღუდა ინტერნეტზე  წვდომა, იუწყება სააგენტო ISNA ინფორმაციის სამინისტროში არსებულ წყაროზე დაყრდნობით. 

წყაროს მიერ გავრცელებული ცნობით, აღნიშნული ზომა რესპუბლიკის უსაფრთხოების უმაღლესი საბჭოს ინიციატივით გატარდა. თუმცა სააგენტოს სტატიაში არ ზუსტდება, რა მიზეზით გათიშა მთავრობამ ინტერნეტი.

სავარაუდოდ, ეს დაკავშირებული უნდა იყოს მასობრივ საპროტესტო აქციებთან, რომლებიც ქვეყნის მთელ რიგ ქალაქებში ჩატარდა.  

საქმე ისაა, რომ 16 ნოემბერს ირანში ძალაში შევიდა სამთავრობო განკარგულება ბენზინზე ფასების ორჯერ გაზრდის შესახებ, რასაც მოსახლეობის უკმაყოფილება მოჰყვა. გარდა ამისა, კერძო სატრანსპორტო საშუალებების მფლობელებისთვის დაწესდა შეზღუდვა - 60 ლიტრი ბენზინი თვეში ერთ სატრანსპორტო საშუალებაზე. ნორმაზე მეტი საწვავის ყიდვის შემთხვევაში გათვალისწინებულია დამატებითი გადასახადი.   

ირანის სულიერმა ლიდერმა ალი ჰამენეიმ საპროტესტო აქციებს „უცხოელი მტრების საბოტაჟი“ უწოდა და განაცხადა, რომ ბენზინზე ფასის ზრდას თავისი საფუძველი აქვს. თუმცა ჰამენეიმ მოუწოდა ხელისუფლებას, არ დაუშვან ფასების მატება სხვა საქონელზე. 

75
თემები:
მსოფლიო დღეს (1929)
ბელარუსის ცესკო

ბელარუსში საპრეზიდენტო არჩევნები შედგა: კენჭისყრაში ამომრჩეველთა 54%–მა მიიღო მონაწილეობა

42
(განახლებულია 17:26 09.08.2020)
პირველად ისტორიაში, ბელარუსის მოქალაქეებს კენჭისყრაში მონაწილეობა და პრეზიდენტის არჩევა საქართველოშიც შეუძლიათ

თბილისი, 9 აგვისტო - Sputnik. ბელარუსის საპრეზიდენტო არჩევნები შედგა, განაცხადა ქვეყნის ცესკოს თავმჯდომარე ლიდია ერმოშინამ.

„კენჭისყრაში ამომრჩეველთა 54%–მა მიიღო მონაწილეობა“, – აღნიშნა მან.

9 აგვისტოს საარჩევნო უბნები 08:00 საათიდან გაიხსნა და 20:00 საათზე დაიხურება, რის შემდეგაც ხმების დათვლის პროცესი დაიწყება. 

საარჩევნო კამპანიის პერიოდში 5767 საარჩევნო უბანი შეიქმნა, მათგან 44 უცხოეთში, რომლებიც 36 ქვეყანაში ბელარუსის საელჩოებსა და გენერალურ საკონსულოებში მუშაობენ.

არჩევნების სავარაუდო შედეგები 10 აგვისტოს დილით გახდება ცნობილი.

9 აგვისტოს ძირითადი კენჭისყრა მიმდინარეობს. ამასთან, 4 აგვისტოდან მოქალაქეებს შეეძლოთ ხმა ვადაზე ადრე მიეცათ. ცესკოს ბოლო მონაცემებით, ამომრჩევლის აქტივობამ ვადამდელ არჩევნებზე 41,7%% შეადგინა.

არჩევნებში ხუთი კანდიდატი მონაწილეობს: ალექსანდრ ლუკაშენკო – მოქმედი პრეზიდენტი, კენჭს იყრის მეექვსედ, ასევე ანა კანოპაცკაია, ანდრეი დმიტრიევი, სერგეი ჩერეჩენი, სვეტლანა ტიხანოვსკაია.

საქართველოში ბელარუსის მოქალაქეებს საკუთარი პოზიციის დაფიქსირება ქვეყნის საელჩოს შენობაში შეუძლიათ.

42
თემები:
მსოფლიო დღეს (1929)
ლეონარდო და ვინჩის ნახატი „სამყაროს მხსნელი“

მსოფლიოს უძვირესი ნახატი შესაძლოა და ვინჩის არ ეკუთვნოდეს: სახელდება დაშვებული შეცდომები

88
(განახლებულია 15:05 09.08.2020)
„სამყაროს მხსნელი“ Christie’s–ის აუქციონზე 2017 წელს გაიყიდა 450 მლნ დოლარად და სავარაუდოდ, ის საუდის არაბეთის პრინცმა შეიძინა

თბილისი, 9 აგვისტო — Sputnik. ფრანგ ისტორიკოსსა და ხელოვნებათმცოდნე ჟაკ ფრანკს ეჭვი აქვს, რომ მსოფლიოს ყველაზე ძვირადღირებული ნახატი „სამყაროს მხსნელი“ (Salvator Mundi) სინამდვილეში ლეონარდო და ვინჩის ყალამს არ ეკუთვნის, წერს Daily Mail–ი.

ფრანკის აზრით, ნახატი,  რომელზეც იესო ქრისტეა გამოსახული და რომელიც 2017 წელს 450 მლნ დოლარად გაიყიდა, არა თავად და ვინჩის, არამედ მისი მოსწავლეების ნამუშევარია.

​საკუთარი ტეორიის დასტურად ისტორიკოსი არაერთ ანატომიურ შეცდომას ასახელებს, რომლებიც ნახატზეა დაშვებული. მისი თქმით,  ქრისტეს ცხვირი ძალიან თხელია და გრძელი, ყელზე ჩრდილები არ შეესაბამება განათებას, ხოლო თმები ხელოვნურს მიაგავს. ლეონარდო და ვინჩის კი, რომელსაც გამოწვლილვით ჰქონდა შესწავლილი ადამიანის სხეულის პროპორციები, ასეთი შეცდომების დაშვება არაფრით არ შეეძლო.

გარდა ამისა, ჟაკ ფრანკი დარწმუნებულია, რომ ქრისტეს ხელებს, რომლებიც „ძალიან ბავშვურად“ გამოიყურება, და ვინჩი ასე არ დახატავდა.

ხელოვნებათმცოდნის აზრით, „სამყაროს მხსნელის“ ნამდვილი ავტორები აღორძინების ეპოქის ტიტანის, ლეონარდო და ვინჩის ორი მოწაფე — ვინმე სალაი და ბალტრაფიო არიან.

მართალია, ექსპერტების უმეტესობა არ იზიარებს ფრანგი ისტორიკოსის შეხედულებებს, მაგრამ ხელოვნებათმცოდნე მაიკლ დელი ნაწილობრივ ეთანხმება მას.

„ამ სურათის ავტორის განსაზღვრისას ერთ–ერთი უმთავრესი პრობლემა — ეს ქრისტეს ხელებია, რომლებიც არ შეიძლებოდა, ლეონარდოს დაეხატა. ხოლო როცა ნახატზე ერთ საეჭვო დეტალს აღმოაჩენ, მერე, როგორც წესი, ისტორიის სრულად გადახედვა გიწევს“, — ამბობს დელი.

„სამყაროს მხსნელი“ Christie’s–ის აუქციონზე გაიყიდა ნიუ–იორკში. სავარაუდოდ ის საუდის არაბეთის პრინცმა მოჰამედ ბინ სალმანმა შეიძინა და საკუთარ იახტაზე ინახავს.

 

88
თემები:
მსოფლიო დღეს (1929)
იოდი

იოდის ბადე მარტივი, იაფი და ეფექტური

0
(განახლებულია 15:21 09.08.2020)
იოდის ბადე მრავალი დაავადების განკურნებაში გვეხმარება. მისი გაკეთება მარტივია, იაფიც გვიჯდება და თან - შედეგიც ეფექტურია. ამისთვის მხოლოდ იოდი და ბამბის ჩხირებია საჭირო.

იოდი ძირითადად გამოიყენება ჭრილობების, ნაკაწრების, ანთების, დაზიანებების, ორგანიზმში იოდის ნაკლებობის დროს.

რატომ მაინც და მაინც ბადე?

იოდის ბადე ბაქტერიებს ერთმანეთისგან აცალკევებს და ასეთ მდგომარეობაში ისინი უფრო სწრაფად იხოცებიან.

იოდი არა მარტო ხოცავს ბაქტერიებს, არამედ ის ჩვენი ორგანიზმისთვის აუცილებელ ელემენტს წარმოადგენს — თუნდაც მიკროსკოპული დოზით. ის პირდაპირ აგებს პასუხს ჩვენი ფარისებრი ჯირკვლის მუშაობაზე. იოდი საკმარისი რაოდენობით უნდა იყოს ორსული ქალის ორგანიზმში, რათა ბავშვი ნორმალურად განვითარდეს.

იოდის ბადე ორგანიზმში იოდის დონის იდენტიფიცირების საშუალებას იძლევა. ამისთვის ჩაატარეთ ცდა: გაიკეთეთ იოდის ბადე ფეხის შიდა მხარეს, შემდეგ დააკვირდით — თუ ორგანიზმმა ბადე 4 საათზე ნაკლებ დროში შეიწოვა, ეს ნიშნავს, რომ სერიოზული პრობლემა გაქვთ; თუ ამას ხუთი და მეტი საათი მოუნდა, ორგანიზმს იოდის უკმარისობა აქვს და მისი კომპენსირებაა საჭირო.

ნახეთქები ქუსლზე: მიზეზები და მოშორების ხერხები>>

იოდის მიღება საკვების მეშვეობით შეიძლება. მას შეიცავს ზღვის კომბოსტო, იოდირებული მარილი, თევზის ცხიმი და, ზოგადად, ზღვის პროდუქტები, ასევე კომბოსტო, ბანანი, ლიმონი, ყურძენი, ტკბილი წიწაკა.

თუ ბადე 24 საათი არ შეიწოვა, ე.ი. იოდის ნორმალური შემცველობა გაქვთ.

იოდის ბადე ასევე შველის ხველებას, მაგრამ იოდით მკურნალობა მაშინ შეიძლება, თუ სხეულის ტემპერატურა 38 გრადუსს არ აღემატება. ბადე პირდაპირ ყელზე ან მკერდზე გაიკეთეთ, თუმცა, უცბად არა — შეამოწმეთ, რომ კანზე რაიმე ალერგიული რეაქცია არ გაჩნდეს (დაელოდეთ დაახლოებით 10-15 წუთი).

იოდის ბადე ეხმარება სურდოსაც — ცხვირზე წვრილი ბადე გაიკეთეთ.

გაციებისას ასევე შველის ბადის გაკეთება ფეხის კანჭსა და ტერფზე. გაფრთხილდით — იოდმა შეიძლება კანი დაწვას.

დაზიანებისას იოდის ბადე მაშინვე არ უნდა გაიკეთოთ — მხოლოდ 24 საათის შემდეგ, რაც დაზიანებულ ადგილზე დაიდებთ კომპრესს; როდესაც შეშუპება დაცხრება, შეგიძლიათ გაიკეთოთ იოდის ბადე.

ფეხის აბაზანა სულ ორი ინგრედიენტისგან და საოცარი შედეგი>>

იოდის ბადე ფართოდ გამოიყენება კისრის, ბეჭების, წელის ტკივილისას.

ამგვარად, იოდის ბადე მრავალმხრივ შეიძლება გამოვიყენოთ. თანაც, ეს ძალიან იაფი და მოსახერხებელია.

0
თემები:
სასარგებლო რჩევები