ცენტრალური აზიის სახელმწოფოთა საგარეო საქმეთა მინისტრების შეხვედრა

ტაშკენტში ცენტრალური აზიის რესპუბლიკების საგარეო საქმეთა მინისტრები შეხვდნენ

36
(განახლებულია 19:47 15.11.2019)
დიპლომატები იმსჯელებენ რეგიონში შემდგომი თანამშრომლობის პერსპექტივაზე და ასევე დაასრულებენ ცენტრალური აზიის ლიდერთა არაფორმალური სამიტისთვის დოკუმენტებზე მუშაობას.

თბილისი, 15 ნოემბერი — Sputnik. უზბეკეთის დედაქალაქში ცენტრალური აზიის საგარეო საქმეთა მინისტრების შეხვედრა მიმდინარეობს, რომელზეც საგარეო უწყებების პირველი პირები ცენტრალური აზიის ლიდერთა არაფორმალური სამიტის დღის წესრიგზე მსჯელობენ, იუწყება „Sputnik–უზბეკეთი“.

მინისტერიალი უზბეკეთის საგარეო საქმეთა მინისტრმა აბდულაზიზ კამილოვმა გახსნა, რომელმაც დააზუსტა, რომ პრეზიდენტების შეხვედრა ტაშკენტში 29 ნოემბერს გაიმართება. დიპლომატის თქმით, ღონისძიების მიზანია – დასრულდეს სამიტზე განსახილველი დოკუმენტების მომზადება.

ცენტრალური აზიის სახელმწიფოთა ლიდერების პირველი საკუნსულტაციო შეხვედრა, რომელიც უზბეკეთის პრეზიდენტ შავკატ მირზიოევის ინიციატივით მოეწყო, 2018 წლის მარტში შედგა ყაზახეთის დედაქალაქში. მეორე სამიტის ჩატარება ტაშკენტში 2019 წელს იგეგმებოდა, მაგრამ მისი ჩატარება უზბეკეთის მხარის დატვირთული გრაფიკის გამო ვერ მოხერხდა.

36
თემები:
მსოფლიო დღეს (1918)
შესაწვავად გამზადებული სტეიკის ნაჭერი

შესაწვავად გამზადებული ხორცი „გაცოცხლდა“: თვითმხილველის ვიდეომ იუზერები შეაშინა

71
(განახლებულია 16:14 06.08.2020)
სოციალური ქსელით გავრცელდა ვიდეო, რომელმაც სერიოზულად შეაშინა როგორც მისი ავტორი, ისე „ტვიტერის“ მილიონობით მომხმარებელი

თბილისი, 6 აგვისტო ― Sputnik. ვიდეორგოლი, რომელზეც ჩანს, როგორ „ცოცხლდება“ საჭრელ დაფაზე დადებული ხორცის ნაჭერი, პოპულარობას იკრებს სოციალურ ქსელებში.

აღნიშნული კადრები Twitter–ზე მომხმარებელმა Yo! Artist–მა გამოაქვეყნა.

​ვიდეო თან ახლავს ავტორის განმარტება, რომ დედამისს ხორცის მომზადება უნდოდა, მაგრამ ნაჭერმა მოულოდნელად პულსირება დაიწყო და ისე შეაშინა ქალი, რომ საერთოდ გადაიფიქრა კერძის გაკეთება.

ვიდეომ ბევრი იუზერი სერიოზულად დააფრთხო, თუმცა რამდენიმემ მაინც მოუძებნა გონივრული ახსნა მომხდარს.

„მთელი საქმე ნერვულ დაბოლოებებშია, რომლებიც გარკვეული ხნის განმავლობაში აგრძელებს ფუნქციონირებას ახალ უმ ხორცში“, — წერდნენ ისინი.

ამ დროისათვის ვიდეოს მილიონამდე ნახვა და 14 ათასზე მეტი გაზიარება აქვს.

 

71
თემები:
მსოფლიო დღეს (1918)
მოხუცი მამაკაცი

ვინ ბერდება უფრო სწრაფად: მეცნიერებმა პირდაპირი კავშირი დაადგინეს

80
(განახლებულია 12:38 06.08.2020)
სტენფორდელმა და ჰარვარდელმა მეცნიერებმა განიხილეს ბავშვობაში არახელსაყრელი გარემოების კატეგორიები: სასტიკი მოპყრობა, ძალადობა, სიღარიბე და ასევე მზრუნველობის არარსებობა

თბილისი, 6 აგვისტო ― Sputnik. ადამიანები, რომლებზეც ბავშვობაში ძალადობდნენ, მიდრეკილები არიან არა მარტო ფსიქონევროლოგიური აშლილობების, არამედ სხვა დაავადებებისადმიც — დიაბეტისა და კიბოს ჩათვლით, ნათქვამია სტენფორდისა და ჰარვარდის მკვლევართა შრომაში, რომელიც ამერიკელ ფსიქოლოგთა ასოციაციის საიტზეა გამოქვეყნებული.

მეცნიერები ხაზს უსვამენ, რომ, გარდა ზემოთ ნახსენები დაავადებებისა, ბავშვობაში ძალადობას პირდაპირი კავშირი აქვს დაბერების პროცესის სიჩქარესთან.

მეცნიერთა კვლევამ აჩვენა, რომ სასტიკი მოპყრობის ან ძალადობის მსხვერპლ ბავშვებში ბილოგიური დაბერების ნიშნები უფრო სწრაფად იჩენს თავს, ვიდრე მათში, ვინც მსგავს პრობლემას არ შეჯახებია.

ნაშრომში სტენფორდელი და ჰარვარდელი სწავლულები ბიოლოგიური დაბერების სამ ნიშანს ააანალიზებენ: ადრეული სქესობრივი მომწიფებას, უჯრედულ სიბერესა და ცვლილებებს ტვინის სტრუქტურაში. ირკვევა, რომ ეგრეთ წოდებული საბავშვო ტრავმის შედეგები სამივე ნიშანთან პირდაპირ კავშირშია.

„ჩვენი კვლევები აჩვენებს, რომ ძალადობის გამოცდილებას შეუძლია ორგანიზმის ბიოლოგიურ დონეზე დაბერების დაჩქარება“, — აცხადებს ნაშრომის თანაავტორი, პროფესორი კეტ მაკლაფლინი.

მეცნიერებმა დაახლოებით 80 კვლევა შეისწავლეს, რომლებშიც 116 ათას ადამიანს ჰქონდა მონაწილეობა მიღებული. ამასთან მათ ცალკე განიხილეს ბავშვობაში არახელსაყრელი გარემოების კატეგორიები: სასტიკი მოპყრობა, ძალადობა, სიღარიბე და ასევე მზრუნველობის არარსებობა.

დადგინდა, რა უნდა შეერიოს პლაზმას ორგანიზმის გასაახალგაზრდავებლად – სენსაციური კვლევა>>

მეცნიერებმა დაადგინეს, რომ ისინი, ვისაც ბავშვობაში სასტიკად ეპყრობოდნენ ან ძალადობა ჰქონდათ გადატანილი, უფრო სწარაფად აღწევდნენ სექსუალურ სიმწიფეს და ამასთან ჰქონდათ დაჩქარებული დაბერების ნიშნები უჯრედულ დონეზე. ხოლო მათ, ვინც ღარიბ ოჯახში იზრდებოდა ან ვისზეც მშობლები არ ზრუნავდნენ, ადრეული დაბერების ნიშნები არ გამოვლენიათ.

 

 

80
თემები:
მსოფლიო და მეცნიერება
პროკურატურა

სიმართლის საძებნელად ქუჩაში: ბაჩალიაშვილის დედამ შიმშილობა დაიწყო

0
თამარ ბაჩალიაშვილის ოჯახს თვითმკვლელობის ვერსიის არ სჯერა, რაზეც გამოძიება მიუთითებს და საქმეში FBI–ის ჩართვას მოითხოვს

თბილისი, 6 აგვისტო  — Sputnik.  შინაგან საქმეთა სამინისტროს განცხადებით აღშფოთებულმა 23 წლის თამარ ბაჩალიაშვილის დედამ, თეონა თამაზაშვილმა საქართველოს პროკურატურის შენობასთან შიმშილობა დაიწყო, იუწყება საზოგადოებრივი მაუწყებლის პირველი არხი.

23 წლის თამარ ბაჩალიაშვილი ხუთი დღის ძებნის შემდეგ თეთრიწყაროს რაიონში, საკუთარ ავტომობილში გარდაცვლილი იპოვეს. ის სახლიდან 18 ივლისს გავიდა და უკან აღარ დაბრუნებულა. გუშინ შსს–მ გოგონას კუთვნილი ნოუთბუქის ექსპერტიზის შედეგები გაასაჯაროვა, რომლის თანახმადაც გოგონა სუიციდზე ფიქრობდა და თვითმკვლელობის მეთოდების შესახებ ინფორმაციას ეძებდა.

„მე არ მჯერა შინაგან საქმეთა სამინისტროს განცხადების. კიდევ ერთხელ დავრწმუნდი, რომ ისინი იტყუებიან. ახლა დარბიან და ღამეები არ სძინავთ იმაზე ფიქრში, კიდევ რა ამოქექონ, რომ თვითმკვლელობის ვერსია დაადასტურონ. ჩემი შვილის მკვლელობაში ისინი თავად არიან ჩართული. მე აქ მოვედი რომ გითხრათ, მივმართავ რადიკალურ ზომას და შიმშილობას ვიწყებ“, – განაცხადა თამაზაშვილმა. 

მან ასევე მოთხოვა საქართველოს გენერალურ პროკურორ ირაკლი შოთაძესთან შეხვედრა, რომელიც შვილმკვდარ დედას შეხვედრაზე დათანხმდა.

გოგონას გარდაცვალების საქმეში ახალი მოწმე გამოჩნდა – ვინმე ბაჩანა ლობჟანიძე, რომელიც საკუთარ თავს თამარ ბაჩალიაშვილის შეყვარებულს უწოდებს.

როგორც მან განაცხადა, სხვა ახალგაზრდა მამაკაცის ვინმე მიშო იაკობიძის  Instagram –სტორიში მიმოწერის სქრინი დაინახა, რომელშიც ბაჩალიაშვილი ამბობს, რომ მათ კარგი ურთიერთობა ჰქონდათ, მაგრამ მას ურთიერთობის გაგრძელება აღარ სურს. გარდა ამისა, ლობჟანიძე ამტკიცებს, რომ იაკობიძე გოგონას მისი გაუჩინარების შემდეგ ეძებდა.

ბაჩალიაშვილის ოჯახს არ სჯერა, რომ ლობჟანიძე მათი ქალიშვილის შეყვარებული იყო და მას „შსს–გან ჩანერგილი“ უწოდეს.

ბაჩალიაშვილის საქმის გამოძიება ორი მუხლით მიმდინარეობს –  „თავისუფლების უკანონო აღკვეთა“ და  „თვითმკვლელობამდე მიყვანა“.

0