რეჯეფ ერდოღანი და  დონალდ ტრამპი

სკანდალური წერილი: ერდოღანმა ტრამპს „უკმეხი“ გზავნილი უკან დაუბრუნა

92
(განახლებულია 15:10 14.11.2019)
ოქტომბრის დასაწყისში ტრამპმა ერდოღანს გაუგზავნა წერილი მოთხოვნით – „შეშვებოდა სისულელეებს“ და „არ დაეღალატებინა მსოფლიო სირიაში ოპერაციით“.

თბილისი, 14 ნოემბერი — Sputnik. თურქეთის პრეზიდენტმა რეჯეფ თაიიფ ერდოღანმა განაცხადა, რომ აშშ-ის ლიდერს დონალდ ტრამპს უკან დაუბრუნა მისი უკმეხი წერილი ვაშინგტონში გამართული მოლაპარაკებებისას, იუწყება საინფორმაციო სააგენტო РИА Новости. 

ოქტომბრის დასაწყისში ტრამპმა ერდოღანს გაუგზავნა წერილი მოთხოვნით – „შეშვებოდა სისულელეებს“ და „არ დაეღალატებინა მსოფლიო სირიაში ოპერაციით“.

„ეს წერილი უკან დავუბრუნე პატივცემულ პრეზიდენტს“, — განაცხადა ერდოღანმა ამერიკელ კოლეგასთან ერთობლივ პრესკონფერენციაზე ვაშინგტონში.

13 ნოემბერს გაზეთმა Washington Post-მა გაავრცელა ინფორმაცია, რომ აშშ-ის ლიდერმა თურქეთის ლიდერს 100 მლრდ დოლარის სავაჭრო გარიგება შესთავაზა.

თურქეთმა 9 ოქტომბერს სირიის ჩრდილოეთში სამხედრო ოპერაცია „მშვიდობის წყარო“ წამოიწყო ქურთული რაზმების წინააღმდეგ. 17 ოქტომბერს აშშ და თურქეთი ოპერაციის 120 საათით შეჩერებასა და ქურთული ფორმირებების თურქეთ-სირიის საზღვარზე 30-კილომეტრიანი ბუფერული ზონიდან გაყვანის თაობაზე შეთანხმდნენ. ამ ზონის გაკონტროლებას ანკარა თავად აპირებს.

 

92
თემები:
მსოფლიო დღეს (1933)
არჩევნები ბელარუსში

ბელარუსის საპრეზიდენტო არჩევნები ცნობილია ცესკოს წინასწარი მონაცემები

28
(განახლებულია 10:35 10.08.2020)
ბელარუსის საარჩევნო უბნებზე გამოცხადდა 5 მილიონ 790 ათასი ადამიანი. სულ გამოცხადდა ამომრჩევლების 84,23%

თბილისი, 10 აგვისტო - Sputnik. ბელარუსის მოქმედ პრეზიდენტს ალექსანდრ ლუკაშენკოს საპრეზიდენტო არჩევნებზე, სავარაუდოდ, ხმების 80,23% აქვს, განაცხადა ბელარუსის ცესკოს თავმჯდომარე ლიდია ერმოშინამ.

„მას ხმა მისცა 4 მილიონ 652 ათასმა ადამიანმა“, – განაცხადა მან ბრიფინგზე.

საარჩევნო უბნებზე სულ გამოცხადდა 5 მილიონ 790 ათასი ადამიანი. სულ გამოცხადდა ამომრჩევლების 84,23%, აღნიშნა ერმოშინამ.

არჩევნები გუშინ გაიმართა. შედეგებით მეორე ადგილზეა სვეტლანა ტიხანოვსკაია – 9,9%.

ვითარება ბელარუსის დედაქალაქსა და სხვა ქალაქებში დაძაბულია – კენჭისყრის შედეგებით უკმაყოფილო ორგანიზაციები და მოქალაქეები ქუჩებში გამოვიდნენ. ხალხის დასაშლელად ძალოვანმა სტრუქტურებმა ხმოვანი ყუმბარები და ცრემლსადენი გაზი გამოიყენეს.

28
თემები:
მსოფლიო დღეს (1933)
ექიმები დამცავი ნიღბებით სეულში

კორონავირუსი მსოფლიოში 10 აგვისტოს მონაცემები

32
(განახლებულია 10:57 10.08.2020)
მსოფლიოში კორონავირუსით ინფიცირებულების რაოდენობა იზრდება. მხოლოდ ბოლო დღე–ღამეში ინფიცირებულთა რაოდენობა 273 552–ით გაიზარდა, გარდაიცვალა 6 207 ადამიანი

თბილისი, 10 აგვისტო – Sputnik. მთელ მსოფლიოში ახალი ტიპის კორონავირუსით ინფიცირებულთა რაოდენობამ 10 აგვისტოს დილისთვის 19 462 112 ადამიანი შეადგინა, გარდაიცვალა 722 285, ნათქვამია ჯანდაცვის მსოფლიო ორგანიზაციის (ჯანმო) ვებ–გვერდზე.

ბილ გეიტსი: ეკოლოგიური კატასტროფა კორონავირუსზე საშინელი იქნება>>

ყველაზე მეტი შემთხვევა დაფიქსირდა ჩრდილოეთ და სამხრეთ ამერიკაში – 10 447 261ადამიანი, მას მოსდევს ევროპა – 3 562 274. ბოლო დღე-ღამეში მსოფლიოში 273 552 ახალი შემთხვევა დაფიქსირდა, გარდაიცვალა 6 207 ადამიანი.

ამავე დროს, ჯონს ჰოპკინსის უნივერსიტეტის მონაცემებით, გამოვლენილია კორონავირუსის 19 792 519  შემთხვევა და გარდაცვლილია 730 089 ადამიანი.

საქართველოში, ბოლო ოფიციალური მონაცემებით, კორონავირუსით ინფიცირებულია 1250 ადამიანი, გამოჯანმრთელდა 1010, გარდაიცვალა 17 პაციენტი.

კორონავირუსის პირველი შემთხვევა საქართველოში 26 თებერვალს დაფიქსირდა.

ჯანმომ კორონავირუსის პანდემიის შესახებ 2020 წლის 11 მარტს გამოაცხადა.

32
თემები:
COVID-19-ის პანდემია მსოფლიოში
თბილისი

როგორი ამინდი იქნება თბილისში 12 აგვისტოს

0
(განახლებულია 10:15 10.08.2020)
დედაქალაქში ოთხშაბათს ძირითადად მზიანი ამინდი იქნება, მაგრამ მოსალოდნელია წვიმაც. დღისით ჰაერი 32 გრადუსამდე მოიმატებს

თბილისი, 10 აგვისტო - Sputnik. სინოპტიკოსების პროგნოზით თბილისში ოთხშაბათს, 12 აგვისტოს უპირატესად მზიანი ამინდია მოსალოდნელი, თუმცა შესაძლებელია ხანმოკლე წვიმა ელჭექით.

ჰაერის ტემპერატურა ღამით იქნება +22, ხოლო დღისით +32 გრადუსი.

ქარი 10–15 მეტრი წამში სიჩქარით დაუბერავს.

მზე 06:06 საათზე ამოვა და 20:04 საათზე ჩავა.

0
თემები:
ამინდის ზუსტი პროგნოზი თბილისში