კაფე იტალიის პატარა ქალაქში

იტალიის ქალაქში სახლები და ფული ჩუქდება: კამარატა მსურველებს ელოდება

1919
(განახლებულია 15:48 07.11.2019)
პალერმოდან ნახევარი საათის სავალზე მდებარე ქალაქში დასახლების მსურველთა შორის უპირატესობა მიენიჭება ახალგაზრდა, ბავშვიან ოჯახებს, რომლებსაც, გარდა სახლისა, საჩუქრად კიდევ 1000 ევრო გადაეცემათ.
1919
თემები:
მსოფლიო დღეს (1679)
რუსეთის საგარეო საქმეთა სამინისტრო

რუსეთის საგარეო უწყება:ჟურნალისტები არ უნდა გახდნენ აშშ-ის პოლიციის თავგასულობის ობიექტები

6
მედიის წარმომადგენლის მიმართ აღმაშფოთებელ და კანონსაწინააღმდეგო სისასტიკეს ადგილი ჰქონდა თეთრი სახლის კედლებთან, განაცხადეს საგარეო საქმეთა სამინისტროში

თბილისი, 3 ივნისი - Sputnik. ვაშინგტონში თეთრი სახლის კედლებთან საპროტესტო აქციის გაშუქებისას Sputnik-ის პროდიუსერის, ნიკოლ რუსელის მიმართ პოლიციის განზრახ სასტიკ მოპყრობას მოსკოვი განიხილავს როგორც არამეგობრულ ნაბიჯს აშშ-ის მხრიდან და ჟურნალისტების უსაფრთხოების უზრუნველსაყოფად საერთაშორისო ვალდებულებების აღმაშფოთებელ დარღვევას, ნათქვამია საგარეო საქმეთა სამინისტროს განცხადებაში.

ორშაბათს, 1 ივნისს, Sputnik-ის პროდიუსერი ნიკოლ რუსელი დაშავდა თეთრ სახლთან პროტესტების გაშუქებისას, მიუხედავად იმისა, რომ ჟურნალისტმა არაერთხელ გაიმეორა, რომ პრესის წარმომადგენელია და ეკეთა პრეს-ბარათი, პოლიციელებმა მას რეზინის ტყვიები ესროლეს.

„აღშფოთებული ვართ დაუსრულებელი ძალადობით, რომელსაც იყენებენ ამერიკელი სამართალდამცველები საერთაშორისო პრესის, მათ შორის რუსულის მიმართ, რომელიც აშშ-ში საპროტესტო აქციებს აშუქებს. განზრახ სასტიკ მიპყრობას, რომელიც მიმდინარე წლის 1 ივნისს განხორციელდა საინფორმაციო სააგენტო Sputnik-ის პროდიუსერის, ნიკოლ რუსელის მიმართ, ვაფასებთ როგორც არამეგობრულ ნაბიჯს აშშ-ის ხელისუფლების მხრიდან და მათი მხრიდან ჟურნალისტების უსაფრთხოების და მათი შეუფერხებელი საქმიანობის უზრუნველსაყოფად საერთაშორისო-სამართლებრივი ვალდებულებების აღმაშფოთებელ დარღვევას“, - ნათქვამია საგარეო საქმეთა სამინისტროს განცხადებაში.

„მიუხედავად იმისა, რომ კორესპონდენტმა წარადგინა პრეს-ბარათი და არაერთხელ განამარტა, რომ მედიის წარმომადგენელია, მას ესროლეს რეზინის ტყვიები, ასევე დემონსტრანტების დასაშლელად არსებული სპეციალური ხელყუმბარა. შედეგად Sputnik-ის პროდიუსერმა მიიღო მრავალრიცხოვანი ტრავმები, მათ შორის ცეცხლსასროლი ჭრილობა. თუმცა ამაზე ამერიკელი „მართლწესრიგის მსახურები“ არ შეჩერდნენ: ერთ-ერთმა პოლიციელმა ის წააქცია და ფეხებით გადათელა“, - ხაზგასმით აღნიშნეს რუსეთის საგარეო უწყებაში.

ნგრევა, არეულობა და მასობრივი პროტესტი: რა ხდება აშშ-ში – ფოტო >>

სამინისტროში აღნიშნეს, რომ „პარადოქსულია, მაგრამ ამ აღმაშფოთებელ და უკანონო სისასტიკეს მედიის წარმომადგენლის მიმართ, რომელიც ნებისმიერი დემოკრატიული საზოგადოების გარანტია, ადგილი ჰქონდა თეთრი სახლის კედლებთან, რომელიც ამერიკას როგორც დემოკრატიის ეტალონს პოზიციონირებს“.

6
თემები:
მსოფლიო დღეს (1679)
პროტესტები ნიუ-იორკში

ტრამპმა კუომოს უსაყვედურა, საკუთარ თავს კი მადლობა გადაუხადა

54
პროტესტების მეშვიდე დღეს აშშ-ის ქალაქები გაივსო მაროდიორებით, რომლებმაც გაძარცვეს ტექნიკის და ტანსაცმლის მაღაზიები, დაწვეს მანქანები და შენობები

თბილისი, 1 ივნისი - Sputnik. აშშ-ის პრეზიდენტმა დონალდ ტრამპმა ნიუ-იორკის შტატის ხელისუფლებას მოუწოდა პროტესტების ჩასახშობად ეროვნული გვარდია გამოიყენოს.

„გუშინ ცუდი დღე იყო ძმებ კუომოებისთვის (შტატის გუბერნატორი ენდრიუ და მისი ძმა, CNN-ის ჟურნალისტი კრისი - რედ.). ნიუ-იორკი დაუტოვეს მაროდიორებს, ავაზაკებს, რადიკალ მემარცხენეებს და სხვა ნაძირლებსა და ნაგავს. გუბერნატორი უარს აცხადებს მიიღოს ჩემი წინადადება ეროვნული გვარდიის მიერ არეულობების ჩახშობის შესახებ. ნიუ-იორკი ნაწილ-ნაწილ დაგლიჯეს“, - დაწერა ტრამპმა Twitter-ში.

მომდევნო ტვიტში პრეზიდენტმა განაცხადა, რომ „ნაძირლები და ლუზერები“ შტატს ნაწილებად გლეჯენ და გუბერნატორს სწრაფი მოქმედებისკენ მოუწოდა.

ტრამპმა ასევე შეაქო ძალოვანები და გასულ ღამეს პროტესტების ჩახშობისთვის მადლობა საკუთარ თავს გადაუხადა.

„გასულ ღამეს ვაშინგტონში პრობლემები არ ყოფილა. ბევრი დაპატიმრება განხორციელდა. ყველამ შესანიშნავად შეასრულა თავისი საქმე. დიდი ძალები იყო მობილიზებული. ასევე მინეაპოლისიც შესანიშნავი იყო. (მადლობა პრეზიდენტ ტრამპს)“ , - დაწერა პრეზიდენტმა შემდეგ ტვიტში.

ამჟამად ნიუ-იორკში ორშაბათიდან კომენდანტის საათი დაწესდა, რომელიც არეულობების გამო კვირამდე გაგრძელდება. გასულ ღამეს მომიტინგეებმა არ დაიცვეს კომენდანტის საათი. 23:00 საათის შემდეგ, კომენდანტის საათის დადგომის შემდეგ, ქუჩებში უამრავი ხალხი იყო.

რა ვითარებაა აშშ-ში

მინეაპოლისში და აშშ-ის სხვა ქალაქებში არეულობა მას შემდეგ დაიწყო, რაც 25 მაისს პოლიციის თანამშრომლებს აფროამერიკელი ჯორჯ ფლოიდი შემოაკვდათ. ინტერნეტით გავრცელებულ ვიდეოში ჩანს, რომ ხელბორკილიანი მამაკაცი ასფალტზე წევს, ხოლო პოლიციელი კისერზე მუხლით ებჯინება. დაკავებული რამდენჯერმე იმეორებს, რომ სუნთქვა და მოძრაობა უჭირს, შემდეგ კი ლაპარაკს წყვეტს. მოგვიანებით ის რეანიმაციაში გარდაიცვალა. თვითმხილველებმა მომხდარი ვიდეოზე გადაიღეს, რომელიც ქსელში სწრაფად გავრცელდა და საზოგადოებაში აღშფოთების ტალღა გამოიწვია.

მინეაპოლისში დაწყებული პროტესტი დარბევაში გადაიზარდა და სხვა შტატებსაც მოედო. ბოლო მონაცემებით, პოლიციის საწინააღმდეგო საპროტესტო ტალღამ, სულ მცირე, 140 ქალაქი მოიცვა, 29 მაისს კი პროტესტი და შეტაკება პოლიციასთან ვაშინგტონში, თეთრ სახლთან დაიწყო. ათობით ქალაქში კომენდანტის საათი გამოაცხადეს, 20-ზე მეტ შტატში ეროვნული გვარდია ჩაერთო.

თავდაპირველი მშვიდობიანი მსვლელობები ბოლო დღეებში არეულობასა და მაროდიორობაში გადაიზარდა. მაროდიორები ძარცვავენ მაღაზიებს, წვავენ მანქანებს და შენობებს. პრეზიდენტი დაიმუქრა არმიის ამოქმედებით, თუ რომელიმე ქალაქისა თუ შტატის ხელისუფლება უარს იტყვის ისეთი ზომების მიღებაზე, რომლებიც მოსახლეობის სიცოცხლისა და ქონების დასაცავად არის საჭირო. არეულობის მონაწილეების ქმედებებს მან „შინაური ტერორი“ და „დანაშაული კაცობრიობის წინაშე“ უწოდა.

დემონსტრაციების დაწყების შემდეგ სამსახურიდან ოთხი პოლიციელი გაათავისუფლეს, ერთ მათგანს - დერეკ ჩავენს - გაუფრთხილებლობით მკვლელობის ბრალდება წაუყენეს. გამოძიებაში ჩაერთო გამოძიების ფედერალური ბიურო, რომელმაც საქმე პრიორიტეტულად გამოაცხადა. ამჟამად პოლიციის ყოფილი ოფიცერი ჩავენი მინესოტას მკაცრი რეჟიმის ციხეში იმყოფება.

54
თემები:
მსოფლიო დღეს (1679)