არა სიგარეტს!

უჩვეულო მეთოდი მოწევისთვის თავის დასანებებლად: მეცნიერული აღმოჩენა

207
(განახლებულია 18:56 06.11.2019)
იტალიელმა, შვედმა და ამერიკელმა მეცნიერებმა აღმოაჩინეს, რომ მეორე ტიპის დიაბეტის სამკურნალო პრეპარატში შემავალი ერთ-ერთი ნივთიერება ნიკოტინური დამოკიდებულების მძიმე შედეგებს აქრობს.
207
თემები:
მსოფლიო და მეცნიერება (610)
დონალდ ტრამპი

ტრამპი აშშ-ში შესვლაზე შეზღუდვებს აუქმებს, ბაიდენის გუნდი კი ზომების გამკაცრებით იმუქრება

19
(განახლებულია 11:12 19.01.2021)
შეერთებულ შტატებში შენგენის ზონიდან, დიდი ბრიტანეთიდან, ირლანდიიდან, ბრაზილიიდან, ჩინეთიდან და ირანიდან შესვლა 2020 წლის მარტში აიკრძალა

თბილისი, 19 იანვარი — Sputnik. აშშ–ის მოქმედმა პრეზიდენტმა დონალდ ტრამპმა ხელის მოაწერა ბრძანებულებას, რომლის თანახმადაც უქმდება შეზღუდვები ქვეყანაში შესვლაზე, იუწყება CNN–ი თეთრი სახლის პრესსამსახურზე დაყრდნობით.

გამოცემის ცნობით, 26 იანვრიდან შეზღუდვები აღარ შეეხება შენგენის ზონის, დიდი ბრიტანეთის, ირლანდიისა და ბრაზილიის მოქალაქეებს.

„შენგენის ზონიდან, დიდი ბრიტანეთიდან, ირლანდიიდან და ბრაზილიიდან აშშ–ში პირთა შეუზღუდავი შემოსვლა ვეღარ მიაყენებს ზიანს ქვეყნის ინტერესებს“, — ნათქვამია დოკუმენტში.

ამავდროულად დემოკრატიული პარტიის წარმომადგენელმა ჯენ პსაკიმ საკუთარ Twitter–აკაუნტზე დაწერა, რომ ჯო ბაიდენი, რომლის ინაუგურაციაც 20 იანვარს უნდა გაიმართოს, არ დაუშვებს შეზღუდვების მოხსნას.

​როგორც პსაკი აზუსტებს, ბაიდენის ადმინისტრაცია არ აპირებს შეასუსტოს შეზღუდვები საერთაშორისო ავიაგადაზიდვებზე, რომლებიც კორონავირუსის პანდემიის ფონზე დაწესდა.

  • „ბაიდენის ადმინისტრაცია, ჯანდაცვის საკითხებში გუნდის რჩევით, არ აპირებს მოხსნას ეს შეზღუდვები 26 იანვარს. პირიქით, ჩვენ ვაპირებთ გავამკაცროთ ზომები საზოგადოებრივი ჯანდაცვის კუთხით საერთაშორისო მოგზაურობისას, რათა COVID-19–ის გავრცელება შევასუსტოთ“, — წერს პსაკი.

აშშ–ში შენგენის ზონიდან, დიდი ბრიტანეთიდან, ირლანდიიდან, ბრაზილიიდან, ჩინეთიდან და ირანიდან 2020 წლის მარტში აიკრძალა. დონალდ ტრამპის ბრძანებულების თანახმად, შეზღუდვა ძალაში რჩება ირანისა და ჩინეთის შემთხვევაში.

 

19
თემები:
საერთაშორისო პანორამა
რესპირატორი

გერმანია პირბადეებზე უარს ამბობს: სავალდებულო ხდება რესპირატორების ტარება

45
(განახლებულია 10:39 19.01.2021)
გერმანიის გარდა, ინფიცირების გავრცელების თავიდან აცილების ამგვარი მეთოდი ასევე მოქმედებს ავსტრიაშიც

თბილისი, 19 იანვარი — Sputnik. გერმანიის მოსახლეობას უახლოეს მომავალში ჩვეულ სამედიცინო პირბადეებზე უარის თქმა და საზოგადოებრივი თავშეყრის ადგილებში, მაღაზიებსა და ტრანსპორტში დაცვის მაღალი ხარისხის მქონე, FFP2 კლასის რესპირატორების ტარება მოუწევთ, იუწყება The Guardian-ი.

​გავრცელებული ინფორმაციით, ხელისუფლება ამ გზით ამკაცრებს ბრძოლას კორონავირუსულ პანდემიასთან.

აღსანიშნავია, რომ ეს ზომა, რომლის დანერგვაც სურს ხელისუფლებას მთელი ქვეყნის მასშტაბით, უკვე მოქმედებს ბავარიის ფედერალურ მიწაზე.

„24 იანვრამდე ეს ნოვაცია სავალდებულო არ იქნება, მაგრამ ამის შემდეგ მოთხოვნის დარღვევისთვის შესაძლოა სანქციები დაწესდეს“, — წერს გამოცემა.

გარდა გერმანიისა, პირბადეების ნაცვლად რესპირატორების ტარება გადაწყდა ავსტრიაშიც, სადაც ეს ზომა სავალდებულო 25 იანვრიდან გახდება.

 

 

45
თემები:
საერთაშორისო პანორამა
აბანოთუბანი

ამინდის ზუსტი პროგნოზი თბილისში 21 იანვარს

0
(განახლებულია 11:39 19.01.2021)
თბილისელებსა და დედაქალაქის სტუმრებს ხუთშაბათს ზამთრის ცივი ამინდი ელოდებათ – დღისით ჰაერი 2 გრადუსამდე გათბება.

თბილისი, 19 იანვარი — Sputnik. სინოპტიკოსები თბილისში ხუთშაბათს, 21 იანვარს მზიან და უნალექო ამინდს პროგნოზირებენ.

მზე 08:22 საათზე ამოვა და 18:01 საათზე ჩავა.

დღისით ჰაერის მაქსიმალური ტემპერატურა პლუს 2 გრადუსი, ღამით კი მინუს 1 გრადუსი იქნება.

ქარი წამში 10-15 მეტრი სიჩქარით დაუბერავს.

 

0
თემები:
ამინდის ზუსტი პროგნოზი თბილისში