თურქეთის პრეზიდენტი

ოპერაცია „მშვიდობის წყარო“ თურქეთმა სირიაში ომი დაიწყო

1636
(განახლებულია 19:54 09.10.2019)
სირიის სახელმწიფო ტელევიზიის განცხადებით, თურქეთის არმიამ უკვე მიიტანა ავიაიერიში სირიის რამდენიმე ქალაქსა და სოფელზე.

თბილისი, 9 ოქტომბერი — Sputnik. თურქეთის პრეზიდენტმა რეჯეფ თაიიფ ერდოღანმა სირიასთან ომის დაწყების შესახებ განცხადება გააკეთა.

„სირიის ჩრდილოეთში ქურთისტანის მუშათა პარტიისა და „ისლამური სახელმწიფოს“ წინააღმდეგ თურქეთის შეიარაღებული ძალებისა და თავისუფალი სირიის არმიის ერთობლივი ოპერაცია „მშვიდობის წყარო“ დაიწყო. ჩვენი მიზანია ტერორისტული დერეფნის განადგურება, რომლის შექმნასაც ცდილობენ ჩვენს სამხრეთ საზღვრებზე“, – განაცხადა თურქეთის პრეზიდენტმა.

სირიის სახელმწიფო ტელევიზიის განცხადებით, თურქეთის არმიამ უკვე მიიტანა ავიაიერიში სირიის რამდენიმე ქალაქსა და სოფელზე.

ერდოღანმა გასულ კვირაში განაცხადა, რომ სირიის ჩრდილოეთში თურქული ოპერაციის დაწყების შესახებ უახლოეს დღეებში მიიღებდა გადაწყვეტილებას. აღსანიშნავია, რომ ვაშინგტონი არ მონაწილეობს ანკარის სამხედრო ოპერაციაში და ჯარების გაყვანის შესახებ განცხადებაც გააკეთა.

 

1636
თემები:
მსოფლიო დღეს (1684)

აპლოდისმენტები და პროტესტანტების წინაშე მუხლმოყრილი პოლიციელები

105
აშშ-ის ქალაქ დე-მოინის პოლიციის თანამშრომლებმა, რომლებიც საპროტესტო აქციზე უსაფრთხოებას იცავდნენ, დემონსტრანტების აპლოდისმენტების თანხლებით, მუხლი მოიყარეს

ასე გამოხატეს წესრიგის დამცველებმა სოლიდარობა რასიზმისა და უსამართლობის წინააღმდეგ პროტესტანტებისადმი.  

როგორც ქალაქის ადმინისტრაციაში განაცხადეს, აქცია, რომელიც კომენდანტის საათის დაწყებამდე ცოტა ხნით ადრე გაიმართა, მშვიდობიანად დაიშალა.

შეგახსენებთ, რომ მინეაპოლისში პოლიციას 46 წლის აფროამერიკელი ჯორჯ ფლოიდი შემოაკვდა დაკავებისას, რის შემდეგაც საპროტესტო აქციებმა იფეთქა ამერიკის ბევრ ქალაქში. აქციები თანდათან გადაიზარდა მასობრივ არეულობაში.

დემონსტრანტები ითხოვენ სამართლიანობას და ფლოიდის დაკავებაში მონაწილე ყველა პოლიციელის უფრო სერიოზულ პასუხისგებაში მიცემას.

105
პროტესტი აშშ-ში

პენტაგონმა მხარი არ დაუჭირა ტრამპის გეგმას პროტესტის ჩასახშობად არმიის გამოყენების შესახებ

70
კანონი „აჯანყების შესახებ“ არეგულირებს აშშ-ის პრეზიდენტის უფლებამოსილებას, ქვეყნის ტერიტორიაზე განათავსოს ჯარები აჯანყებისა თუ ამბოხის ჩახშობის მიზნით, ახლა გადაწყვეტილებებს შტატების გუბერნატორები იღებენ

თბილისი, 3 ივნისი - Sputnik. პენტაგონის ხელმძღვანელმა მარკ ესპერმა განაცხადა, რომ არ უჭერს მხარს აჯანყების შესახებ კანონის შესაბამისად ჯარის გამოყენებას არეულობის ჩასახშობად, იუწყება The Washington Times.

პრეზიდენტმა დონალდ ტრამპმა ამას წინათ განაცხადა, რომ თუ რომელიმე ქალაქისა თუ შტატის ხელისუფლება მცხოვრებთა სიცოცხლისა და ქონების დასაცავად აუცილებელ ნაბიჯებს არ გადადგამდა, იგი ვითარების განსამუხტად არმიას გამოიყენებდა.

„ჯარის, როგორც სამართალდამცველი ორგანოების გამოყენების ვარიანტი მხოლოდ უკიდურეს შემთხვევაში და მხოლოდ გადაუდებელ და მძიმე სიტუაციაში უნდა განიხილებოდეს. ახლა ჩვენ ასეთ ვითარებაში არ ვართ. მე მხარს არ ვუჭერ აჯანყების შესახებ კანონის გამოყენებას“, - განაცხადა ესპერმა პრესკონფერენციაზე.

აშშ-ში აკრძალულია ჯარის გამოყენება ქვეყნის შიგნით. თუმცა ამის გაკეთების შესაძლებლობას იძლევა შეიარაღებული აჯანყების შესახებ კანონი, მიღებული ჯერ კიდევ 1807 წელს.

ეს კანონი არაერთხელ გამოუყენებიათ მასშტაბური არეულობის ჩასაქრობად, მათ შორის, 1967 წელს დეტროიტში, 1968 წელს ჩიკაგოსა და ბალტიმორში, 1992 წელს ლოს-ანჯელესში.

რა ხდება აშშ-ში

მინეაპოლისსა და აშშ-ის სხვა ქალაქებში არეულობა მას შემდეგ დაიწყო, რაც 25 მაისს პოლიციის თანამშრომლებს აფროამერიკელი ჯორჯ ფლოიდი შემოაკვდათ. ინტერნეტით გავრცელებულ ვიდეოში ჩანს, რომ ხელბორკილიანი მამაკაცი ასფალტზე წევს, ხოლო პოლიციელი კისერზე მუხლით ებჯინება. დაკავებული რამდენჯერმე იმეორებს, რომ სუნთქვა და მოძრაობა უჭირს, შემდეგ კი ლაპარაკს წყვეტს. მოგვიანებით ის რეანიმაციაში გარდაიცვალა.

მინეაპოლისში დაწყებული პროტესტი დარბევაში გადაიზარდა და სხვა შტატებსაც მოედო. ბოლო მონაცემებით, პოლიციის საწინააღმდეგო საპროტესტო ტალღამ, სულ მცირე, 140 ქალაქი მოიცვა, 29 მაისს კი პროტესტი და შეტაკება პოლიციასთან ვაშინგტონში, თეთრ სახლთან დაიწყო.

40 ქალაქში, მათ შორის, ლოს-ანჯელესში, სან-ფრანცისკოში, ბევერლი-ჰილზში, ჩიკაგოში, ორლანდოში, ატლანტაში, დენვერში, დასავლეთ ჰოლივუდში, კომენდანტის საათი გამოაცხადეს.

დემონსტრაციების დაწყების შემდეგ სამსახურიდან ოთხი პოლიციელი გაათავისუფლეს, ერთ მათგანს - დერეკ ჩავენს - გაუფრთხილებლობით მკვლელობის ბრალდება წაუყენეს. გამოძიებაში ჩაერთო გამოძიების ფედერალური ბიურო, რომელმაც საქმე პრიორიტეტულად გამოაცხადა.

ამჟამად პოლიციის ყოფილი ოფიცერი ჩავენი, New York Post-ის მონაცემებით, მინესოტას მკაცრი რეჟიმის ციხეში იმყოფება.

აქტივისტები დანარჩენი სამი პოლიციელის დასჯასაც ითხოვენ, რომლებიც არ ჩაერივნენ მიმდინარე მოვლენებში და ჩავენს ფლოიდის მოკვლის საშუალება მისცეს. მინესოტას გენერალურმა პროკურორმა კიტ ელისონმა განაცხადა, რომ სხვა ბრალდებები შეიძლება „ძალიან მალე“ გამოჩნდეს, თუმცა თარიღი არ დაუზუსტებია.

70
თემები:
მსოფლიო დღეს (1684)
ტესტები

COVID-19 საქართველოში: გამოჯანმრთელებულთა რიცხვი იზრდება

0
(განახლებულია 10:18 04.06.2020)
ამ დროისათვის საქართველოში ახალი კორონავირუსი 801 ადამიანს დაუდგინდა, გამოჯანმრთელდა 644 პაციენტი. პირველი შემთხვევის გამოვლენიდან დღემდე გარდაიცვალა 13 ადამიანი.

თბილისი, 4 ივნისი — Sputnik. საქართველოში COVID-19-სგან ერთ დღე-ღამეში ოთხი პაციენტი გამოჯანმრთელდა, ნათქვამია სამთავრობო ვებ-გვერდზე stopcov.ge.

ამ დროისათვის საქართველოში ახალი კორონავირუსი 801 ადამიანს დაუდგინდა, აქედან 644 გამოჯანმრთელდა. ამგვარად, ქვეყანაში გამოჯანმრთელებული პაციენტების რაოდენობა ამჟამინდელ ინფიცირებულებს ოთხჯერ აჭარბებს. ეპიდემიის დაწყებიდან დღემდე გარდაიცვალა 13 ადამიანი.

კარანტინის რეჟიმში იმყოფება 2424, ხოლო სტაციონარებში დაკვირვების ქვეშ 304 პაციენტია. ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.

საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა, თუმცა ზოგიერთი შეზღუდვა კვლავ დარჩა. ხელისუფლება შეზღუდვებს ეტაპობრივად ხსნის.

0
თემები:
COVID-19 საქართველოში