ხილის ნატურმორტი

მეცნიერებმა დაადგინეს, რა პროდუქტები უნდა მიირთვან მწეველებმა კიბოს ასაცილებლად

135
(განახლებულია 14:38 14.08.2019)
Edith Cowan University-ს სწავლულთა მტკიცებით, ეს განსაკუთრებით საყურადღებო ინფორმაციაა თამბაქოს მწეველებისა და ასევე სპირტიანი სასმელების მოყვარულებისთვის.
135
თემები:
მსოფლიო და მეცნიერება (419)
ეკატერინე ტიკარაძე

საქართველო სომხეთს კორონავირუსთან ბრძოლაში დახმარებას კიდევ ერთხელ სთავაზობს

73
(განახლებულია 21:28 07.07.2020)
ქართული მხარე მზადაა, სომეხ კოლეგებს იმ საკითხებში დაეხმაროს, სადაც მათ ყველაზე მეტად სჭირდებათ, განაცხადა მინისტრმა.

თბილისი, 7 ივლისი — Sputnik. საქართველო მზადაა, დაეხმაროს სომხეთს კორონავირუსთან ბრძოლაში, განაცხადა საქართველოს ჯანდაცვის მინისტრმა ეკატერინე ტიკარაძემ.

ქართველმა ექიმებმა სომეხ კოლეგებს კორონავირუსთან ბრძოლის გამოცდილება გაუზიარეს>>

საქართველოს მთავრობამ კორონავირუსთან ბრძოლაში, შეზღუდვების დროულად დაწესებისა და მედპერსონალის ორგანიზებულობის წყალობით, დიდ წარმატებებს მიაღწია. ქვეყანაში ინფიცირების პირველი შემთხვევა 26 თებერვალს დაფიქსირდა, დღეისთვის გამოვლენილია ინფიცირების 958 შემთხვევა. აქედან განიკურნა 838 ადამიანი, გარდაიცვალა 15 პაციენტი.

„ჩვენ დამოკიდებული ვართ სომხურ მხარეზე და იმ საჭიროებებზე, რომელ საჭიროებებს დაასახელებენ ისინი. საქართველოს მხარე მზად არის, რომ მეზობელ ქვეყანას გაუწიოს ის დახმარება, რომელიც მათ სჭირდებათ", – განაცხადა ტიკარაძემ.

საქართველომ და სომხეთმა თავიანთი გამოცდილება კორონავირუსის ინფექციასთან ბრძოლის საკითხებში უკვე გაუზიარეს ერთმანეთს ონლაინ-შეხვედრის დროს. უფრო ადრე საქართველოს მთავრობის მეთაურმა განაცხადა, რომ საქართველო მეზობელი ქვეყნის დასახმარებლად სომხეთში მედიკოსებს გაგზავნის.

7 ივლისის მდგომარეობით, სომხეთში გამოვლენილია კორონავირუსის 29 285 შემთხვევა, აქედან გარდაიცვალა 503 ადამიანი.

სომხეთში 16 მარტიდან საგანგებო მდგომარეობა მოქმედებს, რომელიც 13 ივლისამდე გაგრძელდება.

73
თემები:
COVID-19-ის პანდემია მსოფლიოში
ანტონიუ გუტერიში

პესიმისტური სცენარი: გაეროს გენმდივანი პოსტპანდემიური მსოფლიოს ორ ვერსიას ასახელებს

68
(განახლებულია 21:18 07.07.2020)
ანტონიუ გუტერიშის თქმით, ჯერჯერობით რთულია გაგება, რომელი მიმართულებით მოძრაობს მსოფლიო — პესიმისტური სცენარისკენ თუ ოპტიმისტურისკენ.

თბილისი, 7 ივლისი — Sputnik. კორონავირუსის პანდემიის დასრულების შემდეგ მსოფლიოს შემდგომი განვითარების მხოლოდ ორი სცენარი ექნება, რომელთაგან ერთი ფრიად პესიმისტურია, განუცხადა გაეროს გენერალურმა მდივანმა ანტონიუ გუტერიშმა გამოცემა Aftonbladet-ს.

მისი თქმით, COVID-19-ის პანდემიამ კიდევ უფრო გააღრმავა ისედაც რთული მდგომარეობა თანასწორობის მხრივ — როგორც ქვეყნების შიგნით, ისე სახელმწიფოთა შორის.

გუტერიშის სიტყვებით, მიუხედავად იმისა, რომ მომავლის განჭვრეტა შეუძლებელია, ის მხოლოდ ორ სცენარს ხედავს პოსტპანდემიური სამყაროსთვის – პესიმისტურსა და ოპტიმისტურს.

გენერალურმა მდივანმა განმარტა, რომ უარეს შემთხვევაში მსოფლიოს გლობალური დეპრესია ემუქრება, რა დროსაც მნიშვნელოვნად მოიმატებს სეგრეგაციისა და ქსენოფობიის შემთხვევები.

„თუ მოვლენები ამ სცენარით განვითარდება, ჩვენ ვიხილავთ, როგორ იზრდება სეგრეგაცია, პოპულიზმი და ქსენოფობია. თითოეული ქვეყანა ან დამოუკიდებლად იმოქმედებს, ან კოალიციებს შექმნიან კონკრეტულ ამოცანებში თანამშრომლობის მიზნით“, — განაცხადა გუტერიშმა.

ასეთ შემთხვევაში, მისი თქმით, მოსალოდნელი იქნება 5-7 წლით დეპრესიის დადგომა. 

ოპტიმისტური სცენარი კი ეკონომიკების საყოველთაო აღდგენასა და განვითარებადი სახელმწიფოებისთვის დახმარების გაწევას მოიაზრებს.

დაჩიპავს თუ არა მილიარდერი კაცობრიობას: ბილ გეიტსი კომენტარს აკეთებს>>

  • „თუ ასე მოხდა და ეკონომიკა ეტაპობრივად აღდგა, ჩვენ საჭირო მიმართულებით დავიწყებთ მოძრაობას, რათა ორ-სამ წელიწადში რაღაც ხარისხით მაინც დავუბრუნდეთ ნორმალურ მდგომარეობას“, — განაცხადა გაეროს გენერალურმა მდივანმა.

გუტერიშის თქმით, ჯერჯერობით რთულია გაგება, რომელი მიმართულებით მოძრაობს მსოფლიო — პესიმისტური სცენარისკენ თუ ოპტიმისტურისკენ. ამიტომ აუცილებელია ყველაფერი გაკეთდეს უარესთან გასამკლავებლად და ასევე ვემზადოთ უკეთესისთვის.

 

68
თემები:
მსოფლიო დღეს
სასტუმრო Radisson Collection წინანდალში

კახეთში ხუთვარსკვლავიან სასტუმროში ხანძარი გაჩნდა

0
სასწრაფოდ განახორციელეს სასტუმროს სტუმრებისა და პერსონალის ევაკუაცია. მეხანძრეები ამ ეტაპზე ცეცხლის სალიკვიდაციო სამუშაოებს ასრულებენ

თბილისი, 8 ივლისი – Sputnik. ხანძარი წინანდლის ხუთვარსკვლავიან სასტუმრო Radisson Collection–ში ლოკალიზებულია, დაშავებულები არ არიან, ნათქვამია საქართველოს შსს–ს საგანგებო სიტუაციების სამსახურის განცხადებაში.

ხანძარი სასტუმროში შუაღამისას გაჩნდა. წინასწარი ინფორმაციით, ცეცხლი შენობის მეოთხე სართულზე, საუნის ტერიტორიაზე გაჩნდა. სასტუმროს ყველა დამსვენებელი და პერსონალი ევაკუირებული იყო.

ხანძრის ჩაქრობაში მონაწილეობდა ტექნიკის ექვსი ერთეული და სამსახურის 25 თანამშრომელი.

ცეცხლის ლოკალიზება მეხანძრეებმა მალე შეძლეს. ამჟამად მიმდინარეობს ხანძრის სრული ლიკვიდაციის სამუშაოები.

0
თემები:
შემთხვევები საქართველოში