სათვალე წიგნზე

უპასუხე სამ კითხვას: ყველაზე მოკლე IQ-ტესტი

22742
(განახლებულია 12:39 25.07.2019)
ინტერნეტში პოპულარობას იხვეჭს ტესტი, რომელიც ადამიანის ინტელექტუალურ დონეს განსაზღვრავს.

ყველაზე მოკლე IQ-ტესტმა, რომელიც ადამიანის კოგნიტურ შესაძლებლობებს ამოწმებს, ქსელის მომხმარებელთა დიდი ინტერესი გამოიწვია, წერს ბრიტანული გამოცემა Mirror.

ტესტი მასაჩუსეტსის ტექნოლოგიური ინსტიტუტის (MIT) პროფესორმა შეინ ფრედერიკმა 2005 წელს გამოიგონა, თუმცა ის ინტერნეტში ახლახან გამოჩნდა.

ტესტში სამი კითხვაა:

  1. ჩოგბურთის ჩოგანი და ჩოგბურთის ბურთი ერთად 1,10 დოლარი ღირს. ჩოგანი ბურთზე ერთი დოლარით ძვირი ღირს. რა ღირს ბურთი?
  2. საფეიქრო ფაბრიკის ხუთი მანქანა ხუთ წუთში ხუთ ნივთს ამზადებს. რამდენ წუთში დაამზადებს 100 მანქანა 100 ნივთს?
  3. ტბაზე დუმფარები იზრდება. ყოველდღიურად მათი რაოდენობა ორჯერ იზრდება. ცნობილია, რომ დუმფარები ტბის ზედაპირს სრულად 48 დღეში დაფარავს. რამდენი დღე დასჭირდება დუმფარებს, რომ ტბის ნახევარი დაფაროს?

პროფესორი აღნიშნავს, რომ ტესტი მხოლოდ ერთი შეხედვით ჩანს ადვილი. მისი გაგება ადვილია ახსნის შემთხვევაში, მაგრამ სწორი გადაწყვეტილებისთვის მთავარია უარი თქვათ პირველივე პასუხზე, რომელიც თავში მოგივათ.

ყველაზე გავრცელებული პასუხები ამ ტესტზე არის 10 ცენტი, 100 წუთი და 24 დღე, მაგრამ ეს პასუხები არასწორია. სწორ პასუხებს გაეცანით ქვემოთ, ტესტის გავლისას.

მეცნიერმა ასევე ჩაატარა ექსპერიმენტი სხვადასხვა სფეროში და სხვადასხვა განათლების დონის მქონე 3 ათას ადამიანზე. შედეგად, სწორი პასუხი მხოლოდ მონაწილეთა 17%-მა გასცა.

სწორი პასუხის გასაგებათ დააწკაპეთ სურათზე

22742
თემები:
ტესტები (218)

როდესაც ზღვა ხმელეთი იყო: ავსტრალიაში ზღვის ფსკერზე უძველესი ადამიანის კვალი აღმოაჩინეს

83
დასავლეთ ავსტრალიაში წყლით დაფარული რამდენიმე არქეოლოგიურ ობიექტი აღმოაჩინეს. იხილეთ Sputnik-საქართველოს ფოტოლენტაში მოპოვებული არტეფაქტების სურათები

ზღვის დონის აწევამ ავსტრალიის კონტინენტურ შელფზე 2,12 მილიონი კვადრატული კილომეტრი ხმელეთი დაფარა. თუმცა მანამდე ამ მიწებზე უძველესი ადამიანები ცხოვრობდნენ, იუწყება გამოცემა Science Alert.

ოთხი წლის განმავლობაში ავსტრალიელი არქეოლოგების ჯგუფი ტერიტორიის წყლით დაფარვას იკვლევდა. მათ შეისწავლეს ხმელეთზე განთავსებული სანავიგაციო რუკები, გეოლოგიური რუკები და არქეოლოგიური ძეგლები, რათა განესაზღვრათ პერსპექტიული მონაკვეთები, შემდეგ ლაზერული სკანერებისა და ჰიდროლოკატორების საშუალებით შეისწავლეს ზღვის ფსკერი.

ამ ყველაფრის შედეგად დამპირის არქიპელაგზე ორი წყალქვეშა ობიექტის აღმოჩენა მოხერხდა. პირველი ბრიუგერის კონცხზეა განთავსებული, 2,4 მეტრის სირღმეზე. მეცნიერებმა აქ ასობით არტეფაქტი შენიშნეს, მათ შორის აბორიგენების სალესი ქვები. მეორე მონაკვეთზე ოდესღაც მტკნარი წყლის წყარო იყო. ახლა მისი ნარჩენები 14 მეტრის სიღრმეშია ჩაფლული. გარშემო შემორჩენილია ადამიანის საქმიანობის კვალი, კერძოდ, ქვის საჭრელი ინსტრუმენტები.

83
  • © REUTERS / Deep History of Sea Country Project & Flinders University, Maritime Archaeology Program

    ავსტრალიაში ფლინდერსის უნივერსიტეტისა ჯეიმს კუკის უნივერსიტეტების მკვლევარებმა ათობით ათასი წლის წინანდელი წყალქვეშა არტეფაქტები აღმოაჩინეს, როდესაც ზღვის ადგილზე ჯერ კიდევ ხმელეთი იყო

  • კონტინენტურ შელფზე მდებარე აბორიგენული არტეფაქტები ავსტრალიის ჩრდილო–დასავლეთში მდებარე უძველესი კულტურული ლანდშაფტების შესახებ მეტყველებს

  • © REUTERS / Deep History of Sea Country Project & Flinders University, Maritime Archaeology Program

    ავსტრალიელმა არქეოლოგები ჩაძირებულ ტერიტორიებს ოთხი წლის განმავლობაში იკვლევდნენ

  • © REUTERS / Deep History of Sea Country Project & Flinders University, Maritime Archaeology Program

    რის შედეგადაც დამპირის არქიპელაგზე ორი წყალქვეშა ობიექტი აღმოაჩინეს

  • პირველი ობიექტი განთავსებულია ბრიუგერის კონცხზე 2,4 მეტრის სირღმეზე. მეცნიერებმა აქ ასობით არტეფაქტი იპოვეს, მათ შორის აბორიგენების სალესი ქვები

  • © REUTERS / Deep History of Sea Country Project & Flinders University, Maritime Archaeology Program

    მეორე ობიექტზე ოდესღაც მტკნარი წყლის წყარო მდებარეობდა. ახლა მისი ნარჩენები ზღვაში 14 მეტრის სირღმეზეა

  • © REUTERS / Deep History of Sea Country Project & Flinders University, Maritime Archaeology Program

    მეცნიერებმა აღნიშნეს, რომ არქეოლოგიური ძეგლები ზღვის ფსკერზე ათასობით წელია ხელუხლებელია

  • © REUTERS / Deep History of Sea Country Project & Flinders University, Maritime Archaeology Program

    ამასთან, ისინი განადგურების რისკის ქვეშ არიან ეროზიისა და იქვე არსებული ნავთობისა და გაზის დანადგარების, ნარჩენების გადაყრისა და თევზაობის გამო

ჯანმოს ემბლემა

ჯანმომ COVID-19-ის სამკურნალო ერთადერთი საიმედო პრეპარატი დაასახელა

121
(განახლებულია 11:23 04.07.2020)
COVID-19-ით დაავადებულ პაციენტებს ესაჭიროებათ პრეპარატის ხუთდღიანი კურსი - ექვსი ამპულის გამოყენებით. კურსის საერთო ღირებულება 2340 დოლარს შეადგენს.

თბილისი, 4 ივლისი — Sputnik. ანტივირუსულ პრეპარატებს შორის COVID-19-ის წინააღმდეგ საიმედო შედეგები ტესტირებაზე მხოლოდ „რემდესივირმა“ აჩვენა, განაცხადა ჯანმოს მთავარმა მეცნიერ-თანამშრომელმა სუმია სვამინატანმა.

გაეროს ჟენევის განყოფილებასთან არსებული უცხოელი კორესპონდენტების ასოცოაციის ბრიფინგზე სიტყვით გამოსვლისას, მან დააზუსტა, რომ „რემდესივირმა“ ჰოსპიტალიზაციის შემთხვევების, მაგრამ არა სიკვდილიანობის შემცირების კუთხით იმოქმედა.

ეს პრეპარატი აშშ-ში 1 მაისს COVID-19-ის სამკურნალოდ საგანგებოდ დაამტკიცეს.

ადრე ის შექმნეს ებოლას ცხელების წინააღმდეგ, მაგრამ მაშინ მისი ეფექტურობა ვერ დადასტურდა.

მოგვიანებით, „რემდესივირი“ სასარგებლო აღმოჩნდა SARS და MERS ინფექციების მკურნალობისას..

COVID-19-ის მქონე პაციენტებს ესაჭიროებათ ხუთდღიანი კურსი - ექვსი ამპულის გამოყენებით. კურსის საერთო ღირებულება 2340 დოლარს შეადგენს.

ჯანმოს მონაცემებით, პანდემიის პერიოდში COVID-19-ით ინფიცირების 10 710 005 შემთხვევა გამოვლინდა, გარდაიცვალა 517 877 ადამიანი.

ყველაზე მეტი შემთხვევა დაფიქსირდა ჩრდილოეთ და სამხრეთ ამერიკაში - 5 445 710 და ევროპაში — 2 737 689.

121
თემები:
COVID-19-ის პანდემია მსოფლიოში
მოსამართლის ჩაქუჩი

სასტიკი მკვლელობა პოლიციელების მონაწილეობით: სასამართლომ განაჩენი გამოიტანა

0
სასამართლომ ექვსიდან ხუთი ბრალდებული დამნაშავედ ცნო და სხვადასხვა ვადით პატიმრობა შეუფარდა. მეექვსე ბრალდებულის გამამართლებელ განაჩენს ბრალდების მხარე გაასაჩივრებს

თბილისი, 4 ივლისი — Sputnik. რუსთავის საქალაქო სასამართლომ დაასრულა საქმის განხილვა, რომელიც ეხება 35 წლის დავით მუმლაძის სასტიკ მკვლელობას და ექვსიდან ხუთ ბრალდებულს გამამტყუნებელი განაჩენი გამოუტანა, ნათქვამია გენერალური პროკურატურის განცხადებაში.

როდის მიიღებს საქართველო პოლიტიკურ გადაწყვეტილებას ხანგოშვილის მკვლელობის საქმეზე >>

დავით მუმლაძის ცხედარი მტკვარმა რუსთავში 2019 წლის 5 ოქტომბერს გამორიყა. გამოძიებამ დაადგინა, რომ ის 1 ოქტომბერს მოკლეს და მისი ცხედარი წყალში ხუთი დღე იყო.

ხუთმა ბრალდებულს 9-დან 20 წლამდე ვადით პატიმრობა მიესაჯათ. ყველაზე მკაცრი ზომა - 30 წელი ციხეში - შეეხო ზურაბ ჯღარკავას, ხოლო გიორგი ასათიანი სასამართლომ გაამართლა. პროკურატურა აპირებს გაასაჩივროს გამამართლებელი განაჩენი სააპელაციო სასამართლოში.

გამოძიების მონაცემებით, ერთ-ერთმა ბრალდებულმა მოტყუებით გამოიყვანა მუმლაძე საცხოვრებელი ბინიდან და ავტომანქანით მიიყვანა გლდანში, სადაც მათ დახვდათ პოლიციის ფორმაში გამოწყობილი სამი მამაკაცი - შსს-ს მოქმედი ორი თანამშრომელი და ერთი ყოფილი. პოლიციის ფორმიანებმა ჩაისვეს მუმლაძე თავის მანქანაში და იძულებით წაიყვანეს რუსთავში.

იქ მუმლაძე გადასცეს პირებს, რომლებმაც მისი მკვლელობა შურისძიების მიზნით ძველი კონფლიქტის გამო დაგეგმეს - წარსულში ნასამართლევ გიორგი ასათიანსა და ზურაბ ჯღარკავას. მათ მუმლაძე მტკვრის ნაპირზე წაიყვანეს, სადაც ცივი იარაღით 30 ჭრილობა მიაყენეს, შემდეგ კი ცხედარი მდინარეში ჩააგდეს.

0
თემები:
კრიმინალი საქართველოში