თბილისი, 17 ივნისი — Sputnik. ავღენეთში ნანგარჰარის პროვინციაში შაბათს თვითმკვლელმა ტერორისტმა აფეთქება მოაწყო — დაღუპულთა რიცხვი 35-ს აღწევს, დაჭრილია 65 ადამიანი, იუწყება РИА Новости ავღანეთის სააგენტო Pajhwok Afghan News-ზე დაყრდნობით.
მანამდე ვრცელდებოდა ინფორმაცია, რომ რამადანის დასრულების აღსანიშნავად გამართულ დღესასწაულზე აფეთქებისას დაიღუპა 26 ადამიანი, 50-ზე მეტი დაიჭრა. მომხდარზე პასუხისმგებლობა ტერორისტულმა დაჯგუფება „ისლამურმა სახელმწიფომ“ საკუთარ თავზე აიღო.
ავღანეთის პრეზიდენტმა აშრაფ განიმ მუსლიმებისთვის წმინდა თვის რამადანის და ურაზა-ბაირამის დღესასწაულის დასრულებასთან დაკავშირებით 11-19 ივნისის პერიოდში თალიბებთან დროებითი ცალმხრივი ზავის შესახებ განაცხადა. ავღანეთის მთავრობის შემდეგ „თალიბანის“ მოძრაობამაც სამი დღით ცეცხლის შეწყვეტის შესახებ განაცხადა.
შაბათს, 16 ივნისს, ავღანეთის პრეზიდენტმა ცალმხრივად განაცხადა ზავის გაგრძელების შესახებ, თუმცა ვადები არ დაუზუსტებია.
გაერო, ევროკავშირი და ნატო მიესალმა ავღანეთის ხელისუფლების წინადადებას ზავის გაგრძელების და მშვიდობიანი მოლაპარაკებების დაწყების თაობაზე.
