თბილისი, 27 მაისი — Sputnik. ამერიკის შეერთებული შტატების საზღვაო ძალების აკადემიის წარმატებით დამთავრება ქართველ ბიჭს აშშ-ის პრეზიდენტმა, დონალდ ტრამპმა მიულოცა, ნათქვამია აშშ-ში საქართველოს საელჩოს მიერ გავრცელებულ განცხადებაში.
წელს ამერიკის შეერთებული შტატების საზღვაო ძალების აკადემიის კურსდამთავრებულებში ქართველი ბიჭიცაა. პაატა გუჯეჯიანს ქალაქ ანაპოლისში, პრესტიჟული აკადემიის წარმატებით დამთავრება აშშ-ის პრეზიდენტმა მიულოცა.
ქართველი ახალგაზრდები აშშ-ის სამხედრო სასწავლებლებში წარმატებით სწავლობენ. შარშან მაისში აშშ-ის პრეზიდენტმა დონალდ ტრამპმა გადასცა დიპლომი ქართველ კადეტ ელდარ საგანელიძეს, რომელმაც აშშ-ის სანაპირო დაცვის აკადემიის 200-კვირიანი კურსი წარმატებით დაასრულა.