თბილისი, 24 მაისი — Sputnik. ახალი ზელანდიის ტრანსპორტის მინისტრი ფილ ტუაიფორდი თანამდებობიდან გადადგა მას შემდეგ, რაც თვითმფრინავის ბორტზე დარეკა, რაც ავიაციის წესის დარღვევას წარმოადგენს, იუწყება საინფორმაციო სააგენტო РИА Новости გამოცემა New Zealand Herald-ზე დაყრდნობით.
როგორც გამოცემა წერს, ტუაიფორდმა მაშინ დარეკა, როდესაც თვითმფრინავი ასაფრენად მოემზადა, ამით მინისტრმა სამოქალაქო ავიციის წესი დაარღვია.
„ეს არავის შეშვენის, მით უმეტეს ტრანსპორტის მინისტრს. გულწრფელად ვიხდი ბოდიშს", — განაცხადა ტუაიფორდმა და დასძინა, რომ ინციდენტთან დაკავშირებით თანამდებობიდან გადადგომის შესახებ განცხადება დაწერა.
ქვეყნის პრემიერ-მინისტრმა ჯასინდა არდერნმა მისი თხოვნა არ დააკმაყოფილა, მაგრამ სამოქალაქო ავიაციის საკითხები ტუაიფორდის მოადგილეს, ჯული ენ ჯენტერს გადააბარა.