თბილისი, 8 თებერვალი — Sputnik. ლუდის ერთ-ერთი ძირითადი ინგრედიენტის, სვიის შემადგენელი ქსანტოჰუმოლი შესაძლოა სასარგებლო გამოდგეს ჭარბწონიანობის, ჰიპერტონიისა და დიაბეტის სამკურნალოდ. ასეთ დასკვნამდე მივიდნენ ამერიკელი მეცნიერები ორეგონის უნივერსიტეტიდან, რომელთა ნაშრომიც ჟურნალმა Scientific Reports-მა გამოაქვეყნა.
Non-estrogenic Xanthohumol Derivatives Mitigate Insulin Resistance and Cognitive Impairment in High-Fat Diet-induced Obese Micehttps://t.co/ipzZzkaJcV
— マーキュリー２世 (@uranus_2) January 13, 2018
კვლევა თაგვებზე ჩატარდა, რომლებსაც მაღალცხიმოვანი საკვებით კვებავდნენ, რათა ადამიანის „დასავლური დიეტის“ იმიტაცია შეექმნათ. აღსანიშნავია, რომ ამგვარი დიეტის ბოროტად გამოყენება მთელ რიგ პრობლემებს უქმნის ჯანმრთელობას, მათ შორის, იწვევს ჭარბწონიანობასა და ჰიპერტონიას.
როგორც გაირკვა, მღრღნელებს, რომლებსაც ქსანტოჰუმოლის ჰიდროგენიზირებულ წარმოებულს აძლევდნენ, ინსულინის მიმართ რეზისტენტობის დაბალი დონე უფიქსირდებოდათ. ამას გარდა, უქვეითდებოდათ ლეპტინის — შიმშილის ჰორმონის მიმართ მგრძნობელობა.
როგორც მეცნიერები აღნიშნავენ, ამ ყველაფერს შედეგად ის მოჰყვა, რომ ცდის მონაწილე თაგვები მალე გრძნობდნენ სიმაძღრეს და ნაკლებს ჭამდნენ, ანუ მცირე რაოდენობის ცხიმიან საკვებს იღებდნენ.
