თბილისი, 15 იანვარი — Sputnik. დიდი ბრიტანეთის მკვიდრი ქალბატონი ამანდა ტიგი კარიბის ზღვის მეკობრის აჩრდილს გაჰყვა ცოლად, იუწყება საინფორმაციო სააგენტო РИА Новости გაზეთ The Daily Mirror-ზე დაყრდნობით.
გავრცელებული ინფორმაციით, 45 წლის ამანდა ვინმე ჯეკი (გვარი უცნობია) გახდა, რომელიც რამდენიმე ასწლეულის წინ გარდაიცვალა. ქალის აზრით, მისი რჩეული ფილმ „კარიბის ზღვის მეკობრეების“ მთავარი გმირის ჯეკ-ბეღურას პროტოტიპია.
Woman fed up with looking for perfect man marries ghost of 300-year-old pirate https://t.co/uOlqnSx47W pic.twitter.com/366JEGjese
— Daily Mirror (@DailyMirror) January 14, 2018
იმისათვის, რომ ამ უცნაურ კავშირს კანონიერი ძალა ჰქონოდა, ამანდა ტიგმა ხომალდი იქირავა და ნათესავ-ახლობლების თანდასწრებით საქორწინო ფიცი საერთაშორისო წყლებში წარმოთქვა.
მისი თქმით, ეს საუკეთესო ურთიერთობაა წყვილთა შორის, რაც კი შეიძლებოდა წარმოედგინა.
მსგავსი უცნაური ქორწინება დიდ ბრიტანეთში 2015 წელსაც შედგა, როდესაც სოფი ტენერმა საკუთარ თავზე იქორწინა.
